Jump to content

කබාලි (චිත්‍රපටය)

විකිපීඩියා වෙතින්
"කබාලි" මෙතැනට යළියොමුවෙයි. තුර්කියේ ගම්මානය සඳහා, කබාලි, වෙසිර්කෝප්රූ බලන්න.
කබාලි
සිනමාහල් නිකුතු පෝස්ටරයක්
අධ්‍යක්‍ෂණයපා. රංජිත්
රචනයපා. රංජිත්
නිශ්පාදනයකලෛපුලි එස්. තනු
රංගන ශිල්පීන්
සිනෙමාරූපණයමුරලි ජී
සංස්කරණයප්‍රවීන් කේ. එල්.[2]
සංගීතයසන්තෝෂ් නාරායණන්
නිෂ්පාදන
company
බෙදාහැරීමජෙමිනි ෆිල්ම් සර්කිට්, මැක්ස්ලැබ් සිනෙමාස් ඇන්ඩ් එන්ටර්ටේන්මන්ට්ස්, ෆොක්ස් ස්ටාර් ස්ටූඩියෝස්
නිකුත්වූ දින
තිර කාලය
මිනිත්තු 152[3]
රටඉන්දියාව
භාෂාවදෙමළ
පිරිවැයINR බිලියන 1[4]
ආදායමමතභේදාත්මකයි - බලන්න බොක්ස් ඔෆීස්

කබාලි යනුවෙන් හැඳින්වෙන්නේ 2016 ඉන්දියානු දෙමළ භාෂා දාමරික-නාට්‍යමය චිත්‍රපටයකි. මෙය රචනය සහ අධ්‍යක්ෂණය කරන ලද්දේ පා. රංජිත් විසින් වන අතර, නිෂ්පාදනය කරන ලද්දේ කලෛපුලි එස්. තනු විසිනි.[5] මෙම චිත්‍රපටය මගින් කබලීස්වරන් (රජිනිකාන්ත් විසින් නිරූපණය කරයි) සහ ටෝනි ලී (නිරූපණය කරන්නේ වින්ස්ටන් චාඕ විසිනි) අතර ඇතිවන පාතාල යුද්ධයක් නිරූපණය වේ. රාධිකා අප්ටේ, දන්සිකා, දිනේෂ් රවි, කලෛයරසන්, සහ ජෝන් විජේ මෙම චිත්‍රපටයේ සෙසු ප්‍රමුඛ චරිත නිරූපණයෙන් දායක වෙති.

චිත්‍රපටයේ ප්‍රධාන ඡායාරූපකරණය ඇරඹියේ 2015 අගෝස්තු 21 දින චෙන්නායිහි ය. මෙහි රූගත කිරීම්වලින් බොහෝමයක් මැලේසියාවේ සිදුවුව ද, ඇතැම් දර්ශන බැංකොක් සහ හොං කොං ප්‍රදේශවල රූගත කෙරිණි.[6]

2016 ජූලි 22 දින චිත්‍රපටය දෙමළ බසින් සහ එහි තෙලිඟු හා හින්දි හඬකැවූ ප්‍රභේදවලින් මුදාහැරිණි. මැලේ බසින් මින් සතියකට පසුව එය මුදාහැරිණි.[7][8][9] ඉන්දියාව තුළ සිනමාහල් 3200ක කබාලි මුදාහැරුණු අතර, ඉන් 2200ක්ම දකුණු ඉන්දියාවේ ප්‍රදර්ශනය විය.[10] මුදාහැරීමෙන් පසුව, චිත්‍රපටය එතෙක් ලොව පුරා ඉන්දියානු චිත්‍රපටයක් ලද විශාලතම ආරම්භක සති අන්තය හිමිකරගැනීමට සමත් විය.[11]

කථාපුවත

[සංස්කරණය]

ක්වාලා ලම්පූර් පාදක කරගත් මැර නායකයකු වන කබාලීශ්වරන් හෙවත් කබාලි (රජ්නිකාන්ත්) වසර 25කට පසු සිරභාරයෙන් නිදහස් වෙයි. ඔහු සිරගත කොට තිබුණේ ප්‍රාදේශීය හින්දු කෝවිලක දී ඔහුගේ භාර්යාව වූ කුමුදවල්ලි හෙවත් කුමුදා (රාධිකා අප්ටේ) ඇතුළු ජනකායක් ඝාතනය කිරීමේ සංහාරයක් ඇරඹීමේ ව්‍යාජ චෝදනාවක් එල්ල කොට ය. ඔහු ඉක්මණින්ම සිය පැරණි සගයන් රැස් කරගන්නා අතර, මත්ද්‍රව්‍ය ජාවාරම්කරුවකු වන ලෝගනාතන් හෙවත් ‍ලෝගා (මිමේ ගෝපි) සමග ආරවුලක පැටලෙයි. ලෝගා කුමුදාට අපහාස කරන්නේ ඇය ජීවත්ව සිටියේ නම් ඇය ගණිකා වෘත්තියට විකිණිය යුතුව තිබූ බව පවසමිනි. ඉන් කෝපයට පත්වන කබාලි ඔහුව සිය කාරයට යටකොට මරාදමයි. කෙසේනමුත්, මෙම සිදුවීම හේතුවෙන් ඔහු සිය බිරිඳ තවමත් ජීවත්ව සිටිය හැකියැයි සැක කරයි. පසුව, තමිල් කුමාරන් හෙවත් කුමාරන් (කලෛයරසන්) විසින් මෙහෙයවනු ලබන ඝාතන කුමන්ත්‍රණයකින් කබාලි සිය දිවි ගලවා ගනියි. කුමාරන් කුඩා වියේ දී ඔහුගේ පියා වූ තමිල්මාරන් (චාල්ස් විනෝත්) මරාදමා තිබුණේ කබාලි විසිනි. ඊළඟ දිනයේ, කබාලිගේ මිතුරකු වූ අමීර් (ජෝන් විජේ) විසින් ඇරඹූ ෆ්‍රී ලයිෆ් ෆවුන්ඩේෂන් පාසලේ උත්සවයකට කබාලි සහභාගී වේ. මෙම පාසල බාල අපරාධකරුවන් පුනරුත්ථාපනය සඳහා වූ පාසලකි. මෙහි දී කබාලි සිය අතීතය පිළිබඳ කථාවක් පවත්වයි.

තමිල්මාරන්ගේ පියා වූ තමිල්නේසන් (නසාර්) දෙමළ මැලේසියානුවන්ගේ අයිතිවාසිකම් වෙනුවෙන් පෙනීසිටි නායකයකු වූ අතර, ඔහු කබාලිව ආරක්ෂා කළේ ය. තමිල්නේසන්ව මරාදැමූයේ තමිල්නේසන්ගේම කල්ලියෙහි සාමාජිකයකු වූ වීරසේකරන් හෙවත් වීරා (කිෂෝර්) විසිනි. ඔහු තමිල‍්නේසන් විසින් මත්ද්‍රව්‍ය ජාවාරම් සහ ගණිකා ව්‍යාපාරය වැනි ක්‍රියාවන් ප්‍රතික්ෂේප කිරීමට අප්‍රසාදය දැක්වූවෙකි. තමිල්නේසන්ගේ මරණින් පසුව, කබාලි තමිල්නේසන්ගේ කණ්ඩායමේ නායකත්වය ගත්තේ ය. නමුත් වීරා තමිල්මාරන්ව කබාලිට එරෙහිව පොළඹවන්නේ ඔහු තමිල්නේසන්ගේ පුත්‍රයා බැවින් කණ්ඩායමේ නායකත්වය ඔහුට හිමිවිය යුතු බව පවසමිනි. තමිල්මාරන් විසින් කබාලි සහ ගැබිනියකව සිටින කුමුදාහට දේවාලයක උත්සවයක් සඳහා ආරාධනා කරයි. කෙසේනමුත්, වීරා සහ ඔහුගේ මිනිසුන් කබාලි සහ කුමුදාට එරෙහි වීමෙන් මෙය උගුලක් බව පෙනීගියේ ය. මෙහි ආරවුලක දී කබාලි හට දරුණු ලෙස තුවාල සිදුවූ අතර, වෙඩි පහරකට ලක්වන කුමුදා මියගොස් ඇති බව පෙනේ. අනතුරුව කබාලි මෙම ද්‍රෝහී ක්‍රියාව වෙනුවෙන් තමිල්මාරන්ව මරාදමන්නේ කුමාරන්ගේ ඉදිරියේම ය. මඳ කලකින්ම කබාලි සංහාරයක් ඇරඹීමේ චෝදනාව මත අත්අඩංගුවට ගැනිණි.

කබාලිගේ කථාව ඇසීමෙන් පසු, සිය වරද වටහාගන්නා කුමාරන් ඔහුගේ සමාව අයදියි. ඔහු පවසන්නේ දේවාලයේ ඝාතනය සිදුවූ අවධියේ එතැන සිටි වීරාගේ මිනිසකු වන වේලු (ආර්. අමරේන්ද්‍රන්) කුමුදාට සිදුවූයේ කුමක්දැයි දැන සිටිනු ඇති බවයි. අනතුරුව කබාලි වේලු ජීවත්වන තායිලන්තය වෙත ගමන් කරයි.වේලු මුණගැසීමේ දී කබාලිට තේරුම් යන්නේ සිය දියණිය ද තවමත් ජීවත් වන බවයි. මෙම අවස්ථාවේ කබාලි හට යෝගි (දන්සිකා) මුණගැසෙයි. කොන්ත්‍රාත් ඝාතකයකු වන ඇයව වීරා සහ ඔහුගේ ප්‍රධානියා වන ටෝනි ලී හෙවත් ටෝනි (වින්ස්ටන් චාඕ) විසින් කුලියට ගෙන තිබුණේ කබාලිව මරාදැමීමටයි. ටෝනි මේ වනවිට ක්වාලා ලම්පූර්හි විරුද්ධවාදී පාතාල තල්ලියක් වන ගැන්ග් 43හි නායකත්වය දරයි. නමුත් යෝගි ඒ වෙනුවට ඇය සමග පැමිණි මිනිසුන්ව මරාදමන්නේ තමන් වේලු විසින් හදාවාඩා ගත් කබාලි දියණිය බව හෙළි කරමිනි. එසේම ඇය පවසන්නේ කුමුදා තවමත් ජීවත්වන බවත්, ඇය පුඩුචෙරිහි ප්‍රංශ පවුලක් සමග දිවිගෙවන බවත් ය. කබාලි සහ යෝගි පුඩුචෙරි බලා පිටත්වෙති. දින ගණනාවක් සෙවීමෙන් පසුව, ඔවුනට කුමුදා යළි හමුවන අතර දින කිහිපයක් ඔවුහු එක්ව දිවිගෙවති. පුඩුචෙරියේ සිටින අතරතුර, ‍ටෝනිගේ මිනිසුන් පැමිණෙන්නේ කබාලිගේ පවුලේ සාමාජිකයන්ට පහර දීමටයි. කෙසේනමුත්, කබාලි සහ යෝගි ඔවුනට පහර දී කුමුදා සමගින් ආරක්ෂිතව පලායාමට සමත් වේ.

මඳ කලකින් කබාලි සිය පවුල සමග ක්වාලා ලම්පූර්‍ වෙත පැමිණෙයි. ‍එහි දී ඔවුනට දැනගන්නට ලැබෙන්නේ ටෝනි විසින් සිදුකළ මෝටර් රථ අනතුරකින් අමීර් තදබල ලෙස තුවාල ලබා සිටින බවයි. ගැන්ග් 43ට එක්වීමට ප්‍රතික්ෂේප කිරීම හේතුවෙන් ටෝනි විසින් ඔහුගේ සගයකු වූ ජීවා (දිනේෂ්) කැබලිවලට කපාදමන්නේ අමානුෂික අයුරිනි. ගැන්ග් 43 විසින් ක්වාලා ලම්පූර් පාතාලය පාලනයට පිහිටුවා තිබූ ෆ්‍රී ලයිෆ් ෆවුන්ඩේෂන් පාසල ද විනාශ කර දමන්නේ තමන්ට විරුද්ධ සියලුම පාතාල කල්ලි වැනසීමේ අපේක්ෂාවෙනි. මෙය ඇසීමෙන් පසු, සැම දෙනා වෙනුවෙන් වීරා සහ ටෝනිව විනාශ කිරීමට කබාලි තීරණය කරයි. ඔහු සහ ඔහුගේ පවුල ගෞරවාදරයට පාත්‍රව සිටි මැලේසියානු පාතාල නායකයකු වූ ඇං ලීගේ 100වන උපන්දින සැමරුමට සහභාගී වෙති. මෙයට ගැන්ග් 43 ඇතුළු සියලුම පාතාල කණ්ඩායම්වලට ආරාධනා කොට තිබේ. සාදයේ දී කුමාරන්ගේ සහාය ඇතිව කබාලි වීරා සහ ටෝනි හට වෙඩිතබා මරාදමයි.

මාස කිහිපයකට පසු, කබාලි, කුමුදා සහ යෝගි ෆ්‍රී ලයිෆ් පදනම විසින් සංවිධානය කළ උත්සවයකට සහභාගී වෙති. ෆ්‍රී ලයිෆ් ශිෂ්‍යයකු වන ටයිගර් (හරි ක්‍රිෂ්ණන්) නම් ප්‍රචණ්ඩකාරී බාල අපරාධකරු කබාලි වෙත ඇවිදයයි. ඔහු මෙම උත්සවය පෙර පොලීසියට අමතනු දක්නට ලැබේ. පසුබිම කළු පැහැයට හැරෙන අතර, තුවක්කුවක් කොකා ගස්වන හඬත්, අනතුරුව වෙඩි හඬකුත් ඇසේ. කුතුහලයකින් චිත්‍රපටය අවසන් වේ.

චරිත නිරූපණය

[සංස්කරණය]

නිෂ්පාදනය

[සංස්කරණය]

සංවර්ධනය

[සංස්කරණය]

2015 ජූනි මස අධ්‍යක්ෂක පා. රංජිත් විසින් රජිනිකාන්ත් සම්බන්ධ වන සිය තෙවන අධ්‍යක්ෂණ කටයුත්ත පිළිබඳ ට්විටර් ඔස්සේ නිවේදනය කළේ ය. මින් පෙර ඔහු අට්ටකාති (2012) සහ මැඩ්‍රාස් (2014) යන චිත්‍රපට අධ්‍යක්ෂණය කොට තිබිණි. රංජිත්ගේ මැඩ්‍රාස් (2014) චිත්‍රපටය හේතුවෙන්, රජිනිකාන්ත් විස්මයට ලත්ව සිටි අතර, රජිනිකාන්ත්ගේ දියණිය වූ සෞන්දර්යා සිය පියා වෙනුවෙන් පිටපතක් රචනා කරන මෙන් රංජිත්ගේන ඉල්ලා සිටියා ය.[12] එස්. ෂංකර්ගේ සිවාජි (2007) චිත්‍රපටයෙන් පසුව රංජිත් සමග යෙදුණු මෙම කටයුත්ත හේතුවෙන් කබාලි රජිනිකාන්ත් නවක අධ්‍යක්ෂකවරයකු සමග කටයුතු කළ ප්‍රථම අවස්ථාව වනු ඇත.[13] ඉන්ඩියාග්ලිට්ස් පුවත්පත සමග සම්මුඛ සාකච්ඡාවක දී, නිෂ්පාදක එස්. තනු අනාවරණය කළේ රංජිත්-අධ්‍යක්ෂණය කරන චිත්‍රපටය නිෂ්පාදනය කරන මෙන් රජිනිකාන්ත් තමන්ගෙන් පෞද්ගලිකව ඉල්ලා සිටි බවයි. නිෂ්පාදකවරයාගේ ආර්ථික වශයෙන් සාර්ථක භෛරවි (1978) චිත්‍රපටය රජිනිකාන්ත් ප්‍රධාන චරිතයක් නිරූපණය කළ ප්‍රථම චිත්‍රපටය විය. එතැන් සිට මේ දෙදෙනා යළි එක්ව කටයුතු කොට තිබුණේ නැත.[14] අනුමාන කෙරුණේ රජිනිකාන්ත්ගේ චරිතය චෙන්නායිහි සැබෑ පාතාල නායකයකුගේ කථා පුවතක් පාදක කරගත් එකක් වනු ඇති බවයි.[15] සන්තෝෂ් නාරායණන් චිත්‍රපටයේ සංගීත නිර්මාණය කරනු ඇතැයි තහවුරු විය. මින් පෙර ඔහු රංජිත්ගේ මුල් චිත්‍රපට දෙකෙමි ද කටයුතු කොට තිබිණි. රංජිත් විසින් මැඩ්‍රාස් චිත්‍රපටයේ සිනෙමාරූපණ ශිල්පියා වන ජී. මුරලිව ද සම්බන්ධ කරගත්තේ ය.

2015 අගෝස්තු 17 දින, රංජිත් නිවේදනය කළේ චිත්‍රපටයේ නම කබාලි වනු ඇති බවත්, එහි රජිනිකාන්ත් විසින් කබලීස්වරන් නම් චරිතය නිරූපණය කරන බවත් ය.[16] මුලින් චිත්‍රපටයේ නිර්මාණකරුවන් විසින් රජිනිකාන්ත්ගේ 1980 චිත්‍රපටයක නාමයක් ඇසුරෙන් කාලි යන නාමය යෙදීමට අදහස් කොට තිබිණි. නමුත්, ඉහත චිත්‍රපටය තමිල් නාඩු බොක්ස් ඔෆීස් අතින් එතරම් සාර්ථක නොවූ හෙයින් එම නාමය නව චිත්‍රපටයට නොයෙදීමට තීරණය විය. පසුව කන්නාභිරාන් නම් නාමය යෙදීමට යෝජනා වුවත්, ඒ වනවිටත් එම නාමයේ අයිතිය අධ්‍යක්ෂක අමීර් සුල්තාන් සිය ඉදිරි චිත්‍රපටයකට යෙදීමට ලබාගෙන තිබූ හෙයින්, එය ද ප්‍රතික්ෂේප විය.[17]

නළුවරණය

[සංස්කරණය]

මෙම චිත්‍රපටයේ රජිනිකාන්ත් විසින් වියපත් අපරාධ නායකයකුගේ චරිතයක් නිරූපණය කරනු ලබයි.[18] තෙලිඟු පුවත්පතක් වන ඊනාඩු අනුව, නායකන් (1987) චිත්‍රපටය හේතුවෙන් විස්මයට පත්ව සිටි රජිනිකාන්ත් ඊට සමාන පිටපතක් රචනා කරන මෙන් එහි අධ්‍යක්ෂ මණි රත්නම්ගෙන් ඉල්ලා ඇත. නමුත් එම ව්‍යාපෘතිය කිසිදින ක්‍රියාවට නැංවුණේ නැත. රංජිත්ගේ කබාලි පිටපත සහ එය අතර වූ සමානතා හේතුවෙන් ඔහු මෙම චිත්‍රපටයේ රැඟුමට තීරණය කළේ ය.[19] රංජිත්ගේ අට්ටකාති (2012) චිත්‍රපටයේ ප්‍රධාන චරිත නිරූපණය කළ දිනේෂ් රවි සහ අධ්‍යක්ෂකගේ මුල් චිත්‍රපට දෙකෙහි ප්‍රමුඛ චරිත නිරූපණය කළ කලෛයරසන් ද මෙම චිත්‍රපටයට දායක වන බැව් තහවුරු විය. ආරම්භයේ දී, ප්‍රකාශ් රාජ් හට වැදගත් චරිතයක් පිරිනැමුණු නමුත්,[20] පසුව එහි දින සම්බන්ධ ගැටලු හේතුවෙන් ඔහු එය ප්‍රතික්ෂේප කළ අතර පසුව ඒ සඳහා ජෝන් විජේ තෝරාගැනිණි.[21] පසුව තහවුරු වූයේ ප්‍රධාන චරිතයේ බිරිඳගේ චරිතය සඳහා රාධිකා අප්ටේ තෝරාගැනුණු බවයි. ඇය දෙමළ සිනමාවට අවතීර්ණ වූයේ දෝනි (2012) චිත්‍රපටය තුළිනි.[22] මෙහි සහාය චරිතයක් නිරූපණයට දන්සිකා අත්ස්න තැබුවා ය.[23] ස්ටාර් විජේ නාළිකාවේ Airtel Super Singer 3 වැඩසටහනට සහභාගී වීම හේතුවෙන් ප්‍රචලිත වූ රූපවාහිනී නිළියක වන සෞන්දර්යා නන්දකුමාර් මෙහි පසුබිම් චරිතයක් සඳහා තෝරාගැනිණි.[24]

රූගත කිරීම්

[සංස්කරණය]

2015 අගෝස්තු 18 දින, අධ්‍යක්ෂක පා. රංජිත් ට්විටර් ඔස්සේ නිවේදනය කළේ ප්‍රධාන ඡායාරූපකරණය ඉදිරි සතියෙහි ඇරඹෙනු ඇති බවයි.[25] අගෝස්තු 22 මෙය තහවුරු වූයේ Behindwoods විසින් අගෝස්තු 21 දින චෙන්නායිහි AVM ස්ටූඩියෝස්හි දී පැවති ඡායා රූගත කිරීම්වල දර්ශන ප්‍රකාශයට පත් කිරීමත් සමගයි. රූගත කිරීම්වල පළමු අදියර 2015 සැප්තැම්බර් 17 දින විනයාගර් චතුර්තියේ දී චෙන්නායි රුසියානු විද්‍යා සහ සංස්කෘතික මධ්‍යස්ථානයේ දී ආරම්භ විය.[26]

සංගීතය

[සංස්කරණය]
කබාලි
ධ්වනිපථ ඇල්බමය ,
සන්තෝෂ් නාරායණන්
විසිනි
මුදාහැරුණේ12 2016 (2016-June-12)
පටිගත කෙරුණේ2015-2016
ගණයවෘත්තාන්ත චිතපට ධ්වනිපථය
දිග20:05
ලේබලයතින්ක් මියුසික්
නිෂ්පාදකඑස්. තනූ

තින්ක් මියුසික් විසින් දෙමළ ප්‍රභේදයේ මෙන්ම, හඬකැවූ තෙලිඟු සහ හින්දි ප්‍රභේද සඳහා ද ශ්‍රව්‍ය අයිතීන් හිමි කරගෙන ඇත.[27] ගීත පහකින් යුත් මුල් දෙමළ ධ්වනිපථ ඇල්බමය 2016 ජූනි 12 දින මුදාහැරිණි.[28] තනූ අනුව, සාමාන්‍යයෙන් රජිනිකාන්ත් රඟන චිත්‍රපට සඳහා හැඳින්වීමේ ගීත ගයන එස්. පී. බාලසුබ්‍රාමණියම් මෙම ඇල්බමය සඳහා දායක කර නොගත්තේ මෙය පටිගත කරන අවධියේ ඔහු නගරයේ නොසිටි බැවිනි.[29]

පථ ලැයිස්තුකරණය
අංකය. ගීතයපද රචනාගායක(යින්) කාලය
1. "උලගම් ඔරුවනුක්කා"  කබිලන්, විවේක්, රොෂාන් ජැම්රොක්අනන්තු, සන්තෝෂ් නාරායණන්, ගණා බාලා, රොෂාන් ජැම්රොක් 04:02
2. "මාය නදි ඉන්රු"  උමා දේවිඅනන්තු, ප්‍රදීප් කුමාර්, ශ්වේතා මෝහන් 04:35
3. "වීරත් තුරන්දරා"  උමා දේවි, රොෂාන් ජැම්රොක්ගණා බාලා, ලෝරන්ස් ආර්, ප්‍රදීප් කුමාර්, රොෂාන් ජැම්රොක් 03:17
4. "වානම් පාර්තේන්"  කබිලන්ප්‍රදීප් කුමාර් 04:52
5. "නේරුප්පු ඩා"  අරුන්රාජා කාමරාජ්අරුන්රාජා කාමරාජ්, රජිනිකාන්ත් 03:38
සම්පූර්ණ දිග:
 20:05

මුදාහැරීම

[සංස්කරණය]

ලොවපුරා කබාලි දෙමළ භාෂාවෙන් සහ, එහි හඬකැවූ ප්‍රභේද හින්දි, තෙලිඟු, මලයාලම්, සහ මැලේ භාෂාවලින් මුදාහැරිණි.[30] මේ හා සමගාමීව චිත්‍රපටය සිංගප්පූරුවේ සහ ඉන්දුනීසියාවේ ද මුදාහැරීමට නියමිතව තිබිණි.[31] මැලේසියානු මාධ්‍ය සමාගමක් වන මලික් ස්ට්‍රීම්ස් ප්‍රොඩක්ෂන්ස් ඇන්ඩ් ඩිස්ට්‍රිබියුෂන් වෙතින් මැලේසියාව තුළ මුල් දෙමළ ප්‍රභේදය සමගින් මැලේ බසින් චිත්‍රපටය මුදාහැරීමට තීරණය කොට තිබිණි.[32] චිත්‍රපටය තායි සහ චීන බසින් ද හඬකවා හොං කොං සහ චීනයේ මුදාහරිනු ඇතැයි පැවසේ.[33][34] කබාලි චිත්‍රපටය ප්‍රංශයේ පැරීසියේ ලේ ග්‍රෑන්ඩ් රෙක්ස්හි ද ඉතාමත් උත්කර්ෂවත් අන්දමින් ප්‍රදර්ශනය කෙරෙනු ඇතැයි පැවසේ.[35]

අලෙවිකරණය

[සංස්කරණය]
එයාර්ඒෂියා ඉන්ඩියාහි එයාර්බස් A320 ගුවන්යානයක් රජිනිකාන්ත්ගේ රුව ඇතුළත් ප්‍රචාරක දැන්වීම්වලින් සරසා ඇති අයුරු

එයාර්ඒෂියා ඉන්ඩියා සමාගම කබාලිහි නිල සහකරුවකු බවට පත්වීමෙන් පසු, ගුවන් සමාගම සතුව පැවති එයාර්බස් A320 ගුවන් යානයක් චිත්‍රපටයේ තේමාව සහ කබාලි ලෙස සැරසුණු රජිනිකාන්ත්ගේ රුව ඇතුළත් දැන්වීම්වලින් අලංකාර කරන ලදී.[34][36] මගී ගුවන් යානයක් ඉන්දියානු චිත්‍රපටයක් ප්‍රවර්ධනයට දැන්වීම්ගත කෙරු‍ණු ප්‍රථම අවස්ථාව මෙය විය.[37] චිත්‍රපටයේ තවත් නිල සහකරුවකු වන මුතූට් ෆින්කෝර්ප් නම් ඉන්දියානු මූල්‍ය සමාගම චිත්‍රපටයේ නළුවාගේ රුව රැගත් රිදී කාසි නිපදවී ය.[38][39] මෙහි ටීසර ට්‍රේලරය 2016 අප්‍රේල් මස මුදාහැරුණු අතර, එය ආසියාව පුරා පුළුල්ව නැරඹීමට ලක් විය. පැය 24කටත් අඩු කාලයක දී මිලියන 5ක ප්‍රේක්ෂක පිරිස්ක එය නරඹා තිබූ අතර, ආසියාවේ වඩාත් නැරඹූ ටීසරය බවට එය පත් විය.[40][41]

මාර්ගස්ථ චෞරත්ව මතභේදය

[සංස්කරණය]
ආසන්න ඡායාරූපයක්

2016 ජූලි 19 දින, එනම් චිත්‍රපටය ලොව පුරා මුදාහැරීමට දින තුනකට පෙර, චිත්‍රපටයේ චෞර පිටපත් ඩාර්ක්නෙට් ඔස්සේ අන්තර්ජාලයට මුදාහැර ඇති බැව් වාර්තා විය.[42] The Indian Express පුවත්පත වාර්තාකොට තිබුණේ එසේ මුදාහැරුණු පිටපත් ඩාර්ක්නෙට් තුළින් පමණක් ලබාගත හැකි වුව ද, ව්‍යාජ සබැඳි ගණනාවක් අන්තර්ජාලය තුළ සංසරණය වෙමින් පවතින බවයි. චිත්‍රපටයේ නිර්මාණ ශීල්පීන් විසින් මදුරාසි මහාධිකරණය වෙත ගොස් චෞරත්වය පිළිබඳ ඉල්ලා සිටියේ එවැන්නක් සිදුනොවීමට කටයුතු සලසා දෙන ලෙසයි.[43] CBFCහි ප්‍රධානී පාලජ් නිහාලනි විසින් මෙම වාදය සම්බන්ධයෙන් අදහස් පලකොට තිබුණේ මුම්බායේ සිය කාර්යාල මගින් එම මුදාහැරුම සම්බන්ධයෙන් කිසිවක් කළ නොහැකි බවත්, කබාලි දෙමළ චිත්‍රපටයක් බැවින් එය සහතික කරන ලද්දේ CBFCහි චෙන්නායි කාර්යාලය විසින් බවයි. එසේම ඔහු පැවසූයේ එම නිකුතුව චිත්‍රපටයේ බොක්ස් ඔෆීස් එකතුවට එතරම් බලපෑමක් ඇති නොකරනු ඇති බවයි.

දින දෙකකට පසු, 2016 ජූලි 21 දින, චිත්‍රපටයේ මිනිත්තු දෙකක දර්ශනයක් ද කිසිවකු විසින් අන්තර්ජාලය තුළට මුදාහැර තිබිණි. මෙය අනතුරුව වෛරසයක් ලෙස පණිවිඩකාරක ඇප් එකක් වන WhatsApp ඔස්සේ පැතිර ගියේ ය.[44] මෙම කාන්දු වීම පිළිබඳ නිෂ්පාදක කලෛප්පුලි එස්. තනූ සිය ට්විටර් ගිණුම ඔස්සේ ප්‍රකාශ කර තිබුණේ, "පරිගණකය හෝ දුකථනය මගින් පමණක් තලෛවර් දැකීම ඔබට විනෝදාස්වාදයක් ගෙන නොදේවි. චෞරයන්ට ස්තූති කරන්න. අපි එය සිකුරාදා සිට සිනමාහල් තුළින් නරඹමු" යනුවෙනි. The News Minute වාර්තා කොට තිබුණේ ඉංග්‍රීසි මෙන්ම අරාබි උපසිරැසි ද රැගත් මෙම වීඩියෝ පටය මුදාහරින්නට ඇත්තේ ගල්ෆ් රටවල්වලින් විය හැකි බවයි.[45]

චිත්‍රපටයේ මුදාහැරීමෙන් පසුව, සිනමා ශාලාවක දී ජංගම දුරකථනයකින් රූගත කරන ලද චිත්‍රපටයේ වීඩියෝ පට කොටසක් Vimeo වෙක තැපැල් කොට තිබිණි. නමුත් එය පසුව වෙබ්අඩවියෙන් ඉවත් කරන්නට පියවර ගෙන තිබිණි.[46]

විකල්ප අවසානය

[සංස්කරණය]

චිත්‍රපටයේ මැලේසියානු ප්‍රභේදය තුළ කළු පසුබිම මත කබාලි පොලීසියට යටත් වූ බවට පැහැදිළි අවසානයක් සපයා ඇත. මෙම විකල්ප අවසානය යොදන ලද්දේ මැලේසියාවේ චිත්‍රපට වාරණ මණ්ඩලය ලබාදුන් නියෝගයක් අනුවයි. පොලිස් නිලධාරීන් ප්‍රචණ්ඩත්වයට අනුබල දීම පෙන්වීමට අවසර නොදීම එයට හේතුවයි.[47][48][49]

විචාරක පිළිගැනීම

[සංස්කරණය]

කබාලි යනු බැංගලෝරය, මුම්බායි, චෙන්නායි සහ හයිදරාබාද් හා ක්වාලාලම්පූර් වැනි නගරවල ප්‍රේක්ෂකාකර්ෂණයට ලක්වූ චිත්‍රපටයකි. චිත්‍රපටය මිශ්‍ර ප්‍රතිචාර හිමි කරගත්තේ ය.[50][51][52][53]

IndiaGlitz විසින් මෙම චිත්‍රපටයට තරු 5න් 3ක ඇගයුමක් ලබාදෙමින් පැවසූයේ එය "ඉතාම වෙනස් රජිනිකාන්ත් අත්දැකීමක්" බවයි.[54] Behindwoods වෙතින් එයට 5න් 2.75ක ඇගයුමක් ලබාදෙමින් කොට තිබුණේ ''රජිනිකාන්ත් වෙනස්ම මානයකින් යුතු වුවත්, කබාලි සෑම දෙනකුටම නොගැළෙපෙන බවයි.''.[55] The Indian Express පුවත්පත චිත්‍රපටයට 5න් 3.5ක් ලබාසෙමින් පැවසූයේ,''රජිනිකාන්ත්ගේ චිත්‍රපටයේ ගෞරවය සහ අන්තර්ගතය බෙහෙවින් අල්ප බවයි.''.[56] චිත්‍රපටයට තරු 5න් 3ක් ලබාදෙන Filmibeat මෙහි සඳහන් කොට තිබුණේ ''කබාලි පිළිබඳ මෑතක දී අසන්නට ලැබෙන අතිශයෝක්ති හිසේ දරාගෙන ඔප සිනමා ශාලාවට ගියහොත් ඔබ කලකිරීමට පත් වේවි'' යනුවෙනි.[57] International Business Times විසින් මෙම චිත්‍රපටයට තරු 5න් 3.5ක් ලබාදෙමින් සඳහන් කොට ඇත්තේ "රජිනිකාන්ත් දේශපාලනික වශයෙන් පහර දෙන චිත්‍රපටයක බබලයි" යනුවෙනි.[58]

මතභේදය

[සංස්කරණය]

ඇතැම් විචාරකයින් විසින් රජිනිකාන්ත් දාලිත් නායකයකු ලෙස නිරූපණය කිරීම හේතුවෙන් චිත්‍රපටයට ප්‍රහාර එල්ලකොට ඇත. චිත්‍රපටය තුළින් අන්‍යයන් විසින් පිළිගැනීම ප්‍රතික්ෂේප කළ දාලිත් කුලය නිරූපණය වේ යැයි පැවසිණි.[59][60] කෙසේනමුත්, ඇතැම් දාලිත් මෙවලම් හේතුවෙන් එය දාලිත් චිත්‍රපටයක් ලෙස හැඳින්විණි.[61][62]

බොක්ස් ඔෆීස්

[සංස්කරණය]

පළමු දිනයේම INR875 මිලියන (US$14 මිලියන)ක ආදායමක් උපයා ගනිමින් කබාලි ලොවපුරා ඉහළම ආරම්භක දින ආදායමක් සහිත දකුණු ඉන්දියානු චිත්‍රපටය බවට පත්වූයේ බාහුබලි: ද බිගිනිං චිත්‍රපටය තබා තිබූ ආදායම් වාර්තා බිඳහෙළමිනි.[63] ඉන්දියානු චිත්‍රපටයක් ලද ඉහළම සතිඅන්ත ආදායම උපයාගැනීමට මෙම චිත්‍රපටය සමත්වූයේ මෙයට සති දෙකකට පෙර සුල්තාන් චිත්‍රපටය තබා තිබූ INR2.06 බිලියන (US$32 මිලියන) ආදායම් වාර්තාව බිඳ හෙළමින් INR2.11 බිලියන (US$33 මිලියන)ක ආදායමක් උපයා ගනිමිනි.[63]

මතභේදිත දළ ආදායම්

[සංස්කරණය]

පළමු දින 13 තුළ Financial Express සහ Indian Express වැනි ආයතන කිහිපයක් විසින් ප්‍රකාශිත වාර්තාවල මෙහි බොක්ස් ඔෆීස් දළ ආදායම් INR බිලියන 6–6.75 පරාසයේ දැක්විණි.[64][65] මෙය සෙසු ප්‍රභව විසින් දක්වන ලද ඇස්තමේන්තුවලට වඩා දෙගුණයකටත් වඩා ඉහළ අගයයකි.[66] International Business Times (IBT) සහ Firstpost විසින් මෙම ඇස්තමේන්තු අතිශයෝක්ති බව පවසමින් මෙහි ඇති විංසගතතාව පැහැදිළි කළේ එහි සංගීත සහ චන්ද්‍රිකා විකාශන අයිතීන් වැනි "පූර්ව-නිකුතු ආදායම්" INR බිලියන 2ක අගය ද ඇතුළත් කොට ඇති බව පවසමිනි.[67][66] Firstpost චනා කොට තිබුණේ, "වඩාත් ගතානුගතික ඇස්තමේන්තු මගින් කබාලිහි ආදායම් ලොවපුරා ප්‍රවේශපත් ආදායම් මලික් රුපියල් [බිලියන 3]ක් අවට අගයයක් ලෙස දක්වන බවයි."[67] IBTහි වි‍ශ්ලේෂකයින් විසින් චිත්‍රපටයේ පළමු දින 13 තුළ ලෝකය පුරා දළ ආදායම INR3.5 බිලියන (US$55 මිලියන)ක සමස්ත අගයයක් ලෙස දක්වයි.[68] 2016 දෙසැම්බර්යේ Financial Express මගින් ප්‍රකාශිත දත්ත අනුව පෙනීගියේ එහි ඇස්තමේන්තුගත දේශීය ආදායම INR කෝටි 215ක් සහ අන්තර්ජාතික ආදයම INR කෝටි 262ක්, බවත් එහි සමස්ත ආදායම INR කෝටි 477ක් බවත් ය.[69] 2017 මැයි මස Forbes සඟරාව මගින් ප්‍රකාශිත දත්ත අනුව එය ඇ.ඩො. මිලියන 77ක් වන අතර, එය ආසන්න වශයෙන් INR කෝටි 494ක් පමණ වේ.[70]

ඉන්දියාව

[සංස්කරණය]

කබාලි චිත්‍රපටය පළමු දිනයේම සියලු භාෂවලින් ඉන්දියාව තුළ INR447.5 මිලියන (US$7.0 මිලියන)ක ශුද්ධ ආදායමක් උපයා ගනිමින් ඉහළම ආරම්භක දින ආදායමක් ලද දකුණු ඉන්දියානු චිත්‍රපටය බවට පත් විය.[71] කබාලි ඉන්දියාව තුළ එතෙක් ඉහළම විවෘත කිරීමේ දින ආදායම වූ INR530 මිලියන (US$8.3 මිලියන) උපයාගෙන සිටි 2015 චිත්‍රපටයක් වූ ප්‍රේම් රතන් ධන් පායෝට මඳක් පසුපසින් විය.[72] මෙය තමිල් නාඩුව තුළ පළමු දිනයේම INR200 මිලියන (US$3.1 මිලියන)ක ශුද්ධ ආදායම් සීමාව පසුකළ පළමු දෙමළ චිත්‍රපටය ද වේ.[73] ඉන්දියාව තුළ පළමු සති අන්තයේ ඉපැයීම් අතින් කබාලි මුල් ස්ථානයක පසුවූයේ සියලු ප්‍රභේදවලින් දින තුන්ක ඇතුළත INR1.2425 බිලියන (US$19 මිලියන)ක ආදායමක් උපයා ගනිමිනි.[74][75] දින දහයක් ඇතුළත ඉන්දියාව තුළ INR2.05 බිලියන (US$32 මිලියන)ක දළ ආදායමක් හිමි කරගැනීමට කබාලි සමත් විය.[76]

විදේශ

[සංස්කරණය]

මෙහි දසවන දිනය වන විට කබාලි ඇ.ඩො. මිලියන 15.70ක (INR කෝටි 105) ආදායමක් උපයාගැනීමට සමත් විය.[63] විදේශයන්හි පළමු දින-සතරේ සතිඅන්තයේ දී චිත්‍රපටය ඇ.ඩො. මිලියන 11.20ක (INR කෝටි 75.27) ආදායමක් උපයා ගැනීමට සමත් වූයේ[77] එතෙක් ඉන්දියානු චිත්‍රපටයක් පළමු සතිඅන්තයේ විදේශ වෙළඳපල තුළ හිමි කරගත් ඉහළම ආදායම් වාර්තාවට හිමිකම් කී ධූම් 3 (ඇ.ඩො. මිලියන 10.32) චිත්‍රපටයේ ආදායම් වාර්තා අභිබවා යමිනි.[78]

අනුගාමී කෘතිය

[සංස්කරණය]

චිත්‍රපටයේ සාර්ථකත්වයෙන් මඳ කලකට පසු, Forbes සඟරාව සමග පැවති සම්මුඛ සාකච්ඡාවක දී එස්. තනූ පැවසූයේ මෙහි ආරම්භක ප්‍රතිඵල තමන් සිතා සිටි මට්ටම ඉක්මවා ගිය බවත්, චිත්‍රපටයේ අවසානය එහි දෙවන කොටසක් හා සම්බන්ධ බවත් ය.[79] 2016 ජූලි 25, ඔහු පැවසූයේ, "අප කබාලි සඳහා විවෘත කූට්‍රපාප්තියක් නිමවූවා. ඒනිසා, අධ්‍යක්ෂක රංජිත් සහ මම මෙම පාතාල නිර්මාණයට දෙවන කොටසක් නිමවීමට ආශාවෙන් සිටිනවා. කෙසේනමුත්, මෙය ඉදිරියට රැගෙන යාමට රජිනිකාන්ත්ගේ අනුමැතිය අවශ්‍යයි. චිත්‍රපටයේ ආදායම් අනුව එය උද්වේගකාරී නැග්මක් බව පෙනෙන අතර, එය සියලු වාර්තා අභිබවා ගොස් තිබෙනවා" යනුවෙනි.[80]

2016 අගෝස්තු 29, ධනුෂ් නිවේදනය කළේ වාඩා චෙන‍්නෛ චිත්‍රපටයෙන් පසු සිය ඊළඟ නිෂ්පාදනය අධ්‍යක්ෂණය කරන්නේ රංජිත් විසින් බවත්, එහි ප්‍රධාන චරිතය රජිනිකාන්ත් විසින් නිරූපණය කරන බවත් ය. මෙය මේ දෙදෙනා සමග ඔහුගේ පළමු දායකත්වය වනු ඇත. මෙහි පිටපතේ තොරතුරු මෙතෙක් හෙළී වී නොමැති වුව ද, මාධ්‍ය විසින් සැක පහළ කරන්නේ එම චිත්‍රපටය කබාලිහි දෙවන කොටස විය හැකි බවයි.[81][82]

ආශ්‍රේයයන්

[සංස්කරණය]
  1. ^ "Rajinikanth starrer Kabali's first premiere to be held in Malaysia". Catch News. 5 July 2016. සම්ප්‍රවේශය 6 July 2016.
  2. ^ "Editor Praveen KL's hint about the Teaser release of 'Kabali'??". Indiaglitz. Indiaglitz. සම්ප්‍රවේශය 15 July 2016.
  3. ^ "Kabali:censor and running time detail". 11 July 2016. සම්ප්‍රවේශය 12 July 2016.
  4. ^ "'Kabali' 1st day collection at box office: Rajinikanth's film beats first day records of 'Vedalam' to become biggest opener in TN". International Business Times. 23 July 2016. සම්ප්‍රවේශය 24 September 2016.
  5. ^ "Kabali: Music album of Rajinikanths gangster film to be launched on June 11". සම්ප්‍රවේශය 18 June 2016.
  6. ^ "Kabali (2016)". සම්ප්‍රවේශය 13 May 2017.
  7. ^ "'Kabali' Malay version to release on July 29". සම්ප්‍රවේශය 7 August 2016.
  8. ^ "Makers launch Kabali app even as its release is delayed by two weeks". 11 June 2016. සම්ප්‍රවේශය 18 June 2016.
  9. ^ "Superstar Rajinikanth's 'Kabali' releases, sends fans into frenzy from 4 a.m — The Economic Times". සම්ප්‍රවේශය 2016-07-22.
  10. ^ "Kabali (Hindi) And Madaari First Day Business 2200 1000 3200".
  11. ^ "Kabali BO: Rajinikanth film smashes all records to collect Rs 250 crore". 23 July 2016. සම්ප්‍රවේශය 7 August 2016.
  12. ^ Srinivas, Ramanujam (17 July 2016). "Appa and I". The Hindu. Chennai. සම්ප්‍රවේශය 17 July 2016.
  13. ^ Ramanujam, Srinivasa (2 June 2015). "Rajinikanth is changing... and here's why". The Hindu. සම්ප්‍රවේශය 22 August 2015.
  14. ^ "Rajini asked me to produce his next : Kalaipuli S Thanu Interview" (video) (Tamil බසින්). IndiaGlitz. සම්ප්‍රවේශය 22 August 2015.{{cite web}}: CS1 maint: unrecognized language (link)
  15. ^ "Rajinikanth's next film loosely based on real-life don". Business Standard. IANS. 15 August 2015. සම්ප්‍රවේශය 22 August 2015.
  16. ^ "Here is the confirmation on Rajini-Ranjith film title". IndiaGlitz. 17 August 2015. සම්ප්‍රවේශය 22 August 2015.
  17. ^ "New title for Rajini-Raniith film?". IndiaGlitz. 17 August 2015. සම්ප්‍රවේශය 22 August 2015.
  18. ^ "Rajinikanth's 'Kabali' teaser unveiled, watch the superstar in a new gangster avatar". ABP Live. 2 May 2016. 15 July 2016 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 25 November 2017.
  19. ^ "రజినీ మేనియా... ఇంతింత కాదయా!" [Rajini's mania... is unrestrained!]. Eenadu (Telugu බසින්). 21 July 2016. 21 July 2016 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 21 July 2016.{{cite web}}: CS1 maint: unrecognized language (link)
  20. ^ Balachandran, Logesh (20 June 2015). "Prakash Raj in Rajinikanth-Ranjith film". The Times of India. සම්ප්‍රවේශය 22 August 2015.
  21. ^ Mrinalini, Sundar (21 December 2015). "I play an educated conman in Veera Sivaji". The Times of India. සම්ප්‍රවේශය 31 December 2015.
  22. ^ Gopinath, Avinash (10 August 2015). "Dhaniskaa bags a role in Rajinikanth's next". Filmibeat. IANS. සම්ප්‍රවේශය 24 August 2015.
  23. ^ "Dhaniskaa bags a role in Rajinikanth's next". IBN. IANS. 10 August 2015. 13 August 2015 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 22 August 2015.
  24. ^ "Film projectors: New age of film promotions". සම්ප්‍රවේශය 13 May 2017.
  25. ^ "Rajini's Next with Ranjith Titled Kabali!". The New Indian Express. 18 August 2015. 15 November 2015 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 24 August 2015.
  26. ^ Saravanakumar (17 September 2015). "Superstar Rajni's Kabali first day shooting..." Behindwoods. සම්ප්‍රවේශය 18 September 2015.
  27. ^ "Think Music bags Kabali audio rights". chennaivision. chennaivision. සම්ප්‍රවේශය 2 June 2016.
  28. ^ "It's official: Kabali audio on June 12". chennaivision. chennaivision. සම්ප්‍රවේශය 2 June 2016.
  29. ^ Prathibha, Parameswaran (17 July 2016). "'Neruppu Da': With Rajinikanth's entry song, the music of 'Kabali' stirs up a storm". Firstpost. සම්ප්‍රවේශය 17 July 2016.
  30. ^ "Rajinikanth's 'Kabali' has many feats before the release; know all records it shattered". සම්ප්‍රවේශය 18 June 2016.
  31. ^ "Rajinikanth's Kabali to be released in Malay". 22 May 2016. සම්ප්‍රවේශය 18 June 2016 – via The Hindu.
  32. ^ "Kabali tamil movie to be dubbed in Malay". chennaivision. chennaivision. සම්ප්‍රවේශය 2 June 2016.
  33. ^ "Rajinikanth's Upcoming 'Kabali' Is The Hottest Indian Film In The Trade Right Now". සම්ප්‍රවේශය 18 June 2016.
  34. ^ a b J, Sam Daniel Stalin (12 June 2016). "From Kabali Makers, a Musical Treat For Rajinikanth's Family". NDTV. චෙන්නායි. සම්ප්‍රවේශය 17 July 2016.
  35. ^ "Kabali to be premiered at Paris' Le Grand Rex".
  36. ^ "IndiaGlitz — Rajinikanth Radhika Apte Kabali official airline partner Air Asia — Tamil Movie News". සම්ප්‍රවේශය 18 June 2016.
  37. ^ "For these brands, the sky is the limit". 21 July 2016. සම්ප්‍රවේශය 13 May 2017.
  38. ^ "Muthoot Fincorp to offer silver coins on 'Kabali'". සම්ප්‍රවේශය 14 July 2016.
  39. ^ "Muthoot joins Kabali mania; issues silver coins with Rajinikanth image". සම්ප්‍රවේශය 14 July 2016.
  40. ^ "Watch: Rajinikanth's 'Kabali' teaser unveiled; crosses 1.5 million views within one day". සම්ප්‍රවේශය 18 June 2016.
  41. ^ "Kabali Becomes Highest Viewed Teaser In Asia". සම්ප්‍රවේශය 18 June 2016.
  42. ^ Hooli, Shekhar H (July 19, 2016). "Rajinikanth's 'Kabali' full movie leaked online for download: Report". International Business Times. සම්ප්‍රවේශය July 19, 2016.
  43. ^ "Rajinikanth's Kabali leaks online three days before release". The Indian Express. July 19, 2016. සම්ප්‍රවේශය July 19, 2016.
  44. ^ "'Kabali' opening scene leaked on Whatsapp; Rajinikanth film said to be 'out' on dark web". Firstpost. July 21, 2016. සම්ප්‍රවේශය July 21, 2016.
  45. ^ "Intro scene of Kabali leaked! Outrage online, producer says watch it in theatres". The News Minute. July 21, 2016. සම්ප්‍රවේශය July 21, 2016.
  46. ^ "Record Debuts For Tamil Superstar Rajinikanth's 'Kabali' As Producer Discusses Piracy And A Sequel".
  47. ^ "Kabali: Rajinikanth fans witnessed an alternate ending in Malaysian cinemas?". The Times of India. TNN. 24 July 2016. සම්ප්‍රවේශය 26 July 2016.
  48. ^ "Rajinikanth's Kabali to have different ending in Malaysia". The Indian Express. PTI. 25 July 2016. සම්ප්‍රවේශය 26 July 2016.
  49. ^ "LPF confirmed 'Kabali' to have different ending in Malaysia". The Malaysian Times. 24 July 2016. 11 September 2016 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 26 July 2016.
  50. ^ "Kabali movie review: Slow-burner without much respite".
  51. ^ "Deccanchronicle".
  52. ^ "ibtimes".
  53. ^ "'Kabali' gets mixed reviews; will this have some impact on its Malay version?".
  54. ^ "Kabali review. Kabali Tamil movie review, story, rating — IndiaGlitz.com". IndiaGlitz. සම්ප්‍රවේශය 2016-07-23.
  55. ^ "Kabali (aka) Kabaalireview". Behindwoods. සම්ප්‍රවේශය 2016-07-24.
  56. ^ "Kabali quick review: Rajinikanth's film lacks pace and mass". 2016-07-22. සම්ප්‍රවේශය 2016-07-24.
  57. ^ "'Kabali' Movie Review & Rating: A Decent Drama Sans Superstardom!". 2016-07-21. සම්ප්‍රවේශය 2016-07-28.
  58. ^ "Kabali review: Rajnikanth shines in politically charged movie". 22 July 2016. සම්ප්‍රවේශය 7 August 2016.
  59. ^ "Rajinikanth's Kabali: Backroom script of movie has a Dalit subtext". The Indian Express. 2016-07-22. සම්ප්‍රවේශය 2016-11-05.
  60. ^ "Kabali director Pa Ranjith: 'Rajinikanth approved politics, dialogue, rhetoric in film' - Firstpost". Firstpost (ඇමෙරිකානු ඉංග්‍රීසි බසින්). 2016-07-28. සම්ප්‍රවේශය 2016-11-06.
  61. ^ Yamunan, Sruthisagar. "'Kabali' film is a response to the 2012 Dharmapuri caste riots, says Dalit scholar Stalin Rajangam". Scroll.in (ඇමෙරිකානු ඉංග්‍රීසි බසින්). සම්ප්‍රවේශය 2016-11-05.
  62. ^ "In Kabali, Dalits see a natty redeemer - Times of India". The Times of India. සම්ප්‍රවේශය 2016-11-05.
  63. ^ a b c "'Kabali' Box Office collection". International Business Times India. 4 August 2016.
  64. ^ "Rajinikanth starrer Kabali box office collections rise to over Rs 650 crore, turns No. 1 movie in India - The Financial Express". 1 August 2016. සම්ප්‍රවේශය 7 August 2016.
  65. ^ "Rajinikanth starrer Kabali box office collections rise to over Rs 650 crore, turns No. 1 movie in India - The Financial Express". 1 August 2016. සම්ප්‍රවේශය 7 August 2016.
  66. ^ a b "'Kabali' box office collection: Reports of Rajinikanth-starrer raking in Rs. 675 crore in 13 days are fake". 5 August 2016 දින පැවති මුල් පිටපත වෙතින් සංරක්ෂිත පිටපත.
  67. ^ a b "Rajinikanth's Kabali has earned Rs 600 crore at the global box office. Or has it? - Firstpost". 3 August 2016. සම්ප්‍රවේශය 7 August 2016.
  68. ^ "'Kabali' Box Office collection". International Business Times India. 4 August 2016. 5 August 2016 දින පැවති මුල් පිටපත වෙතින් සංරක්ෂිත පිටපත.
  69. ^ "Rajinikanth birthday today; As superstar Rajni turns 65, wishes pour in". 12 December 2016. සම්ප්‍රවේශය 13 May 2017.
  70. ^ Cain, Rob. "Armies Of Ajith Fans Mobilize To Blast 'Vivegam' Teaser To Record Views". සම්ප්‍රවේශය 13 May 2017.
  71. ^ "Kabali Records Highest Ever First Day NETT Collection". Box Office India. 23 July 2016.
  72. ^ "Top Openings India — All Films All Languages". Box Office India. 24 July 2016.
  73. ^ "Kabali box office collections: Let's do the math on Rajinikanth-starrer's numbers". Firstpost. {{cite web}}: Italic or bold markup not allowed in: |publisher= (help)
  74. ^ "Salman Khan Has Top Three Domestic Weekends — Kabali 7th — Box Office India". boxofficeindia.com. සම්ප්‍රවේශය 26 July 2016.
  75. ^ "Kabali Breaks Weekend NETT Collection Record Of Sultan — Box Office India". boxofficeindia.com. සම්ප්‍රවේශය 26 July 2016.
  76. ^ "'Kabali' Box Office Collection Reports".
  77. ^ "Kabali Overseas BoxOffice". ibtimes. 16 August 2016.
  78. ^ "Box Office: Overseas collections of Rajinikanth's Kabali". Bollywood Hungama.
  79. ^ "Record Debuts For Tamil Superstar Rajinikanth's 'Kabali' As Producer Discusses Piracy And A Sequel". Forbes. 23 July 2016. සම්ප්‍රවේශය 31 July 2016.
  80. ^ "I am ready for Kabali sequel: Kalaipuli S Thanu". Deccan Chronicle. 25 July 2016. සම්ප්‍රවේශය 31 July 2016.
  81. ^ "HOT: Dhanush announces new film with Rajinikanth and Pa. Ranjith - Only Kollywood". 30 August 2016. සම්ප්‍රවේශය 13 May 2017.
  82. ^ "It's confirmed: Dhanush's next production with Rajinikanth, Pa Ranjith is Kabali sequel". 30 August 2016. සම්ප්‍රවේශය 13 May 2017.

බාහිර සබැඳි

[සංස්කරණය]
"https://si.wikipedia.org/w/index.php?title=කබාලි_(චිත්‍රපටය)&oldid=722653" වෙතින් සම්ප්‍රවේශනය කෙරිණි