සෙබස්තියන් මුනිතුමන්
සෙබස්තියන් | |
|---|---|
 ඉල් සොදෝමා විසින් ඇඳි "සාන්ත සෙබස්තියන් මුනිඳුන්ගේ ප්‍රාණ පරිත්‍යාගය", ආ. 1525 | |
| ප්‍රේටෝරියානු ආරක්ෂක බළකායේ කපිතාන් රෝම සොල්දාදුවෙක්, සුව කරන්නෙක් සහ ප්‍රාණපරිත්‍යාගීවරයෙක් | |
| උපත | ආ. ක්‍රි. ව. 255 නර්බෝ මාර්ටියස්, ගලියා නාර්බොනෙන්සිස්, රෝමානු අධිරාජ්‍යය |
| මරණය | ආ. ක්‍රි. ව. 288 (වයස ආසන්නව 32) රෝමය, ඉතාලිය, රෝමානු අධිරාජ්‍යය |
| ගරු කරනු ලබනුයේ | කතෝලික සභාව නැගෙනහිර ඕතඩොක්ස් සභාව පෙරදිග ඕතඩොක්ස් සභාව ඇන්ග්ලිකන් සභාව ඇග්ලිපයන් සභාව |
| ප්‍රධාන සිද්ධස්ථාන | San Sebastiano fuori le mura |
| මංගල්‍යය දින | ජනවාරි 20 (රෝමානු කතෝලික), සහ (පෙරදිග ඕතඩොක්ස්) දෙසැම්බර් 18 (නැගෙනහිර ඕතඩොක්ස්) |
| ලාක්ෂනික ගුණාංග | කණුවක හෝ ගසක බැඳ, ඊතලවලින් විද ඇති ආකාරය |
| අනුග්‍රාහකත්වය | සොල්දාදුවන්; වසංගතයෙන් පීඩා විඳි; දුනුවායන්; ආබාධිත පුද්ගලයින්; ක්රීඩක ක්රීඩිකාවන්; පාපැදිකරුවන්; මීගමුව, ශ්‍රී ලංකාව; Lipa අගරදගුරු පදවිය; Tarlac රදගුරු පදවිය; Bacolod පදවිය; Rio de Janeiro, Brazil; ලුම්බන්, ලගුනා, පිලිපීනය; Borbon, Cebu, Philippines; පුකල්පා, පේරු; Taquaritinga, බ්රසීලය; Ribeirão Preto, Brazil; Győr, හංගේරියාව; කුස්කෝ, පේරු; ලෝජා, ඉක්වදෝරය; රෝමය, ඉතාලිය |
ශුද්ධවූ සෙබස්තියන් මුනිතුමන් (ලතින්: සෙබස්තියානුස්) මුල් ක්‍රිස්තියානි සාන්තුවරයෙකු සහ ප්‍රාණ පරිත්‍යාගිකයෙකි. සාම්ප්‍රදායික විශ්වාසයට අනුව, ක්‍රිස්තියානීන්ගේ දියොක්ලේසියනු හිංසන සමයේදී මෙතුමාව මරා දමන ලදී. මුලදී ඔහුව කණුවක හෝ ගසක බැඳ ඊතල වලින් විද ඇත, නමුත් මෙය එතුමාව මරා දැමුවේ නැත. සම්ප්‍රදායට අනුව, 17 වන සියවසේ චිත්‍ර කලාවේ ජනප්‍රිය විෂයයක් බවට පත් වූ රෝමයේ ශාන්ත අයිරින් විසින් ඔහුව බේරාගෙන සුවපත් කරන ලදී. කතාවේ සියලුම අනුවාද වල, ඔහුගේ සුවය ලැබීමෙන් ටික කලකට පසු ඔහු දියොක්ලේසියන් වෙත ගොස් ඔහුගේ පව් ගැන ඔහුට අනතුරු අඟවා ඇති අතර එහි ප්‍රතිඵලයක් ලෙස ඔහුව මරා දැමුවේය.[1] ඔහු කතෝලික සභාවේ සහ ඕතඩොක්ස් සභාවේ ගෞරවයට පාත්‍ර වේ.
ශාන්ත සෙබස්තියන් තුමාගේ ප්‍රාණ පරිත්‍යාගය පිළිබඳ තොරතුරු පිළිබඳ පැරණිතම වාර්තාව ජනවාරි 20 වන දින ගෞරවයට පාත්‍ර වූ ඔහු ප්‍රාණ පරිත්‍යාගිකයෙකු ලෙස සඳහන් කරන 354 කාලසටහන තුළ දක්නට ලැබේ. 4 වන ශතවර්ෂයේ මිලාන්හි රදගුරු වූ ඇම්බ්‍රෝස් (සාන්ත ඇම්බ්‍රෝස්) විසින් ගීතාවලිය 118 පිළිබඳ කල දේශනයක ද ඔහු ගැන සඳහන් වේ: සෙබස්තියන් මිලාන්හි සිට පැමිණි බවත් ඒ වන විටත් ඔහු එහි ගෞරවයට පාත්‍ර වූ බවත් ඇම්බ්‍රෝස් සිය දේශනයේදී ප්‍රකාශ කළේය. ඔහුගේ ප්‍රාණ පරිත්‍යාගය පිළිබඳ සම්පූර්ණ විස්තරය පැමිණෙන්නේ 5 වන සියවසේ නිර්නාමික කතුවරයකු, සමහරවිට Arnobius the Younger විසින් ලියන ලද Passio Sancti Sebastiani යන පාඨයෙන්.
ශාන්ත සෙබස්තියන් යනු වර්තමානයේ ක්රීඩක ක්රීඩිකාවන් අතර ජනප්‍රිය පිරිමි සාන්තුවරයෙක්.[2][3] මධ්‍යතන යුගයේදී, ඔහු වසංගතයෙන් ආරක්ෂා වීමට මැදිහත් වීමේ විශේෂ හැකියාවක් ඇති සාන්තුවරයෙකු ලෙස සලකනු ලැබූ අතර, වසංගතය සක්‍රීය වූ විට ඔහු කෙරෙහි භක්තිය බෙහෙවින් වැඩි විය.
ශුද්ධවු සෙබස්තියන් මුනිතුමාගේ ප්‍රාර්ථනාව
[සංස්කරණය]ත්‍රිවිධ "කිරියේ" සජ්ඣායනාව
[සංස්කරණය]- ස්වාමිනී කරුණා කළ මැනව
- ක්‍රිස්තුනී කරුණා කළ මැනව
- ස්වාමිනී කරුණා කළ මැනව
- ක්‍රිස්තුනී අපේ ප්‍රාර්ථනා අසා වදාළ මැනව
- ක්‍රිස්තුනී අපේ ප්‍රාර්ථනා අසා වදාළ මැනව
- ක්‍රිස්තුනී අපේ ප්‍රාර්ථනා ගිවිස වදාළ මැනව
- ක්‍රිස්තුනී අපේ ප්‍රාර්ථනා ගිවිස වදාළ මැනව
ශුද්ධවූ ත්‍රිත්වයේ ආයාචනය
[සංස්කරණය]- පරමණ්ඩලවල වැඩ සිටින පිතාවන දෙවියනී
- අපට දයා කළ මැනව.
- ලෝකය නිදහස් කළා වූ පුත්‍රවන දෙවියනී
- අපට දයා කළ මැනව.
- ස්ප්‍රීතු සාන්තු වන දෙවියනී
- අපට දයා කළ මැනව.
- සුපරිශුද්‍ධ ත්‍රිත්වය වූ ඒක දෙවියනී
- අපට දයා කළ මැනව.
කන්‍යා මරිය තුමීගේ ආයාචනය
[සංස්කරණය](පිළිතුර:අප නිසා යාච්ඤා කළ මැනව)
- ශුද්ධවූ මරියනි
- ශුද්ධවූ දේව මෑණියනි
- කන්‍යාති කන්‍යාවෙනි
ශාන්ත සෙබස්තියන් මුනිඳුන්ගේ ආයාචනය
[සංස්කරණය](පිළිතුර:අප නිසා යාච්ඤා කළ මැනව)
- ශුද්ධවූ සෙබස්තියාම් මුනින්ද්‍රයෙනි
- නර්බෝන නුවරෙහි අතී සුවඳ කුසුමයක්වූ ශුද්ධවූ සෙබස්තියාම් මුනින්ද්‍රයෙනි
- මිලාන් ජනපදයෙහි අභිමානවූ ශුද්ධවූ සෙබස්තියාම් මුනින්ද්‍රයෙනි
- මහිම ඇති වංශකුලයෙහි උපන්නාවූ ශුද්ධවූ සෙබස්තියාම් මුනින්ද්‍රයෙනි
- ධර්ම මහිමයෙන් අධික මහිම ලද්දාවූ ශුද්ධවූ සෙබස්තියාම් මුනින්ද්‍රයෙනි
- මුඛ මණ්ඩල ශෝභන රූපයෙන් සමස්තයන්ට ප්‍රිය වුනාවූ ශුද්ධවූ සෙබස්තියාම් මුනින්ද්‍රයෙනි
- ආත්මික ශුද්ධවන්ත ශ්‍රීයාවෙන් ශ්‍රෙෂ්ටි කාරයන්ට අධික ප්‍රියවුනාවූ ශුද්ධවූ සෙබස්තියාම් මුනින්ද්‍රයෙනි
- යුධවීර පරාක්‍රමයෙන් රජුන්ගේ සතුට වුනාවූ ශුද්ධවූ සෙබස්තියාම් මුනින්ද්‍රයෙනි
- ආත්මීක සංග්‍රාම පරාක්‍රමයෙන් රාජාති රජහට අධික සතුටු වුනාවූ ශුද්ධවූ සෙබස්තියාම් මුනින්ද්‍රයෙනි
- බුද්ධි ප්‍රඥාවෙන් ප්‍රථම සේවා සමුදාවට සේනාධිපතිවුනාවූ ශුද්ධවූ සෙබස්තියාම් මුනින්ද්‍රයෙනි
- දස දහස් සත්වයන් ආත්මීක සංග්‍රාමයට පමුණුවා මෝක්ෂ සේනාධිපති වුණාවූ ශුද්ධවූ සෙබස්තියාම් මුනින්ද්‍රයෙනි
- ක්‍රිස්තු සේවකයින්ට භෝජන පානය දී රක්ෂා කළාවූ ශුද්ධවූ සෙබස්තියාම් මුනින්ද්‍රයෙනි
- චංචල සිත්වූ ජීවිත පරිත්‍යාගින් ධර්ම උපදේශයෙන් වෘධි කළාවූ ශුද්ධවූ සෙබස්තියාම් මුනින්ද්‍රයෙනි
- මාර්තු මර්සලියානු යන සහෝදරයින්ගේ සොඳසිත් දැඩි කළාවූ ශුද්ධවූ සෙබස්තියාම් මුනින්ද්‍රයෙනි
- ඔවුන්ගේ පියාවන තර්කලීනු හට දේවාගම උගන්වා කොරවූ අත් පා සුවකළාවූ ශුද්ධවූ සෙබස්තියාම් මුනින්ද්‍රයෙනි
- නික්‍රොස්ත්‍රාස්තුගේ කුටුඹයට අඩංගු සියල්ලනුත් අසල අයත් එකවිටම දේවාගමට ගත්තාවූ ශුද්ධවූ සෙබස්තියාම් මුනින්ද්‍රයෙනි
- සය අවුරුද්දක් ගොළුව සිටිය ඔහුගේ ස්ත්‍රීහට කථාවේ බලයදී දේව ස්තුති ගායනා කෙරෙව්වාවූ ශුද්ධවූ සෙබස්තියාම් මුනින්ද්‍රයෙනි
- කලාදිහුගේ පුත්‍රයන් දෙදෙනාහට ප්‍රසාද ස්නානය දෙවා කුෂ්ටයෙනුත් මහෝදරයෙනුත් සුවකළාවූ ශුද්ධවූ සෙබස්තියාම් මුනින්ද්‍රයෙනි
- ක්‍රෝමාන්සිවූ කියන ආණ්ඩුකාරයාගේ හන්දි වාතය සුවකර දෙසීයකට වැඩිවූ යක්ෂ රූප සුන්කළාවූ ශුද්ධවූ සෙබස්තියාම් මුනින්ද්‍රයෙනි
- ඔහුගේ මුළු කුටුඹයට දේව වේද එලිය පෙන්වා දාසයින් නිදහස් කළාවූ ශුද්ධවූ සෙබස්තියාම් මුනින්ද්‍රයෙනි
- ක්‍රිස්තු ආගම නිසා අධික ධෙයර්‍යයෙන් සංග්‍රාමකළාවූ ශුද්ධවූ සෙබස්තියාම් මුනින්ද්‍රයෙනි
- කිසි භයක් නැතුව දුෂ්ට නායක දියෝකලේසියානු ඉදිරියේ ක්‍රිස්තු ස්වාමිදරුවන් ගැන දේශනා කළාවූ ශුද්ධවූ සෙබස්තියාම් මුනින්ද්‍රයෙනි
- අති නෙෂ්ටූර දියෝකලේසියානුගේ සංග්‍රාම තෙදවලට ගරු නොකළාවූ ශුද්ධවූ සෙබස්තියාම් මුනින්ද්‍රයෙනි
- ගසේ බැදුම්කා විඳිනු ලැබ ඊතල ශ්‍රී ශරීරය මුළුමෙන් පිරී නොනැසී උන්නාවූ ශුද්ධවූ සෙබස්තියාම් මුනින්ද්‍රයෙනි
- විගස සුව ලබා කෘර දියෝකලේසියානුගේ දුෂ්ටකම්වලට බියපත් නොවී ක්‍රිස්තු ස්වාමිදරුවන් ගැන දෙවනුවත් දේශනා කළාවූ ශුද්ධවූ සෙබස්තියාම් මුනින්ද්‍රයෙනි
- දඬුවදයට පත්ව ජීවිත පරිත්‍යාග වුණාවූ ශුද්ධවූ සෙබස්තියාම් මුනින්ද්‍රයෙනි
- අතී මුවාවූ ස්ථානයක භූමිදාන වුණ නමුත් අධික වන්දනාමාන භූමිදාන ලද්දාවූ ශුද්ධවූ සෙබස්තියාම් මුනින්ද්‍රයෙනි
- මුළු ක්‍රිස්තියානි ලොවේදී ස්තුති වන්නාවූ ශුද්ධවූ සෙබස්තියාම් මුනින්ද්‍රයෙනි
- සකල ලෙඩ පීඩාවලදී අඬගසන ලද්දාවූ ශුද්ධවූ සෙබස්තියාම් මුනින්ද්‍රයෙනි
මැදිහත් වීම සඳහා විශේෂිත ඉල්ලීම්
[සංස්කරණය](පිළිතුර:අප නිසා යාච්ඤා කළ මැනව)
- සකලවිධ රෝග නිවාරණය කරන්ට වරම් ලද්දාවූ ශුද්ධවූ සෙබස්තියාම් මුනින්ද්‍රයෙනි
- වසූරී ලෙඩ සුවකරන්ට අතී වල්ලභවූ ශුද්ධවූ සෙබස්තියාම් මුනින්ද්‍රයෙනි
- කොරෝනා ලෙඩ සුවකරන්ට අතී වල්ලභවූ ශුද්ධවූ සෙබස්තියාම් මුනින්ද්‍රයෙනි
- ස්වර්ග ප්‍රකාශය ලොවට පෙන්වන්ට වරම් ලද්දාවූ ශුද්ධවූ සෙබස්තියාම් මුනින්ද්‍රයෙනි
- අදර්ශනයවූ දේවදූතයන් දර්ශනය කර පෙන්වන්ට වරම් ලද්දාවූ ශුද්ධවූ සෙබස්තියාම් මුනින්ද්‍රයෙනි
- සකලදූත අග්‍රදූතයන්ගේ නායකවූ ජේසු ස්වාමිදරුවන් මුළු ශක්තියෙන් අනුචාරකළාවූ ශුද්ධවූ සෙබස්තියාම් මුනින්ද්‍රයෙනි
අවසාන ආරාධනා
[සංස්කරණය]- ලෝක පාපවල් හරින දේවාජබාලක වූ ජේසුනි
- අපට ක්ෂමා කළ මැනව, ස්වාමිනි
- ලෝක පාපවල් හරින දේවාජබාලක වූ ජේසුනි
- අපේ ප්‍රාර්ථනා අසා වදාළ මැනව, ස්වාමිනි
- ලෝක පාපවල් හරින දේවාජබාලක වූ ජේසුනි
- අපට දයා කළ මැනව, ස්වාමිනි
- ක්‍රිස්තු තුමන්ගේ වාක්දාතවලට අපි හේතුවන්ත වෙන ලෙස
- ශුද්ධවූ සෙබස්තියාම් මුනින්ද්‍රයෙනි අප නිසා යාච්ඤා කළ මැනව
අවසාන යාච්ඤාව
[සංස්කරණය]යාච්ඤා කරම්භ
ක්‍රපදයා පිරුණු අනන්ත දයාබර සර්වෙශ්වරවූ දෙවියනී! ඔබගේ උත්කෘෂ්ට "මාතීත්‍රිස්" යන ශුද්ධවූ සෙබස්තියාම් මුනීන්ද්‍රයා ඔබ නිසා වින්ද දුක් උපද්‍රවයන් ඔබවහන්සේ බලා උන්වහන්සේ වැගුරුවාවු රුධිරය අපේ ආත්ම ශරීරවලට ඖෂධ වෙන සැටියට අභිප්‍රායවූසේක්වේද උන්වහන්සේගේ පින් හේතුව බලා සිටින අප ආත්ම ලෙඩ කවර කලෙකත් නොදැක ශරීරයට ඇතිවන වසූරී කොරෝනා ආදීවූ සකල රෝගවලින් නිවාරණය කරනු පිණිස ඔබට යාච්ඤා කරමු.
මූලාශ්‍ර
[සංස්කරණය]- ^ Fr. Paolo O. Pirlo, SHMI (1997). "St. Sebastian". My First Book of Saints. Holy Mary Immaculate – Quality Catholic Publications. pp. 22–23. ISBN 971-91595-4-5.
- ^ "About St Sebastian – Associated & Catholic Colleges of WA". www.accsport.asn.au. සම්ප්‍රවේශය 3 December 2017.
- ^ White, Jackie. "The Patron Saint of Sports". සම්ප්‍රවේශය 3 December 2017.
 | සාන්තුවරයකු පිළිබඳ මෙම ලිපිය තවමත් අංකුර ලිපියකි. විකිපීඩියාවට උදවුවක් ලෙසින් ඔබ හට එය විහිදුවාලිය හැක. |