එක්දින ක්‍රිකට් ලෝක කුසලානය

විකිපීඩියා, නිදහස් විශ්වකෝෂය වෙතින්
(ක්‍රිකට් ලෝක කුසලාන වෙතින් යළි-යොමු කරන ලදි)
වෙත පනින්න: සංචලනය, සොයන්න

මෙහි ඇත්තේ එක්දින ලෝක කුසලානය පිළිබඳවයි.
විස්සයි20 ලෝක කුසලානය සදහා අයිසීසී ලෝක විස්සයි20 තරගාවලිය බලන්න.
කාන්තා එක්දින ලෝක කුසලානය සඳහා කාන්තා ක්‍රිකට් ලෝක කුසලානය බලන්න.


ලෝක ක්‍රිකට් කුසලානය එක් දින පිරිමි ක්‍රිකට් තරඟ සඳහා ලබාදෙන ප්‍රමුඛ අන්තර්ජාතික ශුරතාවයයි. මෙම තරඟය සංවිධානය කරන්නේ අන්තර්ජාතික ක්‍රිකට් කවුන්සිලයේ පාලන අධිකාරිය මඟිනි. මූලික සුදුසුකම් ලැබීමේ වටයන් අවසන් තරඟය සඳහා කණ්ඩායම් තෝරා ගැනීම දක්වා පැවැත්වෙන අතර අවුරුදු හතරකට වරක් මෙම තරඟය පවත්වනු ලබයි. මෙය ලෝකයේ පැවැත්වෙන තුන්වන විශාලතම තරඟාවලිය වන අතර අති විශාල නරඹන්නන් පිරිසක් මෙය නරඹනු ලබයි. ලෝක ක්‍රිකට් කවුන්සලයට අනුව මෙය ඉතාම වැදගත් තරඟාවලියක් වන අතර ක්‍රීඩාවේ අග්‍රගන්‍ය සිද්ධියකි. 1975 වර්ෂයේ දී එංගලන්තයේ දී පළමු ලෝක ක්‍රිකට් කුසලාන තරඟාවලිය සංවිධානය කරන ලදී. 1973 වර්ෂයේ සිට අවුරුදු හතරකට වරක් කාන්තා ලෝක ක්‍රිකට් කුසලාන තරඟාවලිය වෙනම තරඟයක් ලෙස පැවැත්වේ. ලෝක ක්‍රිකට් කුසලානය සඳහා අවසන් වශයෙන් තරඟ වදින්නේ ටෙස්ට් තත්වයට පත් රටවල් 10 ට අයත් කණ්ඩායම් එක් දින තරඟ ක්‍රීඩා කරන ජාතීන් සහ අනෙකුත් ලෝක කුසලානය සඳහා සුදුසුකම් ලැබූ ජාතීන්ය. මෙතෙක් ලෝක කුසලානය දිනූ කණ්ඩායම් පහෙන් වඩාත්ම ජයග්‍රාහී කණ්ඩායම වන්නේ ඕස්ට්‍රේලියාවයි. මෙතෙක් හතර වතාවක් ඔවුන් ශූරතාව දිනා ඇත. බටහිර ඉන්දීය කොදෙව් දෙවතාවක් ද, ඉන්දියාව , පකිස්ථානය සහ ශ්‍රී ලංකාව එක් වතාව බැඟින් ද ශූරතාව දිනා ගෙන ඇත. 2007 වර්ෂයේ දී ලෝක ක්‍රිකට් කුසලාන අවසන් තරඟ මාර්තු 13 සිට අප්‍රේල් 28 බටහිර කොදෙව් හිදී පවත්වන ලදී.එම තරඟාවලිය සඳහා කණ්ඩායම් දහසය පළමු වටයට ද හොඳම අට දෙනාගේ වටයට ද , අවසන් පූර්ව සහ අවසන් වටයට ද ක්‍රීඩා කරන ලදී. ඕස්ට්‍රේලියාව විසින් ශ්‍රී ලංකාව පරාජය කිරීමෙන් ශූරතාව දිනා ගනු ලැබීය.

ක්‍රිකට් ලෝක කුසලානය පිරිනමනු ලබන්නේ අන්තර්ජාතික ක්‍රිකට් කවුන්සිලය (ICC) විසිනි.

අන්තර් ජාතික ක්‍රිකට් කවුන්සිලය මගින් ලෝක කුසලාන අවසන් තරඟයේදී ලෝක ශූරයන්ට මෙම කුසලානය පිරිනමනු ලබයි. දැනට පිරිනමනු ලබන ලෝක කුසලානය නිර්මාණය කළේ 1999 ලෝක ශූරයන් වෙනුවෙනි. එය ක්‍රිකට් ඉතිහාසයේ ප්‍රථම ස්ථිර කුසලානයයි. ඊට පෙර විවිධාකාර කුසලාන පිරිනමන ලදී. මාස දෙකට වැඩි කළක් තිස්සේ නිර්මාණය කරනු ලැබූ මේ කුසලානයේ නිර්මාණකරුවන් වනුයේ ලන්ඩන් නුවර ගාරඩ් සමූහ ව්‍යාපාරයයි.

නව කුසලානය රිදී හා රන් ආලෝපිත ලෝහයෙන් නිමවා ඇති අතර රිදී කණු තුනක රැඳ වූ රන් ආලේපිත ගෝලයකින් එය සමන්විත වේ. විකට් කණු මෙම රිදී කණු හා විකට් කණුව මත තබන හරස් පොල්ල ක්‍රීඩාවේ මූලික පැතිකඩයන් විදහා දක්වයි එයට හේතුව වනුයේ මෙම කුසලානය නිර්මාණය කර ඇත්තේ ප්ලේටෝනික පරිමාණයට වීමයි එය උසින් සෙ.මී. 60 ක්ද ආසන්න වශයෙන් බරින් කි.ග්‍රෑම්. 11 ක් ද වේ. එහි විශේෂත්වය නම් ලෝක ශූරයින් ගේ නම් කුසලානය පාමුල ඇති කොටසේ කෙටීමට හැකි වීමයි. ලෝක ශූරයන්ගේ නම් තරඟවාර 20 සඳහා ලිවීමට ඉඩ ඇත.

මෙහි මුල් නිරිමාණය අන්තර් ජාතික ක්‍රීඩාවේ කවුන්සිලය සතුව ඇති අතර එහි ආකෘතිමය කුසලානය ලෝක ශූරයන්ට පිරිනැමේ.

ක්‍රිකට් ලෝක කුසලානය ලබාගත් රටවල්[සංස්කරණය]

වසර තරගාවලිය පැවැති රට අවසාන තරගය පැවැති ක්‍රීඩාංගනය අවසාන තරගය
ජයග්‍රාහී රට ප්‍රතිඵල දෙවැනි ස්ථානය තරගාවලියේ වීරයා
1975 එංගලන්තය ලෝඩ්ස් ක්‍රීඩාංගනය, ලන්ඩන් බටහිර ඉන්දීය කොදෙව් ලකුණු 17කින් බටහිර ඉන්දීය කොදෙව්න් ඕස්ට්‍රේලියාව ක්ලයිව් ලොයිඩ්
1979 එංගලන්තය ලෝඩ්ස් ක්‍රීඩාංගනය, ලන්ඩන් බටහිර ඉන්දීය කොදෙව් ලකුණු 92කින් බටහිර ඉන්දීය කොදෙව්න් එංගලන්තය විවියන් රිචඩ්ස්
1983 එංගලන්තය ලෝඩ්ස් ක්‍රීඩාංගනය, ලන්ඩන් ඉන්දියාව ලකුණු 43කින් ඉන්දියාව බටහිර ඉන්දීය කොදෙව් මොහින්දර් අමර්නාත්
1987 ඉන්දියාව සහ පාකිස්තනය ඊඩ්න් ගාඩ්න්ස් ක්‍රීඩාංගනය, කොල්කටා ඕස්ට්‍රේලියාව ලකුණු 7කින් ඕස්ට්‍රේලියාව එංගලන්තය ඩේවිඩ් බූන්
1992 ඕස්ට්‍රේලියාව සහ නවසීලන්තය මෙල්බර්න් ක්‍රිකට් ක්‍රීඩාංගනය, මෙල්බර්න් පාකිස්තානය ලකුණු 22කින් පාකිස්තානය එංගලන්තය මාටින් ක්‍රෝව්
1996 පාකිස්තානය, ඉන්දියාව සහ ශ්‍රී ලංකාව ගඩාෆි ක්‍රීඩාංගනය, ලාහෝර් ශ්‍රී ලංකාව කඩුලු 7කින් ශ්‍රී ලංකාව ඕස්ට්‍රේලියාව සනත් ජයසූරිය
1999 එංගලන්තය, නෙදර්ලන්තය,
ස්කොට්ලන්තය සහ වේල්සය
ලෝඩ්ස් ක්‍රීඩාංගනය, ලන්ඩන් ඕස්ට්‍රේලියාව කඩුලු 8කින් ඕස්ට්‍රේලියාව පාකිස්තානය ලාන්ස් ක්ලූස්නර්
2003 දකුණු අප්‍රිකාව වොන්ඩරර්ස් ක්‍රීඩාංගනය, ජොහැනස්බර්ග් ඕස්ට්‍රේලියාව ලකුණු 125කින් ඕස්ට්‍රේලියාව ඉන්දියාව සචින් ටෙන්ඩුල්කාර්
2007 බටහිර ඉන්දීය කොදෙව් කෙන්සින්ටන් ඕවල් ක්‍රීඩාංගනය, බ්‍රිජ්ටවුන් ඕස්ට්‍රේලියාව ලකුණු 53කින් ඕස්ට්‍රේලියාව D/L ක්‍රමයට ශ්‍රී ලංකාව ග්ලේන් මැක්ග්‍රාත්
2011 ඉන්දියාව, ශ‍්‍රී ලංකාව සහ බංගලාදේශය වන්කෙඩේ ක්‍රීඩාංගනය, මුම්බායි ඉන්දියාව කඩුලු 6කින් ඉන්දියාව ශ්‍රී ලංකාව යුවරාජ් සිං
2015 ඕස්ට්‍රේලියාව සහ නවසීලන්තය මෙල්බර්න් ක්‍රිකට් ක්‍රීඩාංගනය, මෙල්බර්න් ඕස්ට්‍රේලියාව කඩුලු 7කින් ඕස්ට්‍රේලියාව නවසීලන්තය මිචෙල් ස්ටාර්ක්
2019 එංගලන්තය සහ වේල්සය ලෝඩ්ස් ක්‍රීඩාංගනය, ලන්ඩන්
2023 ඉන්දියාව ඊඩ්න් ගාඩ්න්ස්, කොල්කටා