ආයත් (ගීතය)

"ආයත්"
දීපිකා පඩුකෝන් සහ රන්වීර් සිං නිරූපිත ගීතයේ පෝස්ටරයක්
ගීතය ගයන්නේ අරිජිත් සිං මුජ්තාබා අසීස් නාසා ෂදාබ් ෆරීදි අල්තමාෂ් ෆරීදි ෆර්හාන් සබ්‍රි
බාජිරාඕ මස්තානි ඇල්බමයෙනි
භාෂාව	හින්දි උර්දු
මුදාහැරුණේ	දෙසැම්බර් 16, 2015 (2015-12-16)
ආකෘතිය	CD කේවල නීත්‍යානුකූල ඩිජිටල් බාගත
ගණය	ඉන්දියානු සම්භාව්‍ය ඝසල් කව්වාලි
දිග	4:22
ලේබලය	ඊරෝස් නව්
සංගීත අධ්‍යක්ෂ(යන්)	සංජේ ලීලා භන්සාලි
පද රචක(යන්)	ඒ. එම්. ටුරාස් නසීර් ෆරාස්
බාජිරාඕ මස්තානි track listing
"දීවානි මස්තානි" "ආයත්" "මල්හාරි" "මෝහේ රන්ග් දෝ ලාල්" "අල්බේලා සජන්" "අබ් තෝහේ ජානේ නා දූන්ගි" "පිංගා" "ආජ් ඉබාදත්" "ෆිටූරි" "ගජානනා"
සංගීත වීඩියෝ
"ආයත්" යූ ටියුබ් වෙත

"ආයත්" (සිංහල: "කුරාණයේ ගීතිකා") යනු බාජිරාඕ මස්තානි සංගීත ඇල්බමයේ ධ්වනිපථයේ ඇතුළත් ඉන්දියානු චිත්‍රපට ගීතයකි. "ආයත්" ‍යන වදන මෙම ගීතය තුළ භාවිතා කොට ඇත්තේ බාජිරාඕ තුළ මස්තානි කෙරෙහි වූ ආදරය "ආයත්" මෙන් මතක බව සඳහන් කරමිනි. මෙම ගීතය ගයනු ලබන්නේ අරිජිත් සිං විසින් වන අතර මෙහි කව්වාලි ස්වර කොටස් මුජ්තාබා අසීස් නාසා, ෂදාබ් ෆරීදි, අල්තමාෂ් ෆරීදි සහ ෆර්හාන් සබ්‍රි විසින් ගයනු ලබයි. මෙය නිර්මාණය කරන ලද්දේ චිත්‍රපට නිර්මාණකරුවකු සහ සංගීත නිමැවුම්කරුවකු වන සංජේ ලීලා භන්සාලි විසිනි. මෙහි පද රචනය ඒ. එම්. ටුරාස් විසින් ද, කව්වාලි පද නිමැවුම නසීර් ෆරාස් විසින් ද සිදුකරන ලදී. ගීතයේ සංගීත වීඩියෝවෙහි දීපිකා පඩුකෝන් (මස්තානි) සහ නළු රන්වීර් සිං (බාජිරාඕ) රංගනයේ යෙදෙති.

විචාරක පිළිගැනීම

ද ඉන්ඩියන් එක්ස්ප්‍රස්හි සුවාංශු ඛුරානා ලියා ඇත්තේ "අරිජිත් සිංගේ "ආයත් ප්‍රබල ඝසල් සහ අවම වෘන්දීයමය ගුණවලින් යුත් බවත්, එය සිංගේ හඬට දිස්නයක් ගෙනෙන බවත් ය. කව්වාලියෙහි අතුරු නිර්මාණයක් වන මෙය උචිත බවත් ය".