ස්වයං වින්දනය

විකිපීඩියා වෙතින්
ස්වයං වින්දනය - පිරිමි

ලිංගික ආශ්වාදයක් ලැබීමට, තමා විසින්ම ලිංගේන්ද්‍රිය හෝ උපකරණ භාවිතයෙන් (බොහෝ අවස්ථාවලදී සුරාන්තය දක්වා) උත්තේජනය කිරීම ස්වයං වින්දනය යනුවෙන් හැඳින් වේ. ස්වයං වින්දනයේ යෙදීම හේතුවෙන් කායික හෝ මානසික හෝ ගැටලු ඇතිවන බවට සාධක නොපවතින අතර නවීන වෛද්‍ය විද්‍යාවට අනුව ස්වයං වින්දනයේ යෙදීම යහපත් බව පිළිගනී.

සාමාන්‍ය අයෙකු ලිංගික උත්තේජනයට සංවේදී පෙදෙස් උත්තේජනය කරමින් තෘප්තියක් ලැබීම අරඹන්නේ වයස අවුරුදු 2 - 4 පමණ කාලයේ පටන් ය​. නමුත් දෙමාපිය විරෝධය වැනි හේතු සාධක නිසා යටපත්ව යන එම ක්‍රියාකාරකම් වැඩිවිය පැමිණීමත් සමඟ ම නැවත ඉස්මතු වේ.

පිරිමි ස්වයං වින්දනය= "අතේ ගැසීම " නමද භාවිතා කරයි

කාන්තා ස්වයං වින්දනය = "අගිල්ල ගැසීම " නමද භාවිතා කරයි.

හැඳින්වීමට භාවිත යෙදුම්[සංස්කරණය]

ඇඟිලි වලින් පිරිමදිමින් ස්ත්‍රීන් ස්වයං වින්දනයේ යෙදීම.

ස්වයං වින්දනය යන්න Masturbation යන ඉංගිරිසි වදනේ සිංහලයට අනුරූප වචනය යයි සාමාන්‍යයෙන් භාවිතා වේ. ඉංගිරිසි Masturbation යන වචනයට ලිංගික එක් වීමකින් තොරව ලිංගේන්ද්‍රිය උත්තේජනය කිරීම (Non-penetrative sex) යන අරුත ද පවතී.

භාවිත වන ක්‍රම[සංස්කරණය]

කිසියම් තැනැත්තෙකු සිය ලිංගික ප්‍රදේශය ස්පර්ශ කිරීම, මිරිකීම, ඇතිල්ලීම හෝ සම්බාහනය කිරීම හෝ කොට්ටයක් වැනි යම්කිසි වස්තුවක් මත තෙරපීමෙන් ඒ සිදු කිරීමත් ගුදය තුළට හෝ යෝනිය තුළට ඇඟිළි හෝ යම්කිසි වස්තුවක් ඇතුළු කිරීම සහ ශිෂ්ණය හෝ භගය හෙවත් යෝනි මුව (vulva) විද්‍යුත් ස්ථන්දකයක් (electric vibrator) ආධාරයෙන් උද්දීපනය කිරීමත් (මෙය යෝනිය තුළට හෝ ගුදය තුළටද ඇතුල් කළ හැකිය.) ස්වයං වින්දනය සඳහා භාවිත වන ක්‍රමවේද ලෙස හඳුනාගත හැකිය. එමෙන් ම ස්වයං වින්දනය අතරතුර තනපුඩු හෝ වෙනත් ශෘංගාරෝද්දීපක කලාපයන් ස්පර්ශ කිරීම, ඇතිල්ලීම හෝ කෙනිත්තීම ද සිදු විය හැකි ය. ගැහැනු පිරිමි දෙපිරිස ම සංවේදනය වැඩිදියුණු කිරීම සඳහා ලිහිසි ද්‍රව්‍යයන් ද භාවිතා කරති.

කාමෝද්දීපක ප්‍රකාශන නැරඹීමේ දී හෝ කියවීමේ දීත්, ලිංගිකමය මෙනෙහි කිරීම් හෝ පරිකල්පනයන් නිසාත්, වෙන යම් ශෘංගාරාත්මක උත්තේජනයනුත් විසින් ඇතිකරන ලිංගික ආවේගයන් මුදාහැරීම පිණිස ස්වයං වින්දනයට යොමු විය හැකි ය.

සමහරු මූත්‍ර මාර්ගයට urethral sounds වැනි උපකරණ ඇතුළු කර ගැනීමෙන් ද ලිංගික වින්දනය අත් කරගනිති. අනතුරුදායක ක්‍රියාවක් වුවත් ඇතැම් විට බෝල් පොයින්ට් පෑන් සහ උණකටු ද භාවිත කළ හැකි ය. ලිංගික සංසර්ගය සමරූපණය කරන (ව්‍යාජ/මනහ්කල්පිත සංසර්ගයකට ඉඩ සලසන) යාන්ත්‍රික මෙවලම් ද ඇතැම් අය විසින් භාවිතා කරති. 

පුරුෂයන්[සංස්කරණය]

ශිෂ්ණය ලිහිල් ව මිටින් ගෙන අත ඉහළ පහළ යැවීම පිරිමින් අතර වඩාත් ම ප්‍රචලිත ස්වයං වින්දන උපක්‍රමයයි. මෙයාකාරයෙන් උත්තේජනය කිරීමෙන් බොහෝවිට සුරතාන්තයත් ශුක්‍ර මෝචනයත් ළඟාකරගත හැකි ය. ශුක්‍ර මෝචනයට ආසන්න වත් ම හස්ත චලනයේ වේගය වැඩිවීම සහ ශුක්‍ර මෝචනයේ දී මෝචනය හේතුවෙන් ම වේගය බාල වීම සාමාන්‍යයෙන් සිදුවුවත් හස්ත චලනයේ වේගය විවිධ විය හැකි ය.


චර්මඡේදනය කර තිබීම හෝ නොතිබීම මත පිරිමින්ගේ ස්වයං වින්දන උපක්‍රම එකිනෙකාගෙන් වෙනස් විය හැකි ය. එකකුගේ උපක්‍රමයේ යෙදීම තවකකුට දුෂ්කර වීමට හෝ සුවපහසුවෙන් තොර වූවක් වීමටත් පුළුවන. චර්මඡේදනයට ලක් නොවූ පිරිමින්ගේ ශිෂ්ණය බොහෝවිට උත්තේජනය වන්නේ පෙරසම දිවවීමෙනි (pumping). එනම් ශිෂ්ණ මුණ්ඩය ක්ෂණික ව පෙරසමින් වැසීයාම සහ යළි නිරාවරණය වීම සිදුවන පරිදි පෙරසම ශිෂ්ණ මුණ්ඩය දිගේ අතින් ඉහළ පහළ යැවීම ය. පෙරසමේ දිග ප්‍රමාණය මත ශිෂ්ණ මුණ්ඩය මුළුමනින් ම හෝ අඩ වශයෙන් වැසී යාම සිදු විය හැකි ය. 

ශිෂ්නය අතින් ඉහළ පහළ පිරිමදිමින් පිරිමින් ස්වයං වින්දනයේ යෙදීම.

ස්ත්‍රීන්[සංස්කරණය]

දබරැඟිල්ල සහ මැදැඟිල්ල හෝ ඉන් එක් ඇඟිල්ලක් යොදාගනිමින් ගැහැනියක විසින් සිය බාහිර ලිංගික ප්‍රදේශය (විශේෂයෙන් ම ඇයගේ භගමණිය) සෙමෙන් පිරිමැදීම හෝ දැඩි ව ඇතිල්ලීම ස්ත්‍රී ස්වයං වින්දනයට අයත් වේ. ජී-ලපය පිහිටා තිබෙන යෝනියේ ඉදිරිපස බිත්තිය පිරිමැදීම පිණිස ඇඟිල්ලක් හෝ කිහිපයක් යෝනියට ඇතුල් කිරීම ද ඇතැම්විට දැකිය හැකි ය. ස්ඵන්දකයන්, ඩිල්ඩෝවන් හෝ Ben Wa balls වැනි ස්වයං වින්දන මෙවලම් ද යෝනිය සහ භගමණිය උත්තේජනය කිරීමට දායක කර ගත හැකි ය. බොහෝ ස්ත්‍රීන් ස්වයං වින්දනය අතරතුර සිය නිදහස් අතින් පියයුරු සුරතල් කිරීම හෝ තනපුඩුවක් උත්තේජනය කරගැනීම සේ ම සමහරු ගුදීය  උත්තේජනය තුළින් ආස්වාදනයට පත්වීම ද දැකිය හැකි ය.

ඇතැම්විට ස්වයං වින්දනයේ දී (වෙසෙසින් ම අන්තර්ග්‍රාහනයක් සිදුවන විට) ලිහිසි ද්‍රව්‍යයන්/ස්නේහකයන් භාවිත වේ. නමුත් මෙය සැමට පොදු නොවන අතර බොහෝ ස්ත්‍රීන්ට සිය ස්වාභාවික ස්‍රාවයන් ප්‍රමාණවත් වෙයි.

උඩුකුරු ව හෝ යටිකුරු ව දිගාවීම,  හිඳගැනීම, උක්කුටික ව සිටීම, දනින් වැටී සිටීම හෝ සිටගෙන සිටීම සාමාන්‍යයෙන් දැකිය හැකි ඉරියව් වෙයි. ස්නානය කිරීමේ දී ගැහැනුන් කරාමයෙන් හෝ ෂවරයෙන් නික්මෙන දියපහර සිය භගමණිය සහ බාහිර ලිංගික ප්‍රදේශය වෙතට විද ගනිති. යටිකුරු ව දිගා වී හිඳිමින් ස්වයං වින්දනයේ යෙදීමේ දී ඇතැම් අය කලවා අතර දෑත් ඔබා ගැනීම, කොට්ටයක් සිරකර ගැනීම, ඇඳෙහි මිට්ටමකට තදකිරීම, සහකරුවකුගේ පයක් හෝ ගුලිකරගත් රෙදි පොට්ටනියක් ඔබාගැනීමත් බාහිර ලිංගික ප්‍රදේශය සහ භගමණිය ඒ මත තෙරපීමෙන් සහ ඇතිල්ලීමෙන් ලිංගික වින්දනය ලබාගැනීමත් (Dry humping) සිදුකරති.

සිටගෙන සිටින අතරතුර ස්වයං වින්දනයේ යෙදීමේ දී පුටුවක්, ගෘහ භාණ්ඩයක කෙළවරක්, හෝ රෙදි සෝදන යන්ත්‍රයක් පවා භගමණිය උත්තේජනය කිරීමට යොදාගත හැකිය. සමහරු භගමණිය එක එල්ලේ ම ස්පර්ශ කිරීමෙන් වැළකී ඒ මතට පීඩනයක් යෙදීමෙන් ද ස්වයං වින්දනයේ යෙදෙති. නිදසුනක් ලෙස යටඇඳුම මත අත්ල තෙරපීම දැක්විය හැකි ය.

එවක මැහුම්කාරියන් පයින් පාගන මහන මැෂින් ක්‍රියාකරවන අතරතුර මහන යන්ත්‍රයට ආසන්න වන පරිදි සිය පුටුවල අද්දරින්  අසුන්ගනිමින් සුරතාන්තය ළඟාකරගත් බව හැව්ලොක් එලිස් 1920දී සඳහන් කළේය.

සිය දෙපා එකිනෙක තදින් පටලවා ගැනීමත් ලිංගික ප්‍රදේශයන් පීඩනයට ලක් වන පරිදි දෙපාවල මාංශ පේශී මිරිකීමට ලක්කිරීමත් තුළින් ගැහැනුන්ට ඒ සඳහා විශේෂයෙන් යොමුවීමකින් තොර ව ලිංගික ව උත්තේජනය විය හැකි ය. මෙමගින් අවට සිටින අයට නොපෙනෙන පරිදි ප්‍රසිද්ධ ස්ථානක දී වුව ද ඔවුනට ස්වයං වින්දනය ලැබිය හැකිය.

සිතුවිලි, විචිත්‍ර චින්තාවන් සහ පසුගිය අත්දැකීම් පිළිබඳ මතකයන් විසින් ලිංගික උද්දීපනයන් ඇතිවිය හැකි ය. සමහරු සිය අභිමතයකින් තොර ව හිටිවන ම සුරතාන්තයට පත්වුවත් ශාරීරික වශයෙන් උත්තේජනය කරගැනීමක් සිදු නොවන බැවින් මෙය ස්වයං වින්දනයක් ලෙස සැලකීම යුතු නැත.

අනෝන්‍ය ස්වං වින්දනය[සංස්කරණය]

අනෝන්‍ය ස්වං වින්දනය.ස්ත්‍රියක් විසින් පුරුෂයෙකුගේ ශිශ්නය පිරිමැදීමෙන් උත්තේජනය ලබාදීම.

අනෝන්‍ය ස්වං වින්දනය යනු පුද්ගලයින් දෙදෙනකු හෝ ඊට වැඩි පිරිසක් එක්වී තම අත්වලින් අනෙකාගේ ලිංගික අවයව උත්තේජනය කිරීමයි.මෙය විරුද්ධ ලිංගිකයන් දෙදෙනකු අතර හෝ විරුද්ධ ලිංගිකයන් පිරිසක් අතර මෙන්ම සමලිංගික දෙදෙනකු හෝ පිරිසක් අතර වුවද සිදුවිය හැක.ඇතැම්විට එකිනෙකා සම්මුඛයේ එහෙත් එකිනෙකා ස්පර්ශ කිරීමකින් තොරව ස්වං විදනය කිරීම ද මෙයට අයත්ය.ස්ත්‍රියක හා පුරුෂයෙකු එකිනෙකාට සම්මුඛව හිදිමින් ස්වං වින්දනය සිදුකල හැකිය.කන්‍යාභාවය ආරක්ෂා කරගැනීම,ගැබ්ගැනීම් වළක්වා ගැනීම හා ලිංගිකව සම්ප්‍රේෂණය වන රෝග වලින් වැළකී සිටීමේ අරමුණින් බොහෝ විට මෙසේ එකිනෙකා ස්පර්ශයෙන් තොරව අනොන්‍ය ස්වං වින්දනයේ යෙදෙයි.කෙසේ වෙතත් එකිනෙකා ස්පර්ශ කරගනිමින් සිදුකරන ස්වං වින්දනයෙන් පවා කන්‍යාභාවයට ගර්භනීවීමකට හෝ ලිංගික රෝග ව්‍යාප්තියකට ඍජුව බලපාන්නේ නැත.මෙය ආරක්ෂාකාරී ලිංගික චර්‍යාවකි.


ආගමික පසුබිම[සංස්කරණය]

බුදුදහම[සංස්කරණය]

ස්වයං වින්දනය පවක් ලෙස නොසැලකේ.[1] නමුත් උපසම්පදා භික්ෂූන්ට එය ඇවතක් වශයෙන් දක්වා ඇත.

ක්‍රිස්තියානි ආගම[සංස්කරණය]

ස්වයං වින්දනය පවක් වශයෙන් හැදින්වේ.[තහවුරු කර නොමැත]

මුස්ලිම් ආගම්[සංස්කරණය]

ෂියා ඉස්ලාම් නිකායට අනුව ස්වයං වින්දනය හරාම් (අකැප) ය.[2] සුන්නි ඉස්ලාම් දහමේ, මේ පිළිබඳව නොයෙක් මත පවතී. ඉමාම් මලික්ට අනුව එය සුන්නි දහමේ ද හරාම් ය.[3][4] නමුත් අනෙක් ඉමාම්වරු තිදෙනාට අනුව ස්වයං වින්දනය, කාම මිථ්‍යාචාරයෙන් වැළකීමේ උපක්‍රමයක් ලෙස භාවිතා කරන්නේ නම් කැප ය​. කවරාකාරී හෝ ශුක්‍ර විමෝචනයකින් පසු ස්නානය අනිවාර් ය වේ.

හින්දු ආගම[සංස්කරණය]

හින්දු දහමට අනුව ගිහි සැප සෙවීම, මනුෂ්‍ය ජිවීතයේ ප්‍රධාන අරමුණු සතරෙන් එකකි.

කාම සූත්‍රය කිසි සේත්ම ස්වයං වින්දනය හෙළා දැක නොමැති අතර එය ස්වයං වින්දනයේ යෙදිය හැකි උපක්‍රම විස්තර කරයි.[5]

සෞඛ්‍යමය බලපෑම[සංස්කරණය]

වෙෙද්‍යමය පොදු එකඟතාව නම් ස්වයං වින්දනය යනු වෙෙද්‍ය විද්‍යාත්මකව සෞඛ්‍යමත් සහ මනෝවිද්‍යාත්මකව සාමාන්‍ය හැසිරීම් රටාවක් වේ.[6][7][8][9][10] මර්ක් මැනුවල් ඔෆ් ඩයනොසිස් ඇන්ඩ් තෙරපි (Merck Manual of Diagnosis and Therapy) වෙෙද්‍ය ග්‍රන්ථයට අනූව, "partner-oriented හැසිරීම නිෂේදනය කිරීම, ප්‍රසිද්ධියේ සිදුකිරීම, හෝ පීඩාවට හේතුවන තරම් අත්හල නොහැකි භාවය, ස්වයං වින්දනයේ අසාමාන්‍ය තත්වයන් ලෙස සැලකේ."[11]

ස්වයං වින්දනය මගින් නොමේරූ ශුක්‍රාණු නිපදවීම සිදු නොකරයි.[12]

එක්සත් ජනපද, අමෙරිකානු මනෝ චිකිත්සක සංගමයේ ඩයනොස්ටික් ඇන්ඩ් ස්ටැටිස්ටිකල් මැනුවල් ඔෆ් මෙන්ටල් ඩිසෝඩර්ස් (Diagnostic and Statistical Manual of Mental Disorders (DSM)) II (1968) යන ප්‍රකාශනය තෙක්, ස්වයං වින්දනය චිකිත්සාවට ලක් කල හැකි මානසික තත්වයක් විය.[13] 1972 වර්ෂයේදී අමෙරිකානු වෙෙද්‍ය සංගමය විසින් ස්වයං වින්දනය කිරීම සාමාන්‍ය කරුණක් ලෙස ඒකමතිකව ප්‍රකාශයට පත්කරන ලදී.[14]

මේවාද බලන්න[සංස්කරණය]

මූලාශ්‍ර​[සංස්කරණය]

සටහන්[සංස්කරණය]

  1. බෞද්ධාගමික ලිංගික ආචාර ධර්ම​, වින්ටන් හිගින්ස්
  2. Rizvi, Muhammad (1994). "3. The Islamic Sexual Morality (2) Its Structure". Marriage and Morals in Islam. Scarborough, ON, Canada: Islamic Education and Information Center.
  3. The Lawful And The Prohibited In Islam, Yusuf Al-Qardawi - 1997
  4. The New Arab Man: Emergent Masculinities, Technologies, and Islam in the Middle East, p 168, Marcia C. Inhorn - 2012
  5. How to Raise Kids Who Won't Hate You ඇලන් තික් විසිනි.; පි.125
  6. Porter, රොබට් එස්.; කැප්ලන්, ජස්ටින් එල්., eds. (2011). "165 පරිච්චේදය. සෙක්ෂුවලිටි අැන්ඩ් සෙක්ෂුවල් ඩිසෝඩර්ස්". ද මර්ක් මැනුවල් ඔෆ් ඩයග්නොසිස් ඇන්ඩ් තෙරපි (19th ed.). වයිට්හවුස් සටේෂන්, NJ: මර්ක් ෂාර්ප් ඇන්ඩ් ඩොමී කොර්ප්., අ සබිසිඩයරි ඔෆ් මර්ක් ඇන්ඩ් ක., ඉන්කෝ. ISBN 978-0-911910-19-3. {{cite book}}: Unknown parameter |chapterurl= ignored (help)
  7. Shpancer, Noah (29 සැප්තැම්බර් 2010). "දා මස්ටබේෂන් ගැප්. ද පේයින්ඩ් හිස්ට්‍රි ඔෆ් සෙල්ෆ් ප්ලෙෂර්". සයිකොලොජි ටුඩේ. නිව්යොර්ක් සිටි: සසෙක්ස් පබිලිෂර්ස්. සම්ප්‍රවේශය 27 ජූනි 2013. කින්සී'ස් ඇන්ඩ් මාස්ටර්ස්ගේ ප්‍රකාශනය සහ ජොන්සන්ගේ සමීක්ෂණය, ස්වයං වින්දනය පොදු හා හානි රහිත බැව් හොළිදරව් කොට තිබේ. මෙම ප්‍රාථමික සත්‍යය බොහොමයක් අධ්‍යයන තුලින් තහවුරු කොට තිබෙන අතර තවදුරටත් ඒවායින් හෙළිදරව් කොට ඇත්තේ ස්වයං වින්දනය "සැබෑ" සම්බෝගය කෙරේ ආදේශකයක් නොවන බව හා අවධානම් සම්බෝගය පහසු නොකරවන්නක් බවයි.
  8. කූන්, ඩෙනිස්; මිටටර්, ජෝන් O. (1 ජනවාරි 2015). "11. ජෙන්ඩර් ඇන්ඩ් සෙක්ෂුවලිටි". ඉන්ට්‍රොඩක්ෂන් ටු සයිකොලොජි: ගේටවෙයිස් ටු මයින්ඩ් ඇන්ඩ් බිහේවියර් (14 ed.). සෙන්ගේජ් ලර්නිං. p. 363. ISBN 978-1-305-54500-7. ස්වයං වින්දනය, හානිදායක හේතුකාරකයක් විය හැකි කුමන හෝ මාර්ගයක් තිබේද? වසර හැත්තෑවකට පෙර, ස්වයං වින්දනය සිහිවිකල්වීමට, වඳ භාවයට හෝ වෙනයම් එවැනි විකාර සහිත තත්වයන්ට ලක්වීමට හේතුකාරක විය හැකි බවට දරුවෙකුට පවසා තිබිය හැක. "ස්වයං-දූෂණය," ලෙස එකල හඳුනාගත් එය, දීර්ඝ සහ අවාසනාවන්ත ආගමික හා වෙෙද්‍යමය අනනුමතියට ලක්වූ ඉතිහාසයක් සමග වැජඹී තිබිණි (කැරොල්, 2013). ස්වයං වින්දනය යනු සාමාන්‍ය ලිංගික හැසිරීම් රටාවක් බැව් නූතන අදහස වේ (Hogarth & Ingham, 2009). අවබෝධාත්මක දෙමාපියන් මේ කරුණ සම්බන්ධව හොඳින් දැනුවත්ය. සිය රහස් අවයව ස්පර්ෂය, තවමත් බොහෝ දරුවන් දඬුවමට හෝ තමන් සිදුකලේ වැරැද්දක් යන්න සංවේදනයට ලක්කිරීම සිදුකෙරේ. මෙය අවාසනාවක් වන්නේ ස්වයං වින්දනය හානිකර නොවන දෙයක් නිසාවෙනි. මූලික ලෙසම මෙහි වූ එකම ඍණාත්මක බලපෑම් වන්නේ බිය ඇතිවීම, වැරදිකාරී බව, හෝ ස්වයං වින්දනය යනු "නරක" හෝ "වැරදි" දෙයක් ලෙස සිතීමට ඉගෙනගැනීම නිසා ඇතිවන වියවුල් සහිත බව වැනි දේ වේ. ජනයා "ආරක්ෂිත සංසර්ග ක්‍රම" අනුගමනය කෙරේ දිරිමත් කරනු ලබන අදාල වයස්හීදී, ස්වයං වින්දනය සියල්ලටම වඩා ආරක්ෂාකාරීම ආකාරය ලෙස ඉතිරිව පවතී. {{cite book}}: Unknown parameter |chapterurl= ignored (help)
  9. Sigel, Lisa Z. (සමර් 2004). "මස්ටර්බේෂන්: ද හිස්ට්‍ර ඔෆ් ද ග්‍රේට් ටෙරර් බයි ජීන් ස්ටෙන්ර්ස්ජ; Ann Van Neck; Kathryn Hoffmann". ජර්නල් ඔෆ් සෝෂල් හිස්ට්‍රි. Oxford: ඔක්ස්ෆර්ඩ් යුනිවර්සිටි ප්‍රෙස්. 37 (4): 1065–1066. doi:10.1353/jsh.2004.0065. ISSN 0022-4529. JSTOR 3790078. {{cite journal}}: Check date values in: |date= (help)
  10. Wood, Kate (මාර්තු 2005). "මස්ටර්බේෂන් ඈස් අ මීන්ස් ඔෆ් ඇචීවින් සෙක්ෂුවල් හෙල්ත් බයි වොල්ටර් බොක්ටිං; ඇලී කොල්මන්". කල්චර්, හෙල්ත් ඇන්ඩ් සෙක්ෂුවලිටි. ලන්ඩන්: ටේලර් ඇන්ඩ් ෆ්‍රැන්සිස්, ලිමිටඩ්. 7 (2): 182–184. ISSN 1369-1058. JSTOR 4005453.
  11. George R. Brown, MD. "ඕවර්වීව් ඔෆ් සෙක්ෂුවලිටි". මර්ක් මැනුවල්ස් ප්‍රොෆෙෂන්ල් වර්ෂන්. සම්ප්‍රවේශය 16 නොවැම්බර් 2015.
  12. Strassberg, Donald S.; මැකරෝනිස්, ජූලියා ඊ.; පෙරල්මන්, මයිකල් ඒ. (2015). "සෙක්ෂුවල් ඩිස්ෆන්ක්ෂන්ස්". In බ්ලේනි, පෝල් එච්.; Krueger, රොබට් එෆ්.; මිලන්, Theodore (eds.). ඔක්ස්ෆෝඩ් ටෙක්ස් බුක් ඔෆ් සයිකොපැතොලොජි (තුන්වන ed.). NY: ඔක්ස්ෆොර්ඩ් යුනිවසිටි ප්‍රෙස්. pp. 441–442. ISBN 978-0-19-981177-9. OCLC 879552995. {{cite book}}: |access-date= requires |url= (help); Unknown parameter |chapterurl= ignored (help)
  13. David J. Ley (10 ජූලි 2014). ද මිත් ඔෆ් සෙක්ස් ඇඩික්ෂන්. රෝමාන් ඇන්ඩ් ලිටිල්ෆීල්ඩ්. p. 12. ISBN 978-1-4422-1305-0.
  14. ප්ලෑන්ඩ් පෙරන්ට්හුඩ් ෆෙඩරේෂන් ඔෆ් අමෙරිකා (මාර්තු 2003). "මස්ටර්බේෂන්: ෆ්‍රොම් මිත් ටු සෙක්ෂ්වල් හෙල්ත්". කන්ටෙම්පරරි සෙක්ෂුවලිටි. මවුන්ට වර්නන්, IA: අමෙරිකන් ඇසෝසියේෂන් ඔෆ් සෙක්ස් එඩියුකේටර්ස්, කවුන්සිලර්ස්, ඇන්ඩ් තෙරපිස්ට්ස්. 37 (3): v. ISSN 1094-5725. OCLC 37229308. අවසානයේ අමෙරිකානු වෙෙද්‍ය ප්‍රජාව, ස්වයං වින්දනය සාමාන්‍ය කරුණකි යන්න 1972 අමෙරිකානු වෙෙද්‍ය සංගම හියුමන් සෙක්ෂුවලිටි ප්‍රකාශනයෙහි නිශ්චිතකොට ඇත, (රෝවන්, 2000).

වැඩිදුර පරිශීලනය​[සංස්කරණය]

අඩවියෙන් බැහැර පිටු

"https://si.wikipedia.org/w/index.php?title=ස්වයං_වින්දනය&oldid=624676" වෙතින් සම්ප්‍රවේශනය කෙරිණි