ඩීප් රූටඩ් ට්‍රී

විකිපීඩියා වෙතින්
ඩීප් රූටඩ් ට්‍රී
ඩීප් රූටඩ් ට්‍රී සඳහා ප්‍රවර්ධන පෝස්ටරයක්
මෙලෙසද හැඳින්වේට්‍රී විත් ඩීප් රූට්ස්
ප්‍රභේදයකාලාන්තර නාට්‍ය
අභිරහස්
ප්‍රේම කථා
මත පදනම්වලී ජං-මියුංගේ ඩීප් රූටඩ් ට්‍රී ඇසුරෙන්
රචනය කලේකිම් යොං-හ්‍යුන්
පාක් සං-යොන්
අධ්‍යක්ෂණය කලේජං තේ-යූ
රඟපෑමජං හ්‍යුක්
හන් සුක්-ක්‍යු
ෂින් සේ-ක්‍යුං
සම්භව රටදකුණු කොරියාව
භාෂාව(න්)කොරියානු
කථාංග ගණන24
නිෂ්පාදනය
ස්ථානය(න්)කොරියාව
ධාවන කාලයබදාදා සහ බ්‍රහස්පතින්දා 21:55ට (KST)
ප්‍රචාරණය
මුල් නාලිකාවසෝල් විකාශන පද්ධතිය
මුල් ධාවනය5 ඔක්තෝබර් 2011 (2011-10-05) – 22 දෙසැම්බර් 2011 (2011-12-22)
කාලානුක්‍රමය
පූර්වගමනය වනුයේප්‍රොටෙක්ට් ද බොස්
අනුගමනය වනුයේට්ක් කෙයා ඔෆ් අස්, කැප්ටන්
සබැඳි දර්ශනසික්ස් ෆ්ලයිං ඩ්‍රැගන්ස්
බාහිර සබැඳි
වෙබ් අඩවිය
ඩීප් රූටඩ් ට්‍රී
හංගුල්
ප්‍රතිශෝධිත රෝමානුකරණයPpuri gipeun namu
මැකූන්–‍රයිෂවර්Ppuri kip'ŭn namu

ඩීප් රූටඩ් ට්‍රී (කොරියානු뿌리 깊은 나무; ප්‍රරෝපුරි ගිප්‍යුන් නාමු) යනු 2011දී විකාශය වූ දකුණු කොරියානු ඓතිහාසික රූපවාහිනී කතාමාලාවකි. ජං හ්‍යුක්, ෂින් සේ-ක්‍යුං සහ හන් සකු-ක්‍යු විසින් ප්‍රධාන චරිත නිරූපණය කරන මෙම කතාමාලාව සඳහා පාදක වී ඇත්තේ එම නමින්ම යුත් ලී ජුං-මියුංගේ නවකථාවයි. SBS නාළිකාව ඔස්සේ 2011 දෙසැම්බර් 22 දින විකාශය ඇරඹි මෙම කතාමාලාව බදාදා සහ බ්‍රහස්පතින්දා දිනවල 21:55ට විකාශය වූයේ කථාංග 24කින් යුක්තව ය.

ගැඹුරු මුල් ඇති ගස් නොනැමෙන බවට වූ යොංබියොචොංගා පද්‍යය ඇසුරෙන් නාමය යෙදුණු මෙම කතාමාලාව මගින්, සේජොං රජු (හන් සුක්-ක්‍යු විසින් නිරූපණය කරයි; වසර 16ක සිනමා දිවියෙන් පසු ඔහුගේ රූපවාහිනී ආගමනය මින් සනිටුහන් කෙරිණි) විසින් කොරියානු ලේඛන බස සම්පාදනය කරන අතරතුර, ග්යොංබොක් මාලිගයේ ජිප්හ්යොන්ජොන් විද්වතුන් ඝාතනයට වගකිව යුත්තන් පිළිබඳ විමර්ශනයෙහි යෙදෙන රාජකීය ආරක්ෂකයකු (ජං හ්‍යුක් විසින් නිරූපණය කරයි) පිළිබඳ කථාපුවතක් නිරූපණය වේ.[1][2]

කථා සාරාංශය[සංස්කරණය]

සිය රාජ්‍ය සමයේ මුල් කාලයේ, සේජොං රජු සිය කෲර පියා වූ තේජොං රජු‍ගෙන් සිය ඥාතීන් සහ ඔවුන්ගේ වහලුන් රැක ගැනීමට උත්සාහ දැරීමේ දී අනතුරකින් ඔවුන් ජීවිතක්ෂයට පත් වෙයි. මෙහිදී දොල්-බොක් සහ ඔහුගේ මිතුරා වන දම් නැමැති තරුණ වහලුන් දෙදෙනා දිවි රැකගන්නා අතර මේ බව කිසිවකු දැන නොගනී. රජුට දෝෂාරෝපණය එල්ල කරන දොල්-බොක් සිය ප්‍රියයන් මැරූ රජුගෙන් පලිගන්නට අදහස් කරයි. ඔහු වසර ගණනාවක් දක්ෂ සෙබලකු ලෙස පුහුණු වේ. මේ අතර දම් මාලිග ස්ත්‍රියක් බවට පත්ව සෝ-යි (ෂින් සේ-ක්‍යුං) යනුවෙන් හැඳින්වෙන අතර, සෙසු වහලුන් මරාදැමීමේ අවස්ථාවේ තමන් නිහඬව සිටීම පිළිබඳ ඇය පසුතැවෙන්නී ය.

රජුව ඝාතනය කිරීමේ අරමුණින් දොල්-බොක් නැවත මාලිගයට පැමිණෙන්නේ කං චේ-යූන් (ජං හ්‍යුක්) යන නාමයෙනි‍. නමුත් ගරුකළ යුත්තන්ගේ ශාලාවේ විද්වතුන් කිහිප දෙනකුගේ ඝාතනයන්ගේ අභිරහස් පිළිබඳසෙවීමට ඔහුට භාර වේ. මෙම මරණ සිදුකොට ඇත්තේ "සැඟවුණු මුල" නැමැති රහස් සංවිධානයක් විසින් වන අතර මෙය නිර්මාණය කරතිබුණේ වසර ගණනාවකට පෙර ජොං දෝ-ජොන්ගේ අනුගාමිකයන් විසිනි. ඔවුන්ගේ අරමුණ වූයේ රජුට වඩා වැඩි බලයක් අමාත්‍යවරුනට ලබාදීමයි. තේජොං රජු විසින් ජොං දෝ-ජොන්ගේ බෑනා වූ ජොං ගි-ජූන් හැර ඔහුගේ පවුලේ සියලු දෙනාම මරා දමා තිබිණි. ජොං ගි-ජූන් මේ වන විට සැඟවුණු මුලේ නායකයා බවට පත්ව සිටියි. ඔහු වෙස්වලා ගෙන සේජොං රජු අසලින් රැඳී සිටින බව කිසිවකු දැනසිටියේ නැත.

සෝ-යිගේ උපකාර ඇතිව රජු සහ ගරුකළ යුත්තන්ගේ ශාලාවේ විද්වතුන් වසර ගණනාවක් පුරා රහස් ව්‍යාපෘතියක නියැළී සිටිති. මෙය කොරියානු වර්ණමාලාව නිර්මාණය කිරීම සඳහායි. සැඟවුණු මුල පසුපස හඹා යන අතරතුර කං චේ-යූන් සහ සෝ-යි එකිනෙකා හඳුනාගනිති. චේ-යූන් හට සරල වර්ණමාලාව පෙන්වන සෝ-යි එමගින් සාමාන්‍ය ජනයාට ලැබෙන බලය පිළිබඳ පැහැදිළි කරයි. අනතුරුව චේ-යූන් රජුව ඝාතනය කරනු වෙනුවට රජු සමග කටයුතු කිරීමට තීරණය කරයි.

කෙසේනමුත්, ජොං ගි-ජූන් විශ්වාස කරන්නේ නව අක්ෂර මාලාව කොන්ෆියුසියානු ක්‍රමයට තර්ජනයක් බවයි. ඒ නිසා හැකි සෑම උත්සාහයක්ම යොදා එය නතර කරවීමට ඔහු තැත් කරයි. ඔහු රජුගේ පුත්‍රයාව ඝාතනය කරයි. නමුත් ඉන් රජු වඩාත් දිරිමත් වෙයි. රජුගේ දැඩි උත්සාහය ව්‍යර්ථ කරවීමට ජොං කටයුතු කරයි. වර්ණමාලාව පිළිබඳ පොදුවේ ප්‍රකාශයට පත්කරන දිනයේ සැඟවුණු මුලේ සාමාජිකයන් විසින් සෝ-යි සහ චේ-යූන්ට දැඩිව හානි කරති. කෙසේනමුත් ඔවුන්ගේ නොපසුබට පරිත්‍යාගයන් හමුවේ මෙම කටයුත්ත සාර්ථක වන අතර සාමාන්‍ය ජනයා හංගුල් අක්ෂර මාලාව ප්‍රයෝජනයට ගන්නට පුරුදු වෙති.

චරිත නිරූපණය[සංස්කරණය]

ජං හ්‍යුක්, කං චේ-යූන්/දොල්-‍බොක් ලෙස

හිටපු වහපකු වන මොහු රාජකීය ආරක්ෂකයකු බවට පත්ව සේජොං රජුගේ රහස් පරීක්ෂකයකු ලෙස කටයුතු කරයි. රැජිණගේ පවුලේ වෙනත් සේවකයන්ගේ සරදම්වලින් ළමා දොල්-බොක්ව ආරක්ෂා කරන්නේ ඔහුලේ පියා විසිනි. අවසානයේ දොල්-බොක්ගේ පියාව අත්අඩංගුවට ගැනෙන අතර අවසානයේ ඔහු සහ ඔහුගේ ළමා වියේ මිතුරිය වූ සෝ-යි ඉදිරිපිට පියා මියයයි. සැබැවින්ම ඔහුව බේරාගනු ලබන්නේ සේජොං රජු විසින් වුවද, ඔහු ඒ බව නොදනී. මේ නිසා සිය පියාගේ මරණයට ඔහු දෝෂාරෝපණය කරන්නේ සේජොං රජුටයි. ඔහු රජුව මරා පලිය ගැනීමට අදිටන් කරගනියි. නම වෙනස් කරගන්නා ඔහු සෙබලකු බවට පත් වේ. ලී බං-ජි නැමැති ගුරුවරයකු යටතේ ඔහු සටන් කලාව ප්‍රගුණ කරයි. ගුරුතුමා ඔහුට දැවැන්ත වේගයක්, කඩිසර භාවයක්, බලයක් සහිත පැනීමේ ක්‍රම උගන්වයි. රජුගෙන් ඈත්ව සිටිය යුතු නිසා චේ-යූන් පසුව පහළ නිලයේ ආරක්ෂකයකු බවට පත් වේ. දම් මියගිය බව සිතන ඔහු, සෝ-යි යනු වෙන කිසිවකු නොව දම් බව නොදනී.

හන් සුක්-ක්‍යු, සේජොං රජු ලෙස

හංගුල් අක්ෂර මාලාවේ නිර්මාතෘවරයායි. රජු ලෙස සිය මුල්කාලයේ යි දෝ සහ ඔහුගේ පියා සමග ඇති සම්බන්ධතා දුර්වල වන අතර සිය පියාගේ කෲර පාලනයෙන් පීඩිත ජනයා (සිය බිසවගේ පවුල ඇතුළු) ‍මුදවා ගැනීමට ඔහු තැත් කරයි. සිය පියාගේ සහ සිය බිරිඳ වූ සෝහොන්ගේ මරණින් පසු, යි දෝ (දැන් සේජොං රජු ලෙස හැඳින්වෙන) විසින් කං චේ-යූන්ව රහස් පරීක්ෂකයකු (වසර ගණනකට පෙර තමන් බේරාගත් දරුවා බව නොදැන) ලෙස පත්කරනු ලබයි. එසේම හංගුල් වර්ණමාලාව නිර්මාණයට සෝ-යිගේ සහාය ද ලබා ගනියි. පසුව චේ-යූන් යනු තමන්ව මරා දැමීමට තැත්කළ තැනැත්තාම බව ඔහු වටහා ගනියි.

ෂින් සේ-ක්‍යුං, සෝ-යි/දම් ලෙස

චේ-යූන්ගේ හොඳම මිතුරිය වන ඇයව සේජොංගේ බිරිඳවිසින් බේරාගනු ලැබෙන අතර, පසුව ඇය මාලිග ස්ත්‍රියක බවට පත්වෙයි. මාලිග ස්ත්‍රියක ලෙස මුල්කාලයේ යි දෝ, ඇගේ පවුලේ සාමාජිකයන්ගේ මරණයට තමන්ගෙන් සිදු වූ දායකත්වය පිළිබඳ සමාව ඉල්ලයි. සිය මිතුරු වහල් සාමාජිකයන්ගේ මරණයන් පිළිබඳ ඇයට වරදකාරී හැඟීමක් ඇති වන අතර, ඇයට දකින දෙය මතක තබාගැනීමට ඇති විශේෂ හැකියාව නිසා ඇය හංගුල් වර්ණ මාලාව තැනීමට උපකාරී වන්නීය.
සේජොංගේ ආරක්ෂකයකු මෙන්ම මිතුරෙකි. ඔහු සිය මිතුරාව රැකගැනීමට සිය දිවිය පවා කැප කරන්නට සූදානම් ය.
සෝ-යිව ප්‍රාණ ඇපයට ගෙන පසුව ඇයට වසඟ වන ඝාතකයෙකි.
ඔහු‍ගේ සම්භවය අපැහැදිළි වුවත්, ‍මෙම නාට්‍යය තුළ ඔහු චීනයෙන් පැමිණි බව දක්වා ඇත. ප්‍රධාන ඝාතකයකු වූ ඔහු, කං චේ-යූන්, මූ-හ්යුල් සහ යූන් ප්යොංට වඩා දස්කම් අතින් ඉදිරියෙන් පසු විය. ඔහුට සමාන එකම තැනැත්තා ඔහු විසින් මරා දැමූ ලී බං-ජි ය.

ඇගයුම්[සංස්කරණය]

කථාංගය # මුල් විකාශන දිනය සාමාන්‍ය ප්‍රේක්ෂක ප්‍රතිශතය
TNmS ඇගයීම්[3] AGB නීල්සන්[4]
දීපව්‍යාප්ත සෝල් ජාතික අගනුවර පෙදෙස දීපව්‍යාප්ත සෝල් ජාතික අගනුවර පෙදෙස
1 5 ඔක්තෝබර් 2011 9.2% 11.0% 9.5% 11.1%
2 6 ඔක්තෝබර් 2011 8.2% 9.8% 9.8% 10.6%
3 12 ඔක්තෝබර් 2011 16.4% 18.7% 18.2% 20.7%
4 13 ඔක්තෝබර් 2011 18.8% 22.6% 19.1% 21.8%
5 19 ඔක්තෝබර් 2011 17.7% 20.6% 18.3% 20.5%
6 20 ඔක්තෝබර් 2011 18.3% 20.8% 18.6% 19.1%
7 26 ඔක්තෝබර් 2011 17.9% 21.0% 18.9% 20.1%
8 27 ඔක්තෝබර් 2011 18.3% 20.5% 19.2% 20.5%
9 2 නොවැම්බර් 2011 17.3% 19.2% 17.4% 18.9%
10 3 නොවැම්බර් 2011 18.5% 20.7% 20.2% 22.1%
11 9 නොවැම්බර් 2011 17.9% 20.3% 19.1% 20.4%
12 10 නොවැම්බර් 2011 18.9% 20.9% 19.9% 21.3%
13 16 නොවැම්බර් 2011 18.7% 21.4% 19.4% 20.9%
14 17 නොවැම්බර් 2011 19.0% 21.6% 20.5% 22.0%
15 23 නොවැම්බර් 2011 17.8% 20.6% 20.1% 21.1%
16 24 නොවැම්බර් 2011 19.9% 21.9% 21.1% 22.3%
17 30 නොවැම්බර් 2011 18.8% 20.7% 21.0% 22.0%
18 1 දෙසැම්බර් 2011 18.6% 21.4% 20.8% 22.2%
19 7 දෙසැම්බර් 2011 20.1% 23.1% 21.6% 23.0%
20 8 දෙසැම්බර් 2011 20.2% 23.5% 21.7% 23.0%
21 14 දෙසැම්බර් 2011 19.7% 22.3% 21.9% 23.3%
22 15 දෙසැම්බර් 2011 19.3% 22.1% 22.7% 24.7%
23 21 දෙසැම්බර් 2011 19.7% 22.5% 21.4% 23.2%
24 22 දෙසැම්බර් 2011 23.6% 27.5% 25.4% 27.3%
සාමාන්‍යය 18.0% 20.6% 19.4% 20.9%

ප්‍රභවය: AGB නීල්සන් කොරියා සංරක්ෂණය කළ පිටපත 2013-12-26 at the Wayback Machine

සම්මාන සහ නිර්දේශ[සංස්කරණය]

වර්ෂය සම්මානය ප්‍රවර්ගය යෝජිතයා ප්‍රතිඵලය
2011
SBS නාට්‍ය සම්මාන
ප්‍රධාන ත්‍යාගය (දේසං) හන් සුක්-ක්‍යු දිනාගති
හොඳම නාට්‍යය ඩීප් රූටඩ් ට්‍රී දිනාගති
විශිෂ්ටතම සම්මානය, විශේෂ නාට්‍යයක නළුවා හන් සුක්-ක්‍යු නිර්දේශිත
විශිෂ්ට සම්මානය, විශේෂ නාට්‍යයක නිළිය ෂින් සේ-ක්‍යුං දිනාගති
විශේෂ සම්මානය, විශේෂ නාට්‍යයක නළුවා චෝ ජින්-වූං නිර්දේශිත
විශේෂ සම්මානය, විශේෂ නාට්‍යයක නිළිය සොං ඔක්-සූක් දිනාගති
නිෂ්පාදකවරයාගේ තේරීම සම්මානය සොං ජූං-කි දිනාගති
ඉහළම තරු 10 හන් සුක්-ක්‍යු දිනාගති
ජං හ්‍යුක් දිනාගති
2012
6වන Mnet 20'ස් චොයිස් අවෝඩ්ස්
20'ස් පිරිමි නාට්‍ය තරුව සොං ජූං-කි නිර්දේශිත
20'ස් කාන්තා නාට්‍ය තරුව ෂින් සේ-ක්‍යුං නිර්දේශිත
7වන සෝල් අන්තර්ජාතික නාට්‍ය සම්මාන
ප්‍රධාන ත්‍යාගය ඩීප් රූටඩ් ට්‍රී දිනාගති
හොඳම තිරරචකයා කිම් යොං-හ්‍යුන්, පාක් සං-යොන් නිර්දේශිත
කැපීපෙනෙන කොරියානු නාට්‍යය ඩීප් රූටඩ් ට්‍රී නිර්දේශිත
කැපීපෙනෙන කොරියානු නිළිය ෂින් සේ-ක්‍යුං නිර්දේශිත
48වන බෙක්සං කලා සම්මාන
රූපවාහිනී සඳහා ප්‍රධාන ත්‍යාගය (දේසං) ඩීප් රූටඩ් ට්‍රී දිනාගති
හොඳම රූපවාහිනී නාට්‍යය ඩීප් රූටඩ් ට්‍රී නිර්දේශිත
හොඳම නළුවා (රූපවාහිනී) හන් සුක්-ක්‍යු නිර්දේශිත
හොඳම අධ්‍යක්ෂක (රූපවාහිනී) ජං තේ-යූ නිර්දේශිත
හොඳම තිර රචනය (රූපවාහිනී) කිම් යොං-හ්‍යුන්, පාක් සං-යොන් දිනාගති
5වන කොරියා නාට්‍ය සම්මාන
ප්‍රධාන ත්‍යාගය (දේසං) හන් සුක්-ක්‍යු නිර්දේශිත
හොඳම අධ්‍යක්ෂක ජං තේ-යූ දිනාගති
විශිෂ්ට සම්මානය, නළුවා යූන් ජේ-මූන් නිර්දේශිත
1වන කේ-ඩ්‍රාමා ස්ටාර් සම්මාන
විශිෂ්ටතම සම්මානය, නළුවා හන් සුක්-ක්‍යු නිර්දේශිත

අන්තර්ජාතික විකාශය[සංස්කරණය]

ජපානය තුළ KNTV නාළිකාව ඔස්සේ 2012 ජූලි 24 සිට සැප්තැම්බර් 17 දක්වා මෙම කතාමාලාව විකාශය විය.[5] ඉන්පසුව මෙහි නැවත විකාශයක් භෞමික ජාලයක් වූ ටීවී ටෝකියෝ ඔස්සේ ද විකාශ්‍ය විය.[6]

තායිලන්තයේ චැනල් 7 නාළිකාව ඔස්සේ සඳුදා සිහ බ්‍රහස්පතින්දා දක්වා පෙ.ව. 2.10ට මෙම කතාමාලාව විකාශය අරඹන ලද්දේ 2016 ජනවාරි 14 සිට ය.[7]

අමතර තොරතුරු[සංස්කරණය]

සැබෑ දිවියේ පිය පුතු දෙපළක් වන බෙක් යූන්-සික් සහ බෙක් සෝ-බින් මෙම කතාමාලාව තුළ චරිත නිරූපණය කරති.

මූලාශ්‍ර[සංස්කරණය]

  1. හොං, ලුෂියා (29 සැප්තැම්බර් 2011). "ජං හ්‍යුක් සේඩ් ඩිඩ් නොට් වෝන්ට් ටු ටේක් රෝල් ඉන් ට්‍රී ඇට් ෆස්ට්". 10ඒෂියා. සම්ප්‍රවේෂණය 2013-04-01.
  2. "ඇක්ටර් ජං හ්‍යුක්'ස් සවුන්ඩ්ට්‍රැක් පික්ස්". 10ඒෂියා. 2 දෙසැම්බර් 2011. සම්ප්‍රවේෂණය 2013-04-01.
  3. "TNMS Daily Ratings: this links to current day-select the date from drop down menu". TNMS රේටිංස් (කොරියානු බසින්). සම්ප්‍රවේශය 2011-10-05.
  4. "AGB Daily Ratings: this links to current day-select the date from drop down menu". AGB නීල්සන් මීඩියා රිසර්ච් (කොරියානු බසින්). සම්ප්‍රවේශය 2011-10-05.
  5. සංරක්ෂිත පිටපත, http://www.kntv.co.jp/prog/detail/?p=22785, ප්‍රතිෂ්ඨාපනය 2016-11-26 
  6. http://www.tv-tokyo.co.jp/nefukaiki/
  7. ""ภ.เกาหลีชุด "จอมกษัตริย์ตำนานอักษร" (ඩීප් රූටඩ් ට්‍රී)"". චැනල් 7 (තායි බසින්). සම්ප්‍රවේශය 12 ජනවාරි 2016.

බාහිර සබැඳි[සංස්කරණය]

"https://si.wikipedia.org/w/index.php?title=ඩීප්_රූටඩ්_ට්‍රී&oldid=615525" වෙතින් සම්ප්‍රවේශනය කෙරිණි