1997 පෙප්සි ක්‍රිකට් කුසලානය
| පෙප්සි කුසලානය 1997 | |
|---|---|
| කාලය | 1997 මැයි 9 – 1997 මැයි 27 |
| පරිපාලක(යෝ) | ජාත්‍යන්තර ක්‍රිකට් කවුන්සිලය |
| ක්‍රිකට් තරඟ ආකෘතිය | එක්දින ජාත්‍යන්තර |
| සත්කාරකත්වය |  ඉන්දියාව |
| ශූරයන් |  ශ්‍රී ලංකාව |
| අනුශූරයන් |  පකිස්තානය |
| සහභාගීත්වය | 4 |
| තරඟ | 8 |
| තරඟාවලියේ වීරයා | සනත් ජයසූරිය |
| වැඩිම ලකුණු | සනත් ජයසූරිය (306) |
| වැඩිම කඩුලු | සක්ලේන් මුෂ්තාක් (14) |
1997 පෙප්සි නිදහස් කුසලානය යනු ඉන්දියාවට නිදහස ලැබී වසර 50 ක් පිරීම නිමිත්තෙන් 1997 මැයි මාසයේදී පැවැත්වූ සිව්කොන් එක්දින ක්‍රිකට් තරඟාවලියකි.[1] නවසීලන්තය, පකිස්ථානය, ශ්‍රී ලංකාව සහ සත්කාරක ඉන්දියාවේ ජාතික ක්‍රිකට් කණ්ඩායම් එහි ඇතුළත් විය. මෙම තරගාවලිය ජයග්‍රහණය කළේ අවසාන තරග 3 කින් හොදම ප්‍රථිඵලය ලද, පාකිස්ථානය පරාජය කළ ශ්‍රී ලංකාව විසිනි. (මුල් තරග 2 ශ්‍රී ලංකාව ජයග්‍රහණය කල බැවින් 3 වන තරගය නොපැවැත්වුනි.)
ඉන්දියානු නිදහස් සැමරුම
[සංස්කරණය]මෙම තරඟාවලිය සංවිධානය කරන ලද්දේ ඉන්දියානු ක්‍රිකට් පාලක මණ්ඩලය (බීසීසීඅයි), පෙප්සිකෝ සමාගමේ අනුග්‍රහය යටතේය. 1997 දී යටත්විජිත පාලනයෙන් ඉන්දියාවට නිදහස ලබා වසර 50 ක් පිරීම නිමිත්තෙන් පැවති ජාතික උත්සව බොහෝමයක කොටසක් විය.[1] නිදහස් කුසලාන කුසලානයේ 1930-31 ලුණු සත්‍යග්‍රහයට සහභාගී වූ ඉන්දියානු නායක මහත්මා ගාන්ධි සහ ඔහුගේ අනුගාමිකයින්ගේ රන් අකුරින් ලියන ලද රුවක් ඇතුළත් විය. පසුව 1998 දී නිදහස ලබා වසර 50 ක් සපිරීම නිමිත්තෙන් නිදහස් කුසලාන තරගාවලියක් පැවැත්වූ ශ්‍රී ලංකාව තුළ මෙම තරඟ සංකල්පය අනුකරණය කරන ලදී. දුර්දර්ෂාන් හි විකාශය වූ ඉන්දියානු ක්‍රිකට් ඉතිහාසය පිළිබඳ රූපවාහිනී වාර්තා චිත්‍රපටයක් සමඟ ඉන්දියාවේ එවකට 86 හැවිරිදි ලාලා අමර්නාත්ගේ සිට ඉන්දියාවේ ටෙස්ට් ක්‍රිකට් නායකයින්ට ගෞරව සම්මාන පිරිනමන ලදී. වත්මන් නායක, 24 හැවිරිදි සචින් තෙන්ඩුල්කාර්[2] ඇතුළු සියලුම නායකයන් ජීප් රථයකින් ඊඩ්න් උද්‍යානය වටා වටයක් ගමන් ගත් අතර 75,000 ක් වූ රැස්ව සිටි පිරිසගේ නොමද පිළිගැනීමක් ලැබූහ.[2] සෑම අයෙකුටම රිදී සැමරුමක් ලැබුණු අතර විජය හසාරේට, සීකේ නායාඩු කුසලානය හිමි විය.[2] මේ අවස්තාවට පොලි උම්රිගර්, දත්තා ගයික්වාඩ්, පංකජ් රෝයි, ගුලාබ්‍රායි රාම්චන්ද්, නාරි කොන්ත්‍රාත්කරු, චන්දු බෝර්ඩ්, අජිත් වඩේකර්, බිෂේන් සිං බෙඩි, ශ්‍රීනිවාසරාඝවන් වෙන්කටරාඝවන්, සුනිල් ගවස්කාර්, කපිල් දේව්, රවි ශාස්ත්‍රි, ක්‍රිෂ්ණමාචාරි ශ්‍රීකාන්ත් සහ මොහොමඩ් අසරුදීන් යන අයද සහභාගී වූහ. [2]
සංචිත
[සංස්කරණය]| ඉන්දියාව
|
 නවසීලන්තය
|
පකිස්තානය
|
ශ්‍රී ලංකාව
|
|---|---|---|---|
|
|
|
|
තරඟාවලියේ ඉන්දීය කණ්ඩායමේ පුහුණුකරු සහ කළමනාකරු වූයේ මදන් ලාල් ය . සැලකිය යුතු වෙනස්කමක් වූයේ හිටපු නායක මොහොමඩ් අසරුදීන් ඉවත් කිරීමයි.[1][3] උරහිසේ ආබාධයක් හේතුවෙන් ප්‍රමුඛ වේග පන්දු යවන ක්‍රීඩක ජවගල් ශ්‍රීනාත් තරගාවලියේ පළමු භාගයෙන් ඉවත් විය. [3] එංගලන්තයේ ප්‍රාන්ත ක්‍රිකට් ක්‍රීඩා කරමින් සිටි පාකිස්තාන ක්‍රිකට් කණ්ඩායමට නිත්‍ය වේග පන්දු යවන්නන් වන වසීම් අක්‍රම්, වකාර් යූනිස් සහ දඟ පන්දු යවන මුෂ්තාක් අහමඩ් ට තරගාවලිය මඟ හැරුණි. [3] අර්ජුන රණතුංගගේ නායකත්වයෙන් 1996 ලෝක කුසලානය දිනූ කණ්ඩායමේ ශ්‍රී ලංකා කණ්ඩායමේ සුළු වෙනස්කම් තිබුණි.
ලකුණු වගුව
[සංස්කරණය]| කණ්ඩායම | තරග් | ජය | පරාජ | සම | වි.නැ | ශු.ල.වේ | ප්‍රසාද |
|---|---|---|---|---|---|---|---|
| ශ්‍රී ලංකාව
|
3 | 2 | 1 | 0 | 0 | +0.478 | 4 |
| පකිස්තානය
|
3 | 2 | 1 | 0 | 0 | −0.287 | 4 |
| ඉන්දියාව
|
3 | 1 | 2 | 0 | 0 | 0.331 | 2 |
| නවසීලන්තය
|
3 | 1 | 2 | 0 | 0 | −0.452 | 2 |
මූලාශ්‍රය: ඊඑස්පීඑන් ක්‍රික්ඉන්ෆෝ [4]
තරග
[සංස්කරණය]රවුම් රොබින් ආකෘතිය භාවිතා කරමින් සෑම කණ්ඩායමක්ම අනෙක් කණ්ඩායම් සමඟ එක් වරක් ක්‍රීඩා කළහ. නවසීලන්තය තරඟාවලියේ ආරම්භක තරඟයේදී පාකිස්තානය පරාජය කළ නමුත් අනෙක් තරඟ සියල්ල පරාජයට පත් විය. එලෙසම ඉන්දියාව නවසීලන්තය සමඟ පැවති ආරම්භක තරඟයෙන් ජයග්‍රහණය කළ නමුත් ශ්‍රී ලංකාව සහ පකිස්ථානයට පරාජය වීය. නවසීලන්තයට පරාජය වීමෙන් පසු පාකිස්තානය, ශ්‍රී ලංකාවට සහ ඉන්දියාවට එරෙහිව ලැබූ ජයග්‍රහණයන්ගෙන් අවසන් මහා තරඟයට සුදුසුකම් ලැබීමට හැකි විය. පාකිස්තානය සමඟ පැවති තරඟයේදී ශ්‍රී ලංකාව ඉහළ පරාජයක් ලැබූ නමුත් නවසීලන්තය සහ ඉන්දියාව පරාජය කරමින් අවසන් මහා තරඟයට සුදුසුකම් ලැබීය.
එ
|
||
- කාසියේ වාසිය දිනා ගත් පකිස්ථානය පන්දු රැකීමට තීරණය කළේය.
මොහොමඩ් හුසේන් ඔහුගේ මංගල එක්දින දිවිය ක්‍රීඩා කළේය.
එ
|
||
- කාසියේ වාසිය දිනා ගත් පකිස්ථානය පන්දුවට පහර දීමට තීරණය කළේය.
එ
|
||
- කාසියේ වාසිය දිනූ නවසීලන්තය පන්දුවට පහර දීමට තීරණය කළේය.
එ
|
||
- කාසියේ වාසිය දිනා ගත් ඉන්දියාව පන්දුවට පහර දීමට තීරණය කළේය.
සනත් ජයසූරිය ගේ ලකුණු 151* ශ්‍රී ලංකා ක්‍රීඩකයෙක් එක්දින ඉනිමකදී ලබාගත් ඉහළම පෞද්ගලික ලකුණු සංඛ්‍යාව වන අතර ඔහු විසින්ම 2000 දී 189 රැස් කරන තුරු වාර්තාවක්ව පැවතුනි.[5] මෙම ඉනිමෙන් පසු එක්දින තරග වලදී ශ්‍රී ලංකා ක්‍රීඩකයෙකු වාර්තා කළ හොඳම පිතිකරණය සහ පන්දු යැවීමේ වාර්තාව ඔහු සතු විය.
එ
|
||
- කාසියේ වාසිය දිනූ ශ්‍රී ලංකාව පන්දුවට පහර දීමට තීරණය කළේය.
ක්‍රේග් මැක්මිලන් සහ ෂේන් ඕකොනර් ඔවුන්ගේ මංගල එක්දින තරඟය ආරම්භ කළහ.
එ
|
||
- කාසියේ වාසිය දිනා ගත් පකිස්ථානය පන්දුවට පහර දීමට තීරණය කළේය.
- මෙම තරගයේදී සයීඩ් අන්වර් ලබාගත් ලකුණු 194, 2009 දී
චාල්ස් කොවෙන්ට්‍රි සම කිරීමට පෙර එක්දින ඉනිමක වැඩිම පෞද්ගලික ලකුණු සංඛ්‍යාව විය. පසුව එය බිඳ දැමුවේ 2010 දී 200* ක් ලබා ගත් 
සචින් තෙන්ඩුල්කාර් විසිනි.[6]
අවසන් තරඟ
[සංස්කරණය]පාකිස්තානය සහ ශ්‍රී ලංකාව තරග තුනෙන් සමන්විත අවසන් තරගාවලිය සඳහා සුදුසුකම් ලැබීය. පළමු අවසන් තරගය චන්දිගාර් හිදී පැවැත්වූ අතර දෙවන අවසන් තරගය (සහ අවශ්‍ය නම් තුන්වන තරගය) කල්කටා (දැන් කොල්කටා) හි ඊඩ්න් උද්‍යානයේදී පැවැත්විණි. කෙසේ වෙතත්, තුන්වන අවසන් මහා තරගය පැවැත්වීමට අවශ්‍යතාවයක් නොමැතිව තරඟාවලිය ජයග්‍රහණය කරමින් ශ්‍රී ලංකාව පළමු හා දෙවන අවසන් තරඟ දෙකම ජයග්‍රහණය කළේය.
එ
|
||
- කාසියේ වාසිය දිනූ ශ්‍රී ලංකාව පන්දුවට පහර දීමට තීරණය කළේය.
- සනත් ජයසූරිය සහ මාවන් අතපත්තු එක්දින තරඟ වලදී ශ්‍රී ලංකාව සඳහා පළමු කඩුල්ල සඳහා වූ ඉහළම සබඳතාව (148) පිළිබඳ වාර්තාවක් පිහිටුවූහ.[7]
එ
|
||
- කාසියේ වාසිය දිනූ ශ්‍රී ලංකාව පන්දුවට පහර දීමට තීරණය කළේය.
- ඉන්දියාව සහභාගී නොවන එක්දින තරඟයක් සඳහා මෙම ක්‍රීඩාංගණයේ පැවති විශාලතම ජනකාය 85,000 ක් බව ගණන් බලා ඇත.[8]
වාර්තා සහ සම්මාන
[සංස්කරණය]තරගාවලියේ ක්‍රීඩකයාට හිමි සම්මානය ශ්‍රී ලංකා තුන් ඉරියව් ක්‍රීඩක සනත් ජයසූරිය විසින් දිනා ගන්නා ලද අතර එම තරගාවලියේ වැඩිම ලකුණු 306 ක් වාර්තා කළ අතර එක් ශතකයක් සහ අර්ධ ශතක 2 ක් සමඟින් කඩුලු 5 ක් දවා ගැනීමට සමත් විය. පාකිස්තානයේ සක්ලේන් මුෂ්තාක් තරගාවලියේ වැඩිම කඩුලුලාභියා විය. ඒ කඩුළු 14 ක් දවාගනිමිනි.[9] පකිස්ථානු පිතිකරු සහීඩ් අන්වර් ඉන්දියාවට එරෙහිව චෙන්නායි හිදී ලබාගත් ලකුණු 194 ඉනිම එක්දින ක්‍රිකට් පිටියේ එක් පිතිකරුවෙකු විසින් ලබා ගත් වැඩිම ලකුණු සංඛ්‍යාව ලෙස වාර්තා අතරට එක් විය.[1] මෙම වාර්තාව 2010 වසර වන තෙක් පැවති අතර, දකුණු අප්‍රිකාවට එරෙහිව ග්වාලියර්හිදී එක්දින තරග ඉතිහාසයේ නොදැවී ලකුණු 200 ක් රැස් කළ ප්‍රථම පිතිකරුවා බවට ඉන්දියාවේ සචින් තෙන්ඩුල්කාර් පත්විය.
යොමුව
[සංස්කරණය]- ^ a b c d "Pepsi Independence Cup, 1996–97". Cricinfo. සම්ප්‍රවේශය 22 April 2011.
- ^ a b c d "Indian captains honoured". The Indian Express. 28 May 1997.
- ^ a b c "Azharuddin dropped from team for Independence Cup". The Indian Express. 7 May 1997. සම්ප්‍රවේශය 22 April 2011.
- ^ 1997 Pepsi Independence Cup / Points Table
- ^ "Sanath Jayasuriya trounces India with 151 off 120 deliveries". cricketcountry.com. සම්ප්‍රවේශය 5 August 2017.
- ^ "Sachin Tendulkar's 200 breaks ODI world record as India crush South Africa". The Telegraph. සම්ප්‍රවේශය 5 August 2017.
- ^ "Pepsi Independence Cup, first final match, Pakistan v Sri Lanka". Wisden. ESPNcricinfo. සම්ප්‍රවේශය 5 August 2017.
- ^ "Pepsi Independence Cup, second final match, Pakistan v Sri Lanka". ESPN Cricinfo. සම්ප්‍රවේශය 5 August 2017.
- ^ "Cricket Records – Most Wickets". Cricinfo.com. 28 September 2013 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 22 April 2011.