සුසන්තිකා ජයසිංහ
| පදක්කම් වාර්තාව | ||
|---|---|---|
 සුසන්තිකා ජයසිංහ | ||
 ශ්‍රී ලංකාව වෙනුවෙන් තරගකරු
| ||
| කාන්තා මලල ක්‍රීඩා
| ||
| රිදී | 2000 Sydney | 200 m |
| World Championships | ||
| රිදී | 1997 Athens | 200 m |
| ලෝකඩ | 2007 Osaka | 200 m |
| Asian Athletics Championships | ||
| රන් | 2007 Amman | 100 m |
| රන් | 2007 Amman | 200 m |
| රන් | 2002 Colombo | 100 m |
| රන් | 2002 Colombo | 200 m |
| රන් | 1995 Jakarta | 200 m |
| රන් | 2000 Jakarta | 4 x 100 m |
| රිදී | 1995 Jakarta | 100 m |
| Asian Games | ||
| රන් | 2002 Busan | 100m |
| රිදී | 2006 Doha | 100m |
| රිදී | 1994 Hiroshima | 200m |
| ලෝකඩ | 2006 Doha | 200m |
| Continental Cup | ||
| ලෝකඩ | 2002 Madrid | 100 m |
| Lusophony Games | ||
| රන් | 2006 Macao | 100 m |
| රන් | 2006 Macao | 100 m |
සුසන්තිකා ජයසිංහ (උපන්දිනය - 1975/12/17, උපන් ස්ථානය අත්නාවල, ශ්‍රී ලංකාව) මීටර 100 හා මීටර 200 ඉසව් ප්‍රගුණ කර ඇති කෙටි දුර ධාවන ශූරියකි. ඇය ඔලිමිපික් පදක්කමක් දිනා ගත් එකම සිංහල පුද්ගලයාය. 2000 වසරේ ඔලිම්පික් උළලේදී ඇය ලෝකඩ පදක්කමක් (පසුව එහි රිදී පදක්කම ඇයට හිමිවිය) දිනා ගත්තාය.
කොළඹින් කිලෝ මීටර 60 පමණ උතුරින් පිහිටි කුඩා ගම්මානයක දිළිඳු පවුලකට දාව සුසන්තිකා උපත ලැබුවාය. ඇයට දිවීමට අවශ්‍ය සපත්තුවල මිල තම පවුලේ මාසික ආදායමටද වඩා මිලෙන් අධික වූ අතර, ඇයට සුදුසු පුහුණුකරුවන් හෝ උපකරණ කුඩාකල නොතිබිණ. එසේවුවත් මෙම බාධක සියල්ල පරදවා ඇය ග්‍රීෂ්ම ඔලිම්පික් තරඟ හා IAAF ලෝක ශූරතා තරඟවල පදක්කම් ලබාගැනීමට තරම් තත්වයකට ඇය පත් වූවාය. ඇය මෙම ජයග්‍රහණ ලබාගත්තේ ස්ව-උත්සාහයෙන් පැමිණි ගමන තුළදීය. ඇයට 1997දී IAAF හි ලද ජයග්‍රහණයෙන් අනතුරුව, ඇමරිකා එක්සත් ජනපදයේ පුහුණු වීම් සදහා යාමට අවස්ථාව උදාවිය.
ශ්‍රියත් සුභාෂ් දිසානායක, දමයන්ති දර්ශා හා සුගත් තිලකරත්න වැනි අනිකුත් දක්ෂ ශ්‍රී ලාංකික ක්‍රීඩාකරුවන් සමඟ එකතුව වසර 2000 දී පැවති ඔලිම්පික් තරඟවලදී ශ්‍රී ලාංකිකයන්ට අන්තර්ජාතික තරඟකරුවන් සමඟ හොඳින් තරඟ කිරීමට හැකි බව ඇය ලොවට පෙන්වූවාය. වර්ෂ 1948 න් පසුව පළමු වරට ශ්‍රී ලංකාව වෙනුවෙන් මීටර් 200 කාන්තා ඉසව්වෙන් ඔලිම්පික් පදක්කමක් දිනාගැනීමට එම තරඟාවලියේදී ඇයට හැකිවිය. එහිදී ඇය මේරියන් ජෝන්ස් (Marion Jones) හා පවුලින් ඩේවිස්-තොම්සන්(Pauline Davis-Thompson) ට පිටුපසින් තරඟය නිමකර ලෝකඩ පදක්කම දිනාගත්තාය. නමුත් පසුව මේරියන් ජෝන්ස් හට තහනම් උත්තේජක චෝදනා එල්ල වීම හේතුවෙන් තරඟයෙන් ඉවත් කෙරුනු බැවින් පවුලින් ඩේවිස්-තොම්සන් හට රන් පදක්කමත්, ඇය හට රිදී පදක්කමත් හිමි වූවාය.
සුසන්තිකාගේ ක්‍රීඩා දිවිය මතභේදාත්මක හා දුෂ්කර එකකි. වසර 1998 දී ඇයට තහනම් උත්තේජක භාවිතා කරන ලදැයි පවසා තරඟ තහනමක්ද පනවන ලදී. ඇයගේ දේශපාලනික ස්ථාවරයත්, ක්‍රීඩා නිලධාරීන් සමඟ ඇතිවූ ආරවුල් මේ තත්ත්වයට මුල්වූ බව සුසන්තිකා කියා සිටියාය.
පසුව ඇයව මෙම වරදින් නිදහස් කරන ලදී. ඇය ඔලිම්පික් පදක්කම දිනාගෙන සිය රටට පැමිණීමෙන් අනතුරුව පිරිමි ධාවන ක්‍රීඩකයෙකුගේ පහර කෑමකට ද ලක්විය. මෙයට හේතුව ඇය ඡන්ද ව්‍යාපාර කටයුතු වලදී කලින් පැවති රජයට සහය දීම බව ඇයගේ විශ්වාසයයි.
ජාතික මලල ක්‍රීඩා සංගමයේ සහයක් නොමැතිවූ හෙයින් ඇයට අගහිඟකම් වලට මුහණ දීමටත්, වසර 2000 ඔලිම්පික් තරඟ වලට සහභාගී වීමටත් සිදුවිය. එනමුත් වසර 2000 ඔලිම්පික් ජයග්‍රහණ‍යත් සමඟ ඇයට ජාතික වශයෙන් අරමුදල් එකතු කර සහය දැක්වීමක් සිදුවිණී. එසේ වුවත් ඇය රට අතහැර ඇමරිකාවේ Los Angeles නගරයේ පදිංචියට ගියාය. කෙසේ වුවත් නැවත ලංකාවට වර්තමානයේදී ක්‍රීඩා පුහුණුකරුවෙකු ලෙස කටයුතු කරයි.
ඇය නාගලිංගම් එතිර්වීරසිංහම් (ආසියානු ක්‍රීඩා උස පැනීමේ 1958 රන් පදක්කම් ලාභී හා දෙවරක්, 1952 හා 1956 දී, ඔලිම්පික් ක්‍රීඩක) සමඟ පුහුණුවීමට Los Angeles නගරයට ගියාය. ඉන් ටික කලකට පසුව ඇය වසර 2007 ජෝර්දානයේ (Jordan) හි පැවති මීටර 100 හා මීටර 200 ආසියානු මලල ක්‍රීඩා තරඟවල රන් පදක්කම් ලැබීමටත් හා එම වසරේම පැවති ලෝක ශූරතා තරඟාවලියේ දී ලෝකඩ පදක්කමක් ලැබීමටත් සමත් වූවාය. එම ලෝක ශූරතාවය ඇය ජයග්‍රහණය කරනු ලැබුවේ ලෝක ශූරතාවයක් දිනා දස වසරකට පසුවය. දැනට (2007 අගෝස්තු 13 දිනට පෙර) IAAF ශ්‍රේණිගත කිරීම් අනුව මීටර 100 ඉසව්වෙන් ලොව 18 වන ස්ථානයටත්, මීටර 200 ඉසව්වෙන් ලොව 20 වන ස්ථානයටත් පත්ව සිටියාය.
2009 වසරේ පෙබරවාරි 05 දින මවක් වීමේ බලාපොරොත්තුව සාර්ථක කරගැනීම සඳහා සිය විශ්‍රාම යාම ප්‍රකාශ කලාය. ඇය එම වසරේම මාර්තු 31 දින කුඩා පිරිමි දරුවෙකු බිහි කලාය.
සුසන්තිකා ජයසිංහ 2010 වසරේ නොවැම්බර් මස නැවත ක්‍රීඩා ක්ෂේත්‍රයට පිවිසෙන බව ප්‍රකාශ කලාය.
පෞද්ගලික හොදම ප්‍රතිඵල
[සංස්කරණය]| දිනය | තරගය | ස්ථානය | කාලය |
|---|---|---|---|
| 9,සැප්තැම්බර් 2000 | මීටර 100 | යොකොහමා, ජපානය | 11.04 |
| 28,සැප්තැම්බර් 2000 | මීටර 200 | සිඩ්නි, ඕස්ට්‍රේලියාව | 22.28 |
ජයග්‍රහන
[සංස්කරණය]| වසර | තරගාවලිය | ස්ථානය | ප්‍රතිඵලය | තරගය |
|---|---|---|---|---|
| 1994 | Asian Games | 2nd | 200 m | |
| 1997 | IAAF World Championships | ඇතන්ස්, ග්‍රිසිය | 2nd | 200 m |
| 1999 | IAAF Grand Prix Final | මියුනිච්, ජර්මනිය | 8th | 200 m |
| 2000 | 2000 Summer Olympics | සිඩ්නි, ඕස්ට්‍රේලියාව | 3rd | 200 m |
| 2001 | IAAF World Indoor Championships | ලිස්බො, පෘතුගාලය | 4th | 200 m |
| 2002 | IAAF World Cup | මැඩ්රිඩ්, ස්පාඤ්ඤය | 3rd | 100 m |
| 2002 | Asian Championships | කොළඹ, ශ්‍රී ලංකාව | 1st | 100 m |
| 2002 | Commonwealth Games | මැන්චෙස්ටර්, මහා බ්‍රිතාන්‍ය | 4th | 100 m |
| 2002 | IAAF World Cup | මැඩ්රිඩ්, ස්පාඤ්ඤය | 4th | 200 m |
| 2002 | Asian Championships | කොළඹ, ශ්‍රී ලංකාව | 1st | 200 m |
| 2006 | Asian Games | දෝහා, කටාර් | 2nd | 100 m |
| 2006 | Asian Games | දෝහා, කටාර් | 3rd | 200 m |
| 2007 | Asian Championships | අම්මාන්, ජෝර්දානය | 1st | 100 m |
| 2007 | Asian Championships | අම්මාන්, ජෝර්දානය | 1st | 200 m |
| 2007 | IAAF World Championships | ඔසාකා, ජපානය | 3rd | 200 m |
අමතර අවධානයට
[සංස්කරණය]- ශ්‍රී ලාංකික ක්‍රීඩිකාවන්
- ශ්‍රී ලාංකික ක්‍රීඩකයන්
- ඩන්කන් වයිට්
- ශ්‍රියන්ත දිසානායක
- Nagalingam Ethirveerasingam
සටහන්
[සංස්කරණය]බාහිර සබැදි
[සංස්කරණය]- සුසන්තිකා ජයසිංහ at World Athletics
- සුසන්තිකා ජයසිංහ at Australian Athletics Historical Results
- සුසන්තිකා ජයසිංහ at Olympics.com
- සුසන්තිකා ජයසිංහ at Olympedia
- සුසන්තිකා ජයසිංහ at World Athletics
| Olympic Games | ||
|---|---|---|
| පූර්වප්‍රාප්තිකයා දමයන්ති දර්ශා |
Flagbearer for ශ්‍රී ලංකාව Athens 2004 Beijing 2008 |
අනුප්‍රාප්තික නිලූක කරුණාරත්න |
| අධිකාරී පාලනය: ජනයා |
|---|
- ජීවමාන ජනයා
- ශ්‍රී ලාංකික ක්රීඩකයෝ
- කෙටි දුර ධාවක
- සිංහලයෝ
- ශ්‍රී ලාංකිකයෝ
- 1975 උපත්
- ක්‍රීඩක ක්රීඩිකාවෝ
- People from Kegalle District
- Sri Lankan female sprinters
- Olympic athletes for Sri Lanka
- Olympic silver medalists for Sri Lanka
- 2000 ගිම්හාන ඔලිම්පික් තරගාවලිය තුළ මල්ලක්රීඩකයෝ (ජවන සහ පිටිය)
- 2008 ගිම්හාන ඔලිම්පික් තරගාවලිය තුළ මල්ලක්රීඩකයෝ (ජවන සහ පිටිය)
- Commonwealth Games competitors for Sri Lanka
- Athletes (track and field) at the 2002 Commonwealth Games
- World Athletics Championships medalists
- World Athletics Championships athletes for Sri Lanka
- Asian Games medalists in athletics (track and field)
- Athletes (track and field) at the 1994 Asian Games
- Athletes (track and field) at the 1998 Asian Games
- Athletes (track and field) at the 2002 Asian Games
- Athletes (track and field) at the 2006 Asian Games
- Sinhalese people
- Sri Lankan Buddhists
- 2000 ගිම්හාන ඔලිම්පික් තරගාවලිය තුළ පදක්කම්ලාභියෝ
- Asian Games gold medalists for Sri Lanka
- Asian Games silver medalists for Sri Lanka
- Asian Games bronze medalists for Sri Lanka
- Olympic silver medalists in athletics (track and field)
- Medalists at the 1994 Asian Games
- Medalists at the 2002 Asian Games
- Medalists at the 2006 Asian Games
- Sri Lanka Army Women's Corps soldiers
- Sri Lanka Army Volunteer Force soldiers
- Deshabandu
- Olympic female sprinters
- Asian Athletics Championships winners