අප්‍රේල් 6: ඉන්දුනීසියාවෙහි ජාතික ධීවර දිනය;
1652 – දකුණු අප්‍රිකාවේ ව්‍යවස්ථාදායක අගනුවර වන කේප්ටවුන් නගරය ලන්දේසි පදිංචිකරුවන් විසින් ගොඩ නගයි.
1896 – ග්‍රීසියේ ඇතන්ස් නගරයේදී නූතන යුගයේ ප්‍රථම ඔලිම්පික් ක්‍රීඩා උළෙල ඇරඹයි.
1936 – එක්සත් ජනපදයේ ජෝර්ජියා ප්‍රාන්තයේ ගේන්ස්විල් ප්‍රදේශයේ ඇතිවූ සුළි කුණාටුවකින් පුද්ගලයින් 203 දෙනෙකු ජීවිතක්ෂයට පත්වෙයි.
1994 – රුවන්ඩාවේ කිගාලි නගරයේදී එරට සහ බුරුන්ඩි රාජ්‍යයේ ජනාධිපතිවරුන් රැගත් ගුවන් යානයක් අනතුරට ලක්වෙයි. ඒ හේතුවෙන් රුවන්ඩාවේ ජන සංහාරයක් ඇරඹයි.
2008 – දෙමළ ඊළාම් විමුක්ති කොටි ත්‍රස්තවාදීන් විසින් වැලිවේරිය බෝම්බ ප්‍රහාරය සිදුකරයි. එහිදී එවක මහාමාර්ග අමාත්‍ය ජෙයරාජ් ප්‍රනාන්දුපුල්ලේ ජීවිතක්ෂයට පත් වෙයි.
2014 – ලසිත් මාලිංග (සේයාරුව) ප්‍රමුඛ ශ්‍රී ලංකා කණ්ඩායම අවසන් මහා තරගයේදී ඉන්දියාව පරදවා විස්සයි20 ලෝක කුසලානය ජයග්‍රහණය කරයි.
තවත් සිදුවීම්: අප්‍රේල් 5 – අප්‍රේල් 6 – අප්‍රේල් 7
