අඹගමුව සෙල් ලිපිය

විකිපීඩියා, නිදහස් විශ්වකෝෂය වෙතින්
Jump to navigation Jump to search

ශ්‍රී ලංකාවේ මධ්‍යම පළාතේ නුවරඑළිය දිස්ත්‍රික්කයට අයත් අඹගමුව ප්‍රාදේශීය ලේකම් කොට්ඨාසයේ අඹගමුව සෙල් ලිපි ද්විත්වය පිහිටුවා තිබේ. සෙල් ලිපිය අඹගමුව නගරයේ සෙල්ලිපිගම ග්‍රාමයේ, නාවලපිටිය-ගිනිගත්හේන මාර්ගයේ සිට මීටර 400ක් පමණ දුරින් පිහිටා තිබේ.

පළමුවන විජයබාහු රජු (1070-1110) විසින් සිය තිස් අටවන රාජ්‍ය වර්ෂයෙහි අඹගමුව සෙල් ලිපිය පිහිටුවා තිබේ.[1] ශ්‍රීපාදස්ථානය වන්දනා කල රජු විසින් සිරිපා වන්දනාවේ යන බැතිමතුන්ගේ ප්‍රයෝජනය පිණිස සිදුකල දාන මාන[2] හා දෙමළ බලය මැඩපවත්වා ලක්දිව එක්සේසත් කල ආකාරය පිළිබඳ විස්තර මෙහි සටහන්ය.[3] සෙල් ලිපිය ප්‍රථම වරට එච්.සී.පී. බෙල් මහතා විසින් කියවන ලදී.[4]

මධ්‍යකාලීන සිංහල අක්ෂරයෙන් නිර්මාණය කොට ඇති මෙම ලිපි ද්විත්වයෙන් එක් ලිපියක දිග අඩි 12 අඟල් 3 ක් හා පළල අඩි 9 අඟල් 3 ක් වේ. අනෙක් ලිපිය අඩි 9 ක් හා අඟල් 4 ක් දිගු වන අතර පළල අඟල් 9 ක් හා අඟල් 7 ක් වේ.[3]

මූලාශ්‍ර[සංස්කරණය]

  1. "හිස්ටොරික් ඉන්ස්ක්‍රිප්ශන් ෆේසින් ඩිකේස්". සන්ඩේ ටයිම්ස්. සම්ප්‍රවේශය 6 ජනවාරි 2016. 
  2. "සකිසඳ පෙනේ සමනොළ ගල නැගෙනහිර". දිවයින. 23 දෙසැම්බර් 2009. සම්ප්‍රවේශය 6 ජනවාරි 2016. 
  3. 3.0 3.1 "අඹගමුව සෙල් ලිපි". අමේසිං ලංකා. සම්ප්‍රවේශය 6 ජනවාරි 2016. 
  4. "සිරිපා පිදුම් ගැන කියන අඹගමු සෙල් ලිපිය". සිළුමිණ. 19 අප්‍රේල් 2009. සම්ප්‍රවේශය 6 ජනවාරි 2016. 
"https://si.wikipedia.org/w/index.php?title=අඹගමුව_සෙල්_ලිපිය&oldid=399730" වෙතින් සම්ප්‍රවේශනය කෙරිණි