ශ්‍රී ලංකා ගුවන් හමුදාව

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
ශ්‍රී ලංකා ගුවන් හමුදාව
SLAF Crest
ස්ථාපනය 2 මාර්තු1951
රට ශ්‍රී ලංකාව
ශාඛාව ශ්‍රී ලංකා සන්නද්ධ හමුදා
විශාලත්වය 28,700 personnel
200+ aircraft
මෙහි කොටසකි ආරක්ෂක අමාත්‍යාංශය
ගුවන් හමුදා මූලස්ථානය ශ්‍රීලංගුහ කොළඹ, කොළඹ
ආදර්ශ පාඨය සුරකිමු ලකඹර
සංවත්සර 2 මාර්තු (ගුවන් හමුදා දිනය)
යෙදුනු සටන් 1971 කැරැල්ල
කැරැල්ල1987-89
ශ්‍රී ලංකාවේ ත්‍රස්තවාදයට එරෙහිව
උතුර සහ නැගෙනහිර මුදාගැනීමේ මානුෂීය මෙහෙයුම්
Commanders
Commander of the Sri Lanka Air Force එයාර් මාෂල් හර්ෂ අබේවික්‍රම RWP, RSP, USP, ශ්‍රීලංගුහ
සංගණ්‍ය
සේනාධිපතීන්
Air Vice Marshal E R Amarasekara DFC & Bar, RCyAF

Air Chief Marshal Harry Goonatilake USP, ndc, psc, SLAF

Air Chief Marshal Roshan Goonatilake RWP, RSP, USP, ndc, psc, SLAF
නිලබරණ
SLAF Roundel
Sri Lankan Air Force roundel.svg
SLAF Fin flash
Sri Lankan Air Force Fin Flash.svg
පියාසැරි අහස්යානා
ප්‍රහාරක Mikoyan MiG-27
Mil Mi-24
සටන් IAI Kfir
F-7 Skybolt
අතුරුවාරකය F-7 Skybolt
මුරසංචාරක Beechcraft Super King Air
Cessna 421 Golden Eagle
පෙරික්සුම් IAI Searcher
EMIT Blue Horizon 2
පුහුණුකරන්නා K-8 Karakorum
Mikoyan-Gurevich MiG-23
Nanchang CJ-6 (PT-6)
Cessna 150
Bell 206
ප්‍රවාහන C-130 Hercules
Antonov An-32
Harbin Y-12
Mil Mi-17
Bell 212
Bell 412
Ensign of the Sri Lanka Air Force.svg
1971-2010
1951-1971
රාජකීය ලංකා ගුවන් හමුදාවෙහි de Havilland Heron.

ශ්‍රී ලංකා ගුවන් හමුදාව, ශ්‍රී ලංකාවේ ත්‍රිවිධ හමුදාවන්ගෙන් එකකි. ගුවන් හමුදාවක් ලංකාවේ මුලින්ම ස්ථාපිත කරන ලද්දේ රාජකීය ලංකා ගුවන් හමුදාව නමින් 1951 මාර්තු 1 වනදාය. ශ්‍රි ලංකාව ජනරජයක් බවට පත්වීමෙන් අනතුරුව ශ්‍රි ලංකා ගුවන් හමුදාව ‍ලෙස පාර්ලිමේන්තු ව්‍යවස්ථානවේ ව්‍යවස්ථා ගත විය. රාජකීය ලංකා ගුවන් හමුදාවේ ප්‍රථම ගුවන් හමුදාපති බවට පත්වූයේ, ගුවන් කොමදෝරු ජී. සී. බේලේඩන් මහතාය. ශ්‍රි ලංකා ගුවන් හමුදාවේ ප්‍රථම ගුවන් හමුදාපති බවට පත්වූයේ, එයාර් මාෂල් ජී. එම්. මෙන්ඩිස් ය. ආරම්භයේ සිට අද දක්වා ගුවන්හමුදාව තුළින් ලංකාවේ ආරක්ෂක කටයුතු වෙනුවෙන් ඉතා විශාල මෙහෙයක් ඉටු කෙරිණි. විශේෂයෙන් ශ්‍රි ලංකා යුධ හමුදාව සහ ශ්‍රි ලංකා නාවික හමුදා මෙහෙයුම් උදෙසා ගුවන්හමුදාවෙන් අති විශාල මෙහෙයක් ඉටු කෙරේ.

ගුවන් හමුදාවේ ඉතිහාසය[සංස්කරණය]

මහා බ්‍රිතාන්‍යය රාජකීය ගුවන් හමුදාව[සංස්කරණය]

1914 දී පළමුවන ලෝක සංග්‍රාමය හේතුකොට ගෙන ලොව රටවල් ගණනාවක් එකිනෙකට විරුද්ධව යුද වදින ලදී. එලෙසම සංග්‍රාමයට සක්‍රීයවම දායක වීමට මහා බ්‍රිතාන්‍යයට සිදුවූ අතර, තමන් සතුව සවිමත් ගුවන් හමුදාවක් නොතීබීම හේතුවෙන් විවිධ අපහසුතා විඳීමට සහ පසුබෑම් වලට ලක්වීමට සිදුවිය. මෙම අඩුව මනා ලෙස තේරුම් ගත් මහා බ්‍රිතාන්‍යය 1948-04-01 දින ස්වාධීන හමුදාවක් ලෙස රාජකීය ගුවන් හමුදාව (Royal Air Force) පිහිටුවන ලදී.

ශ්‍රී ලංකාව වසර 450 කට අධික කාලයක් පෘතුගීසීන් ලන්දේසීන් හා ඉංග්‍රීසීන්ගේ යටත් විජිතයක් ලෙස පැවතුනි. බ්‍රිතාන්‍යයන් හෙවත් ඉංග්‍රීසීන් යටතේ ලංකාව පාලනය වන සමයේ දෙවන මහා ලෝක යුද්ධය ආරම්භ විය. 1939 දී දෙවන මහා ලෝක යුද්ධය ඇතිවන විට සතුරු බෝම්බ ප්‍රහාර හමුවේ ලංකාව ආරක්ෂා කිරිම බ්‍රිතාන්‍ය අවශ්‍යතාවක් විය. ලංකාව උපායමාර්ගිකව වැදගත් ස්ථානයක පිහිටා තිබීම එයට හේතුව යි. මේ අවශ්‍යතාව මනා ලෙස තේරුම් ගත් එංගලන්ත මහ රජු විසින් ජෙෂ්ට් ඩේකන් නැමැති නිළධාරියාගේ ප්‍රධානත්වයෙන් බ්‍රිතාන්‍ය ලංකාවේද රාජකීය ගුවන් හමුදා කඳවුරු පිහිටුවන ලදී. මොවුන් මුල දී කොළඔ, කටුනායක, චීන වරාය, මන්නාරම, කොග්ගල, මින්නේරිය සහ සීගිරිය යන ස්ථානවල තම ගුවන් කටයුතු ආරම්භ කළ අතර පසු කලෙක චීන වරාය හා කටුනායක යන ස්ථානවල ස්ථිර ගුවන් කඳවුරු පිහිටුවන ලදී.

රාජකීය ලංකා ගුවන් හමුදාව[සංස්කරණය]

1948 දී ලද නිදහසෙන් පසුව ශ්‍රි ලංකාවට ස්වදේශීය ආරක්ෂක හමුදාවක් ලෙස ගුවන් හමුදාවක් ස්ථාපිත කිරීමේ අවශ්‍යතාව විශාල ලෙස දැනුනි. මේ අතර මෙය අවබෝධකරගත් එවක සිටි පාලකයින් එතෙක් පැවැති ආරක්ෂක හමුදාව, ලංකා යුධ හමුදාව, රාජකීය ලංකා හමුදාව ලෙස 1949 දී පනත් අංක 41 මගින් පාර්ලිමේන්තුවේ නීතිගත කරන ලදී, එහෙත් රාජකීය ලංකා ගුවන් හමුදාව ආරම්භ වූ දිනය ලෙස සැලකෙන්නේ, 1951 මාර්තු පළමුවනදාය.

පියාසර පාඨමාලාව හා වර්තමානයේ භාවිතා වන ගුවන් යානා[සංස්කරණය]

රාජකීය ලංකා ගුවන්හමුදාවේ මූලික පුහුණු පියාසර කටයුතු රාජකීය ගුවන් හමුදාව මගින් සිදුකරන ලදී. පසුකලෙක මෙම පුහුණූ කටයුතු කටුනායක ගුවන් හමුදා කඳවුරේ දී සිදුකරන ලදී. මේ සඳහා මුලදී චීප්මන්ක් (chipmunk) ගුවන් යානා යොදාගන්නා ලදී. රාජකීය ලංකා ගුවන් හමුදාවේ ඇතිවූ දියුණුවත් සමග පහත ඇති ගුවන් යානා පියාසර කටයුතු සඳහා යොදාගන්නා ලදී.

ගුවන්යානා හෙලිකොප්ටර් යානා
Holland-82 Bell-47 G2
Parkman F2-5 Kamov-26
Air Speed On Ford MK-1 Dauphin-SA 365
Dakota DC-3 Hillier UH-12 B
Boach sup kig Ulestland
Simachetti SF-260 Dragon Fly
Chipmunk T-MK 10 Daphin-SA 365
Avro HS-748
Presstwick Pioneer


අවුරුදු 50 ක කාලයක් තුළ සීඝ්‍ර දියුණුවක් ලද රාජකීය ලංකා ගුවන් හමුදාව හා පසු කලෙක එම තත්වයට පත්වූ ශ්‍රි ලංකා ගුවන් හමුදාව වර්තමානයේ භාවිතා කරන ගුවන්යානා හා හෙලිකොප්ටර් යොදාගෙන ඇත. එම වර්තමානයේ භාවිතා වන ගුවන්යානා හා හෙලිකොප්ටර් පහත දැක්වේ.

ගුවන්යානා හෙලිකොප්ටර් යානා
AN - 32 Bell Jetranger 206
Y - 12 Bell 212
Y - 8 Bell 412
F - 7 MI 17
Kfir C2/C7 MI 24
MI - 27
Cessna
PT-6
C - 130
Euro
Mig - 27
Mig - 23UB
Kelama

1951 වසරේ මුල්භාගයේ දී රාජකීය ගුවන් හමුදාවේ ප්‍රථම උසස් නිලධාරීන් හා ආධුනික නිලධාරී පිරිස කොමිෂන් නිලධාරීන් බවට පත්කරන ලද අතර ඔවුන්ගේ පුහුණුවීම් කටයුතු සඳහා මහා බ්‍රිතාන්‍යයට පිටත්කර හරින ලදී. 1952 වසරේ දී ප්‍රථම පියාසර ආධුනික නිලධාරීන් පුහුණු කරන ලදී. මෙලෙස පුහුණු කරන ලද නිලධාරීන් 1953 අගෝස්තු 01 දින එවකට සිටි අග්‍රාමාත්‍ය ජෝන් කොතලාවලගේ ප්‍රධානත්වයෙන් පැවැති උත්සවයේ දී තම දක්ෂතා එළි දක්වන ලදී. ප්‍රථම නිලධාරී කණ්ඩායමේ මූලික යුධ පුහුණු කටයුතු රාජකීය ලංකා ගුවන් හමුදා කඳවුරේ දී සිදුකරන ලදී.

ගුවන් හමුදාවේ ආරම්භයේ සිට සිටි හමුදාපතිවරු[සංස්කරණය]

නම නිලයේ සිටි කාලය
ගුවන් කොමදෝරු ජී. සී. බ්ලේඩන් 1950-1958
එයාර් වයිස් මාර්ෂල් ජේ. එල්. බාකර් 1958-1961
එයාර් වයිස් මාර්ෂල් ඊ. ආර්. අමරසේකර 1961-1970
එයාර් වයිස් මාර්ෂල් ජී. එම්. මෙන්ඩිස් 1970-1976
එයාර් වයිස් මාර්ෂල් බී. එච්. එස්. ගුණතිලක 1976-1981
එයාර් වයිස් මාර්ෂල් සී. සී. පෙරේරා 1981-1985
එයාර් වයිස් මාර්ෂල් ඒ. ඩබ්. ප්‍රනාන්දු 1985-1990
එයාර් වයිස් මාර්ෂල් එම්. ජේ. එස්. ගුනවර්ධන 1990-1994
එයාර් වයිස් මාර්ෂල් ඩී. එම්. රණසිංහ 1994-1998
එයාර් මාර්ෂල් ජයලත් වීරක්කොඩි 1998-2002
එයාර් මාර්ෂල් ඩොනල්ඩ් පෙරේරා 2002-2006
එයාර් චීෆ් මාර්ෂල් රොෂාන් ගුණතිලක 2006-2011
එයාර් මාර්ෂල් හර්ෂ දුමින්ද අබේවික්‍රම 2011 සිට අද දක්වා

ශ්‍රි ලංකා ගුවන් හමුදාවේ වර්තමාන කඳවුරු හා ඒකක[සංස්කරණය]

කඳවුරු ඒකක
කටුනායක කොළඹ, පලාළි
රත්මලාන ඒකල ,දියතලාව
අනුරාධපුරය පුලියන්කුලම, මොරවැව
වව්නියාව කොග්ගල,සීගිරිය
හිඟුරක්ගොඩ මාරවිල,මඩකලපුව
චීන වරාය කටුකුරුන්ද,අම්පාර,පාලවි

ගුවන් නිලයන්[සංස්කරණය]

ගුවන් නිලයන් හදුනාගැනීම[සංස්කරණය]

පහළ ගුවන් නිලයන් (අධිකාරී නොලත් නිලයන්)[සංස්කරණය]

  • නායක ගුවන්භට (Leading Air Craftsman),
  • කෝප්‍රල් (Corporal),
  • සාජන්ට් (Sergeant),
  • බලපන්ති සැරයන් (Flight Sergeant),
  • වරලත් නිලධාරි (Warrant Officer),
  • ප්‍රධාන වරලත් නිලධාරි (Master Warrant Officer).

ඉහළ ගුවන් නිලයන් (අධිකාරී ලත් නිලයන්)[සංස්කරණය]

  • නියමු නිලධාරි (Pilot Officer),
  • පියාසර නිළධාරි (Flying Officer),
  • බලපන්ති ලුතිනන් (Flight Lieutenant),
  • බලඝන නායක (Squadron Leader),
  • වින්ග් කමාන්ඩර් (Wing Commander),
  • සමූහ කපිතාන් (Group Captain),
  • ගුවන් කොමදෝරු (Air Commodore),
  • එයාර් වයිස් මාර්ෂල් (Air Vice Marshal),
  • එයාර් මාර්ෂල් (Air Marshal),
  • එයාර් චීෆ් මාර්ෂල් (Air Chief Marshal).

ගුවන් නිලයන් අතර සම්බන්ධය[සංස්කරණය]

ආරක්ෂාව හා සම්බන්ධ සියලු කටයුතුවල දී නිලයන් අතර සම්බන්ධය ඉතා වැදගත් වේ. ඒ අතර අරමුණු කිහිපයක් ද වේ. වගකීම සුපරික්ෂාකාරීව බෙදා ගැනීම, ඉහළ නිලයන්ට වගකීමට බැදී සිටීම, පොදු පරමාර්ථ ඉටුකරගැනීමට උදව්වීම යනාදිය වේ. නිලයන් අතර මෙසේ සම්බන්ධයක් ඇතිකිරීම මඟින් බලාපොරොත්තු වනුයේ, වගකීම් හා යුතුකම්වලින් පරිපූර්ණ වූ ආරක්ෂක සේනාංකයකි.

ගුවන් හමුදා භටයකු සතු වගකීම[සංස්කරණය]

ගුවන් භටයකු යනු ශ්‍රි ලංකාවේ ගුවන් හමුදාවේ ඉදිරි කාර්යන් සාර්ථක කරගැනිමට බඳවාගන්නා ලද පුද්ගලයෙකි. මොහු ශ්‍රි ලංකා නිතියට අනුව බඳවා ගන්නා ලද පුද්ගලයෙකු වේ. සියලුම විනය හා ගුවන් හමුදාවේ ඉදිරි අනාගතය සාර්ථකව ගෙනයාමට මූලික විනය පුහුණුව ලත් පුද්ගලයෙකු ලෙස ගුවන් හමුදා භටයෙකු යනු ඉතා සුවි‍‍‍ශේෂී පුද්ගලයෙකි. මේ අනුව ගුවන් හමුදා භටයෙකු ලෙස තමා ලබා සිටින වෘත්තීමය දැනුම තුළින් තම සේවා ස්ථානයේ ඉදිරි පැවැත්මට කටයුතු කරන පුද්ගලයෙක් ගුවන් භටයකු වේ.ගුවන් භටයකු සෑම මොහොතකම පවතින රජයට රාජ පාක්ෂික විය යුතුය. පැය 24 පුරා දිවයිනේ ඕනෑම ප්‍රදේශයක සේවය කිරීමට බැඳී සිටීම, රට දැය උදෙසා විනය ගරුකව සේවය කිරීම, උසස් නිළයන්ට ගරු කිරීම ,ගුවන් හමුදාවේ රහස්‍ය තොරතුරු රැකගැනීම, සාමාන්‍ය ගුවන් හමුදා නීතියට හා සිවිල් නීතියට ගරු කිරීම, යන වගකීම් ගුවන් හමුදා භටයකු සතු වගකීම් වේ.

ගුවන් හමුදා නීතිය[සංස්කරණය]

කිසියම් රාජ්‍යයක හෝ සංවිධානයක බලයේ සිටින පුද්ගලයෙකු හෝ පිරිසක් විසින් නියම කරනු ලබන කාර්‍යයන් "නීතිය" ලෙස හදුන්වයි. යුධ නාවික හෝ ගුවන් හමුදාවන් වෙනම සේවාවක් ලෙස පිහිට වූ පසු එම සේවාවල විනය නිසි අයුරින් පවත්වාගෙන යාමට 1948 අංක 01 දරණ ගුවන් හමුදා ආඥා පනත සම්මත කරන ලදී. ගුවන් හමුදා නීතියට අනුව ගුවන් හමුදා භටයකු සාමාන්‍ය නීතියට ද අනිවාර්යයෙන් යටත් වේ. ගුවන් හමුදා නීතිය සාමාන්‍ය නීතිය ද රටේ ස්ථාවර නිති පද්ධතියේ ‍කොටසකි. රටේ සාමාන්‍ය අපරාධ නීතිය මෙන් ම ගුවන් හමුදා නීතිය ද සාක්ෂි මත පදනම් වූවකි. ගුවන් හමුදා නීතියක් තිබීමේ අරමණු කිහිපයකි. එනම් අධිකාරියක් මගින් දැඩිවිනයක් පවත්වාගෙන, යාම ගුවන් හමුදාවේ නීතිගරුකබව රැක ගැනීම, නීතියට පටහැනි අපරාධ සඳහා ගුවන් හමුදාව මඟින් දඬුවම් ලබාදීම යනාදිය වේ. ගුවන් හමුදා අධිකරණ වර්ග දෙකකි. එනම්

  1. . පරීක්ෂණ අධිකරණ
  2. . පුනරීක්ෂණ අධිකරණ

නඩු විභාග වර්ග: ගුවන් හමුදා නීතියේ 40 වන වගන්තියට යටතේ නඩු විභාග ගුවන් හමුදාපතිතුමාට යවයි. අනදෙණ නිළධාරී විසින් පත්කරන ලද නිළධාරියෙකු විසින් ඉහත කාර්යයට පෙර පරීක්ෂණ සිදුකරයි. ගුවන් හමුදා නීතියට අනුව අයත් නොවන වැරදි සම්බන්ධව ක්‍රියාකිරීම (සිවිල් වැරදි) යුද හමුදා නීතියේ 123-i වගන්තිය යටතේ සිදුකරයි.

උදා:මිනී මැරුම් ,ස්ත්‍රි දූෂන

ගුවන් හමුදා නීතිය තුළ මූලිකවම අඩංගු වන්නේ ගුවන් හමුදා භටයෙකු විසින් අනුගමනය කළ යුතු නිසි ක්‍රියාමාර්ගයන් අනුගමනය නොකළ විට පැනවිය හැකි දඬුවම් ක්‍රම ආදිය වේ.

ආශ්‍රිත ලිපි[සංස්කරණය]

අඩවියෙන් බැහැර පිටු[සංස්කරණය]

"http://si.wikipedia.org/w/index.php?title=ශ්‍රී_ලංකා_ගුවන්_හමුදාව&oldid=280507" වෙතින් සම්ප්‍රවේශනය කෙරිණි