ඊජිප්තුවෙර් විසිනවවන රාජවංශය (හෙවත් රාජවංශය XXIX , 29වන රාජවංශය නැතහොත් රාජවංශය 29 ) ලෙස හැඳින්වෙන්නේ පුරාතන ඊජිප්තුවේ පසුකාලීන යුගයේ සිව්වන රාජවංශයයි. එය පිහටුවන ලද්දේ ක්‍රි.පූ. 398දී 28වන රාජවංශයේ විසූ එකම පාරාවෝවරයා වූ ඇමිර්ටේයස් ව බලයෙන් පහකළ නෙෆාරුඩ් I විසිනි. ක්‍රි.පූ. 380 නෙෆාරුඩ් II ධුරයෙන් පහකිරීමත් සමඟ මෙම රාජවංශයේ අවසානය සනිටුහන් විය.
මෙම්ෆිස් හි විවෘත සටනකින් අනතුරුව ඇමිර්ටේයස් පරාජය කොට මරාදැමූ පළමුවන නෙෆාරුඩ් විසින් 29වන රාජවංශය පිහිටුවන ලදී. (බෲක්ලින් කෞතුකාගාරයේ සංරක්ෂිත පැපිරසය ක් අනුව) අනතුරුව නෙෆාරුඩ් සිය අගනගරය ලෙස මෙන්ඩෙස් තෝරාගත්තේ ය.
නෙෆාරුඩ්ගේ මරණින් පසුව, සිහසුන සඳහා සතුරු පාර්ශ්ව දෙකක් අතර ගැටුමක් ඇති විය. එහිදී එක් පාර්ශ්වයක් ඔහුගේ පුත් මුතිස් ට ද අනෙක් පාර්ශ්වය සිහසුන පැහැරගත් සාමුතෙස් ට ද සහාය දැක්වූහ. සාමුතෙස් සාර්ථක පාලකයකු වුවද, ඔහුගේ පාලනය පැවතියේ වර්ෂයක් පමණි.
පළමුවන නෙෆාරුඩ්ගේ මුණුපුරකු යැයි කී හාකොර් සාමුතෙස් පරාජය කොට සිහසුනට පත් විය. ඇතැන්ස් හි (ක්‍රි.පූ. 387 ඇන්ටැලිසිඩස්හි සාමය තෙක්) සහ සයිප්‍රසයේ කැරලි නායක එවගෝරස් ගේ සහාය ඇතිව ඔහු ඊජිප්තුව ආක්‍රමණයට පර්සියානුවන් දැරූ ප්‍රයත්න මැඬලී ය. ඔහුගේ මරණින් පසු ඔහුගේ පුත් නෙෆාරුඩ් II සිහසුනට පත්වූ නමුත්, ඔහු සිය රාජවංශය රැකගැනීමට සමත් වූයේ නැත.
පාරාවෝගේ නම
රූපය
රාජ්‍ය සමය
සටහන්
නෙෆාරුඩ් I
ක්‍රි.පූ. 398–393
විවෘත් සටනකින් ඇමිර්ටේයස් ව පරාජය කොට මරණ දඬුවම ලබාදීය
සාමුතෙස්
ක්‍රි.පූ. 393
රාජ්‍ය කළේ වසරක් පමණකි. හාකොර් විසින් සිහසුනෙන් නෙරපන ලදී.
හාකොර් (අචෝරිස්)
ක්‍රි.පූ. 393–380
සිය පූර්වප්‍රාප්තික සාමුතෙස්ව නෙරපී ය. දෙවන නෙෆාරුඩ්ගේ පියායි.
නෙෆාරුඩ් II
ක්‍රි.පූ. 380
මාස 4ක පාලන සමයයකින් පසු පළමුවන නෙක්ටැනෙබෝ විසින් මොහුව නෙරපා මරාදමන්නට ඇති බව පෙනේ.
Clarysse, Willy (1974), "Nephorites, Founder of the 29th Dynasty and His Name", Chronique d'Égypte: Bulletin Périodique de la Fondation égyptologique Reine Élisabeth 69 : 215–217 Lloyd, Alan Brian (2000), "The Late Period (664–332 BC)", in Shaw, Ian, The Oxford History of Ancient Egypt , Oxford and New York: Oxford University Press, pp. 369–394, Myśliwiec, Karol (2000), The Twilight of Ancient Egypt: First Millennium B.C.E , Ithaca and London: Cornell University Press, Ray, John D. (1986), "Psammuthis and Hakoris", Journal of Egyptian Archaeology 72 : 149–158, Traunecker, Claude (1979), "Essai sur l'histoire de la XXIXe dynastie" , Bulletin de l'Institut français d'archéologie orientale 79 : 395–436, archived from the original on 2016-04-23, https://web.archive.org/web/20160423000522/http://www.ifao.egnet.net/bifao/Bifao079_art_24.pdf 
