ජෝසුන්හි මුන්ජොං රජ

විකිපීඩියා වෙතින්
යි හ්යාං
ජොසොන්හි රජ
රාජ්‍ය සමයමැයි 18, 1450 – මැයි 14, 1452
පූර්වප්‍රාප්තිකයාජොසොන්හි සේජොං
අනුප්‍රාප්තිකයාජොසොන්හි දන්ජොං
උපත1414 නොවැම්බර් 15
මරණය1452 ජූනි 1 (37 වියැති)
ග්යොංබොක්ගුං, හන්සොං
බිසවහ්යොන්දොක් අගබිසව
දරුවන්ජොසොන්හි දන්ජොං
මරණාපර නාමය
කොරියාවේ මහා මුන්ජොං ගොංසුන් හ්‍යුම්ම්යුං ඉන්සුක් ග්වංමුන් සොංහ්යෝ රජ
문종공순흠명인숙광문성효대왕
文宗恭順欽明仁肅光文聖孝大王
විහාර නාමය
මුන්ජොං
වංශයජොන්ජු යි
පියා‍ජොසොන්හි සේජොං
මවසෝහොන් අගබිසව
ජෝසුන්හි මුන්ජොං රජ
හංගුල්문종
හන්ජා文宗
ප්‍රතිශෝධිත රෝමානුකරණයමුන්ජොං
මැකූන්–‍රයිෂවර්මුන්ජොං
උපන් නාමය
හංගුල්이향
හන්ජා李珦
ප්‍රතිශෝධිත රෝමානුකරණයඉ හ්යැං
මැකූන්–‍රයිෂවර්ඉ හ්යැං
මෙමලිපියෙහි කොරියානු පෙළ අඩංගුය. යෝග්‍ය අනුවාද පහසුකම් නොමැත්තේ නම්, ඔබ හට, හංගුල් සහ හංජා වෙනුවට ප්‍රශ්නාර්ථ ලකුණු, කොටු, හෝ අනෙකුත් සංකේත දිස්විය හැකිය.

මුන්ජොං රජු (1414–1452) ජොසොන් රාජවංශයේ පස්වන පාලකයා වන අතර, ඔහු විසින් 1450 සිට 1452 දක්වා කොරියාව පාලනය කොට ඇත. ඔහු සේජොං රජුගේ වැඩිමහල් පුත්‍රයා වූ අතර, 1450දී ඔහු සිහසුනට පත් විය. නමුත් ඉන් වසර දෙකකට පදු රෝගී තත්ත්වයක් හේතුවෙන් ඔහු මියගියේ ය. ඔහුගෙන් පසු ඔහුගේ පුත් ජොසොන්හි දන්ජොං සිහසුනට පත් විය.

මුන්ජොං රජුගේ බෙහෝ කාර්යසාධනයන් ඔහු කුමරකුව සිටි අවධියේ සිදු වූ ඒවා විය. ජල ආමානය නිපදවීමේ ප්‍රධාන ගෞරවය ජං යොං-සිල්ට හිමි වුවද, ජොසොන් රාජවංශයේ වාර්ෂික වාර්තා පවසන්නේ කිරුළහිමි කුමරුන් විසින් පොළොවේ ජල මට්ටම් මිනුම් සොයාගත් බවයි. ඔහු අදවන විට වඩාත් ප්‍රකට හ්වාචාව වැඩිදියුණු කළ අතර, ඒ සඳහා ඔහුගේ බාල සොයුරු ඉම් යුං (යි ගු, 임영대군 이구) ද දායක වී ඇත. එසේම සේජොං රජුගේ අවසාන කාලයේ රජුගේ රෝගී තත්ත්වයන් නිසා රාජ්‍ය කටයුතු මෙහෙයවන්නට ඇතැයි සැලකේ.

මුන්ජොං ජොසොන් රාජවංශයේ වැඩිම නාලයක් කිරුළහිමි කුමරු තනතුර හෙබ වූ පුද්ගලයා ද වේ. ඔහු 1421 සිට 1450 දක්වා වසර 29ක් එම තනතුර හොබවා ඇත. 1442 සිට 1450දී සිහසුනට පත්වන තෙක් ඔහු සිය ලියා වූ සේජොං රජුට උපරාජයකු ලෙස සේවය කොට ඇත.

පවුල[සංස්කරණය]

  • පියා: සේජොං රජු (세종)
  • මව: චොංසොං ෂිම් වංශයේ සෝහොන් අගබිසව (소헌왕후 심씨, සැප්තැම්බර් 28, 1395 – මාර්තු 24, 1446)
  • බිසෝවරුන් සහ ඔවුන්ගේ දරුවන්:
  1. අන්දොං කිම් වංශයේ රාජකීය වංශවත් හ්වි බිසව (휘빈 김씨, 1410–1429)[1][2][3] - දරුවන් නැත.
  2. හා-ඉයුම් බොං වංශයේ රාජකීය වංශවත් සුන් බිසව (순빈 봉씨, 1414–1436)[4][5] - දරුවන් නැත.
  3. අන්දොං ක්වොන් වංශයේ හ්යොන්දොක් අගබිසව (현덕왕후 권씨, 1418–1441)[6][7][8]
    1. යි හොං-වි, රාජකීය අනුප්‍රාප්තික කුමරු (이홍위 왕세자), එකම පුත්‍රයායි[9]
    2. නම් නොලද දියණියක් (ළමා වියේදී මියගිය)[10]
    3. ග්යොංහ්යේ කුමරිය (경혜공주, 1436 – දෙසැම්බර් 30, 1473), 2වන දියණිය[11]
  4. නම්යං හොං වංශයේ රාජකීය වංශවත් සුක් බිසව (숙빈 홍씨)
    1. නම් නොලද දියණියක් (ළමා වියේ මියගිය)
  5. යැං සා-චික් (사칙 양씨)
    1. ග්යොංසුක් කුමරිය (경숙옹주, 1439–?)[12]
    2. නම් නොලද දියණියක් (ළමාවියේ මියගිය)
  6. නම්ප්යොං මුන් වංශයේ මූන් සුක්-උයි (숙의 문씨, 1426 – සැප්තැම්බර් 26, 1508) - දරුවන් නැත.[13][14]
  7. ක්වොන් සෝ-යොං (소용 권씨)
    1. දරුවන් නැත.
  8. ජොං සෝ-යොං (소용 정씨)
    1. නම් නොලද පුත්‍රයෙක් (ළමාවියේ මියගිය)
  9. යූන් සෝ-හුන් (소훈 윤씨)
    1. දරුවන් නැත.
  10. යූ ස්‍යුං-හ්වි (승휘 유씨)
    1. දරුවන් නැත.
  11. ජං පාලිකාව (상궁 장씨)
    1. නම් නොලද පුත්‍රයෙක් (ළමාවියේ මියගිය)

සේජොං රජු කොරියානු ඉතිහාසයේ ශ්‍රේෂ්ඨතම රජු ලෙස සැලකෙයි. නමුත් ඔහුට යහපත් ලේලිවරුන් සිටියේ නැත. පළමු ලේලිවරිය අහිමිවීමෙන් පසු ඔහු හා-ඉයුම් බොං වංශයේ රාජකීය වංශවත් සුන් බිසව (순빈 봉씨) පිළිබඳ විමසිලිමත් විය. පළමු ලේලිය වූ අන්දොං කිම් වංශයේ රාජකීය වංශවත් හ්වි බිසව‍ට මුන්ජොංගේ ප්‍රේමය දිනාගැනීමට අවශ්‍ය විය. ඇය මුන්ජොංගේ පෙම්වතියගේ පාවහන් දවා මද්‍යසාර සමග අළු පානය කළා ය. මේ පිළිබඳ දැනගත් සේජොං රජ ජොසොන් රාජවංශයේ කාන්තාවකට ලද හැකි දෙවන උසස්ම තනතුරින් ඇයව නෙරපා දැමී ය. අන්දොං කිම් වංශයේ රාජකීය වංශව්ත හ්වි බිසව තනතුරින් නෙරපීමත් සමග, හා-ඉයුම් බොං වංශයේ රාජකීය වංශවත් සුන් බිසව (순빈 봉씨) කිරුළහිමි කුමරුගේ දෙවන බිසව බවට පත්වූවා ය. කෙසේනමුත්, හුදකලා තැනැත්තියක වූ ඇය සෝ-සං (소쌍) නැමැති සේවිකාවකට පෙම් කළා ය. එසේම ඇය මත්පැන් කෙරෙහි අධික ප්‍රියතාවක් දැක්වූවා ය. එකල අධිකව මත්පැන් පානය කරන කතුන් නොහොබිනා යැයි සැලකිණි. රජු විසින් ඇය සමලිංගික තැනැත්තියක බව හෙළිකරගැනීමත් සමග ඇයව ද තනතුරෙන් පහකෙරිණි. අවසානයේ අන්දොං ක්වොන් වංශයේ අගබිසව මුන්ජොංගේ තෙවන බිරිඳ බවට පත්වූවා ය. ඇය මුන්ජොංගේ ආදරය ලද එකම තැනැත්තිය වූ අතර, ඇය ග්යොංහ්යේ කුමරිය සහ දන්ජොං කුමරුට උපත ලබාදුන්නා ය. මුන්ජොං මියගිය පසු දන්ජොං ඊළඟ රජු බවට පත් විය. ඇය ආරවලු ඇතිකරගත් තැනැත්තියක නොවූව ද, ඇය සිය පුතු බිහි කළ පසු මියගියා ය.[15]

ඔහුගේ සම්පූර්ණ මරණාපර නාමය[සංස්කරණය]

  • කොරියාවේ මහා මුන්ජොං ගොංසුන් හ්‍යුම්ම්යුං ඉන්සුක් ග්වංමුන් සොංහ්යෝ රජ
  • 문종공순흠명인숙광문성효대왕
  • 文宗恭順欽明仁肅光文聖孝大王

මූලාශ්‍ර[සංස්කරණය]

  1. 1429 ඇගේ මරණින් පසු විහාර නාමයක් ලෙස මෙය ලබා දෙන ලදී
  2. කිම් ඕ-මුන් (김오문), හෙවත් අන්ජොං මැතිතුමා (안정공), හෙවත් පන්දොන්-ර්යොං විනිසුරුගේ (판돈령부사) සහ යි ආර්යාවගේ (이씨 부인) දියණියයි. කිම් ගු-දොක්ගේ (김구덕) මිණිපිරියයි. රාජකීය වංශවත් මියොං බිසවගේ (명빈 김씨) එනම් කිම් ඕ-මුන්ගේ වැඩිමහල් සොයුරියගේ ලේලියයි.
  3. 1427දී රාජකීය අනුප්‍රාප්තික කුමරුට විවාහ කර දුන් ප්‍රථම බිසෝ කුමරියයි. 1429 අගෝස්තු 18 දින නිල වශයෙන් අත්හරින ලද ඇය පසුව සියදිවි හානිකර ගත්තා ය.
  4. බොං යෝගේ (봉여) දියණයයි. පසුව ඔහු විසින් සිය දියණියව මරාදැමුවේ ය.
  5. රාජකීය අනුප්‍රාප්තික කුමරුගේ දෙවන බිසෝ කුමරිය වූ ඇයව 1420 ඔක්තෝබර් 15දින සරණපාවා ගැනිණි. ඇගේ නින්දිත හැසිරීම, එනම් ඇගේ ගර්භනීභාවය පිළිබඳ මුසා පැවසීම, සහ 1435දී සමලිංගික කටයුත්තක (ඇගේ මාලිග සේවිකාවක් සමග නිදා සිටියදී) නියැළෙමින් සිටිනු සේජොං රජුට හසුවීමත් සමග, 1436 ඔක්තෝබර් 26 දින නිල වශයෙන් වෙන් කරන කරන ලදී.
  6. මුන්ජොංගේ පැරණි උපබිසෝවරුන් අතුරින් අයෙකි. ස්‍යුං-හ්වි නිලය දැරී ය. ඇගේ විවාහයෙන් පසු ඇය රාජකීය අනුප්‍රාප්තික කුමරුගේ (현덕빈) බිසෝ කුමරිය වශයෙන් හ්යොන්දොක් ආර්යාව යන නාමය ලැබුවා ය.
  7. 1457 ජූනි 21දින ඇගේ පුත්‍රයාව බලයෙන් පහකළ නොසන් කුමරු (노산군) ලෙස නිලයෙන් පහත හෙළීමත් සමග, ඇයව ද 1457 ජූනි 26දින, නැවත හ්යොන්දොක් ආර්යාව ලෙසට නිලයෙන් පහත හෙලන ලදී. 1513 මාර්තු 12 සහ අවසානයේ 1699 ජූලි 15දින මරණාපරව යළි තනතුරේ ප්‍රතිෂ්ඨාපනය කරන ලදී.
  8. ක්වොන් ජොන් (권전), හෙවත් අභ්‍යන්තර කුමරු හ්වාසන්ට (화산부원군) දාව චෝයි වංශයේ හේජු ආර්යාව, එනම් අභ්‍යන්තර කුමරුගේ බිසෝ කුමරියට (해주부부인 최씨) උපන් දියණියයි
  9. මුන්ජොං සෝජොංගේ "රාජකීය අනුප්‍රාප්තික කුමරු" (왕세자) වශයෙන් සිටින කාලයේ පළමුව "රාජකීය අනුප්‍රපාත්ක කුමරුගෙන් පැවතෙන්නා" (왕세손) යන නාමය ලබාදිණි. පසුව දන්ජොං සිය පියා රජු වූ විට කිරුළහිමි කුමරු තනතුරට පත් විය.
  10. වැඩිමහල්ම දරුවායි
  11. පසුව පත්කළ යුධ නිලධාරී යොංග්යැං (영양위) හෙවත් ජොං චුං-ග්යොංගේ (정충경) පුත්‍රයා වූ ජොං ජොං (정종, ?–1461) සමග විවාහ වූවා ය.
  12. පසුව (අප්‍රේල් 16, 1454) කං ජා-සුන් (강자순) නැමැති පත්කළ බන්සොං යුධ නිලධාරියා (반성위) සමග විවාහ විය. පසුව ඔහු සහ ලී ගිල්-සංගේ (이길상) දියණියගේ සම්බන්ධය හෙළි වූ පසු ඇය විසින් ඔහුව මරා දමන ලදී.
  13. මුන් මින්-ජිගේ (문민지) දියණියයි.
  14. 1442දී සරණපාවා ගැනිණි.
  15. (http://navercast.naver.com/contents.nhn?rid=77&contents_id=57444)
ජෝසුන්හි මුන්ජොං රජ
උපත: 15 නොවැම්බර් 1414 මරණය: 1 ජූනි 1452
රාජ පදවි නාමයන්
පූර්වප්‍රාප්තිකයා
මහා සේජොං
ජොසොන්හි රජ
මැයි 18, 1450 – මැයි 14, 1452
අනුප්‍රාප්තික
දන්ජොං
"https://si.wikipedia.org/w/index.php?title=ජෝසුන්හි_මුන්ජොං_රජ&oldid=384523" වෙතින් සම්ප්‍රවේශනය කෙරිණි