ද ස්වෝඩ් විත් නෝ නේම්
| ද ස්වෝඩ් විත් නෝ නේම් | |
|---|---|
 නිකුතු පෝස්ටරයක් | |
| අධ්‍යක්‍ෂණය | කිම් යොං-ග්‍යුන් |
| රචනය | ලී සුක්-යොන් |
| නිශ්පාදනය | යුන් සං-ඕ කිම් මි-හී පාක් මින්-හී |
| රංගන ශිල්පීන් | ජෝ ස්‍යුං-වූ සූ ඒ |
| සිනෙමාරූපණය | කිම් මියොං-ජූන් |
| සංස්කරණය | කිම් සං-බුම් කිම් ජේ-බුම් |
| සංගීතය | චෝයි යොං-රක් |
| බෙදාහැරීම | Showbox/Mediaplex Funimation Entertainment (ඇ.එ.ජ.) |
නිකුත්වූ දිනය |
|
තිර කාලය | මිනිත්තු 124 |
| රට | දකුණු කොරියාව |
| භාෂාව | කොරියානු |
| ආදායම | ඇඩො10,928,195[1] |
ද ස්වෝඩ් විත් නෝ නේම් (කොරියානු: 불꽃처럼 나비처럼; ප්‍රරෝ: Bulkkotcheoreom Nabicheoreom; සාහිත්‍යමය "ගිනිකෙළි මෙන්, සමනලුන් මෙන්") යනුවෙන් හැඳින්වෙන්නේ 2009 වර්ෂයේ දකුණු කොරියානු චිත්‍රපටයකි. මේ සඳහා පාදක කරගෙන ඇත්තේ මින් අගබිසව හෙවත් මියොංසොං අධිරාජිනිය පිළිබඳ ප්‍රබන්ධ වාර්තාවකි.[2][3] මෙම චිත්‍රපටය දීප ව්‍යාප්තව ප්‍රවේශ පත් 1,671,387ක අලෙවි කිරීමට සමත් විය.[4]
කථාපුවත[සංස්කරණය]
මු-මියොං යනු ජොසොන් රාජවංශ සමයේ වෙසෙන ත්‍යාගශීලී දඩයම්කරුවෙකි. ඔහු සිය එදිනෙදා දිවිය ගත කරන්නේ පලායන්නන් හසු කරගැනීමෙනි. ඔහුගේ දිවිය සදාතනිකව වෙනස් වන්නේ එක් දිනෙක ඔහුගේ මෙහෙයුමක් අතරතුර මින් ජා-යොං නැමැති රූමත් වංශවත් ස්ත්‍රිය හමුවීමත් සමගයි. ඔහු ඇය කෙරෙහි ප්‍රේමයෙන් බැ‍ඳෙයි. වසර ගණනාවක් ගත වන අතර, ජා-යොං රාජ මාලිගයට පිවිසෙන්නේ ජොසොන්හි ගෝජොං රජුගේ අගබිසව වීම සඳහායි. ප්‍රේම උන්මාදයෙන් පෙළෙන මු-මියොං, ජා-යොං අසල රැඳී සිටීමේ අරමුණින් රාජකීය ආරක්ෂකයකු ලෙස සේවයට එක් වෙයි. ඔහු ඇය අසල පක්ෂපාතීව රැඳී සිටින අතර, මාලිග දේශපාලනය මෙහෙයවමින් ඇය මියොංසොං අධිරාජිනිය ලෙස සිහසුනට පත් වේ.
කොරියාව, රුසියාවේ සහ ජපානයේ යටත් විජිතයක් බවට පත්වීම වළකමින්, හුදකලා රාජධානියේ තත්ත්වයෙන් මිදී රාජවංශය නූතනකරණය කිරීමට මියොංසොං උත්සාහ දරයි. සිය මාමණ්ඩිය වන රාජ්‍යාධිකාරී හ්‍යුංසොන් දේවොන්ගුන් විසින් මෙහෙයවනු ලබන රාජ මාලිගයේ ගතානුගතික කොන්ෆියුසියානු පාක්ෂිකයන් සමග දේශපාලනික ආරවුලකට ඇය මැදි වෙයි. රැජිනට එරෙහි තර්ජන වර්ධනය වන විට, විදේශීය සහ දේශීය සතුරන් විසින් රැජිනියව ඝාතනය කිරීමට දරන ප්‍රයත්නවලින් ඇයව ආරක්ෂා කරගැනීමට මු-මියොං හට සිදු වේ.[5]
ඓතිහාසික තොරතුරු[සංස්කරණය]
මෙයිජි ජපන් රජය විසින් මින් අගබිසව සිය රාජ්‍යයේ ව්‍යාප්තියට තර්ජනයක් ලෙස සලකා ඇත.[6] ඇයව දේශපාලනයෙන් ඉවත් කිරීම සඳහා ගෝජොං රජුගේ පියා වූ හ්‍යුංසොන් දේවොන්ගුන් (ජපනුන් සමග කටයුතු කළ බලවත් රාජ්‍යාධිකාරියෙකි) අසාර්ථක කැරැලි කිහිපයක්ම ඇතිකළේ ය. මේ හේතුවෙන් ඇය ජපන් බලපෑම් පිළිබඳ දැඩි විරෝධී ස්ථාවරයක පසුවූවා ය.[7]
පළමු චීන-ජපන් යුද්ධයේ දී ජපානය ජයගැනීමත් සමග, මින් අගබිසව කොරියාව සහ රුසියාව අතර ශක්තිමත් සම්බන්ධතාවක් ඇති කිරීමට උත්සාහ ගත්තේ, දේවොන්ගුන් විසින් නියෝජනය කළ කොරියාවේ ජපන් බලපෑම අවහිර කිරීමටයි. මෙකල කොරියාව වෙනුවෙන් පත්කළ ජපන් අමාත්‍යවරයා වූ මියුරා ගොරෝ සහ විශ්‍රාමගත් ලුතිනන් ජනරාල්වරයකු විසින් ජපානය කෙරෙහි වඩාත් මිත්‍රශීලී ප්‍රතිපත්තියක් අනුගමනය කළ දේවොන්ගුන්ගේ පක්ෂයට ආධාර ක‍ළහ.
1895 ඔක්තෝබර් 8 දින හිමිදිරියේ, දේවොන්ගුන්ට පක්ෂපාතී හුල්ල්‍යොන්දේ භට කණ්ඩායම රාජකීය ආරක්ෂකයන් මැඬ ග්යොංබොක්ගුං මාලිගයට පහරදුන්නේ ය. දේවොන්ගුන්ගේ ප්‍රබල ආධාරකරුවකු වූ වූ බොම්සොන් සෙන්පතියාගේ නායකත්වය යටතේ හුල්ල්‍යොන්දේ නිලධාරීන් පිරිස විසින් ජපන් සෙබලුන් කණ්ඩායමකට ඇතුළුවීමට අවසර ලබා දිණි. මෙම ජපන් සෙබලුන් මාලිගය තුළට පහරදීම සඳහා මියුරාගේ මෙහෙයවීම මත බඳවා ගැනුණු පිරිසකි. අගබිසවගේ මාලිගය (ඔඛොරු මණ්ඩපය) වෙත ඇතුළුවීමෙන් පසු මෙම ඝාතකයින් විසින් "අගබිසව විය හැකි යැයි සැකකෙරුණු මාලිග [ස්ත්‍රීන්] තිදෙනකු මරාදමන ලදී. ඉන් එක් අයකු මින් අගබිසව බව තහවුරු කරගත් පසු, ඔවුහු එම සිරුරු ඔඛොරු මණ්ඩපය ඉදිරිපස පයින් වනාන්තරයේ දී දවා, අළු විසුරුවා හැරියහ."[8] මියයන විට ඇගේ වයස අවුරුදු 43කි.[9]
මින් අගබිසවගේ ඝාතනයෙන් පසු, විදේශ බලවේගවලවලට සිය සිතැඟි අනුව කටයුතු කිරීමට මගපෑදිණි.[10]
චරිත නිරූපණය[සංස්කරණය]
- ජෝ ස්‍යුං-වූ, මු-මියොං ලෙස (සාහිත්‍යමය "නමක් නැත්තා")
- සූ ඒ, මින් ජා-යොං ලෙස, පසුව මියොංසොං අධිරාජිනිය
- චුන් හෝ-ජින්, දේවොන්ගුන් ලෙස; ගෝජොංගේ පියායි.
- චෝයි ජේ-වූං, නෝයි-ජොන් ලෙස
- කිම් යොං-මින්, ගෝජොං අධිරාජයා ලෙස
- පාක් මින්-හී, මි වූ-රා ලෙස
- ගෝ සූ-හී, සෝ-හී ලෙස
- සොං හී-යොන්, දේ-දූ ලෙස
- ලී යොං-න්‍යෝ, චෝයි පාලිකාව ලෙස
- යූන් යොං-බේ, මින් යොං-ඉක් ලෙස
- බොං මන්-දේ, ලී සෙං-වොන්/ජි ක්යොං-චූල් ලෙස
- ලී ජූ-සිල්, ජා-යොංගේ මව ලෙස
- කිම් සෝ-හී, මු-මියොංගේ මව ලෙස
- ලී ජූන්-මියොං, ලාබාල මු-මියොං ලෙස
- යෝ මූ-යොං, අග්‍රාමාත්‍ය ලෙස
- සොෆී බෲස්ටල්, ඉසබෙල් ලෙස
ආශ්‍රේයයන්[සංස්කරණය]
- ↑ "Bulkkotcheolum Nabicheolum (2009)". Box Office Mojo. සම්ප්‍රවේශය 2014-06-27.
- ↑ Park, Sun-young (27 August 2009). "Another side to Empress Myeongseong". Korea JoongAng Daily. සම්ප්‍රවේශය 2014-06-27.
- ↑ Yang, Sung-hee (1 October 2009). "Sword presents the softer side of actress Soo-ae". Korea JoongAng Daily. සම්ප්‍රවේශය 2014-06-27.
- ↑ "Theatrical Releases in 2009: Box-Office Admission Results". Koreanfilm.org. සම්ප්‍රවේශය 2014-06-27.
- ↑ "HOT MOVIE/The Sword with No Name". Korean Film Biz Zone. 1 September 2009. සම්ප්‍රවේශය 2014-06-27.
- ↑ පාක්, ජොං-හ්යෝ (박종효) (1 ජනවාරි 2002). "일본인 폭도가 가슴을 세 번 짓밟고 일본도로 난자했다". සින්ඩොංගා 新東亞. pp. 472–485.
{{cite news}}: Unknown parameter|trans_title=ignored (|trans-title=suggested) (help) - ↑ "කොරියන් විමෙන් ඉන් රෙසිස්ටන්ස් ටු ද ජැපනීස්". 2002-03-08 දින මුල් පිටපත වෙතින් සංරක්ෂණය කරන ලදී.
- ↑ බ්යොං-කුක් කිම්, "ඇසැසිනේෂන් ඔෆ් එම්ප්‍රස් මියොංසොං," කොරියා ටයිම්ස්, 28 දෙසැම්බර් 2001
- ↑ "ක්වීන් මින්". 2006-02-17 දින මුල් පිටපත වෙතින් සංරක්ෂණය කරන ලදී.
- ↑ එස්. සී. එම්. පේන්, ද සයිනො-ජැපනීස් වෝ ඔෆ් 1894–1895: පර්සිප්ෂන්ස්, පවර්, ඇන්ඩ් ප්‍රයිමසි (කේම්බ්‍රිජ්: කේම්බ්‍රිජ් යුනිවර්සිටි ප්‍රෙස්, 2003), පි. 316[permanent dead link]
බාහිර සබැඳි[සංස්කරණය]
- නිල වෙබ් අඩවිය (කොරියානු)
- සැකිල්ල:Kmdb film
- ද ස්වෝඩ් විත් නෝ නේම් හා සබැඳි අයිඑම්ඩීබී යොමුව
- සැකිල්ල:Hancinema film