ගාමිණී ෆොන්සේකා

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
ගාමිණී ෆොන්සේකා
Great Gamini.jpg
උපත ගාමිණී ෆොන්සේකා
මාර්තු 21, 1936(1936-03-21)
දෙහිවල, ශ්‍රී ලංකාව
මරණය සැප්තැම්බර් 30, 2004(2004-09-30) (වයස 68)
ජා ඇල, ශ්‍රී ලංකාව
ජාතිකත්වය ශ්‍රී ලංකාව ශ්‍රී ලාංකික
දරුවන්
  • දමිත් ෆොන්සේකා
  • චමිල ෆොන්සේකා
  • තනූජා ෆොන්සේකා
  • ඉෂාර ෆොන්සේකා
දෙමාපියන්(s)

පියා: විලියම් ෆොන්සේකා

මව: ඩැසී ෆොන්සේකා

ගාමිණී ෆොන්සේකා (දෙමළ: காமினி பொன்சேகா ) වන මොහු අග්‍රගණ්‍ය නළුවෙකුද, දේශපාලනඥයෙකුද වෙයි. සිංහල සිනමාවේ සක්විති යනුවෙන් විරුදාවලි ලබයි.

ළමා සහ තරුණ අවධිය[සංස්කරණය කරන්න]

ගාමිණී ෆොන්සේකා උපත ලැබුවේ 1936 වර්ෂයේ මාර්තු 21 වෙනිදා දෙහිවලදීය. ඔහු විලියම් සහ ඩේසි ෆොන්සේකා යුවළට දාව උපන් තෙවන දරුවාය. ප්‍රෙස්බිටීරියන් ආයතනයෙන් මූලික අධ්‍යාපනය හැදෑරූ ඔහු පසුව ගල්කිස්ස ශාන්ත තෝමස් විද්‍යාලයට ඇතුළත් වුයේය. පාසලෙහිදී සිංහල භාෂාව සහ සාහිත්‍යය ඉගෙනීමෙහිලා දස්කම් පෑ ගාමිණී එවකට ශ්‍රී ලංකාවේ අග්‍රාමාත්‍යව සිටි ඩී.එස්. සේනානායක මහතා විසින් පිරිනමන ලද සිංහල සාහිත්‍යය දක්ෂතා ඇඟයීමේ ත්‍යාගයකට පවා හිමිකම් කීවේය. විෂය පිළිබඳ දක්ෂතා පෑමට අමතරව ගාමිණී දක්ෂ ක්‍රිකට් ක්‍රීඩකයකු ලෙසද පාසලේ ප්‍රසිද්ධියක් ඉසිලීය.


සිනමා ක්ෂේත්‍රයට ඇතුළු වීම සහ 1960 දශකය[සංස්කරණය කරන්න]

තම ද්වීතියික අධ්‍යාපනය හමාර කිරීමෙන් පසු ගාමිණී ෆොන්සේකා සිනමා ක්ෂේත්‍රයට ඇතුළු වූයේය. ප්‍රථමයෙන් ඔහුට අවශ්‍ය වූයේ කැමරාකරුවකු ලෙස සේවය කිරීමටයි. මෙම බලාපොරොත්තුව ඔස්සේ ගමන් කළ ඔහුට ඩේවිඩ් ලීන්ගේ "ද බ්‍රිජ් ඔන් ද රිවර් ක්වායි" (Bridge on the River Kwai) සහ ලෙස්ටර් ජේම්ස් පීරිස්ගේ රේඛාව (1956) යන චිත්‍රපට වලට සම්බන්ධ වීමට ඉඩ ප්‍රස්ථාව හිමිවිය. රේඛාව චිත්‍රපටයේ සමුහ දර්ශණයකට පෙනී සිටිමින් ඔහු රංගන ක්ෂේත්‍රයට පිවිසියේය. එමෙන්ම එකල ශ්‍රී ලංකාවේ දී රූගත කරනු ලැබූ ඉංග්‍රීසි රූපවාහිනී වැඩසටහනකටද ඔහු රංගනයෙන් දායක වූයේය.

ගාමිණී ‍ ෆොන්සේකා 1959 තිරගත වූ දෛවයෝගය චිත්‍රප‍ටයේ කුඩා චරිතයකට රංගනයෙන් දායක වුයේය. ප්‍රථමයෙන් ඔහු ප්‍රධාන චරිතයකට දායක වූයේ සංදේශය(1960) චිත්‍රපටයටයි. ඉන්පසු අදට වැඩිය හෙට හොඳයි, රන්මුතු දූව, ගැටවරයෝ සහ ධීවරයෝ චිත්‍රපටවල රගපෑ ඔහු ශ්‍රී ලාංකීය ප්‍රේක්ෂකයන් අතර ඉමහත් ජනප්‍රියත්වයට පත්වූයේය.

වාණිජමය චිත්‍රපට වලට දායක වනවාට අමතරව ඔහු ගම්පෙරළිය (1964) වැනි කලාත්මක සිනමා කෘති වලටද දායක වුයේය. ටයිටස් තොටවත්තයන්ගේ චණ්ඩියා චිත්‍රපටයේ ගාමිණී ෆොන්සේකා ප්‍රථමවරට දුෂ්ඨ චරිතයකට පණපෙවීය. මයික් විල්සන් විසින් අධ්‍යක්ෂණය කරන ලද සොරුන්ගෙත් සොරු චිත්‍රපටයේ ඔහු රඟපෑවේ ජේම්ස් ‍බණ්ඩා ලෙසය. මෙම චරිතය ශ්‍රී ලාංකිය ජේම්ස් බෝන්ඩ් ලෙස බොහෝදෙනකු හඳුන්වයි.

රංගනයට අමතරව චිත්‍රපට අධ්‍යක්ෂණයට ද පිවිසි ගාමිණි ෆොන්සේකා සිනමා ලෝලීන් අතර ඉමහත් ගෞරවාදරයට පාත්‍ර වූයේ පරසතු මල් චිත්‍රපටයේ අධ්‍යක්ෂවරයා ලෙසය.

1970 සහ 1980 දශක[සංස්කරණය කරන්න]

ගාමිණී ෆොන්සේකාගේ රංගන ජීවිතයේ විශිෂ්ඨතම නිරූපණය ලෙස සලකනුයේ නිධානය (1970) චිත්‍රපටයේ විලී අබේනායක චරිතයයි. නිධානය චිත්‍රපටය එදා මෙදාතුර ශ්‍රී ලාංකීය සිනමා වංශ කතාවේ විශිෂ්ඨතම චිත්‍රපටය ලෙස සැලකේ.

1980 දී සුනිල් ආරියරත්න විසින් අධ්‍යක්ෂණය කරන ලද ‘සරුංගලේ’ චිත්‍රපටයේ දී ගාමිණී, යාපනයේ ද්‍රවිඩ ලිපිකරුවකු වූ නඩරාජා ලෙස අපූරු රංගනයක් ඉදිරිපත් කළේය.

සිනමා ක්‍රියාන්විතය[සංස්කරණය කරන්න]

Gaminifo.jpg
ගාමිණී තරුණ කාලයේ

ඔහු මියයන විට චිත්‍රපට 108කට දායකත්වයක් ලබා දී ඇත. එම චිත්‍රපට 108න් චිත්‍රපට 86ක්ම ප්‍රධාන චරිතයට පණ පොවනු ලැබූ අතර, ඉන් චිත්‍රපට 19ක සහය චරිතද, චිත්‍රපට 10ක් තම අධ්‍යක්ෂණයෙන්ද, චිත්‍රපට 2ක් නිෂ්පාදකයෙකු ලෙස සිනමාව වෙත දායක වී ඇත. 1964හි සිට 1997 වසර දක්වා සරසවිය සම්මාන උළෙලෙහි කුමන හෝ සම්මානයක් හිමිකරගැනීමට සමත්විය.

වසර චිත්‍රපටිය චරිතය
1959 දෛවයෝගය
1960 සන්දේශය Deputy(නියෝජ්‍ය)
1960 පිරිමියෙක් නිසා
1962 දස්කොන්
1962 රන්මුතු දූව
1963 ගම්පෙරළිය ජිනදාස
1963 අදට වැඩිය හෙට හොඳයි
1964 ගැටවරයෝ ජයසේන ප්‍රනාන්දු
1964 ධීවරයෝ
1965 චණ්ඩියා Hoodlum
1965 සුදෝ සුදු
1965 ආදරයයි කරුණාවයි
1965 සත පනහ
1965 යටගිය දවස
1966 සැනසුම කොතැනද
1966 සීතල වතුර
1966 සීගිරි කාෂ්‍යප
1966 පරසතු මල්
1966 ඔබ දුටු දා
1966 සැනසිලි සුවය
1967 සොරුන්ගෙත් සොරු
1967 ඉපදුනේ ඇයි
1967 රෑන ගිරවු
1967 ඔක්කොම හරි
1967 සූර චෞරයා
1968 දෙහදක දුක
1969 ඔබ නැති නම්
1969 බඩුත් එක්ක හොරු
1969 සූරයන්ගෙත් සූරයා
1969 පාරා වළලු
1969 මී මැස්සෝ
1970 ආත්ම පූජා
1970 ඔහොම හොඳද
1971 හතරදෙනාම සූරයෝ
1971 වැලිකතර ඒ.එස්.පී රණ්දෙනිය
1972 සහනය
1972 නිධානය විලී අබේනායක
1972 එදත් සූරයා අදත් සූරයා
1972 ආදරේ හිතෙනවා දැක්කම
1972 මිරිඟුව
1973 හොඳට හොඳයි
1973 සදහටම ඔබ මගේ
1973 හොඳම වෙලාව
1973 හොඳයි නරකයි
1974 කස්තුරි සුවඳ
1974 ඔන්න බබෝ බිල්ලෝ එනවා
1974 සැනකෙළිය
1975 හිත හොඳ මිනිසෙක්
1975 රත්තරන් අම්මා
1975 ආවා සොයා ආදරේ ගාමිණී
1975 රජගෙදර පරවියෝ
1975 සිරිල් මල්ලී
1975 සූරයා සූරයමයි
1976 කවුද රජා
1976 හුලවාලී ධාරා
1976 නිල්ල සොයා
1976 නයනා
1977 යකඩයා ජිනදාස හෙවත් යකඩයා
1977 චින් චින් නෝනා
1977 දෙවියනි ඔබ කොහෙද
1977 චණ්ඩි පුතා
1978 චණ්ඩි ශ්‍යාමා
1978 ආශා දෑසින්
1978 හිත මිතුරා
1978 අප්සරා
1978 සීතා දේවී
1979 අමල් බිසෝ
1979 මිනිසුන් අතර මිනිසෙක්
1979 සරුංගලේ Tamil clerk Nadarajah
1980 මල් කැකුළු
1980 උතුමාණෙනි
1980 මයුරිගේ කතාව
1980 සංඛපාලී
1981 චංචල රේඛා
1981 තවාලම
1981 බාඳුරා මල
1981 රිදී තැල්ල
1981 සාගරයක් මැද
1982 සක්විති සුවය
1982 මිසිස් මල්ලිකා
1982 හෙලෝ ශ්‍යාමා
1985 යුගාන්තය සයිමන් කැබිලාන
1986 යලි හමුවෙන්නයි
1986 කොටි වලිගය
1986 පූජා
1987 සත්‍යග්‍රහණය
1987 අහිංසා
1989 ශක්තිය ඔබයි අම්මේ
1991 උතුර දකුණ
1993 සාජන්ට් නල්ලතම්බි
1994 නොමියෙන මිනිසුන්
1994 ශක්ති
1994 පවන රළුවිය
1995 මම බය නෑ ශ්‍යාමා
1995 දෙමෝදර පාළම
1996 ලොකු දුව
1997 අපායෙ තත්පර අසූ හාරදාහක්
1998 අන්තිම රැය
නිධානය චිත්‍රපටයෙහි කැපී පෙනෙන දර්ශණයක්

නිෂපාදන දායකත්ව[සංස්කරණය කරන්න]

වසර චිත්‍රපටිය අධයක්ෂක
1967 සොරුන්ගෙත් සොරු මයික් විල්සන්
1972 සහනය ජේ. සෙල්වරත්නම්

සම්මාන[සංස්කරණය කරන්න]

ගාමිණී ෆොන්සේකා සම්මාන හා නිර්දේශ

සම්මාන සහ නිර්දේශයන්
සම්මානය ලබා ගැනීම් නිර්දේශිත
සරසවිය සම්මාන
15 15
ජනාධිපති සම්මාන
1 1
දීපශිකා සම්මාන
1 1
ස්වර්ණ සංඛ
1 1
වෙනත්
4 4
එකතුව
ලබා ගැනීම් 22
නිර්දේයන් 22
වසර සම්මානය චිත්‍රපටිය
1964 හොඳම නළුවා ගම්පෙරළිය
1965 සරසවිය හොඳම නළුවා සම්මානය ධීවරයෝ
1966 ජනප්‍රිය නළුවා (ස්වර්ණ සංඛ)
1967 සරසවිය හොඳම නළුවා සම්මානය පරසතු මල්
1967 සරසවිය ජනප්‍රියතම නළුවා සම්මානය
1968 සරසවිය හොඳම නළුවා සම්මානය සොරුන්ගෙත් සොරු
1968 සරසවිය ජනප්‍රියතම නළුවා සම්මානය
1969 සරසවිය ජනප්‍රියතම නළුවා සම්මානය
1972 ජනප්‍රිය නළුවා (දීපශිකා සම්මාන)
1976 හොඳම නළුවා කස්තුරි සුවඳ
1980 සරසවිය හොඳම නළුවා සම්මානය සරුංගලේ
1980 සරසවිය ජනප්‍රියතම නළුවා සම්මානය
1981 සරසවිය හොඳම නළුවා සම්මානය උතුමාණෙනි
1981 සරසවිය ජනප්‍රියතම නළුවා සම්මානය
1982 සරසවිය හොඳම චිත්‍රපට අධ්‍යක්ෂණය සම්මානය සාගරයක් මැද
1982 සරසවිය ජනප්‍රියතම නළුවා සම්මානය
1986 සරසවිය හොඳම නළුවා සම්මානය යුගාන්තය
1986 සරසවිය රණ තිසර සම්මාන
1986 හොඳම නළුවා (ජනාධිපති සම්මාන) යුගාන්තය
1987 Reviewers Award
1995 සරසවිය හොඳම නළුවා සම්මානය නොමියෙන මිනිසුන්
1997 U.W Sumathipala Commemorating Award

දේශපාලන ක්‍රියාකාරිත්වය[සංස්කරණය කරන්න]

1989 දී ගාමිණී ෆොන්සේකා දේශපාලන ක්ෂේත්‍රයට ඇතුළු වුයේ එක්සත් ජාතික පක්ෂය සමඟ සම්බන්ධ වීමෙනි. 1989 දී මාතර දිස්ත්‍රික්කය නියෝජනය කරමින් පාර්ලිමේන්තුවට තේරීපත් වූ ඔහු පසුව ශ්‍රී ලංකා පාර්ලිමේන්තුවේ නියෝජ්‍ය කථානායක ධූරය ද හෙබවීය. චන්ද්‍රිකා කුමාරතුංග ජනාධිපතිනියගේ වකවානුවේදී ඔහු උතුරු නැගෙනහිර ප්‍රදේශයේ ආණ්ඩුකාරවරයා‍ ලෙසද කටයුතු කළේය.

වියෝව[සංස්කරණය කරන්න]

වයස අවුරුදු 68 දී ජා ඇල පිහිටි තම නිවසේදී ගාමිණි ෆොන්සේකා මෙලොව හැර ගියේය.

"https://si.wikipedia.org/w/index.php?title=ගාමිණී_ෆොන්සේකා&oldid=374075" වෙතින් සම්ප්‍රවේශනය කෙරිණි