බදුල්ල

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
බදුල්ල
Badulla
—  නගරය  —
කෝලින් වත්තේ සිට ගත් බදුලු නගරෙය් මනරම් දර්ශනයක්
බදුල්ල is located in Sri Lanka
බදුල්ල
බදුල්ල
ඛණ්ඩාංක: 6°59′5″N 81°3′23″E / 6.98472°N 81.05639°E / 6.98472; 81.05639ඛණ්ඩාංක: 6°59′5″N 81°3′23″E / 6.98472°N 81.05639°E / 6.98472; 81.05639
රට ශ්‍රී ලංකාව
පළාත ඌව පළාත
දිස්ත්‍රික්කය බදුල්ල
ප්‍රාදේශීය ලේකම් කොට්ඨාෂය
පාලනය / පරිපාලනය
 • වර්ගය නගර සභාව
 • නගරාධිපති
වර්ගප්‍රමාණය
 • සම්පූර්ණ 10 කිමී2 (4 වර්ග සැත)
උන්නතාංශය 680 මී (2,230 අඩි)
ජනගහණය (2011)
 • සම්පූර්ණ 47,587
 • ඝණත්වය 4,387/කිමී2 (11,360/වර්ග සැත)
ජාතිනාමය Badullians
වේලා කලාපය ශ්‍රී ලංකා සම්මත වේලා කලාපය (UTC+5:30)

ඌව පලාතේ අගනගරය වන බදුල්ල ශ්‍රි ලංකා‍වේ පිහිටා ඇත. මහනුවරට ගිණිකොණ දෙසින් පිහිටා ඇති බදුල්ල සිසාරා බදුලු ඔය විහිදී පවතී. මුහුදු මට්ටමේ සිට මීටර 680ක උසින් පිහිටි මෙය තේවතු වලින්ද වටවී පවතියි. මෙම නගරය නමුනුකුල කඳු වැටියෙන් වටවී පැවතීම විශේෂ ලක්ෂණයකි. නමුණුකුල කඳු වැටියේ මුදුන මුහුදු මට්ටමේ සිට මිටර 2016ක උසින් පවතියි. බ්‍රිතාන්‍යය අධිරාජ්‍යයවාදීන්ට යටත් වීමට පෙර මෙම නගරය පාලනය කරන ලද්දේ සිංහල රජවරැන් විසින්ය.‍ පසුව ‍මෙම නගරය බ්‍රිතාන්‍යය අධිරාජ්‍යයවාදීන්ගේ පාලන මධ්‍යස්ථානයක් බවට පත් විය. බ්‍රිතාන්‍යයන් විසින් නිපදවන ලද උඩරට දුම්රිය මාර්ගය අවසන් වන්නේ මෙම නගරයෙනි. මෙහි අරමුණ වනුයේ කොළඹ ප්‍රදේශයට වැවිලි නිශ්පාදන ප්‍රවාහනය කිරීමයි.

බදුල්ල සිට කොලඹ දෙසට මධ්‍යම කඳුකර බැවුමේ සිට කිලෝමිටර් 230ක දුර ප්‍රමාණයක් පවතියි. බදුල්ලේ සිට නුවර, කොළඹ, ගාල්ල දෙසට මාර්ග කිහිපයක් පවතියි. කොළඹ සිට බදුල්ලට රත්නපුර, බලන්ගොඩ, හපුතලේ, බණ්ඩාරවෙල සහ හාලිඇල හරහා ගමන්කල හැක. මෙම ගමන සදහා පැය 5-6 පමණ ගතවෙයි. නුවර සිට බදුල්ල දෙසට දිවෙන මාර්ග දෙකක් පවතියි. එම මාර්ග දෙක වන්නේ රජමාවත හරහා හෝ නුවරඑළිය හරහායි. ගාල්ල සිට බදුල්ලට ගමන් කිරීම සදහා වඩාත් සුදුසුම මාර්ගය වන්නේ මාතර, හම්බන්තොට, වැල්ලවාය, දෙමෝදර සහ හාලිඇල හරහායි. බදුල්ල දෙසට දිවෙන සැම මාර්ගයක්ම දර්ශනීය වන අතර මනා භුගෝලීය වෙනසක්ද දැක ගත හැක. බදුල්ල සහ එහි අවට පිහිටි දෑ විදේශිකයන් සදහා මනා තෝතැන්නක් වෙයි. හෝටන්තැන්න ජාතික වනෝද්‍යානය සහ නකලස් කඳු වැටිය බදුල්ලේ සිට සැතපුම් කිහිපයක් දුරින් පිහිටා ඇත.

උරුමය[සංස්කරණය]

මුතියංගන රජමහා විහාරය, දෝව පන්සල, බෝගොඩ පෞරාණික පන්සල සහ දාගැබ බදුලු පුරවරයට ලැබී ඇති දායාදයන්ය. මුතියංගන රජමහා විහාරය බදුලු නගරයේද, දෝව පෞරාණික පන්සල බදුල්ල බණ්ඩාරවෙල ප්‍රධාන මාර්ගයේද, බෝගොඩ පෞරාණික පන්සල සහ දාගැබ හාලිඇල නගරයට ආසන්නවද පිහිටා ඇත.

පෞරාණික රාවණ බෞද්ධ පන්සල ඇල්ල ප්‍රදේශයේ පිහිටා ඇති අතර මෙය රාවණ දිය ඇල්ල නැරඹීමට එන විදේශිකයන් අතර ප්‍රසිද්ධය. දුන්හිඳ ඇල්ල ද බදුල්ලේ පිහිටි ප්‍රකට දිය ඇල්ලකි.

.

ජන සංඛ්‍යානය[සංස්කරණය]

ජන වර්ගය මුඵ ජනගහනය ප්‍රතිශතය %‍ ට
සිංහල |19843 65.23
ශ්‍රි ලාංකීය මුස්ලිම් 9422|21.49
ශ්‍රි ලාංකීය දෙමළ 2,717 6.64
ඉන්දියානු දෙමළ 1,989 4.86
වෙනත් ( බර්ගර්, මැලේ)ඇතුළත්ව 735 1.80
එකතුව 40,920 100

සිතියම්[සංස්කරණය]

යොමුව[සංස්කරණය]

මෙම ලිපිය සකස් කරන ලද්දේ විශ්ව කෝෂයෙහි එකොලොස්වන මුද්‍රණය ඇසුරිනි.


"http://si.wikipedia.org/w/index.php?title=බදුල්ල&oldid=313540" වෙතින් සම්ප්‍රවේශනය කෙරිණි