බදුලු ටැම් ලිපිය

විකිපීඩියා, නිදහස් විශ්වකෝෂය වෙතින්
(බදුල්ල ටැම් ලිපිය වෙතින් යළි-යොමු කරන ලදි)
Jump to navigation Jump to search
බදුලු ටැම් ලිපිය
Badulla Pillar Inscription.JPG
ද්‍රව්‍යයපාෂාණ
ලේඛනයමධ්‍යතන සිංහල
සොයාගැනීම1857
සොරබොර වැවට කිට්ටුව
සොයාගනු ලැබුවේජෝන් බේලි
වර්තමාන පිහිටුමබදුල්ලෙහි සෙනරත් පරණවිතාන අනුස්මරණ පුස්තකාලය
බදුලු ටැම් ලිපිය

ශ්‍රී ලංකාවේ ඌව පළාතේ බදුල්ල දිස්ත්‍රික්කයේ බදුල්ල නගර මධ්‍යයේ පිහිටි සෙනරත් පරණවිතාන මහජන පුස්තකාල භූමි පරිශ්‍රය තුල බදුලු ටැම් ලිපිය හෙවත් හෝපිටිගම සෙල් ලිපිය පිහිටුවා තිබේ.[1] එය මෙරට සෙල්ලිපි අතර සුවිශේෂ තැනක් ලබා ගන්නා පුරාවස්තුවක් සේ සැළකේ.[2] එසේම මෙරටින් මේ තාක් සොයාගෙන ඇති ටැම් ලිපි අතුරින් ඉතා කුඩාම අකුරුවලින් ලියන ලද විශාලතම ලිපිය ලෙස මේ ලිපිය පිළිගැනේ.[3]

කරවීම[සංස්කරණය]

ක්‍රි.ව. 946 සිට ක්‍රි.ව. 954 සමයේ රාජ්‍ය කල හතරවන උදය රජ විසින් මධ්‍යකාලීන සිංහල අක්ෂර භාවිතයෙන් ටැම් ලිපිය කරවා තිබේ. මෙහි වචන පේලි 203 ක් හා අකුරු 2000ක් පමණ කරවා ඇති අතර ටැම් ලිපියේ උස අඩි 8 අඟල් 5 ක් පමණ වේ.

අන්තර්ගතය[සංස්කරණය]

හතරවන උදය රජුගේ දෙවන රාජ වර්ෂයේ නිකිණි මස අව පක්ෂයේ පස්වන දින කරවන ලද ශිලා ලිපියකි. සොරබොර නම් ප්‍රදේශයේ හෝපිටිගම නම් වෙළඳ මධ්‍යස්ථානයේ පාලනයට අදාලව ගම් වැසියන්, වෙළඳුන් හා රාජ්‍ය නිළදාරීන් විසින් අනුගමනය කල යුතු නීති රීති හා ව්‍යවස්ථා මාලාවක් සෙල්ලිපියෙහි සඳහන් වේ.

සොයා ගැනීම[සංස්කරණය]

මහියංගනයෙන් සැතපුම් 3 ක් පමණ ඊසාන දිග සොරබොර වැව අසල තිබී වර්ෂ 1857දී එවක බදුල්ල උප ඒජන්තව සිටි ජෝන් බේලි මහතා විසින් සොයාගෙන බදුලු කච්චේරිය අසල සිටුවා තැබීමෙන් අනතුරුව අවසානයේ මෙම ටැම් ලිපිය වත්මන් ස්ථානයට ගෙනැවිත් තිබේ.[4]

මූලාශ්‍ර[සංස්කරණය]

  1. "පාරිභෝගික නීතියේ ඉතිහාසය, පාරිභෝගික කටයුතු පිළිබඳ අධිකාරිය". Retrieved 31 දෙසැම්බර් 2015.
  2. "බදුලු ටැම් ලිපිය අනතුරේ !". දිනමිණ. 7 ජූලි 2010. Retrieved 4 අප්‍රේල් 2015.
  3. "බදුලු ටැම් ලිපියෙන් හෙළිවන සාධාරණ වෙළෙඳ නීති". සිළුමිණ. 19 පෙබරවාරි 2012. Retrieved 4 අප්‍රේල් 2015.
  4. "පෝදා වෙළෙදාම තහනම් කළ බදුලු ටැම් ලිපිය". මවුබිම. 8 මැයි 2013. Retrieved 4 අප්‍රේල් 2015.
"https://si.wikipedia.org/w/index.php?title=බදුලු_ටැම්_ලිපිය&oldid=434447" වෙතින් සම්ප්‍රවේශනය කෙරිණි