තප්කි ප්‍යාර් කි

විකිපීඩියා, නිදහස් විශ්වකෝෂය වෙතින්
Jump to navigation Jump to search
තප්කි ප්‍යාර් කි
මෙලෙසද හැඳින්වේThapki Pyaar Ki
ප්‍රභේදයඉන්දියානු සෝප් ඔපෙරා
නාට්‍ය
ප්‍රේම කථා
රචනය කලේවේද් රාජ් ශ්‍රීවාස්ථව
ධීරාජ් සර්ණා
රඟපෑමබලන්න චරිත නිරූපණය
ඇරඹුම් තේමාවතප්, තප්, තප්කි... තප්කි ප්‍යාර් කි
සම්භව රටඉන්දියාව
භාෂාව(න්)හින්දි
කථාවාර සංඛ්‍යාව1
කථාංග ගණන570 (2017 ජනවාරි 29 වන විට)
නිෂ්පාදනය
නිෂ්පාදක(යෝ)ශූන්‍යා චතුරස්‍ර නිෂ්පාදන
SOL නිෂ්පාදන
ස්ථානය(න්)නොයිඩා
අග්‍රා
ධාවන කාලයආසන්න. මිනිත්තු 20
ප්‍රචාරණය
මුල් නාලිකාවකලර්ස් ටීවී
රූප ආකෘතිය576i (PAL)
1080i (HDTV)
මුල් ධාවනය25 මැයි 2015 (2015-05-25) – වර්තමානය
බාහිර සබැඳි
වෙබ් අඩවිය

තප්කි ප්‍යාර් කි (සිංහල: ආදරණීය තට්ටු කිරීම, ආදරය සහ සහාය) යනුවෙන් හැඳන්වෙන්නේ 2015 මැයි 25 දින කලර්ස් ටීවී නාළිකාව ඔස්සේ විකාශය ඇරඹි ඉන්දියානු රූපවාහිනී මාලා නාට්‍යයකි. මෙය ඉන්දියා සම්මත වේලාවෙන් ප.ව. 6:30ට දිනපතා විකාශය විය. මෙම කතාමාලාව මගින් තප්කි යන සුරතල් නාමයෙන් හඳුන්වන ගොත ගසන යුවතියක පිළිබඳ නිරූපණය වේ.[1][2][3][4][5][6]

ජිග්‍යාසා සිං, මනිෂ් ගොප්ලානි, සෙහ්බාන් අසිම්, අංකිත් බාත්ලා, සහ ෂීනා බජාජ් යන නළුනිළියෝ තප්කි ප්‍යාර් කි හි ප්‍රධාන චරිත නිරූපණය කරති.

දෙමළ බසින් හඬකැවුණු මෙම කතාමාලාව ඉන්දිරා – පුතුමෛ පෙණ් (සිංහල: ඉන්දිරා – නවීන යුවතිය) යන නාමය ඔස්සේ ඉන්දියාවේ රාජ් ටීවී නාළිකාවෙන් විකාශය වේ. එය එරට වේලාවෙන් ප.ව. 9.00ට සඳුදා සිට සෙනසුරාදා තෙක් විකාශය කෙරේ.

කථා පුවත[සංස්කරණය]

වානි චතුර්වේදි (ජිග්‍යාසා සිං) හට බො‍හෝවිට තප්කි යනුවෙන් අමතනු ලබන්නේ ඇය කථා කිරීමේ දී ගොතගසන බැවිනි. තප්කි බුද්ධිමත් සහ ධෛර්යවන්ත යුවතියකි. ඇය කිසිදින සිය බලොපොරොත්තු අත් නොහරින අතර, සිය ගොතගැසීම තම දිවියට බාධාවක් ද කර නොගන්නී ය. මඳ කාලයකට පසු, ඇයට වඩා උසින් අඩු දිවාකර් මිෂ්රා ඇය වෙනුවෙන් විවාහ යෝජනාවක් ගෙන එයි. නමුත් තප්කි ගොතගසන බව දැන ගැනීමෙන් පසු ඔහු ඇයව විවාහ කරගැනීම ප්‍රතික්ෂේප කරයි. නමුත් විවාහය යන නාමයෙන්, ඔහුගේ පවුල නිසා ඇගේ පවුලට විශාල මුදලක් වියදම් කිරීමට සිදු වේ. ඇයට බැණවදින දිවාකර් විවාහ මණ්ඩපයේ දී ඇයව විවාහ කරගැනීම ප්‍රතික්ෂේප කරයි. තප්කි සිත් තැවුලෙන් පසුවන්නී ය.

සති කිහිපයකට පසු, තප්කි හට නිව්ස් 365 නැමැති රූපවාහිනී නාළිකාවක රැකියාවක් හමුවේ. මෙහි හිමිකරු ධෲව් පාණ්ඩේ (අංකිත් බාත්ලා) නැමැත්තෙකි. තප්කි සහ ඇගේ පවුල නොයිඩා වෙත සංක්‍රමණය වේ. මඳ කාලයකින්ම රැකියාව හිමි කරගන්නා තප්කි වෙහෙසීමෙන් සහ විශ්වාසයෙන් යුතුව ක්‍රියාකර ධෲව්ගේ සිත දිනා ගනියි. ධෲව් සහ තප්කි ප්‍රේමයෙන් බැ‍ඳෙති‍. තමන් තප්කිව විවාහ කර ගන්නා බව ධෲව් සිය පවුලට පවසයි. ඔහුගේ මව ද එය අනුමත කරයි. වසුන්ධ්‍රා නිසි ලෙස ක්‍රියා නොකරන උපකරණ සහ ගොතගසන පුද්ලයින්ට අකමැති ය. තප්කි ද ගොතගසන බව ඇය නොදනියි‍. නමුත් තප්කි පිළිබඳ දැන ගැනීමෙන් පසු වසු ධෲව් සහ තප්කිව වෙන් කිරීමට උත්සාහ දරයි. විවාහ දිනයේ දී, වසු ඇගේ හදාගත් පුත්‍රයා මෙන්ම ධෲව්ගේ සොයුරා ද වන බිහාන් (මනිෂ් ගෝප්ලානි) හට ධෲව්ගේ ආහාරවලට ඔෂධයක් මුසු කිරීමට පවසයි. මඳ වේලාවකින් ධෲව් පියවි සිහියට පත්වන නමුත් බිහාන් ඔහුගේ හිසට පහර දීම නිසා ධෲව්ට යළි සිහිය නැති වේ. අනතුරුව තප්කි සහ ඇගේ පවුලම විමතියට පත් කරමින් බිහාන් තප්කිව විවාහ කරගනියි. තප්කි බිහාන්ව අප්‍රිය කරන්නේ ඔහුගේ හැසිරීම හේතුවෙනි. ඔහුගේ පසුගිය සිදුවීම් තප්කිට විනෝදයක් ගෙන දෙයි.

ධෲව් තවමත් තප්කි කෙරෙහි සිතන බව වටහා ගන්නා වසු, ධෲව්හට ශ්‍රද්ධා (මොනිකා ඛන්නා) නැමැති තරුණියව විවාහ කරදීමට උත්සුක වන්නී ය. මඳ කලකින්ම ශ්‍රද්ධා යනු යහපත් තරුණියක නොවන බව තප්කි සහ බිහාන් වටහා ගනිති. ඔවුහු ධෲව් සහ ශ්‍රද්ධාගේ විවාහය වැළැක්වීමට උත්සාහ දරති. නමුත් එය අසාර්ථක වේ. සැමදෙනාම තප්කි කෙරෙහි අවධානය යොමු කරමින් ඇයව අගය කරනු දකින ශ්‍රද්ධා තප්කිට වෛර කරයි. ශ්‍රද්ධා හැමවිටම තප්කිට හිංසා කරන්නට උත්සාහ දැරුව ද, එය අසාර්ථක වේ.

එක් දිනයක පූජාවක දී, දේවතාවියකගේ ප්‍රතිමාවක් වසුගේ සිරුර මත ඇද වැටේ. තප්කි වසුව ඉන් බේරා ගනියි. එම දිනයේ සිට, තමන් තප්කිට සිදුකළ අසාධාරණය පිළිබඳ ඇය පසුතැවෙන්නී ය. වසු තප්කි කෙරෙහි පැහැදී ඇති බව වටහා ගන්නා ශ්‍රද්ධා කෝප වන්නී ය. දැන් ශ්‍රද්ධා, තප්කිට එරෙහිව කුමන්ත්‍රණ සිදුකරන්නී ය. ඇය තප්කිට බැණ වැදීමට උත්සාහ දරන අතර, පවුලේ අවධානය දිනා ගැනීමට ව්‍යාජ ගර්භනීභාවයක් ද මවා පායි. ඇය තප්කිව මරා දැමීමට සැලසුම් කරන්නී ය.‍ නමුත් බිහාන් මෙය දැන ගනියි. මේ බව දැනගැනීමෙන් මුළු පවුලම කම්පනයට පත්වේ. ශ්‍රද්ධාගේ ව්‍යාජ ගර්භනීභාවයේ රහස ද හෙළි වේ. අනතුරුව නිවසින් පිටව යන ලෙස වසු ශ්‍රද්ධාට අණ කරයි. නමුත් ධෲව් එය ප්‍රතික්ෂේප කරයි. මේ වන විට බිහාන් තප්කිට පෙම් කරයි. ඔහු ඇයට සිය හැඟීම් හෙළි කරයි. තප්කි ද බිහාන්ට පෙම් කරන බව ඇය පවසයි. මේ වනවිට යහපත්ව සිටින ශ්‍රද්ධා පුවලේ සාමාජිකයින්ට උපකාර කරයි.

එම සිදුවීමෙන් පසුව, සියලු චාරිත්‍ර සමගින් තප්කි සහ බිහාන්ගේ විවාහය යළි පැවැත්වීමට බාල්වින්දර් තීරණය කරයි. බිහාන් සහ තප්කිගේ ප්‍රේමය දැක ධෲව් ඊර්ෂ්‍යාවෙන් පසුවෙයි. තප්කි සහ බිහාන්ගේ විවාහය විනාශ කොට තප්කිව විවාහ කරගැනීමට ඔහු උත්සාහ දරයි. තමන්ව බිහාන්ගෙන් වෙන් කිරීමට ධෲව් සිදුකරන කුමන්ත්‍රණ තප්කි දැන ගනියි. ඇය ධෲව් හමුවීමට පිටත්වන අතර, ධෲව් සිය ප්‍රේමය ඇයට ප්‍රකාශ කරයි. මෙය ප්‍රතික්ෂේප කරන තප්කි බිහාන් සමග තමන් විවාහ වන බවට සපථ කරයි. තප්කි සහ බිහාන් අතර අනවබෝධය වැපිරීමට ධෲව් උත්සාහ දරයි. නමුත් අවසානයේ සිය වැරදි වටහා ගන්නා ධෲව්, තප්කි සහ බිහාන්ව යළි එක් කරයි.

මඳ කාලයකින්ම, නව පවුලක් කථාවට ඇතුළත් වන අතර ඔවුන් බිහාන් සිය පුත්‍රයා යැයි පවසන්නට වෙයි. සිය සැබෑ දෙමාපියන් ඔවුන් යැයි සිතන බිහාන් සෙස්සන්ට වෛර කරයි. ඔවුන් බිහාන්ගේ සැබෑ දෙමාපියන් නොවන බව තප්කි සොයා ගනියි. ඔවුන්ගේ අරමුණ වූයේ බිහාන් ඔහුගේ පවුල හා උරණ කොට මුදල් පැහැර ගැනීමටයි. මේ බව තප්කි බිහාන්ට පැවසුව ද, බිහාන් එය අවිශ්වාස කරයි. සිය සැබෑ පවුල සමග දිවි ගෙවීමට පැමිණෙන මෙන් බිහාන් ඇයට ආරාධනා කරයි. නමුත් එය ප්‍රතික්ෂේප කරන ඇය සිය ඥාතීන් සමග රැඳී සිටියි. මේ කාලය පුරා පවුල් දෙකටම නොයෙකුත් ගැටලුවලට මුහුණු දීමට සිදු වේ. අවිශ්වාසය නිසා තප්කිව නිවසෙන් ඇද දැමීමට බිහාන්ට අවශ්‍ය වේ. නමුත් මේ වනවිට ගැබිනියකව සිටින තප්කි බිහාන්ට ලිපියක් ලියයි. නමුත් මෙය කියවන ‍කෝෂි දේවි ඒ පිළිබඳ බිහාන්ට හෙළි නොකරයි. අනතුරකින් තප්කිට සිය දරුවා අහිමි වේ. මේ වෙනුවෙන් ඇය බිහාන් හා ඔහුගේ පවුලට බැණ වදියි.

චරිත නිරූපණය[සංස්කරණය]

ප්‍රධාන චරිත[සංස්කරණය]

ආවර්තී චරිත[සංස්කරණය]

අන්තර්ජාතික විකාශය සහ හඬකැවීම්[සංස්කරණය]

2016 ඔක්තෝබර් වන තෙක් කලර්ස් ටීවී නාළිකාව හා සමගාමීව පාකිස්ථානයේ ෆිල්මේසියා නාළිකාවෙන් මෙය විකාශය කෙරිණි.[8] දෙමළ බසින් ඉන්දිරා – පුතුමෛ පෙණ් (සිංහල: ඉන්දිරා – නවීන යුවතිය) ලෙස හඬකැවුණු මෙය රාජ් ටීවී නාළිකාව ඔස්සේ විකාශය වේ. ඉන්දුනීසියානු බසින් තප්කි ලෙස නම් කෙරුණු මෙය ANTV නාළිකාව ඔස්සේ 2016 ජූලි 18 සිට විකාශය කෙරේ. වියට්නාමය තුළ වියට්නාම් බසින් ‍තෝයි, තප්කි‍ ලෙස නම්කෙරුණු මෙම කතාමාලාව HTV3 නාළිකාවෙන් විකාශය කෙරේ.

ආශ්‍රේයයන්[සංස්කරණය]

  1. මහේෂ්වරී, නේහා (25 මැයි 2015). "Thapki to inspire people". The Times of India. Retrieved 12 සැප්තැම්බර් 2015.
  2. "Girl next door". Focus News. Retrieved 25 මැයි 2015.
  3. "Colors launches Thapki Pyar Ki". The Times of India. Retrieved 25 මැයි 2015.
  4. "Thapki Pyaar Ki: Show launch". India Times. Retrieved 25 මැයි 2015.
  5. "Show synopsis". The Times of India. Retrieved 1 ජූනි 2015.
  6. තප්කි ප්‍යාර් කි, කලර්ස් ටීවී: ජිග්‍යාසා සිං සුර්ජිත් සහා, ජූනි 18, 2015
  7. 7.0 7.1 7.2 "New entry in Colors' 'Thapki Pyaar Ki' – Times of India". The Times of India. 15 August 2016.
  8. "Pemra enforces blanket ban on Indian content in Pakistan". DAWN. 19 October 2016.
"https://si.wikipedia.org/w/index.php?title=තප්කි_ප්‍යාර්_කි&oldid=410031" වෙතින් සම්ප්‍රවේශනය කෙරිණි