ජෝසුන්හි චොල්ජොං රජ
| චොල්ජොං 철종 哲宗 | |
|---|---|
 | |
| ජොසොන්හි රජ | |
| රාජ්‍ය සමය | 1849–1863 |
| පූර්වප්‍රාප්තිකයා | හොන්ජොං |
| අනුප්‍රාප්තිකයා | ගෝජොං |
| උපත | 1831 |
| මරණය | 1863 (31-32 වියැති) |
| වල්ලභයා | චොනින් අගබිසව (කිම් මුන්-ග්‍යුන්ගේ දියණිය) පාක් ග්වයි-ඉන්, උපබිසවකි ජෝ ග්වයි-ඉන්, උපබිසවකි ලී ග්වයි-ඉන්, උපබිසවකි බං සුක්-උයි, උපබිසවකි බොම් සුක්-උයි, උපබිසවකි ලී මාලිග ස්ත්‍රිය, උපබිසවකි කිම් මාලිග ස්ත්‍රිය, උපබිසවකි පාක් මාලිග ස්ත්‍රිය, උපබිසවකි |
| දරුවන් | පුත්‍රයෙක් දියණියන් දෙදෙනෙක් යොංග්‍හ්යේ කුමරිය, (පාක් යොං-හ්යෝගේ බිරිඳ) |
| පියා | ජොංග්යේ, මහා මාලිගයේ කුමරු |
| මව | යොම් යොංසොං |
 |
මෙමලිපියෙහි කොරියානු පෙළ අඩංගුය. යෝග්‍ය අනුවාද පහසුකම් නොමැත්තේ නම්, ඔබ හට, හංගුල් සහ හංජා වෙනුවට ප්‍රශ්නාර්ථ ලකුණු, කොටු, හෝ අනෙකුත් සංකේත දිස්විය හැකිය. |
| ජෝසුන්හි චොල්ජොං රජ | |
| හංගුල් | 철종 |
|---|---|
| හන්ජා | 哲宗 |
| ප්‍රතිශෝධිත රෝමානුකරණය | චොල්ජොං |
| මැකූන්–රයිෂවර් | චෝල්ජොං |
චොල්ජොං රජු (1831 ජූලි 25 – 1863 දෙසැම්බර් 13, රාජ්‍ය සමය. 1849–1863) යනු කොරියානු ජොසොන් රාජවංශයේ 25වන පාලකයායි. ඔහු යොංජෝ රජුගේ රු ඥාතියකු ද වේ.[1]
පසුබිම
[සංස්කරණය]19වන සියවස ආරම්භය වන විට, ජොසොන් රාජ්‍යයට අගබිසෝවරුවන් කිහිපදෙනකු දායාද කළ අන්දොං කිම් වංශය කොරියාවේ සෑම ප්‍රදේශයකම පාහේ බලය පැතිරවීමට සමත් විය. මෙම සමාජ ඒකාකාරීත්වය ජනතාව අසහනයට පත්කළේ ය. භාණ්ඩාගාරයෙන් මුදල් වංචා කිරීම දූෂණය රජයන්නට වූ අතර, මෙය ඉහළ තනතුරු දරන්නන්වද වෙලාගත්තේ ය. ස්වාභාවික උවදුරු බහුල වීමත් සමග, කැරැලි ද පැනනැගිණි. සැබැවින්ම මේ කාලය ඉතිහාසයේ අඳුරුතම යුගයක් ලෙස සැලකේ.[2]
අන්දොං කිම් වංශයේ එකම අභිප්‍රාය වූයේ ඔවුන්ගේ බලපෑම පවත්වා ගැනීමයි. සැබැවින්ම ඔවුන්ගේ ව්‍යාපාරය වූයේ රාජකීය පවුල අභිබවනය කිරීම වූ අතර, මේ හේතුවෙන් රාජකීය පවුලේ නියෝජිතයින් සියල්ලම පාහේ සෝල්වලින් පලාගියහ. රාජකීය පවුල සිහසුනට සඳහා බුද්ධිමත්, යෝග්‍ය තැනැත්තන් බිහිකළ විට ඔවුනව කුමන්ත්‍රණ චෝදනා කොට මරණ දඬුවම පැමිණවීම හෝ පිටුවහල් කිරීම සිදු විය. මේ නිසා හොන්ජොං රජු පුතකු නොමැතිව මියගිය පසු, සිහසුනට යෝග්‍ය උරුමකරුවකු සොයාගත නොහැකි විය.[2]
දිවිය
[සංස්කරණය]උරුමකරුවකු නොමැතිව හොන්ජොං රජු මියයාමෙන් පසු 1849දී සිහසුනට පත්වන විට චෝල්ජොංගේ වයස අවුරුදු 19කි. ජොසොන්හි 21වන පාලකයා වූ යොංජෝ රජුගේ දූරස්ථ ඥාතියකු වූ චොල්ජොං, සිහසුනට පත්කිරීම සඳහා වැන්දඹු අගබිසව විසින් හදාවඩා ගන්නා ලදී. අනාගත චොල්ජොං රජු උපත ලැබූයේ ගංග්හ්වා දිවයිනේ දී ය. ඔහුගේ පවුලේ සාමාජිකයින් හිංසාවන්ගෙන් බේරීමට එම පෙදෙසට පලාගොස් තිබිණි.
රාජකීය නියෝජිතයින් (අනාගත රජුව සොයාගැනීම සඳහා පැමිණි විට) ගංග්හ්වා දිවයිනට පැමිණි විට, ඔවුන්‍ දුටුවේ දැනට ඉතිරිව ඇති යි වංශිකයන් දිළින්දන් අතර ක්ලගෙවන බවයි.[3] දිළිඳුකම සහ නොයෙකුත් අවමානයන් මධ්‍යයේ 1849දී, ජොන්-ග්යේ කුමරුගේ (යොංජෝ රජුගේ මීමුණුපුරා) 3වන පුත්‍රයා වූ 18 වියැති යි බ්යොන්/සොං[4] (අනාගත චොල්ජොං රජු) රජු ලෙසට ප්‍රකාශ කෙරිණි. ජොසොන් රාජවංශයේ ආරම්භයේ සිටම කොරියානු රජවරුන් සිය පුතුන්ගේ අධ්‍යාපනයට මූලිකත්වය දී තිබිණි. නමුත් තමන්ව රාජ්‍යයේ සිහසුනට ඔසවා තැබූ බවට වූ නිවේදනයේ එක අකුරකුදු කියවීමට චොල්ජොංට හැකි වූයේ නැත.[2]
අන්දොං කිම්වරුනට නම්, චොල්ජොං විශිෂ්ඨ තේරීමක් විය. ඔහුගේ නූගත්කම රජුව මෙහෙයවීමට ඔවුනට වූ වාසියක් විය. මේ අනුව හෙළි වී ඇත්තේ චොල්ජොං විසින් රාජ්‍යය අවුරුදු 13ක්ම පාලනය කළ ද, ඔහුගේ අවසන් දින කිහිපය වනතුරුත් ඔහු ගෞරවනීයව හැසිරෙන අයුරු හෝ රාජකීය වස්ත්‍ර පළඳින අයුරු නිසිලෙස නොදැන සිටි බවයි. එමනිසා වඩාත් අනර්ඝ රෙදිපිළි පැළඳිය ද රජු ධීවරයකු මෙන් දිස් වූ බව පැවසේ.[2]
අන්දොං කිම්වරු චොල්ජොංව මෙහෙයවීම සඳහා 1851දී චොල්ජොංව කිම් මුන්-ග්‍යුන් නැමැති කිම් වංශිකයකුගේ දියණියකට විවාහ කරදෙන ලදී. ඇයව මරණාපරව චොරින් අගබිසව ලෙස හැඳින්විණි.[2]
මරණය
[සංස්කරණය]1863 දෙසැම්බර් මස චොල්ජොං රජු මියයන විට ඔහුට වයස 32කි. ඔහුට සිහසුනට පිරිමි අනුප්‍රාප්තිකයකු සිටියේ නැත. මෙම මරණය ඔහුව සිහසුනට පත්කළ අන්දොං කිම්වරුන්ගේම ක්‍රියාවක් යැයි සැකකෙරේ. ඔහුට පුතුන් පස්දෙනකු සහ දියණියන් සයදෙනකු වුව ද, ඉන් ළමාවිය පසුකිරීමට හැකිවූයේ එක් දියණියකට පමණි.
පවුල
[සංස්කරණය]| කොරියාවේ රජවරු | ||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| ජෝසුන් රාජවංශය | ||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||
- පියා: මහා ජොන්-ග්යේ කුමරු (전계대원군, 1785–1841)
- මව: යොම් වංශයේ යොංසොං කුමරිය (용성부대부인 염씨)
- බිසෝවරුන් සහ ඔවුන්ගේ දරුවන්:
- අන්දොං කිම් වංශයේ චොරින් අගබිසව (철인왕후 김씨, 1837–1878)[5]
- දරුවන් නැත
- හොං පවුලේ දෙවන අගබිසව - නාමය "හ්යෝ-ජොං"
- පාක් ග්වයි-ඉන් (귀인 박씨)
- ජෝ ග්වයි-ඉන් (귀인 조씨)
- ලී ග්වයි-ඉන් (귀인 이씨)
- බං සුක්-උයි (숙의 방씨)
- බෝම් සුක්-උයි (숙의 범씨)
- යෝංහ්යේ කුමරිය (영혜옹주, 1859 – ජූලි 4, 1872). ඇය පාක් යෝං-හ්යෝ නම් වංශවතා සමග විවාහ විය. ඇගේ මිණිපිරිය වූ පාක් චන්-ජු ආර්යාව, ඇගේ පස්වන මස්සිනා වූ වු කුමරු සමග විවාහ විය.
- ලී මාලිග ස්ත්‍රිය (궁인 이씨)
- කිම් මාලිග ස්ත්‍රිය (궁인 김씨)
- පාක් මාලිග ස්ත්‍රිය (궁인 박씨)
හන්ජා නම
[සංස්කරණය]මේ රජුගේ නම හන්ජාවලින් 李昪 වේ. හංගුල්වලින් එය යි බ්යෝන් වේ. කෙසේනමුත්, බොහෝ චීන මූලාශ්‍රවල ඔහුගේ නම බොහෝ විට 李昇, එනම් යි සෝං ලෙස වරදවා දක්වා ඇත. මෙය බහුල වැරදීමකි. එයට හේතුව 昪 යන අක්ෂරය විරළ නිසායි. නමුත් 昇 අක්ෂරය, බහුල ය. [තහවුරු කර නොමැත]
තනතුරු
[සංස්කරණය]- වොන්බොම් උතුමාණන්, ජොංග්යේ කුමරුගේ 3වන පුත්‍ර[8]
- රාජකීය මහෝත්තම කොරියාවේ දෝග්වන් කුමරු, සිහසුනේ උරුමකරු වන (1848–1849).
- කොරියාවේ රාජකීය මහෝත්තම රජු (1849–1863)
ඔහුගේ සම්පූර්ණ මරණාපර නාමය
[සංස්කරණය]- කොරියාවේ මහා චොල්ජොං හුයියුන් ජොංග්‍යුක් සුදොක් සුන්සොං හ්‍යුම්‍ම්‍යුං ග්වංදෝ දොන්වොන් චංහ්වා මුන්හ්යොන් මුසොං හොනින් යොංහ්යෝ රජ
- 철종희윤정극수덕순성흠명광도돈원창화문현무성헌인영효대왕
- 哲宗熙倫正極粹德純聖欽命光道敦元彰化文顯武成獻仁英孝大王
පෙළපත
[සංස්කරණය]| ජෝසුන්හි චොල්ජොං රජගේ පූර්වජයන් | |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
මේවාත් බලන්න
[සංස්කරණය]මූලාශ්‍ර
[සංස්කරණය]- ^ නෙෆ්, රොබට් (4 ජනවාරි 2013). "චයිල්ඩ් කිංස්". කොරියා ටයිම්ස්. සම්ප්‍රවේශය 25 මාර්තු 2013.
- ^ a b c d e http://www.gkn-la.net/history_resources/queen_min_tmsimbirtseva_1996.htm
- ^ ඔහුව ගංග්හ්වා දිවයිනේ දිළින්දකු ලෙස හමු වූ බැවින් ඔහු "ගංග්හ්වා දිවයිනේ දරපලන කුමරු" ලෙස හැඳින්විණි.
- ^ ජෝසුන්හි චොල්ජොං රජ#හන්ජා නම
- ^ කිම් මුන්-ග්‍යුන් (김문근) සහ මින් ආර්යාවගේ දියණියයි
- ^ 1862 අගෝස්තු 8 උපන්නේ ය.
- ^ පළමු දියණිය 1858 දෙසැම්බර් 13 උපත ලැබී ය
- ^ ජොංග්යේ කුමරු යනු යොංජෝ රජුගේ(රාජ්‍ය. 1724–1776) පුත්‍ර සදෝ කුමරුගේ පුත්‍රයා වූ, ඉයුනොන් කුමරුගේ පුත්‍රයායි
වැඩිදුර කියවීමට
[සංස්කරණය]- බ්යොන් තේ-සොප් (변태섭) (1999). 韓國史通論 (හංගුක්සා තොංනොන්) (සංක්ෂිප්ත කොරියා ඉතිහාසය), 4වන සංස්. ISBN 89-445-9101-6.
- කියුමිංස්, බෘස්. (1997). Korea's Place in the Sun: A Modern History. නිව් යෝක්. ISBN 0-393-04011-9
ජෝසුන්හි චොල්ජොං රජ උපත: 1831 මරණය: 1863
| ||
| රාජ පදවි නාමයන් | ||
|---|---|---|
| පූර්වප්‍රාප්තිකයා හොන්ජොං |
ජොසොන්හි රජ 1849–1863 සුන්වොන් අගබිසව සමග (1849–1852) |
අනුප්‍රාප්තික ගෝජොං |