හක්ගල උද්භිද උද්‍යානය

විකිපීඩියා, නිදහස් විශ්වකෝෂය වෙතින්
Jump to navigation Jump to search
හක්ගල උද්භිද උද්‍යානය
Hakgala Botanical Garden
Hakgala Botanical Garden.jpg
පිහිටීමහක්ගල, නුවරඑළිය,  ශ්‍රී ලංකාව
ඛණ්ඩාංක6°55′00″N 80°46′00″E / 6.91667°N 80.76667°E / 6.91667; 80.76667 (Hakgala Botanical Garden)ඛණ්ඩාංක: 6°55′00″N 80°46′00″E / 6.91667°N 80.76667°E / 6.91667; 80.76667 (Hakgala Botanical Garden)
නඩත්තු කිරීමකෘෂිකර්ම දෙපාර්තමේන්තුව, ශ්‍රී ලංකාව
තත්වයවසර පුරා විවෘතයි
ඉදිකිරීම1861

හක්ගල උද්භිද උද්‍යානය යනු ශ්‍රී ලංකාවේ නිර්මාණය කර තිබෙන උද්භිද උද්‍යාන පහ අතුරින් දෙවැනියටම විශාල, නුවරඑළිය පිහිටා තිබෙන උද්‍යානයකි. අනෙක් උද්භිද උද්‍යාන හතර වන්නේ පේරාදෙණිය උද්භිද උද්‍යානය, හෙනරත්ගොඩ උද්භිද උද්‍යානය, මිරිජ්ජවිල උද්භිද උද්‍යානය සහ සීතාවක උද්භිද උද්‍යානයයි.[1] උද්‍යානය ආසන්නයෙන්ම හක්ගල දැඩි ස්වභාව රක්ෂිතයද පිහිටා තිබේ.[2]


පිහිටීම[සංස්කරණය]

නුවරඑළියේ සිට, නුවරඑළිය-බදුල්ල ප්‍රධාන පාරේ, කිලෝ මීටර 16 ක් පමණ දුරින් උද්‍යානය පිහිටුවා තිබෙයි. උද්‍යානය සහිත භූමි ප්‍රදේශය මුහුදු මට්ටෙම් සිට අඩි 5,400 ක් පමණ ඉහලින් පිහිටා තිබීම නිසා සිසිල් දේශගුණයක් සහිත වෙයි. වාර්ෂික උෂ්ණත්වය සෙල්සියස් අංශක 16° - 30° පමණ අතර අගයකින් විචලනය වෙයි.[3] දෙසැම්බර් සිට පෙබරවාරි අතර කාල සීමාව සිසිල් දේශගුණයක් සහිත වන අතර, අප්‍රියෙල් හා අගෝස්තු අතර කාලය සාපේක්ෂව උනුසුම් වෙයි.

ඉතිහාසය[සංස්කරණය]

1861 වසරේ දී ප්‍රථමයෙන්ම මෙම භූමිය තුල සින්කෝනා වගා කිරීම අත්හදා බැලූ අතර, සින්කෝනා වගා කිරීමට වඩා තේ වගා කිරීම සුදුසු වීම නිසා, මේ භූමිය තුල තේ වගාකිරීම අත්හදා බලන ලදී. පසුව 1884 වර්ෂයේදී මෙම භූමිය සංවර්ධනය කරමින් උද්භිද උද්‍යානයක් ලෙස ප්‍රකාශයට පත් කරන ලදී.

ජනප්‍රවාද[සංස්කරණය]

රාමායනය පුරාවෘත්තයට අනූව, ලංකා රාජ්‍යයෙහි රාවණා රජු ඉන්දියානු දේවියක වූ සීතාව පැහැරගෙන පැමිණ සැඟවූවා යැයි කියන්නේ මේ ප්‍රදේශයේම පවතින සීතාඑලිය තුලයි.[4][5] එම පුරාවෘත්තය සිහිකරමින් ඉදිකෙරුණු සීතා අම්මාන් කෝවිලද, උද්‍යානය ආසන්නයෙන්ම වාගේ පිහිටා තිබෙයි.

සංචාරක ආකර්ෂණය[සංස්කරණය]

විවිධ ශාක විශේෂ 10,000[3] කට අධික ප්‍රමාණයක් මෙම උද්‍යානය තුල රෝපණය කොට තිබෙන අතර, උද්‍යානය නැරඹීම සඳහා වාර්ෂිකව 500,000[3] ක පමණ සංචාරකයන් පිරිසක් පැමිණෙයි.

කරුණු[සංස්කරණය]

  1. "History and Introduction". agridept.gov.lk. Retrieved 2008-08-07.
  2. Green, Michael J. B. (1990). IUCN directory of South Asian protected areas. IUCN. පිටු 211–213. ISBN 2-8317-0030-2. http://books.google.com/books?hl=en&lr=&id=bs_t9aOtIk0C&oi=fnd&pg=PR1&dq=hakgala+strict+nature+reserve&ots=_RKQTOcUXw&sig=50MUt0bBIi9S9ECnAmVDm1-f53E#v=onepage&q=hakgala%20strict%20nature%20reserve&f=false. Retrieved 2009-10-02. 
  3. 3.0 3.1 3.2 Abeywardena 2004: pp. 344-45
  4. Ramayana sites in Sri Lanka tourslanka.com.
  5. Tracing evidence of Lord Ram and his times Zee News.

මේවාද බලන්න[සංස්කරණය]

මූලාශ්‍ර[සංස්කරණය]

"https://si.wikipedia.org/w/index.php?title=හක්ගල_උද්භිද_උද්‍යානය&oldid=339191" වෙතින් සම්ප්‍රවේශනය කෙරිණි