ළමා දිනය

විකිපීඩියා, නිදහස් විශ්වකෝෂය වෙතින්
Jump to navigation Jump to search
ළමා දිනය
Type ඓතිහාසික
Date ප්‍රාදේශීය වශයෙන් වෙනස් දිනයන්හිදී (විශ්ව ළමා දිනය නොවැම්බර් 20 දිනදී සැමරේ)
Related to පියවරුන්ගේ දිනය, මවුවරුන්ගේ දිනය, ජාත්‍යන්තර පුරුෂ දිනය, ජාත්‍යන්තර කාන්තා දිනය, දෙමව්පියන්ගේ දිනය

ගෝලීය ලෙසින් ළමයින්ට ගරු කරනු වස්, ලෝකයේ විවිධ ස්ථානයන්හී ළමා දිනය සැමරුම සඳහා විවිධ දිනයන් භාවිතා කෙරෙයි. මෙසේ දිනයක් වෙන් කළ යුතු යැයි මුලින්ම ප්‍රකාශයට පත් කෙරුණේ, 1925දී පැවැත්වුනු ළමුන්ගේ සුබ-සාධනය පිළිබඳ ලෝක සමුළුවෙහිදී වන අතර, 1954 දී තීරණය වුනේ විශ්ව වශයෙන් "සුදුසු" දිනයක් තෝරාගත යුතු බවයි. [1] ගෝලිය වශයෙන් විවිධ ප්‍රභේද්‍යයන් පවතින අතර, එයින් ප්‍රධාන තැනක් ගන්නේ, එක්සත් ජාතීන්ගේ නිර්දේශය මත, නොවැම්බර් 20 දින සැමරෙන විශ්ව ළමා දිනය වෙයි. [2]

විශ්ව ළමා දිනය[සංස්කරණය]

විශ්ව ළමා දිනය වාර්ෂිකව නොවැම්බර් 20 දිනදී පැවැත්වෙයි.[3] 1954දී එක්සත් ජාතීන්ගේ මහා මණ්ඩලය විසින් ප්‍රකාශයට පත් කෙරුණු මෙම දිනය, සංස්ථාපනය කිරීමේ අරමුණ වූයේ, පළමුව ළමුන් අතර අන්‍යොන්‍ය හුවමාරුව සහ අවබෝධය දියුණු කර ලීම සඳහාත්, දෙවනුව ලෝකයේ ළමුන්ගේ ප්‍රයෝජනය සහ සුබසාධනය සඳහා අනුග්‍රහය දක්වන ක්‍රියාමාර්ග ඇරඹීම සඳහා දිනයක් වෙන් කරන මෙන් සියළු රටවල් උනන්දු කිරීම සඳහාය.

පැරගුවේ[සංස්කරණය]

පැරගුවේ රාජ්‍යයේ, ළමා දිනය සැමරෙන්නේ, ඇකොස්තා නියු සටන පැවැති, අගෝස්තු 16 දිනදී වන අතර, එදිනදී, ආඥාදායක සොලානෝ ලොපෙස් පැන යන තුරු සන්ධාන බලකායන් වලක්වා තබා ගන්නා ලෙසින් අණ ලද, වයස හයේ සිට පහළොව දක්වා වයසැති දරුවන් 3.500 දෙනෙකුගෙන් සැදි පැරගුවානු බලකායක් විසින්, මිනිසුන් 20,000 ගෙන් සැදි ත්‍රිත්ව සන්ධාන හමුදාවක් ඉදිරියට යා නොදී රඳවා තබා ගන්නා ලදි. ඒ වන විට පැරගුවේ රාජ්‍යය සම්පූර්ණයෙන් පැරදී සිටියද, ලොපෙස් ඔවුනට බල කර සිටියේ රැඳී සිට සතුරාට මුහුණ දෙන ලෙසයි (වැඩි විස්තර සඳහා පැරගුවානු යුද්ධය බලන්න). ළමා දිනය, ජාතික නිවාඩු දිනයක් වන අතර, පස්-අවුරුදු යුද්ධය අතරතුර සිදුවූ ඉහත සිද්ධිය එදිනදී සිහි කෙරෙයි.

ශ්‍රී ලංකාව[සංස්කරණය]

ශ්‍රී ලංකාවේ, ළමා දිනය පැවැත්වෙන්නේ ඔක්තොම්බර් 1 වන දිනදීය.

ආශ්‍රිත[සංස්කරණය]

  1. "හිස්ට්‍රි ඔෆ් චිල්රන්ස් ඩේ". Childrensdaycelebration.org. සම්ප්‍රවේශය 2013-07-28. 
  2. ඩැග් හැමර්ෂල්ඩ් පුස්තකාලය (1954-12-14). "යුනයිටඩ් නේෂන්ස් චිල්ඩ්රන්ස් ඩේ". Un.org. සම්ප්‍රවේශය 2012-03-08. 
  3. "යුනිවර්සල් චිල්රන්ස් ඩේ". http://www.un.org/en/events/childrenday/.  Check date values in: |access-date= (help); External link in |website= (help);
"https://si.wikipedia.org/w/index.php?title=ළමා_දිනය&oldid=361977" වෙතින් සම්ප්‍රවේශනය කෙරිණි