ප්‍රේම් රතන් ධන් පායෝ

විකිපීඩියා වෙතින්
ප්‍රේම් රතන් ධන් පායෝ
සිනමාශාලා නිකුතු පෝස්ටරයක්
අධ්‍යක්‍ෂණයසූරාජ් ආර්. බර්ජාට්‍යා
තිර රචනයසූරාජ් ආර්. බර්ජාට්‍යා
කතාවස්තුවසූරාජ් ආර්. බර්ජාට්‍යා
නිශ්පාදනය
  • අජිත් කුමාර් බර්ජාට්‍යා
  • කමල් කුමාර් බර්ජාට්‍යා
  • රාජ්කුමාර් බාර්ජාට්‍යා
රංගන ශිල්පීන්
සිනෙමාරූපණයවී. මණිකාන්දන්
සංස්කරණයසන්ජේ සංක්ලා
සංගීතය
Production
company
බෙදාහැරීමෆොක්ස් ස්ටාර් ස්ටූඩියෝස්
නිකුත්වූ දිනය
  • 12 නොවැම්බර් 2015 (2015-11-12)
තිර කාලය
මිනිත්තු 164[1]
රටඉන්දියාව
භාෂාවහින්දි
පිරිවැයඉන්දියානු රුපියල් බිලියන 1.8[2]
ආදායමඇස්ත. ඉන්දියානු රුපියල් බිලියන 4[3]

ප්‍රේම් රතන් ධන් පායෝ (සිංහල: ප්‍රේමය නම් ධනයක් සොයාගතිමි) යනුවෙන් හැඳින්වෙන්නේ 2015 ඉන්දියානු ප්‍රේම වෘත්තාන්ත නාට්‍ය චිත්‍රපටයකි.[6] මෙය රචනා සහ අධ්‍යක්ෂණය කරන ලද්දේ සූරාජ් බර්ජාට්‍යා විසින් වන අතර, නිෂ්පාදනය කළේ රාජ්ශ්‍රී ප්‍රොඩක්ෂන්ස් සමාගම විසිනි. මෙහි බෙදාහැරීමේ කටයුතු ෆොක්ස් ස්ටාර් ස්ටූඩියෝස් විසින් සිදුකරන ලදී. සල්මන් ඛාන් සහ සෝනම් කපූර් විසින් මෙහි ප්‍රධාන චරිතය නිරූපණය කරනු ලබයි.[7] බර්ජාට්‍යා සහ ඛාන් එක්ව කටයුතු කරන සිව්වන අවස්ථාව මෙය වූ අතර, මින් පෙර ඔවුන් මේන් ප්‍යාර් කියා, හම් ආප්කේ හේන් කෞන්..!, සහ හම් සාත් සාත් හේන් යන චිත්‍රපටවල කටයුතු කොට තිබිණි.

මෙම චිත්‍රපටයේ සිනෙමාරූපණය සිදුකරන ලද්දේ වී. මණිකාන්දන් විසින් වන අතර, සංජේ ශුක්ලා විසින් සංස්කරණය සිදුකරන ලදී. නාදපථය නිමවන ලද්දේ හිමේෂ් රේෂම්මියා විසිනි. පසුබිම් සංගීත නිර්මාණය සන්ජෝයි චෞධරි විසින් නිර්මානය කරන ලදී. 2015 නොවැම්බර් 12 දින මෙම චිත්‍රපටය ඉන්දියාවේ සහ පාකිස්ථානයේ ප්‍රදර්ශනය ඇරඹිණි.[8] ආර්ථික අතින් අතිශය සාර්ථකත්වයට පත් මෙම චිත්‍රපටය ඉහළ ආදායම් ලබන බොලිවුඩ් චිත්‍රපට අතුරින් එකක් බවට පත්වූයේ ලොවපුරා ඉන්දියානු රුපියල් කෝටි 400ක (ඇඩො. මිලියන 62) ආදායමක් උපයා ගනිමිනි.[3] මෙම චිත්‍රපටය සඳහා පෙළඹවීම ඇති වූයේ දකුණු කොරියානු චිත්‍රපටයක් වන Masquerade ඇසුරෙන් යැයි වාර්තා වේ.[9] එය ද දළ වශයෙන් ඇන්තනි හෝප්ගේ The Prisoner of Zenda නවකථාව පාදක කොට නිමවූවකි.[10]

මෙම චිත්‍රප‍ටයේ තෙලිඟු සහ දෙමළ ප්‍රභේද පිළිවෙලින් ප්‍රේම ලීලා සහ මෙයිමරන්දේන් පාරායෝ යන තේමාවෙන් ප්‍රදර්ශනය කෙරිණි.[11][12]

කථාපුවත[සංස්කරණය]

යුව්රාජ් විජේ සිං (සල්මන් ඛාන්) යනු ප්‍රිතම්පූර්හි අතිශයින් ධනවත් කිරුළහිමි කුමරුන් වේ. ඔහු නුදුරු අනාග‍තයේදී රජු ලෙස අභිෂේක වන්නට සූදානම් ය. (මෙය ප්‍රබන්ධ ධුරයකි. වර්තමාන ඉන්දියාවේ කිසිදු නිල රජකු හෝ රාජධානියක් දැකගත හැකි නොවේ) ඔහු අසල්වැසි රාජධානියේ කුමරියක වන මෛතිලි (සෝනම් කපූර්) සමග විවාහ ගිවිස ගනියි. කෙසේනමුත්, ඔහුගේ දරදඬු සහ මුරණ්ඩු විජේ සහ මෛතිලි අතර මෙන්ම, ඔහුගේ සොහොයුරන් සහ සොයුරියන් අතර ද නොයෙකුත් ගැටලු ඇති වේ. ඔහුගේ ධනවත් අර්ධ සොයුරියන් වන රාජ්කුමාරී චන්ද්‍රිකා (ස්වරා භාස්කර්) සහ රාජ්කුමාරී රාධිකා (ආශිකා භාටියා) ජීවත්වන්නේ මාලිගයෙන් පිටත කුලියට ගත් බංගලාවක ය. නාගරික පාසල ගණකාධිකාරිනිය්ක ලෙස කටයුතු කරන චන්ද්‍රිකා විජේට එරෙහිව රාජකීය දේපළ භුක්තිය සම්බන්ධයෙන් නඩුවක් පවරයි. එයට හේතුව ඔහුගේ මව (ලතා සභර්වාල්) (කිවිඳියක වන මැය රජුගේ අනියම් භාර්යාවක විය) හට රැජින (කරුණා පාණ්ඩේ) රජුගේ සියලු දරුවන් ඉදිරියේ අවමන් කිරීමයි. එපමණක් නොව පාසල් වියේ සිටම හොඳම මිතුරියන් වූ රාධිකා සහ මෛතිලිගේ මිත්‍රත්වය විජේ සමගඅඇගේ විවාහයත් සමග දෙදරා යයි. එමෙන්ම විජේගේ අර්ධ සොයුරා වන යුව්රාජ් අජේ සිං (නීල් නිතින් මුකේෂ්) පළිගන්නට අදිටන් කරගන්නා අතර, සිහසුන උරුම කරගැනීමේ අරමුණින් විජේව මරාදැමීමට සැලසුම් කරයි. ඔහු සිය කළමනාකරු වන චිරාග් සිං (අර්මාන් කෝලි) සහ විජේ‍ගේ ලේකම් වන සමීරාගේ (සමයිරා රාඕ) සහාය ද ලබාගනියි. චිරාග් අජේව වැරදි මාර්ගය කරා යොමුකරන අතර, ඔහු ද්‍රෝහී අයුරින් කටයුතු කරයි. යුව්රාජ් අජේ සිං සහ චිරාග් විසින් සිදු කරන ඝාතන කුමන්ත්‍රණයකින් ඉතාම අපහසුවෙන් බේරී යන යුව්රාජ් විජේ දැඩිව තුවාල ලබයි. රහස් කුටියක සැඟවෙන ඔහුට වෛද්‍යවරුන් දෙදෙනකු විසින් ප්‍රතිකාර කරනු ලබයි.

මේ අතර විජේට සමාන පෙනුමක් ඇති, ක්‍රියාශීලී සහ නිදහස් ආදර ගුරුවරයකු වන ප්‍රේම් දිල්වාලේ (සල්මන් ඛාන්) මෛතිලි කුමරියට පෙම් කරයි. ප්‍රිතම්පූර් වෙත පැමිණෙන ඔහු සිය මිතුරා වන කණ්හයියා (දීපක් දොබ්රියාල්) සමගින් ඇයව මුණගැසීමට යන්නට අදහස් කරයි. බස් නැවතුමේ දී, අහම්බෙන් ප්‍රිතම්පූර් මාලිගයේ ආරක්ෂක ප්‍රධානියා වන සංජේ (දීප්රාජ් රානා) ඔහුව දැක දිවාන් සහීබ් (අනූපම් ඛේර්) වෙත කැඳවාගෙන යයි. ප්‍රේම් සහ යුව්රාජ් විජේ අතර ඇති අතිශය සමානත්වය දකින දිවාන් ප්‍රේම් හට පවසන්නේ යුව්රාජ්ගේ කෝමා තත්ත්වය සුවවන තෙක් විජේගේ මාලිගයේ නවාතැන් ගන්නා ලෙසයි. ප්‍රේම් යුව්රාජ් විජේ ලෙස රඟපාන අතර, ඔහුගේ සරල සහ සැලකිලිමත් ස්වභාවය හේතුවෙන් මෛතිලි විස්මයට පත්වෙයි. මුලින් විජේ සමග විවාහ නොවීමට තීරණය කර සිටි ඇය නොදැනුවත්වම ප්‍රේම් හට පෙම් කරයි. ප්‍රේම් ඔහුගේ සොහොයුරියන් සමාදාන කරන්නට උත්සාහ දරන අතර, නැවත ඔවුනට රාජ මාලිගය වෙත රැගෙන එයි. ඔහු සියලුම රාජකීය දේපළ ඔවුනට පැවරීමට නීතිමය ලියවිල්ලක් සකස් කරයි. ඔහුගේ අර්ධ-සොයුරියන් මෙම හැසිරීම හේතුවෙන් විමතියට පත්වේ. මෛතිලිගේ පෙළඹවීම අනුව ඔවුන් සිය අදහස් වෙනස් කරගන්නා අතර, කුමරුන්ගේ දේපළ ලබා නොගන්නා ඔවුන් කුමරුන්ව සිය සොයුරා ලෙස පිළිගනියි.

මේ අතර, ප්‍රේම් විසින් කුමරු ලෙස රඟන බව යුව්රාජ් අජේ සහ චිරාග් සොයාගනිති. මේ නිසා ඔවුහු සැබෑ යුව්රාජ් විජේ කුමරුන්ව පැහැර ගනිති. නමුත් අජේට ද්‍රෝහී වන චිරාග් විජේව නිදහස් කොට ඔහු අසත්‍ය තොරතුරු පවසා ඔහුව මුළා කරයි. මෙලෙසින් ඔහු විජේව අජේ සහ ප්‍රේම්ට විරුද්ධව උසි ගන්වයි. විජේ සහ අජේ කඩු සටනක නිරතවන අතර, එතැනට දිව එන ප්‍රේම් සහ කණ්හයියා ඔවුන්ගේ සැකය දුරු කරයි. චිරාග් ඔවුනට වෙඩි තැබීමට උත්සාහ දැරූව ද, එය අසාර්ථක වන අතර ඔහු ද මරණයට පත්වේ. අජේ සිය අයහපත් ක්‍රියාවන් සම්බන්ධයෙන් පසුතැවෙයි. විජේ ඔහු සමග සමාදාන වේ. ප්‍රේම් යනු යුව්රාජ් විජේ නොවන බව අසා මෛතිලි කම්පනයට පත් වේ. මේ වනවිට ප්‍රේම් සිය නිවස කරා පිටත්ව ගොසිනි. අවසානයේ ප්‍රේම්ගේ නිවස වෙත පැමිණෙන රාජකීය පවුල ප්‍රේම් සහ මෛතිලිව යළි එකතු කරන්නේ කණ්හයියා සහ සමීරා ද සමගිනි.

චරිත නිරූපණය[සංස්කරණය]

විචාරක පිළිගැනීම[සංස්කරණය]

බොලිවුඩ් හුංගාමාහි තරන් ආදර්ශ් මෙම චිත්‍රපටයට 4.5/5 ලබා දෙමින් පැවසූයේ "සමස්තයක් ලෙස PRDP [ප්‍රේම් රතන් ධන් පායෝ] යනු මුළු පවුල සඳහාම පරිපූර්ණ දීවාලි රසවින්දනයකි. මෙම චිත්‍රපටය ආදරය [ප්‍රේම්] නොමඳව ලබනු ඇති නමුත්, ආයෝජකයින් එහි ඵලය [ධන්] නෙළා ගනු ඇත්තේ එය අනුස්මරණීය දීවාලි සැමරුමක් බවට පත් කරමිනි."[13] ටයිම්ස් ඔෆ් ඉන්ඩියාහි ශ්‍රීජනා මිත්‍රා දාස් මෙම චිත්‍රපටයට තරු 3.5/5ක් ලබාදෙමින් සඳහන් කොට ඇත්තේ PRDP යනු සල්මන් ඛාන්ගේ විජයග්‍රහණයක් බවත් ඔහු "සරල ද්විත්ව චරිතයක් ඔස්සේ තිරය දිගේ හමායමින් ඔබට සිනහවට, වික්ෂිප්තයට, සුසුමට සහ හැඬුවට ලක් කරන බවයි." මීට අමතර ඇය සෝනම් කපූර්, දීපක් දොබ්රියාල්, ආශිකා සහ ස්වරා භාස්කර්ගේ රංගන ප්‍රතිභාව ද ඇගයුමට ලක්කළා ය.[14] Sifyහි සෝනියා චොප්රා මෙයට තරු 3/5 ලබාදෙමින් පැවසූයේ මෙම චිත්‍රපටය දෝෂ සහගත බවත්, නමුත් නළු සල්මන් ඛාන්ගේ ද්විත්ව රංගනයත් සමග මෙම චිත්‍රපටය පවුලේ ප්‍රේක්ෂකයන් ආකර්ෂණය කරගනු ඇති බව නිසැක බවත් ය.[15] CNN-IBNහි රජීව් මසාන්ද් මෙම චිත්‍රපටයට තරු 3/5ක් ලබාදෙමින් පවසන්නේ අධ්‍යක්ෂකවරයා සිය ‍පෙර චිත්‍රපටවල භාවිතා කළ සාර්ථක සූත්‍රයම මෙයට යොදා ඇති බවත්, නමුත් මේ වනවිට "අලංකාරය මළ බැඳී ඇති බවත්, මෙහි හැඟීම් හෘදයාංගමව පෙනෙන්නේ කලාතුරකින් බවත් සහ රචනය දැඩිව සම මට්ටමේ වන බවත් ය". ඔහු නිගමනය කළේ චිත්‍රපටයේ එකම නම්බුව නම් සල්මන් ඛාන්ගේ පෙනී සිටීම බවයි.[16]

ඉන්ඩියන් එක්ස්ප්‍රස්හි ශුභ්‍රා ගුප්තා මෙම චිත්‍රපටයට ලබාදෙන්නේ තරු 1.5/5ක තරම් පහළ ඇගයුමකි. ඇය පවසන්නේ මෙය රාමායණයේ සහ එහි කථා පුවත් මිලියන ගණනේ යළි-ප්‍රතිබිම්බයක් බවයි. ඇය මෙය විවේචනය කරමින් පවාස තිබුණේ "අධ්‍යක්ෂකවරයාගේ පෙර චිත්‍රපටවල යල් පිනූ, පමණ ඉක්මවා පිම්බුණු ප්‍රතිනිර්මාණයක් බවයි".[17] එසේ වුව ද හින්දුස්ථාන් ටයිම්ස්හි රෝහිත් වත්ස් මෙයට තරු 2/5ක් පමණක් ලබාදෙමින් පවසන්නේ, එය "80 දශකයේ තාලේ චිත්‍රපටයක්" බවත් අධ්‍යක්ෂකවරායගේ එකම සූත්‍රය එහි යළි නිරූපණය වන බවත් ය. නමුත් ඔහු සංගීත අධ්‍යක්ෂක හිමේෂ් රේෂම්මියා සහ ප්‍රධාන නළු සල්මන් ඛාන් අගය කරමින් පවසා ඇත්තේ "වඩාත් ප්‍රියමනාප බවත්, ඔහුගේ හාස්‍යජනක රංගන විශිෂ්ට බවත් ය".[18] ෆස්ට් පෝස්ට්හි ඇනා එම්. එම්. වෙටිකාඩ් මෙම චිත්‍රපටයට අවලාද නගමින් ලියා ඇත්තේ එය "අර්ධව-තැම්බුණු, ජීව ගුණයේන තොර, පහළ බුද්ධි ඵලයක් ඇති චිත්‍රපටයක් බවත්, එහි අපරිණත හාස්‍යය සහ පවුල් දේශපාලනය වර්තමානයේ හින්දි ප්‍රබ්නධ රූපවාහිනියේ දිවෙන ලාභ නැන්දම්මා-ලේලි සෝප් ඔපෙරාවන්ට සමාන බවත් ය." එසේම එය "ඔහුගේ පෙර නිර්මාණවල වූ ගුණාංග කිහිපයකින් තොර" බව ද පවසා තිබේ.[19] Rediff.comහි සුකන්‍යා වර්මා මෙම චිත්‍රපටයට තරු 2.5/5ක් ලබාදෙමින් පැවසූයේ, " PRDP එහි විශ්වාසයන් සහ සහෝදරා ප්‍රේමය, පවුල් අගයයන් සහ ලජ්ජා සහගත විවාහාරාධනාවන්ට ඇලී අති අතර, දිගු මාවත්ක දිගේ රැගෙන යයි. මෙය පෙරැයීම් කළ නොහැකි වුවත්, අධ්‍යක්ෂකවරයාගේ කථා විලාදයේ ඇති පැත්තකට බර භාවානුගතිය හේතුවෙන් PRDPහි අරමුණු බොහෝමයකට හානි වී ඇත." එසේම "පිරිමින්ට එදිරි ගැහැනු ක්‍රීඩා තරග, රාත්‍රී රහස් හමු සහ ප්‍රේම්ගේ නිර්මලභාවය " ප්‍රතිචක්‍රීකරණය කරන බවට ඇය අධ්‍යක්ෂකවරයාට චෝදනා නගන්නී ය. නමුත් ඇය සල්මන් ඛාන්ගේ රැංගනය අගය කරන්නේ එසේවුව ද එය ඔහුගේ මින් පෙර බජ්රන්ගි භායිජාන් රංගනය හා නොසැස‍ඳෙන බව පවසමිනි.[20]

බොක්ස් ඔෆීස්[සංස්කරණය]

ඉන්දියාව[සංස්කරණය]

ප්‍රේම් රතන් ධන් පායෝ චිත්‍රපටය එහි ආරම්භක දිනයේ දී ඉන්දියානු රුපියල් කෝටි 40.35ක (ඇ.ඩො. මිලියන 6.3) ශුද්ධ ආදායමක් හිමිකරගත්තේ වසරේ ආරම්භක දිනයේම ඉහළම දළ ආදායම ලද ඉන්දියානු චිත්‍රපටය ලෙස බජ්රන්ගි භායිජාන් තබා තිබූ වාර්තාව බිඳහෙළමිනි. Happy New Year චිතපටයට පසුව එක් දිනයක දී ඉන්දියානු රුපියල් කෝටි 40ක (ඇ.ඩො. මිලියන 6.2) ආදායම හිමි කරගත් හින්දි සිනමාවේ දෙවන චිත්‍රපටය බවට මෙය පත් විය.[21] පළමු දිනයේ මෙම චිත්‍රපටයේ දළ ආදායම ඉන්දියානු රුපියල් කෝටි 55.03ක් (ඇ.ඩො. මිලියන 8.5) විය. මෙය ඉන්දියාවේ ඉහළතම අගය විය.[22] දෙවන දිනයේ දී ආර්ථිකමය අතින් 25%ක පසුබෑමක් ලද මෙය ඉන්දියානු රුපියල් කෝටි 31.05ක (ඇ.ඩො. 4.8) ශුද්ධ ආදායමක් හිමි කරගත්තේ මෙතෙක් වාර්තාගත ඉහළම නිවාඩු දින-නොවන දෙවන දිනය බවට පත්වෙමිනි.[23] තෙවන දිනයේ දී චිත්‍රපටය ඉන්දියානු රුපියල් කෝටි 30.07ක (ඇ.ඩො. මිලියන 4.7) ශුද්ධ ආදායමක් හිමි කරගත්තේ මෙතෙක් වාර්තාගත ඉහළම නිවාඩු දින-නොවන තෙවන දිනය බවට පත්වෙමිනි. මේ අනුව තෙවන දිනය වන විට ලද සම්පූර්ණ ශුද්ධ ආදායම වූයේ ඉන්දියානු රුපියල් කෝටි 101.47 (ඇ.ඩො. මිලියන 16) කි. මේ අනුව මෙම චිත්‍රපටය පළමු දින තුළ ඉන්දියානු රුපියල් කෝටි 100 (ඇ.ඩො. මිලියන 16) කඩඉම පසුකළ සිව්වන හින්දි චිත්‍රපටය බවට පක් විය.[24] සිව්වන දිනයේ දී, චිත්‍රපටය ඉන්දියානු රුපියල් කෝටි 28.30 (ඇ.ඩො. මිලියන 4.4) ශුද්ධ ආදායමක් හිමි කරගත් අතර, එය චිත්‍රපටයේ ආරම්භක සතිඅන්ත සමස්ත ශුද්ධ ආදායම ඉන්දියානු රුපියල් කෝටි 129.77 (ඇ.ඩො. මිලියන 20) කරා ගෙනගියේ ය. මෙලෙසින් මෙම චිත්‍රපටය සිව්වන දිනය වනවිට ඉහළම ආදායමක් ලබා තිබූ හින්දි චිත්‍රපටය බවට පත්වූයේ මින් පෙර බජ්රන්ගි භායිජාන් සහ ධූම් 3 චිත්‍රපට තබා තිබූ වාර්තා බිඳහෙළමිනි.[25] පස්වන දිනය තුළ චිත්‍රපටය ඉන්දියානු රුපියල් කෝටි 13.62ක (ඇ.ඩො. මිලියන 2.1) ශුද්ධ ආදායමකුත්,[26] සයවන දිනය තුළ ඉන්දියානු රුපියල් කෝටි 12.04ක (ඇ.ඩො. මිලියන 1.9) ශුද්ධ ආදායමකුත් උපයා ගත්තේ ය. මේ අනුව සයවන දිනය වන විට ලද සමස්ත ආදායම ඉන්දියානු රුපියල් කෝටි 155.43 (ඇ.ඩො. මිලියන 24) විය. මෙලෙසින් මෙම චිත්‍රපටය වසරේ දෙවන ඉහළම ආදායම ලද චිත්‍රපටය බවට පත්වූයේ තනූ වෙඩ්ස් මනූ රිටර්න්ස් වාර්තාව අභිබවා යමිනි.[27] මෙම චිත්‍රපටය සත්වන දිනය තුළ ඉන්දියානු රුපියල් කෝටි 10.02ක (ඇ.ඩො. මිලියන 1.6) ආදායමක් උපයා ගත් අතර, සත්වන දිනය වන විට සමස්ත ශුද්ධ ආදායම ඉන්දියානු රුපියල් කෝටි 165.45 (ඇ.ඩො.26) විය. මේ අනුව චිත්‍රපටය කික් සහ චෙන්නායි එක්ස්ප්‍රස් චිත්‍රපටවල සතියේ ආදායම් වාර්තා අභිබවා යාමට සමත් විය.[28] පළමු සතිය වන විට මෙම චිත්‍රපට ඉන්දියානු රුපියල් කෝටි 172.82ක (ඇ.ඩො. මිලියන 27) සමස්ත ශුද්ධ ආදායමක් හිමි කරගත්තේ මෙතෙක් වාර්තා වූ සිව්වන ඉහළම සතියේ ආදායම වාර්තා කරමිනි.[29] පළමු සතිය තුළ මුම්බායි කලාපයේ පමණක් මෙම චිත්‍රපටය ඉන්දියානු රුපියල් කෝටි 58.67ක (ඇ.ඩො. මිලියන 9.1) දළ ආදායමක් හිමිකරගැනීමට සමත් වූයේ PK චිත්‍රපටයට පසුව මෙම කලාපයේ වාර්තාගත ඉහළම සතියේ ආදායම උපයා ගනිමිනි.[30]

මෙම චිත්‍රපටය එහි දෙවන සිකුරාදා සහ සෙනසුරාදා දිනවල පිළිවෙලින් ඉන්දියානු රුපියල් කෝටි 5.50 (ඇ.ඩො. 850,000) සහ ඉන්දියානු රුපියල් කෝටි 6.70 (ඇ.ඩො. මිලියන 1.0) ශුද්ධ ආදායමක් උපයා ගිනිමිනි. දෙවන ඉරිදා දිනය තුළ මෙය ඉන්දියානු රුපියල් කෝටි 8.20 (ඇ.ඩො. මිලියන 1.3) ශුද්ධ ආදායමක් ද, දෙවන සතිඅන්තයෙන් පසුව ඉන්දියානු රුපියල් කෝටි 193.22ක (ඇ.ඩො. මිලියන 30) සමස්ත ආදායමක් හිමි කරගනිමිනි.[31] දෙවන බදාදා දිනය වන විට චිත්‍රපටය ඉන්දියානු රුපියල් කෝටි 201.52ක (ඇ.ඩො. මිලියන 31) සමස්ත ආදායමක් හිමිකරගත්තේ ය. සල්මන් ඛාන්ම රැඟූ බජ්රන්ගි භායිජාන් චිත්‍රපටයට පසුව එම වසරේ සමස්ත ශුද්ධ ආදායම ඉන්දියානු රුපියල් කෝටි 200 (ඇ.ඩො. මිලියන 31) ඉක්මවූ දෙවන චිත්‍රපටය මෙයයි.[32] මෙම සමස්ත ආදායමත් සමගින් චිත්‍රපටය නිෂ්පාදකවරුනට 100%ක්ම ලාභදායක විය.[33] දෙවන සතියේ දී චිත්‍රපටය ඉන්දියානු රුපියල් කෝටි 30.71 (ඇ.ඩො.) දළ ආදායමක් උපයාගත් චිත්‍රපටය සති දෙකෙහි සමස්ත ආදායම වශයෙන් ඉන්දියානු රුපියල් කෝටි 203.53ක (ඇ.ඩො. මිලියන 32) මුදලක් උපයාගත්තේ හැපි නිව් ඉයර් චිත්‍රපටයේ සර්වකාලීන ආදායම් වාර්තාව බිඳහෙළමිනි.[34]

තෙවන සති අන්තයේ දී චිත්‍රපටය ඉන්දියානු රුපියල් කෝටි 3.10ක (ඇ.ඩො. 480,000) ශුද්ධ ආදායමක් උපයා ගනිමින් ඉන්දියානු රුපියල් කෝටි 206.63ක (ඇ.ඩො.) සමස්ත ශුද්ධ ආදායමක් හිමි කරගැනීමට සමත් විය.[35]

විදේශ[සංස්කරණය]

විදේශ රටවල පළමු ප්‍රදර්ශන දිනයේ දී චිත්‍රපටය ඇ.ඩො. මිලියන 1.6ක (කෝටි 10.62) ආදායමක් හිමි කරගත්තේ ය.[36] දෙවන දිනය වන විට චිත්‍රපටයේ සමස්ත ශුද්ධ ආදායම වූයේ ඇ.ඩො. මිලියන 3.87 (කෝටි 25.58) කි.[37] පළමු දින සතර තුළ අන්තර්ජාතික වෙළඳපල තුළ ඇ.ඩො. මිලියන 8.9ක (කෝටි 59) දළ ආදායමක් චිත්‍රපටය සතු විය.[38] දෙවන සති අන්තයෙන් පසුව චිත්‍රපටය ඇ.ඩො. මිලියන 13.04ක (කෝටි 86.57) ආදායමක් අන්තර්ජාතිකව උපයා ගත්තේ ය.[39] දින 11කින්, "බාහුබලි: ද බිගිනිං" චිත්‍රපටය අන්තර්ජාතිකව වෙළඳපොල තුළ තබා තිබූ සර්වකාලීන වාර්තාව බිඳ හෙළීමට මෙම චිත්‍රපටය සමත් විය.[40] "ප්‍රේම් රතන් ධන් පායෝ" පළමු සතිය තුළ සිනමා ශාලා උපරිම සංඛ්‍යාවක ප්‍රදර්ශනය සිදු කිරීමට කටයුතු යොදා තිබුණත්, එහි ව්‍යාපාරය ප්‍රධාන අනර්තර්ජාතික වෙළඳපල තුළ 75%ක පමණ පසුබෑමකට ලක් විය.

දෙවන සති අන්තය වන විට, "ප්‍රේම් රතන් ධන් පායෝ" එක්සත් ජනපදයේ සිනමාශාලා 283කින් ඇ.ඩො. 438,662ක්, කැනඩාවේ සිනමාහල් 24කින් ඇ.ඩො. 163,382ක්, එක්සත් රාජධානියේ සිනමාහල් 103කින් £2,16,899ක්, ඕස්ට්‍රේලියාවේ සිනමාහල් 30කින් ඔස්ට්‍රේලියානු ඩොලර් 1,18,146ක්, නවසීලන්තයේ සිනමාහල් 27කින් නවසීලන්ත ඩොලර් 99,180ක්, මැලේසියාවේ සිනමාහල් 16කින් MYR29,788ක් සහ ජර්මනියේ සිනමාහල් 21කින් €3,650ක ආදායමක් හිමි කරගැනීමට සමත් විය. "ප්‍රේම් රතන් ධන් පායෝ" දින 11ක් ඇතුළත විදෙස් රටවල ප්‍රදර්ශනය තුළින් ඇ.ඩො. මිලියන 13.04ක (‍ඉන්දියානු රුපියල් කෝටි 86.57) සමස්ත ආදායමක් හිමි කරගත්තේ ය.[40] තෙවන සති අන්තයෙන් පසුව චිත්‍රපටය ඇ.ඩො. මිලියන 14.10ක (කෝටි 94) ආදායමක් උපයාගෙන තිබිණි.[41]

සංගීතය[සංස්කරණය]

ප්‍රේම් රතන් ධන් පායෝ
නාදපථය , විසිනි
මුදාහැරුණේ10 ඔක්තෝබර් 2015 (2015-10-10)
පටිගත කෙරුණේHR මියුසික් ස්ටූඩියෝ
ගණයවෘත්තාන්ත චිත්‍රපට නාදපථය
දිග39:12 (Audio Jukebox)[42]
භාෂාවහින්දි
ලේබලයටී-සීරීස්
ප්‍රේම් රතන් ධන් පායෝහි කේවලයන්
  1. "ප්‍රේම් ලීලා"
    මුදාහළේ: 7 ඔක්තෝබර් 2015[43]

චිත්‍රපටයේ සංගීත අයිතීන් ටී-සීරීස් වෙත අලෙවි කෙරුණේ ඉන්දියානු රුපියල් කෝටි 17ක (ඇ.ඩො. මිලියන 2.6) වාර්තාගත මිලකටයි. එහි චන්ද්‍රිකා අයිතීන් ස්ටාර් නෙට්වර්ක් වෙත ඉන්දියානු රුපියල් කෝටි 50ක (ඇ.ඩො. මිලියන 7.8) මුදලකට අලෙවි කෙරුණේ එකල බොලිවුඩයේ සිනමා කර්මාන්තයේ ඉහළම සංගීත අයිතීන් ගනුදෙනුව බවට පත්වෙමිනි.[44] ප්‍රේම් රතන් ධන් පායෝහි සම්පූර්ණ සංගීත ඇල්බමය 2015 ඔක්තෝබර් 10 දින මුදාහැරිණි.[45]

සක්ජෝයි චෞධරි විසින් මෙහි සැබෑ පසුබිම් සංගීත විහ්නය නිර්මාණය කළ නමුත්, ඔහුගේ ගීතවලට පාදක කරගත් තේමා වෙනුවෙන් රේෂම්මියාට ගෞරවය හිමි විය.

සියලු පද රචනා සිදුකරන ලද්දේ ඉර්ෂාද් කමිල්, සියලු සංගීත නිර්මාණ සිදුකරන ලද්දේ හිමේෂ් රේෂම්මියා.

අංකය. ගීතයගායක(යින්) කාලය
1. "‍ප්‍රේම් ලීලා"  අමන් ත්‍රිඛා, විනීත් සිං 03:41
2. "ප්‍රේම් රතන් ධන් පායෝ"  පලක් මුච්චල් 05:19
3. "ජල්තේ දියේ"  අන්වේශා, හර්ෂ්දීප් කොවුර්, විනීත් සිං, ෂබාබ් සබ්රි 05:36
4. "ආජ් උන්සේ මිල්නා හේ"  ෂාන් 04:03
5. "ජබ් තුම් චාහෝ"  පලක් මුච්චල්, මොහම්මද් ඉර්ෆාන්, දර්ශන් රාවල් 05:07
6. "හාලෝ රේ"  අමන් ත්‍රිඛා 03:18
7. "තෝඩ් තඩයියා"  නීරාජ් ශ්‍රීධර්, නීති මෝහන් 04:24
8. "බච්පන් කහාන්?"  හිමේෂ් රේෂම්මියා 04:02
9. "මුර්ලි කි තානොන් සි"  ෂාන් 01:29
10. "ආජ් උන්සේ කෙහ්නා හේ"  අයිෂ්වර්යා මජුම්දාර්, පලක් මුච්චල්, ෂාන් 02:08
සම්පූර්ණ දිග:
39:31

සම්මාන[සංස්කරණය]

බිග් ස්ටාර් එන්ටර්ටේන්මන්ට් අවෝඩ්ස්[46]
වර්ෂය ප්‍රවර්ගය යෝජිතයා ප්‍රතිඵලය
2015 වසරේ වඩාත්ම වින්දනීය නළුවා සල්මන් ඛාන් දිනාගති
ප්‍රේමනීය චරිතයක වඩාත් වින්දනීය නිළිය සෝනම් කපූර් දිනාගති
වසරේ වඩාත් වින්දනීය චිත්‍රපටය රාජ්ශ්‍රී ප්‍රොඩක්ෂන් දිනාගති
වඩාත් වින්දනීය සංගීතය හිමේෂ් රේෂම්මියා දිනාගති
වඩාත් වින්දනීය ගීතය (ප්‍රේම් රතන් ධන් පායෝ) හිමේෂ් රේෂම්මියා නිර්දේශිත
වඩාත් වින්දනීය ගායිකාව පලක් මුච්චල් (ප්‍රේම් රතන් ධන් පායෝ) දිනාගති
හොඳම නර්තන රචනය (ප්‍රේම් රතන් ධන් පායෝ) රාධිකා රාඕ/විනයි සප්රු නිර්දේශිත
ස්ටාර්ඩස්ට් සම්මාන
වර්ෂය ප්‍රවර්ගය යෝජිතයා ප්‍රතිඵලය
2016 හොඳම සංගීත අධ්‍යක්ෂක හිමේෂ් රේෂම්මියා නිර්දේශිත
හොඳම ගායිකාව පලක් මුච්චල් (ප්‍රේම් රතන් ධන් පායෝ) දිනාගති
ස්ටාර් ගිල්ඩ් සම්මාන
වර්ෂය ප්‍රවර්ගය යෝජිතයා ප්‍රතිඵලය
2016 හොඳම ගායිකාව පලක් මුච්චල් (ප්‍රේම් රතන් ධන් පායෝ) දිනාගති
ෆිල්ම්ෆෙයාර් සම්මාන
වර්ෂය ප්‍රවර්ගය යෝජිතයා ප්‍රතිඵලය
2016 හොඳම ගායිකාව පලක් මුච්චල් (ප්‍රේම් රතන් ධන් පායෝ) නිර්දේශිත
සී සිනේ සම්මාන
වර්ෂය ප්‍රවර්ගය යෝජිතයා ප්‍රතිඵලය
2016 වසරේ හොඳම ගීතය හිමේෂ් රේෂම්මියා (ප්‍රේම් රතන් ධන් පායෝ) දිනාගති
ගෝල්ඩන් කේලා සම්මාන
වර්ෂය ප්‍රවර්ගය යෝජිතයා ප්‍රතිඵලය
2016 නරකම චිත්‍රපටය රාජ්ශ්‍රී ප්‍රොඩක්ෂන්ස් නිර්දේශිත
නරකම අධ්‍යක්ෂක සූරාජ් ආර්. බර්ජාට්‍යා දිනාගති
නරකම නිළිය සෝනම් කපූර් දිනාගති
වඩාත් පීඩාකාරී ගීතය (තේමා පථය) හිමේෂ් රේෂම්මියා නිර්දේශිත
වඩාත්ම දුෂ්ට ගී පද (ආජ් උන්සේ මිල්නා හේ) ඉර්ෂාද් කාමිල් නිර්දේශිත

මේවාත් බලන්න[සංස්කරණය]

ආශ්‍රේයයන්[සංස්කරණය]

  1. "PREM RATAN DHAN PAYO (12A)". British Board of Film Classification. 6 November 2015. සම්ප්‍රවේශය 10 November 2015.
  2. "Highest Budget Movies All Time". Box Office India. 25 November 2015 දින මුල් පිටපත වෙතින් සංරක්ෂණය කරන ලදී.
  3. 3.0 3.1 "Worldwide box office collection". International Business Times.
  4. Nayandeep Rakshit (24 October 2015). "Prem Ratan Dhan Payo = The Prisoner of Zenda?". Daily News and Analysis.
  5. "Prem Ratan Dhan Payo: Lesser known facts". The Times of India. October 2015.
  6. Sooraj Barjatya And Salman Khan's Next Finally Has A Name – Prem Ratan Dhan Payo. Indiatimes.com (13 March 2014). Retrieved on 31 July 2015.
  7. "PREM RATAN DHAN PAYO Movie Review: PREM RATAN DHAN PAYO is like a well wrapped sweet box with cheap halwa inside". Glamsham. සම්ප්‍රවේශය 12 November 2015.
  8. "Salman Khan's 'Prem Ratan Dhan Payo' to release in Pakistan". [[The Indian Express|]]. සම්ප්‍රවේශය 5 November 2015.
  9. http://timesofindia.indiatimes.com/home/sunday-times/Food-to-lingo-India-goes-on-a-K-trip/articleshow/55641575.cms
  10. http://www.dnaindia.com/entertainment/report-prem-ratan-dhan-payo-the-prisoner-of-zenda-2137828
  11. Prema Leela – Official Trailer (Telugu) – Salman Khan & Sonam Kapoor – Sooraj Barjatya – Diwali 2015. YouTube. 23 October 2015.
  12. Meymarandhen Paaraayo Official Trailer – Salman Khan & Sonam Kapoor – Sooraj Barjatya – Diwali 2015. YouTube. 23 October 2015.
  13. Adarsh, Taran (12 November 2015). "Prem Ratan Dhan Payo". bollywoodhungama. සම්ප්‍රවේශය 13 November 2015.
  14. "'Prem Ratan Dhan Payo' Review". timesofindia. 12 November 2015. සම්ප්‍රවේශය 14 November 2015.
  15. "'Prem Ratan Dhan Payo' review: Salman is real 'ratan' in this tradition-soaked romance". Sify. 12 November 2015. සම්ප්‍රවේශය 14 November 2015.
  16. "'Prem Ratan Dhan Payo' review: Salman Khan is the sole draw of this film". ibnlive. 12 November 2015. සම්ප්‍රවේශය 14 November 2015.
  17. Gupta, Shubhra (13 November 2015). "'Prem Ratan Dhan Payo' review: Nothing is a fit in this Salman Khan, Sonam Kapoor film". Indian Express. සම්ප්‍රවේශය 13 November 2015.
  18. Vats, Rohit (13 November 2015). "Prem Ratan Dhan Payo review: Family saga Rajshri style". Hindustan Times. සම්ප්‍රවේශය 13 November 2015.
  19. Vetticad, Anna (13 November 2015). "Prem Ratan Dhan Payo review:Double dose of Salman adds nothing to this regressive, low-IQ Rajshri film". firstpost. සම්ප්‍රවේශය 13 November 2015.
  20. "Review: Prem works. Rest is just rah-rah!". Rediff. 12 November 2015. සම්ප්‍රවේශය 14 November 2015.
  21. http://www.koimoi.com/box-office/salman-khan-beats-himself-prem-ratan-dhan-payo-becomes-the-highest-opener-of-the-year/
  22. "Top Openings India - All Films All Languages".
  23. "KoiMoi – Prem Ratan Dhan Payo Does A Massive Business On Day 2 – Headed For 100 Cr Today!". koimoi.com.
  24. "KoiMoi – PRDP 4th Fastest Entrant Into 100 Cr Club Post HNY, Dhoom 3 & Bajrangi Bhaijaan". koimoi.com.
  25. "KoiMoi – Salman's PRDP Breaks 4 Day Record Of Bajrangi Bhaijaan, Aamir's Dhoom 3, PK & Shah Rukh's HNY". koimoi.com.
  26. "'Prem Ratan Dhan Payo' 5-day box office collection: Gross income crosses Rs 200 crore mark at domestic BO". International Business Times, India Edition. 17 November 2015.
  27. "'Prem Ratan Dhan Payo' 6-day box office collection: Salman's film beats 'Tanu Weds Manu Returns' lifetime earnings record". International Business Times, India Edition. 18 November 2015.
  28. "KoiMoi – Box Office – Prem Ratan Dhan Payo Crosses Week One Of Kick & Chennai Express". koimoi.com.
  29. "'Prem Ratan Dhan Payo' 8-day box office collection: 'PRDP' records 4th best first week; becomes 12th highest grosser". International Business Times, India Edition. 20 November 2015.
  30. http://www.boxofficeindia.com/art_detail.php?articalid=1616#.Vl1-ANDhVzQ
  31. "'Prem Ratan Dhan Payo' 2nd weekend box office collection: 'PRDP' fails to beat 'Bajrangi Bhaijaan' record". International Business Times, India Edition. 23 November 2015.
  32. "Prem Ratan Dhan Payo (PRDP) box office collection crosses Rs 200-cr mark in India in 14 days". International Business Times, India Edition. 26 November 2015.
  33. "KoiMoi – Prem Ratan Dhan Payo Makes 100% Profit At India Box Office". koimoi.com.
  34. "'Prem Ratan Dhan Payo' 15 box office collection: 'PRDP' beats 'Happy New Year' 2-week record". International Business Times, India Edition. 27 November 2015.
  35. http://www.koimoi.com/box-office/prem-ratan-dhan-payo-3rd-weekend-box-office-collections/
  36. "KoiMoi – Prem Ratan Dhan Payo : Day 1 Overseas Box Office Collections". koimoi.com.
  37. "KoiMoi – Prem Ratan Dhan Payo Overseas Box Office Collections". koimoi.com.
  38. "KoiMoi – 'Prem Ratan Dhan Payo' Inches Closer To The 60 Crore Mark In Overseas Circuits". koimoi.com.
  39. "'Prem Ratan Dhan Payo' overseas box office collection: 'PRDP' beats 'Baahubali' lifetime record". International Business Times, India Edition. 24 November 2015.
  40. 40.0 40.1 "'Prem Ratan Dhan Payo' overseas box office collection: 'PRDP' beats 'Baahubali' lifetime record". International Business Times, India Edition. 24 November 2015.
  41. http://www.koimoi.com/box-office/prdp-races-ahead-of-jab-tak-hain-jaan-in-koimoi-overseas-box-office-top-10/
  42. "Prem Ratan Dhan Payo Full Audio Songs JUKEBOX | Salman Khan, Sonam Kapoor | T-Series". T-Series. 10 October 2015. සම්ප්‍රවේශය 8 February 2017 – via YouTube.
  43. "Out Now : Prem Ratan Dhan Payo's New Song, Prem Leela". Koimoi.com. සම්ප්‍රවේශය 7 October 2015.
  44. "KoiMoi – Prem Ratan Dhan Payo Creates A Record; Cracks The Biggest Music Deal!". koimoi.com.
  45. "Prem Ratan Dhan Payo (Original Motion Picture Soundtrack)". Himesh Reshammiya. 19 October 2015. සම්ප්‍රවේශය 8 February 2017 – via iTunes.
  46. http://m.ibnlive.com/news/movies/salman-khan-starrer-prem-ratan-dhan-payo-bags-four-awards-at-big-star-entertainment-awards-1177088.html

බාහිර සබැඳි[සංස්කරණය]

සැකිල්ල:Sooraj Barjatya සැකිල්ල:The Prisoner of Zenda

"https://si.wikipedia.org/w/index.php?title=ප්‍රේම්_රතන්_ධන්_පායෝ&oldid=615952" වෙතින් සම්ප්‍රවේශනය කෙරිණි