එස්.ඩබ්.ආර්.ඩී. බණ්ඩාරනායක

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
එස්.ඩබ්.ආර්.ඩී. බණ්ඩාරනායක
Official Photographic Portrait of S.W.R.D.Bandaranayaka (1899-1959).jpg
ශ්‍රී ලංකා අග්‍රාමාත්‍ය
නිලය දැරීම
1956–1959
පූර්වප්‍රාප්තිකයා ජෝන් කොතලාවල
අනුප්‍රාප්තිකයා විජයානන්ද දහනායක
පුද්ගලික තොරතුරු
උපත 8 ජනවාරි 1899(1899-01-08)
ශ්‍රී ලංකාව
මරණය 26 සැප්තැම්බර් 1959 (වයස 60)
කොළඹ, ශ්‍රි ලංකාව (ඝාතනය කරන ලදී)
ජාතිකත්වය ශ්‍රී ලාංකීක
දේශපාලන පක්ෂය ශ්‍රී ලාංකා නිදහස් පක්ෂය
කලත්‍රයා(යන්) සිරිමාවෝ බණ්ඩාරනායක
දරුවන් සුනේත්‍රා, චන්ද්‍රිකා, අනුර
වෘත්තිය දේශපානඥ, අධිනීතීඥ
ආගම ථෙරවාද බුද්ධාගම
වෙබ අඩවිය නිල වෙබ් අඩවිය


සොලමන් වෙස්ට් රිජ්වේ ඩයස් බණ්ඩාරනායක ( 1899 ජනවාරි 8 – 1959 සැප්තැම්බර් 26 ) යනු ශ්‍රි ලංකාවේ සිව්වන අග්‍රාමාත්‍යවරයාය. ඔහු 1956 සිට 1959 දී බෞද්ධ භික්ෂු වේෂධාරියෙකු විසින් ඝාතනය කරන තෙක් අග්‍රාමාත්‍ය ධූරයේ සේවය කළේය. [1][2][3]

මුල් දිවිය[සංස්කරණය කරන්න]

බණ්ඩාරනායක කොළඹ සිංහල ක්‍රිස්තියානි පවුලක උපන්නෙකි. ඔහුගේ පියා වුයේ බ්‍රිතාන්‍ය අධිරාජ්‍ය සමයේ මුදලි තනතුරකින් පිදුම් ලද සර් සොලමන් ඩයස් බණ්ඩාරනායකය. සොලමන් බණ්ඩාරනායක පසු කලෙක දේශපාලනයට පිවිසීමේ අරමුණ ඇතිව බෞද්ධයකු බවට පත්වුයේය. ද්ව්තියික අධ්‍යාපනය ශාන්ත තෝමස් විදුහලෙන් ලබාගත් ඔහු වැඩිදුර අධ්‍යාපනය ලැබුවේ ඔක්ස්ෆර්ඞ් සරසවියෙනි.

දේශපාලන දිවිය[සංස්කරණය කරන්න]

ඔහු ලාංකීක දේශපාලන ක්ෂේත‍්‍රයට පිවිසුණේ 1926 දීය. ඒ එක්සත් ජාතික පක්‍ෂ අපේක්‍ෂයකු ලෙස කොළඹ නගර සභාවට තරඟ වදිමිනි. 1951 දී එක්සත් ජාතික පක්‍ෂයේ සාමාජිකත්වයෙන් ඉවත්ව ශ්‍රි ලංකා නිදහස් පක්‍ෂය පිහිටුවා ගත්තේය. 1956 පැවති මහ මැතිවරණයෙන් ජයග‍්‍රහණය කරන ලද බණ්ඩාරනායක ශ්‍රි ලංකාවේ අග‍්‍රාමාත්‍ය පදවියට පත්වුයේය.

සිංහල භාෂාව රාජ්‍ය භාෂාව කරනු ලැබුවේ ඉන් අනතුරුවය. 1950 වකවානුවේ සිංහල සහ දෙමල යන භාෂා දෙකම රාජ්‍ය භෂාවන් ලෙස භාවිතා කිරීමේ කතිකාවන් පැවතුණද පසුව මැතිවරණ ජයග‍්‍රහණය උදෙසා එය ‘ සිංහල පමණක් ’ යන්න දක්වා වෙනස් කරනු ලැබීය.

විදේශ ප‍්‍රතිපත්ති සම්බන්ධයෙන් ඔහු දැක්වු උදාසීන බව හමුවේ ශ්‍රි ලංකාවට ආර්ථික අර්බුද රැසකටද මුහුණ දීමට සිදු විය.

ඝාතනය[සංස්කරණය කරන්න]

1959 දී තල්දුවේ සෝමරාම නම් චීවරධාරියකු අතින් සොලමන් බණ්ඩාරනායක ඝාතනයට ලක්වු අතර ඔහුගේ මරණයෙන් පසු ඔහුගේ බිරිඳ සිරිමාවෝ බණ්ඩාරනායක ශ්‍රි ලංකා නිදහස් පක්‍ෂ නායකත්වයට පත්වුවාය.


මූලාශ‍්‍ර[සංස්කරණය කරන්න]