මාර්ටින් වික්‍රමසිංහ

විකිපීඩියා වෙතින්
Jump to navigation Jump to search

{{තොරතුරුකොටුව පුද්ගලයා | නම = මාර්ටින් වික්‍රමසිංහ | image = https://upload.wikimedia.org/wkikipedia/si/3/3e/Martin_wikramasinha.jpg | image_size = 200x300px | caption = | birth_name = ළමාහේවගේ දොන් මාර්ටින් වික්‍රමසිංහ | උපන් දිනය = 1890 මැයි 29

වන දින

| උපන් ගම = ‍මළලගම, ගිංපතලිය|[[ශ්‍රී ලංකාව]o], කොග්ගල | මියගිය දිනය = 1976 ජූලි 23වන දින | මියගිය ස්ථානය = නාවල, කිරිමණ්ඩල මාවත | මරනයට හේතුව = රෝගී තත්ත්වයක් | resting_place = | resting_place_coordinates = | residence = | nationality = ශ්‍රී ලංකාව ශ්‍රී ලාංකික | other_names | known_for = කොග්ගල ප්‍රාඥයා | education = | employer = | occupation = නවකතාකරුවෙකි, කෙටිකතාකරුවෙකි, විචාරකයෙකි, පුවත්පත් කළාවේදියෙකි. | Profession = ලේඛක | title = | networth = | height = | weight = | term = | predecessor = | successor = | party = | boards = | religion = | spouse = ප්‍රේමා වික්‍රමසිංහ | partner = | children = සරත් කුසුම් වික්‍රමසිංහ වසන්ත කුමාර වික්‍රමසිංහ රූපා මාලතී වික්‍රමසිංහ හිමාංශු රංග වික්‍රමසිංහ ඌෂා වික්‍රමසිංහ යුනී වික්‍රමසිංහ | parents = ළමාහේවගේ දොන් බස්තියන් වික්‍රමසිංහ සහ මාගාල්ල බලපිටිය ලියනගේ තොච්චොහාමි | relatives = | signature = | website = මාර්ටින් වික්‍රමසිංහ නිල වෙබ් අඩවිය | footnotes = }}

මාර්ටින් වික්‍රමසිංහ 1890 මැයි 29 වැනි දින උපත ලද්දේ එක් පසෙකින් මුහුදිනුත් අනිත්පසින් කොග්ගල ඔයෙනුත් වටවූ කොග්ගල නම් ගම්මානයේය. එම ගමෙහි වටපිටාව, ගස්වැල් හා සතුන්, ගමෙහි මිනිසුන්ගේ වෙනස්වන ජීවන හා සංස්කෘතික රටාව ගමට ඔබ්බෙන් පිහිටි වනය කොග්ගල ඔය හා මුහුද කුඩා කල ඔහුගේ ජීවිතයේ පසුබිම වූ අතර ඒවා පසු කලෙක ඔහු සිය කෙටිකතා හා නවකතා මඟින් අමරණීය කළේය.

අපගේ ආධ්‍යාත්මික ජීවිතයේ මුල් සෙවීම මාර්ටින් වික්‍රමසිංහගේ කෘතීන්ගේ කේන්ද්‍රීය තේමාව වූ අතර මේ සඳහා නිර්මාණාත්මක ලෙස නව දැනුම ගවේෂණය කර එය අවට පරිසරයට උපයෝගී කර ගත්තේය. මේ නව විඥානය ස්වාභාවික හා සමාජ විද්‍යාව, සාහිත්‍ය වාග් විද්‍යාව, කලාව, දර්ශන ශාස්ත්‍රය, බෞද්ධාගම, සංසන්දනාත්මක ආගම හා අධ්‍යාපනය වැනි පළල් විෂය ක්ෂේත්‍රයනට අයත් විය. පටු භාවාතිශය ජාති මමත්වය අතික්‍රමණය කළ ඔහු ගැමි ජීවිතයෙන් හා සංස්කෘතියෙන් පිළිබිඹු වන ජාතික අනන්‍යතාවයෙහි මූලාශ්‍රයන් සොයා ගියේය. ඒවායෙහි සාර්වත්‍රික ගෙදර






වා දුන්නේය.

මාර්ටින් වික්‍රමසිංහගේ ලෝක දෘෂ්ටිය මූලික වශයෙන් සකස් කරන ලද්දේ බෞද්ධ ගැමි සංස්කෘතියෙහි යථාර්ථවාදී මානුෂික ලක්ෂණයන් විසිනි. බුදුන් වහන්සේ විසින් වදාල 'කාලාම' සූත්‍රයෙන් අනුමත කරන ලද බුද්ධිමය නිදහස හා ස්වාධීනත්වය ඉතා අගය කළ වික්‍රමසිංහ, එය බටහිර විද්‍යාත්මක ආකල්පයනට දුරස්ථ නොවන සම්ප්‍රදාය අභියෝග කිරීමට අනුබල දෙන සම්ප්‍රදායක් ලෙස දුටුවේ ය. සංස්කෘතික, ආගමික, දේශපාලන හා සමාජ ක්ෂේත්‍රයන්හි අන්ධ භක්තිය, පීඩනය හා බුද්ධිමය වංක බව ඔහු නිතර හෙළිදරවු කළේ ය.

මාර්ටින් වික්‍රමසිංහ 1976 ජූලි 23 වනඳා මිය ගියේය. අවුරුදු 86 ක කාලයක් මුළුල්ලේ ජීවත් වූ ලේඛකයෙකු හා බුද්ධිමතකු වශයෙන් වික්‍රමසිංහ පරම්පරා ගණනාවකගේ චින්තනය හා ආකල්පයන් සකස් කළේය. ඔහුගේ කෘතීන් ගණනාවක් ඉංග්‍රීසි, හින්දි, දෙමළ, රුසියන්, චීන, රුමේනියන්, ඕලන්ද, ප්‍රංශ, ඉතාලි හා ජර්මන් භාෂාවන්ට පරිවර්තනය කර ඇත.


මාර්ටින් වික්‍රමසිංහ (1890 මැයි 29 - 1976 ජූලි 23) වැදගත් ශ්‍රී ලාංකික නවකතාකරුවෙකි, කෙටිකතාකරුවෙකි, විචාරකයෙකි, මාධ්‍යවේදියෙකි. සිංහල යථාර්ථවාදී නවනවකතාවේ පුරෝගාමියා ලෙස සැලකෙන වික්‍රමසිංහ, ශ්‍රී ලංකාවේ කොග්ගල ග්‍රාමයෙහි දී උපත ලැබී ය. ඔහු ''කොග්ගල ප්‍රාඥයා'' ''හෙලයේ මහා ගත් කතෘ'' යන අන්වර්ථ නාම වලින් ද හඳුන්වනු ලබයි.

මුල් කාලය[සංස්කරණය]

මාර්ටින් වික්‍රමසිංහ' 1890 මැයි29න දිනදී ළමා හේවගේ දොන් බස්තියන්සිල්වා (පසුකාලීනවදොන් බස්තියන් වික්‍රමසිංහ යන නමින් හඳුන්වා තිබෙයි)[1][2] සහ මාගාල්ල බලපිටිය ලියනගේ නොච්චිහාමි යුවල ඇතුලු දස දෙනෙකුගෙන් යුතු පවුලේ එකම පිරිමි දරුවා ලෙස ශ්‍රී ලංකාවේ කොග්ගල ග්‍රාමයේ දී උපත ලැබීය. කොග්ගල ග්‍රාමය එක් පැත්තකින් ගල් පරය කින්ද, අනෙක් පසින් කොග්ගල ඔයේ අතු ගංගාවන් විශාල ප්‍රමාණයකින් එකතුවන ජල ප්‍රවාහය විසින් නිර්මාණය කළ විශාල වැවකින්ද සමන්විත විය.මුහුද කුඩා දුපත් වලින් සමන්විත වූ වැව ශාක හා සතුන් ද පසෙකින් වූ වන ගහනයෙන් ද සුසැදි භූ දර්ශන මෙන් ම ගම්මානයේ ජනතාවගේ වෙනස්වන ජීවන ක්‍රම සහසංස්කෘතිය ඔහුගේ පසුකාලීන නිර්මාණ කෙරෙහි විශාල බලපෑමක් ඇති කළේ ය.

මාර්ටින් වික්‍රමසිංහ

වයස අවුරුදු පහේදී වික්‍රමසිංහ සිය නිවසේ දී සහ ගමේ පන්සලේ හාමුදුරුවන්ගෙන් සිංහල අකුරු උගත්තේ ය. ඔහු දේවනාගරී අක්‍ෂර ද උගත් අතර හිතෝපදේශයේ පරිච්ජේද කටපාඩමින් කිවහැකි විය. අවුරුදු දෙකකට පසු ඔහුව ගමේ පාසලට ඇතුළත් කරනු ලැබූ අතර, ඔහු 1897 දක්වා එහි අධ්‍යාපනය ලැබීය. අනතුරුව ඔහුව ගාල්ලේ ඉංග්‍රීසි පාසලක් වූ බොනවිස්ටා විද්‍යාලයට ඇතුළත් කෙරිණි. එහි අධ්‍යාපනය ලැබූ වසර දෙක තුළ වික්‍රමසිංහ ඉංග්‍රීසි මෙන් ම ලතින් භාෂාවද ව්‍යක්ත ලෙස හැසිරවීමට උගත්තේ ය. ඔහුගේ පියා මියයාමෙන් අනතුරුව ඔහු නැවතත් අහංගම පිහිටි සිංහල පාසලට ඇතුළත් කරනු ලැබූ අතර, එහි දී ඉගෙනීම කෙරෙහි වූ ඔහුගේ උනන්දුව වියැකී ගියේය.

නිර්මාණකරුවා සහ පුරෝගාමී විචාරකයා[සංස්කරණය]

වික්‍රමසිංහ සිය සාහිත්‍ය ජීවිතය ආරම්භ කළේ ලීලා(1914) නවකථාව සහ සාහිත්‍ය විචාර ලිපි සංග්‍රහයක් වූ ශාස්ත්‍රීය ලේඛන (1919) යන කෘතීන් එළිදක්වමිනි. ඒ කාළයේදීම සිංහල සාහිත්‍යයේ ප්‍රමිතීන් ඉහල නැංවීම සඳහා වූ ව්‍යාපාරයක් ඔහු විසින් ආරම්භ කරනු ලැබූ අතර එම අරමුණින් සම්පාදිත සාහිත්‍යෝදය කතා (1932) විචාර ලිපි (1941) ගුත්තිල ගීතය (1943) සිංහල සාහිත්‍යයේ නැගීම (1946) වැනි කෘතීන් තුලින් ඔහු උත්සාහ කළේ සාම්ප්‍රදායික සාහිත්‍ය උරුමය ඉන්දියානු සහ බටහිර සාහිත්‍ය විචාර සම්ප්‍රදායන් සංකලනය කිරීමෙන් නිර්මාණය කළ සාහිත්‍යමය මිනුම් දඬු යොදාගනිමින් තක්සේරු කිරීමයි.

1940 ගණන් පුරාවටම වික්‍රමසිංහ සාහිත්‍ය විචාරකයකුගේ භූමිකාව මෙන්ම නිර්මාණාත්මක රචකයෙකුගේ භූමිකාව ද ඉටු කළේය. අන්තර්ගතය සහ තාක්‍ෂණය අතින් නූතන ලෝක සාහිත්‍යයේ ශ්‍රේෂ්ඨ නවකථාවන් සමග සැසඳිය හැකි ප්‍රථම සිංහල නවකථාව වන්නේ 1944 දී පළවූ වික්‍රමසිංහගේ ගම්පෙරළිය යි. නූතනත්වය වෙතින් එල්ලවන පීඩනය හමුවේ සාම්ප්‍රදායික ගම කඩාහැලෙන ආකාරය ඉන් නිරූපඩවටවණය විය. ගමේ සාම්ප්‍රදායික ආර්ථික හා සමාජ ව්‍යුහය වාණිජකරණය වූ නගරය විසින් ක්‍රමයෙන් ආදේශ කරනු ලැබීම නිරූපණය කිරීම සඳහා දකුණේ ගමක සාර්ථක පවුලක කථාන්තරයක් යොදාගැනිණ.

වික්‍රමසිංහ විසින් පසුව ගම්පෙරළිය(1944),යුගාන්තය (1948) සහ කලියුගය (1957) තුන් ඈඳුතු නවකථාවක් නිර්මාණය කරනු ලැබිණ. සාම්ප්‍රදායික ජීවිතය ගරාවැටීමෙන් අනතුරුව නාගරික පදනමක් සහ ව්‍යාපාරික පෙළඹුමක් සහිත නාගරික පන්තියේ වර්ධනයත් ඒ සමඟ සිදුවන කම්කරු ව්‍යාපාරයේ සහ සමාජවාදී දර්ශනයේ ආරම්භයත් අවසානයේ නව සාමාජ පිළිවෙළක් පිළිබඳ අපේක්‍ෂාවත් මෙම නවකථා ත්‍රිත්වයෙන් ඉදිරිපත් කෙරිණ.

50 දශකයේ මුල්භාගයේදී සාහිත්‍ය විචාරයේ වර්ධනයත් සමග වික්‍රමසිංහ, සාහිත්‍ය කලාව (1950) සහ කාව්‍ය විචාර (1954) නම් කෘති දෙක රචනා කරන ලදී. වික්‍රමසිංහගේ විශිෂ්ඨතම කෘතිය වූ විරාගය 1956 දී ප්‍රකාශයට පත් කෙරිණ. එහි තේමාවේ සුවිශේෂීත්වය සහ එහි ශිල්ප ක්‍රමයේ සංකීර්ණත්වය හේතුකොටගෙන එය සිංහල ප්‍රබන්ධ සාහිත්‍යයේ විශිෂ්ඨතම නිර්මාණය ලෙසින් සැලකෙයි. සාම්ප්‍රදායික බෞද්ධ නිවසක හැදී වැඩුණු සිංහල තරණයකු සමාජය නූතනකරණය වීම තුළ සංකීර්ණත්වයට පත්වූ වැඩිහිටි ජීවිතය සහ ඒ සමග එන වගකීම් හේතුවෙන් නිර්මාණය වන්නාවූ ගැටළු සහගත තත්වය ඉන් නිරූපිත ය. මෙහිදී කාලානුක්‍රමික පිළිවෙළකට නොව ප්‍රති-වීරයා විසින් ලියන ලද උපස්ථිතිවාදී ග්‍රන්ථාලංකාරයක් ලෙසින් ප්‍රථම පුරුෂ ආඛ්‍යාතයෙන් මෙම කෘතිය රචනා වී ඇත. මෙම කෘතියෙන් ඇතිවූ පෙළැඹුම මත විවිධ නවකථාකරුවන් අතින් මෙවැනි කෘතීන් රැසක් ම පසුව බිහිවූ නමුත් විරාගය ඒ සියල්ලට ම ඉහළින් විශිෂ්ඨ ස්ථානයක වැජඹෙයි.

මාර්ටින් වික්‍රමසිංහයන්ගේ සාහිත්‍ය නිර්මාණ[සංස්කරණය]

ළමා සාහිත්‍ය[සංස්කරණය]

  • බාලෝපදේශය (1903)
  • උන්මාද චිත්‍රා (1929)
  • උපාසකම්මා (1929)
  • ගලිවරායනය (1932)
  • රජවෙන්ට ගිය මහන්නා (1932)
  • දඩුමොණරය (1932)
රන්කෙදි කුමාරිකාව (1932)
  • ඥානෝදය. කතා (1991)

ජීව විද්‍යාව[සංස්කරණය]

  • කුරුමිණි සත්තු (1929)
  • කුරුකුහුඹු සත්තු (1930)
  • වෙස් මාරුකරන සත්තු (1932)
  • මුහුදු වෙරළ (1932)
  • සත්ව ලෝකය (1936)
  • විද්‍යා විනෝද කතා (1957)

පාඨශාලා පොත්[සංස්කරණය]

  • ග්‍රාමීය විද්‍යා ප්‍රවේශනය (1930)
  • සදාචාරය හා නිරෝගී සම්පත (1931)
  • පළාත් ආණ්ඩු (1933)
  • සාහිත්‍ය ශික්ෂා - 01 (1936)
  • ප්‍රජා පාලන ශික්ෂා (1938)
  • සාහිත්‍ය ශික්ෂා - 02 (1938)
  • සාහිත්‍ය ශික්ෂා - 03 (1939)

නවකතා[සංස්කරණය]

  • ලීලා (1914)
  • සෝමා (1922)
  • අයිරාංගනි (1923)
  • ශීතා (1923)
  • මිරිගු දිය (1925)
  • රෝහිණී (1929)
  • ගම්පෙරළිය (1944)
  • මඩොල් දූව (1947)
  • යුගාන්තය (1949)
  • විරාගය (1956)
  • කලියුගය (1957)
  • කරුවල ගෙදර (1963)
  • බවතරණය (1973)

කෙටිකතා[සංස්කරණය]

  • ගැහැනියක් (1924)
  • මගුල් ගෙදර (1927)
  • පව්කාරයාට ගල් ගැසීම (1936)
  • අපේ විත්ති (1942)
  • හද දාක්කි කීම (1945)
  • මගේ කතාව (1947)
  • බිල්ල සහ අපූරු මුහුණ (1949)
  • වහල්ලු (1951)
  • කතා අහුර (1955)
  • තෝරාගත් කෙටිකතා (2009)
  • රන් පිළිමය (2012)
  • කෙටි කතා එකතුව ප්‍රථම භාගය (2013) (කෘති එකතු 1)
  • කෙටි කතා එකතුව ද්විතීය භාගය (2014) (කෘති එකතු 2)

දෘෂ්‍ය කාව්‍ය[සංස්කරණය]

  • චිත්‍රා (1940)
  • මයුරී (1944)
  • විජිතා (1953)
  • විජිතා සහ තවත් නාටක (1953)

පද්‍ය කාව්‍ය[සංස්කරණය]

  • තේරී ගී (1952)

ජීවිතය ඇසුරින්[සංස්කරණය]

  • අපේ ගම
  • උපන් දා සිට
  • උපන්දා සිට බාල විය

විදේශ සංචාර[සංස්කරණය]

  • සෝවියට් දේශයේ නැගීම (1962)
  • නව චීනයේ පිඹිදීම (2006)
  • ඉංදියාව ලංකාව හා නිදහස් සම්ප්‍රධාය (2018)

සාහිත්‍ය විචාර[සංස්කරණය]

  • ශාස්ත්‍රීය ලේඛන (1919)
  • සිංහල සාහිතෝ‍යා්දය කතා (1932)
  • විචාර ලිපි (1941)
  • ගුත්තිල ගීතය (1943)
  • සිංහල සාහිත්‍යයේ නැගීම (1945)
  • සාහිත්‍ය කලාව (1950)
  • කාව්‍ය විචාරය (1954)
  • ඇත්ත යුත්ත (1955)
  • බණ කතා සාහිත්‍ය (1955)
  • නව පද්‍ය සිංහලය (1957)
  • රසවාදය හා බෞද්ධ කාව්‍ය (1961)
  • සිංහල විචාර මග (1964)
  • නවකතාංග හා විරාගය (1965)
  • ජාතක කතා විමසුම (1968)
  • සිංහල නව කතාව හා ජපන් කාමකතා හෙවනැල්ල (1969)
  • සිංහල නාටකය හා සද කිදුරුව (1970)
  • සම්ප්‍රධාය හා විචාරය (1971)
  • ව්‍යවහාර භාෂාව හා පරිණාම ධර්මය (1997)
  • අපේ ළමා සාහිත්‍ය (2011)
  • සිංහල සිනමා සිත්තම් (2012)

ජීව විද්‍යාත්මක ග්‍රන්ථ[සංස්කරණය]

  • කුරුමිණි සත්තු (1929)
  • කුරුකුහුඹු සත්තු (1930)
  • වෙස් මාරුකරන සත්තු (1932)
  • මුහුදු වෙරළ (1932)
  • සත්ව ලෝකය (1936)
  • විද්‍යා විනෝද කතා (1957)

පාඨශාලා පොත්[සංස්කරණය]

  • ග්‍රාමීය විද්‍යා ප්‍රවේශනය (1930)
  • සදාචාරය හා නිරෝගී සම්පත (1931)
  • පළාත් ආණ්ඩුව (1933)
  • සාහිත්‍ය ශික්ෂා - 01 (1936)
  • ප්‍රජා පාලන ශික්ෂා (1938)
  • සාහිත්‍ය ශික්ෂා - 02 (1938)
  • සාහිත්‍ය ශික්ෂා - 03 (1939)

මේවාද බලන්න[සංස්කරණය]

ආශ්‍රිත[සංස්කරණය]

Birth death

බාහිර සබැදි[සංස්කරණය]

  1. http://www.rupavahini.lk/vinividawiki/writers-in-sri-lanka/36-martin-wikramasinghe.html
  2. http://www.lakpedia.com/index.php?title=%E0%B6%B8%E0%B7%8F%E0%B6%A7%E0%B7%92%E0%B6%B1%E0%B7%8A_%E0%B7%80%E0%B7%92%E0%B6%9A%E0%B7%8A%E2%80%8D%E0%B6%BB%E0%B6%B8%E0%B7%83%E0%B7%92%E0%B6%82%E0%B7%84
"https://si.wikipedia.org/w/index.php?title=මාර්ටින්_වික්‍රමසිංහ&oldid=458868" වෙතින් සම්ප්‍රවේශනය කෙරිණි