මධුර කුලතුංග

විකිපීඩියා, නිදහස් විශ්වකෝෂය වෙතින්
Jump to navigation Jump to search
මධුර කුලතුංග
photograph
මධුර කුලතුංග 2014 මැයි මාසයේදී
උපත (1980-03-23) March 23, 1980 (වයස 39)
මාතර
ජාතිකත්වයශ්‍රී ලාංකිකයෝ
වාර්ගිකත්වයසිංහල ජනයා
අධ්‍යාපනයවිද්‍යාපති උපාධිය
උගත් ශාස්ත්‍රාලයමනිපාල් විශ්වවිද්‍යාලය
වෘත්තියපරිගණක ඉංජිනේරු ශිල්පය
සක්‍රීය වසර2002–වර්තමානය තෙක්
ප්‍රසිද්ධ වන්නේමධුර ඉංග්‍රීසි-සිංහල ශබ්දකෝෂය නිර්මාතෘ
ආගමබුදු දහම
වෙබ් අඩවියmaduraonline.com

මධුර කුලතුංග (උපත 1980 මාර්තු 23) ශ්‍රී ලංකාවේ ජනප්‍රිය තොරතුරු තාක්ෂණ ඉංජිනේරුවරයකු වන මධුර කුලතුංග මෘදුකාංග නිර්මාණය සහ වෙබ් අඩවි නිර්මාණය පිළිබඳ විශේෂඥයකු ද වෙයි.[1] සුප්‍රකට මධුර ඉංග්‍රීසි-සිංහල ශබ්දකෝෂය නිර්මාණය කර එම සේවා නොමිලේ ලබා දෙමින් ඔහු ශ්‍රී ලාංකික ජනතාව අතර ගෞරවාදරයට පත්විය.[2] 1980 මාර්තු 23 වැනි දින මාතර දි උපත ලද මධුර කුලතුංග පවුලේ එකම දරුවාය.[3] ඔහු සිංහල බෞද්ධයෙකි.[4] කොළඹ රාජකීය විද්‍යාලයේ ආදි ශිෂ්‍යයකු වන මධුර කුලතුංග ඉන්දියාවේ මනිපාල් විශ්වවිද්‍යාලයේ තොරතුරු තාක්ෂණය පිළිබඳ විද්‍යාපති උපාධිධාරියෙකි.[5] ඔහු මයික්‍රෝසොෆ්ට් සහතික ලත් පද්ධති ඉංජිනේරු වෘත්තීය සුදුසුකම් සපුරා ඇත.[6]

මුල් අවධිය[සංස්කරණය]

ඉංග්‍රීසි භාෂාව භාවිතයට යොමු වූ මුල් අවධියේ ඔහුට විවිධ අසීරුතාවලට මුහුණ දීමට සිදුවිය.[7] මෙය දෙවන භාෂාව ලෙස ඉංග්‍රීසි භාවිතා කිරීමේදී බොහෝ ශ්‍රී ලාංකිකයින්ට ඇතිවන පොදු ගැටලුවකි.[8] මෙවැනි අවස්ථා වලදී ඔවුහු සම්ප්‍රදායික මුද්‍රිත ඉංග්‍රීසි-සිංහල ශබ්දකෝෂ පරිහරණයට හුරුවී සිටියද ඒ සඳහා අධික කාලයක් සහ වෙහෙසක් දැරීමට සිදු වන බව මධුර කුලතුංග විසින් අවබෝධ කර ගැනිණි.[9] මෙම අභියෝග ජය ගැනීම සඳහා වචන වල තේරුම ක්ෂණිකව ලබා ගත හැකි ඉලෙක්ට්‍රොනික ශබ්දකෝෂයක් නිපදවීමට ඔහු අදිටන් කළේය.[10]

වෘත්තීය දිවිය[සංස්කරණය]

මධුර කුලතුංග විසින් නිර්මාණය කරන ලද මධුර ඉංග්‍රීසි-සිංහල ශබ්දකෝෂය 2002 නොවැම්බර් 23 වැනි දින සිට ශ්‍රී ලාංකික ජනතාවට නොමිලේ ලබා ගැනීමට අවස්ථාව සැලසුණි.[11] පසුව එම ශබ්දකෝෂය මධුර ඔන්ලයින් නමින් අන්තර්ජාලයට ඇතුලත් කරමින් ඔහු ලොව ප්‍රථම ඔන්ලයින් ඉංග්‍රීසි-සිංහල ශබ්දකෝෂයේ නිර්මාණකරුවා බවට පත් විය.[12] ඉතා සීඝ්‍රයෙන් ජනප්‍රිය වූ මධුර ඉංග්‍රීසි-සිංහල ශබ්දකෝෂය මේ වන විට ශිෂ්‍යයින්ට සහ වෘත්තිකයින්ට තම අධ්‍යාපනික කටයුතු වලදී මෙන්ම එදිනෙදා කටයුතු වලදීද අත්‍යවශ්‍ය මෙවලමක් බවට පත්විය.[13]

ශ්‍රී ලංකාව තුළ තොරතුරු තාක්ෂණ පහසුකම් ඉතා අඩු මට්ටමක පැවති යුගයක ජාත්‍යන්තර ප්‍රමිතියෙන් යුතුව මධුර කුලතුංග විසින් කරන ලද මෙම නිර්මාණය ඉතිහාස ගත වනු ඇත.[3] මධුර ඉංග්‍රීසි-සිංහල ශබ්දකෝෂය සදහා ඇති වෙළඳපොළ වටිනාකම අවබෝධ කරගත් ව්‍යාපාරික ආයතන කිහිපයක් ආකර්ෂණීය මිල ගණන් ඉදිරිපත් කරමින් සමස්ත නිර්මාණයේ අයිතිය මිලදී ගැනීමට උත්සාහ කරන ලදී.[1] සියල්ල මුදලට විකිණෙන කාලයක එම ව්‍යාපාරිකයින්ගේ ඉල්ලීම් ප්‍රතික්ෂේප කළ මධුර කුලතුංග තම නිර්මාණයේ අයිතිය තමා සන්තකයේම රඳවා ගනිමින් ඉදිරියටත් තම සේවා නොමිලේ ලබා දීම සමස්ත ශ්‍රී ලාංකිකයින්ගේ ගෞරවයට හේතු විය.[4]

මධුර කුලතුංග විසින් ශ්‍රී ලංකාවේ තොරතුරු තාක්ෂණ ක්ෂේත්‍රයේ දියුණුවට කරන ලද නිර්මාණශීලී දායකත්වය මොරටුව විශ්වවිද්‍යාලයේ මහාචාර්ය ගිහාන් ඩයස් විසින් ඇගයිනි.[5] මහාචාර්ය ජේ. බී. දිසානායක ඇතුලු විද්වතුන් රාශියකගේ සහභාගීත්වයෙන් 2009 සැප්තැම්බර් 2 වැනි දින මොරටුව විශ්වවිද්‍යාලයේ පැවති සියබසින් නිමවූ පද්ධති හා යෙදුම් පිළිබඳ සම්මන්ත්‍රණය සඳහා දේශණයක් පැවැත්වීමට මහාචාර්ය ගිහාන් ඩයස් විසින් මධුර කුලතුංග වෙත ඇරයුම් කරන ලදී.[7] එම ආරාධනය පිළිගත් ඔහු සම්මන්ත්‍රණය අමතමින් සිදු කළ දේශණය සියල්ලන්ගේ ප්‍රශංසාවට ලක් වුනි.[9]

අන්තර්ජාල පහසුකම් ශ්‍රී ලංකාව තුළ ව්‍යාප්තව නොතිබුණු මුල් අවධියේ සංයුක්ත තැටි මඟින් ජනතාව අතර බෙදා හරින ලද මධුර ඉංග්‍රීසි-සිංහල ශබ්දකෝෂය, ශ්‍රී ලංකාවට බ්‍රෝඩ්බෑන්ඩ් අන්තර්ජාල පහසුකම් ලැබීමත් සමග මේ වන විට මිලියන ගණනක් ඩවුන්ලෝඩ් කර ගෙන ඇත.[14] ඩවුන්ලෝඩ් කිරීමකින් තොරව අන්තර්ජාලය තුල ක්‍රියාත්මක වන මධුර ඔන්ලයින් ශබ්දකෝෂය දිනකට 50,000 කට අධික පිරිසක් භාවිතා කරති.[15] ජංගම දුරකථන සඳහා නිපදවූ මධුර ඔන්ලයින් ඇන්ඩ්‍රොයිඩ් වැඩ සටහන ද මේ වන විට ඉතා ජනප්‍රිය වී ඇත.[16]

මධුර ඉංග්‍රීසි-සිංහල ශබ්දකෝෂය වචන 230,000 කට අධික ප්‍රමාණයකින් සමන්විතය.[12] විවිධ විෂය ක්ෂේත්‍ර ගණනාවකට අදාල පාරිභාෂික පද සොයා ගැනීමේ පහසුකම් සැලසෙන අතර, මෙය විද්‍යාකෝෂයක් ලෙසද භාවිතා කළ හැකිය.[2] ඕනෑම ඉංග්‍රීසි වචනයක සිංහල තේරුම සහ සිංහල වචනයක ඉංග්‍රීසි තේරුම සොයා ගැනීමට පුලුවන.[6] වයිල්ඩ්කාඩ් අක්ෂර වන තරු ලකුණ සහ ප්‍රශ්නාර්ත ලකුණ භාවිතා කරමින් වචන සෙවීමේ හැකියාව ඇත.[10] මෙම සියලුම සේවාවන් ඔහුගේ නිල වෙබ් අඩවියට පිවිසීමෙන් ලබා ගත හැකිය.[8]

මූලාශ්‍ර[සංස්කරණය]

  1. 1.0 1.1 Kodagoda, Anuradha (17 May 2015). "Madura's moxie". සන්ඩේ ඔබ්සවර් (ශ්‍රී ලංකාව) - Youth Observer. Associated Newspapers of Ceylon Limited. pp. 8–9.
  2. 2.0 2.1 "Madura Kulatunga, a commendable contribution". දි අයිලන්ඩ් (ශ්‍රී ලංකාව) - Watchout. Upali Newspapers. 24 May 2015. p. 15.
  3. 3.0 3.1 Devapriya, Uditha (21 June 2015). "Madura's story". ද නේෂන් - insight. Rivira Media Corporation. p. i10.
  4. 4.0 4.1 Wickramasinghe, Kamanthi (15 July 2015). "A humble success story Madura Kulatunga". ද ඩේලි මිරර් (ශ්‍රී ලංකාව) - Features. Wijeya Newspapers. pp. A12–A13.
  5. 5.0 5.1 "Effectively bridging the language gap". සිලෝන් ටුඩේ - Hello. Ceylon Newspapers. 26 July 2015. p. 2.
  6. 6.0 6.1 Karunamuni, Kanchana (8 August 2015). "'මේ වෙනකොට ලක්ෂ නවයක් මධුර ශබ්දකෝෂය බාගත කරගෙන' මධුර කුලතුංග". දිනමිණ - Features. Associated Newspapers of Ceylon Limited. p. 20.
  7. 7.0 7.1 "Madura Kulatunga's Notable Achievements". ද සන්ඩේ ලීඩ' - Weekend Leader. Leader Publications. 30 August 2015. p. 2.
  8. 8.0 8.1 Senanayake, Palitha (18 October 2015). "ඉලෙක්‌ටොනික මාධ තුළින් ඉංගීසි සිංහලට සමීප කළ මධුර". දිවයින (පුවත්පත) - Features. Upali Newspapers. p. X.
  9. 9.0 9.1 Rathnaveil, Ravi (18 October 2015). "යටත්වීම වෙනුවට සටන් කිරීමෙන් උපන් මධුර ශබ්දකෝෂය". ඉරුරැස - Pitu 8. Leader Publications. p. VIII.
  10. 10.0 10.1 "The Story Behind 'Madura'". ද සන්ඩේ ලීඩ' - Business. Leader Publications. 1 November 2015. p. 28.
  11. Wanninayaka, Gemunu; Liyanage, Dinithi (13 November 2015). "Nagena Ira Program With Madura Kulatunge (Madura English-Sinhala Dictionary Maker) 2015-11-13". RanOne FM. EAP Broadcasting Company Limited.
  12. 12.0 12.1 Muthumalie, Aruni (24 January 2016). "ගහ බලපෑම් පරදා කාටත් වැඩක් ගත හැකි On line ශබ්දකෝෂයක් තැනූ මධුර කුලතුංග". සිළුමිණ - Sithmalyaya. Associated Newspapers of Ceylon Limited. p. 28.
  13. "Madura Dictionary - Review by Software Informer Senior editor - Tyler Vidd". software.informer.com. Retrieved 2016-07-30.
  14. "Madura English-Sinhala Dictionary - Free download and software reviews - CNET Download.com". download.cnet.com. Retrieved 2016-07-30.
  15. "maduraonline.com Site Overview". alexa.com. Retrieved 2016-07-30.
  16. "Madura Online - Android Apps on Google Play". play.google.com. Retrieved 2016-07-30.

බාහිර සබැඳි[සංස්කරණය]

නිල වෙබ් අඩවිය

"https://si.wikipedia.org/w/index.php?title=මධුර_කුලතුංග&oldid=369908" වෙතින් සම්ප්‍රවේශනය කෙරිණි