විජය කුමාරණතුංග

විකිපීඩියා, නිදහස් විශ්වකෝෂය වෙතින්
(විජය කුමාරතුංග වෙතින් යළි-යොමු කරන ලදි)
වෙත පනින්න: සංචලනය, සොයන්න
විජය කුමාරතුංග
Vijaya01.jpg
උපත කෝවිලගේ ඇන්ටන් විජය කුමාරණතුංග
ඔක්තෝම්බර් 8, 1945(1945-10-08)
ජාඇල, ශ්‍රී ලංකා
මරණය පෙබරවාරි 16 1988 (වයස 42)
පොල්හේන්ගොඩ, කොළඹ
මරණයට හේතුව ත්‍රස්තවාදී වෙඩිතැබීම
අවසන් කටයුතු නිදහස් චතුරස්‍රය
නිවහන පොල්හේන්ගොඩ
ජාතිකත්වය ශ්‍රී ලාංකික
වෘත්තිය රංගන ශිල්පී, ගායක, දේශපාලනඥ
සක්‍රීය වසර 1970 - 1988
ප්‍රසිද්ධ වන්නේ හන්තානෙ කතාව
දේශපාලන පක්ෂය ශ්‍රී ලංකා නිදහස් පක්ෂය
ආගම රෝමානු කතෝලික
කලත්‍රයා(යන්) චන්ද්‍රිකා බණ්ඩාරනායක
දරුවන්

යශෝධා කුමාරණතුංග

විමුක්ති කුමාරණතුංග

කෝවිලගේ ඇන්ටන් විජය කුමාරතුංග (දෙමළ: விஜய குமாரணதுங்க) විජය කුමාරණතුංග, ලෙසින් හඳුන්වන මොහු ශ්‍රී ලාංකීය සිනමාවෙහි ජනප්‍රියතම නළුවෙකුද, දේශපාලනඥයෙකුද වන අතර , ඔහුගේ බිරිඳ හිටපු ජනාධිපතිනි චන්ද්‍රිකා කුමාරතුංග මහත්මියයි. සරසවිය පුවත්පතේ තිබූ දැන්වීමක් අනුව සම්මුඛ පරීක්ෂණයකට පෙනී සිටීමෙන් අනතුරුව මනමාලයෝ චිත්‍රපටයේ සමූහ දර්ශනයකට පෙනී සිටිමින් චිත්‍රපට රංගනයට අවතීර්ණවු විජය කුමාරතුංගයන් සුගතපාල සෙනරත් යාපාගේ හන්තානේ කතාව චිත්‍රපටයේ ප්‍රධාන චරිතයක් රඟමින් සිනමාවේ දුර ගමනකට අත්පොත් තැබීය.[1][2][3][4][5][6][7][8][9][10][11][12][13][14][15][16][17]

පෙර අවධිය[සංස්කරණය]

මොහුගේ මුල් නාමය විජය කුමාරණතුංග වුවත් පසුකලෙක තම නාමය විජය කුමාරතුංග ලෙස වෙනස්කර ගැනීය. විජය කුමාරතුංග 1945 වර්ෂයේ ඔක්තෝම්බර් මස 09 වැනි දින රාගම මහ රෝහලදී උපත ලබා ඇත. පියා කෝවිලගේ බෙන්ජමින් කුමාරණතුංග ගම්මුලාදෑනි වූ අතර මව බියට්‍රිස් කුමාරණතුංග වූවාය. පවුලේ සහෝදර සහෝදරියන් තිදෙනෙකි සිඩ්නි කුමාරණතුංග, විවියන් කුමාරණතුංග, රූපා කුමාරණතුංග වන අතර සීදූව මහා විද්‍යාලය, කඳාන ද මැසනද් විදුහල සහ කොටහේන ශාන්ත බෙනඩික් විද්‍යාලයන් හිදී අධ්‍යාපනය හැදෑරීය. 1978 පෙබරවාරී 20 දින එකළ සිටි අගමැති වරයෙකු වූ සොලමන් වෙස්ට් රිජ්වේ ඩයස් බණ්ඩාරනායක(එස්.ඩ්බ්.ආර්.ඩී. බණ්ඩාරනායක) මහතාගේ හා ලෝකයේ ප්‍රථම අගමැතිනිය වූ සිරිමාවෝ බණ්ඩාරනායක මැතිණියගේ දියණියක් වූ චන්ද්‍රිකා බණ්ඩාරනායකව විවාහ කරගන්නා ලදි. මෙම දෙපලට දුවෙකු (යශෝධරා කුමාරණතුංග) සහ එක් පුතෙකු(විමුක්ති කුමාරණතුංග) ද සිටී. පදිංචිව සිටියේ අංක 4/4,පොල්හේන්ගොඩ පාර,කොළඹ 05. දරණ නිවසෙහිය. සිනමාවට අවතීර්ණ වීමට පෙර 'සිතිජය' නම් ගීත නාට්‍යයක රඟපා ඇත.[18]

සිනමා දිවිය[සංස්කරණය]

විජය කුමාරතුංග චිත්‍රපට ලැයිස්තුව: විජය කුමාරතුංග සිනමාගමනය

විජය කුමාරතුංගගේ ප්‍රථම චිත්‍රපටය හන්තානේ කතාව ඔහු එහි ප්‍රධාන චරිතය රඟනු ලැබූවා. ඉන් පෙර චිත්‍රපට දෙකක සහය චරිත රඟපා ඇත, ඔහු තම දිවි ඇතිතෙක් චිත්‍රපට 114ක ප්‍රධාන චරිතයට රඟපා ඇත. එයා දැන් ලොකු ළමයෙක් (1975), පොන්මනී (1977), බඹරු ඇවිත් (1977), ගඟ අද්දර (1980), බැද්දේගම (1980), පාර දිගේ (1980), මහ ගෙදර (1980), කැඩපතක ඡායා (1989) සහ ක්‍රිස්තු චරිතය (1990) ඒ අතර වේ. ඔහු විසින් දිනගන්නා ලද සම්මානද අතිමහත්ය. සරසවිය ජනප්‍රියතම නළුවා සම්මානය 1983 සිට 1988 තෙක් නොකඩවා දිනාගනු ලැබීය. එය සිනමාවේ වාර්ථාගත පිහිටුවීමකි. ඔහු මිය ගිය පසුද හොඳම නළුවා ලෙස කැඩපතක ඡායා හි ඔහුගේ රංගනයට සම්මාන ලැබූවා. මෙම චිත්‍රපටිය තිරගත වූයේ 1989දී එනම් ඔහු මියගොස් වසරකට පසුවයි. ඔහු සරසවිය හොඳම පසුබිම් ගායකයා සම්මානය දෙවතාවක් දිනාගෙන ඇත ( "සහරාවේ සිහිනය"(1990) චිත්‍රපටයට - "වළාකුළක් ගෙන මුවා කරමු හිරු" & "දොළොස් මහේ පහන" චිතපටයට - "සාරා ගුවන විද නැගුන"). එසේම, ඔහු ගායනා කල ගීත සංඛ්‍යාව 100කටත් වැඩි සේම ඔහුගේ ගීත කැසට් 10ක්ද නිකුත් කෙරිණ.(ගඟ අද්දර, කවුලුව අතරින්, වේදනා, දිනකර පායා, විජය ගී, සීත රැයේදී, මංගල නැකත, සුදු දුව, රෝස ගහ ලඟ) මෙම ඔහුගේ කිසිදු ගීතයකින් හෝ කැසට් පටයකින් ඔහු කිසිම සත පහකවත් මුදලක් ගෙන නොමැත. ඔහු මෙම සිනමා දිවියේදී "ගොඩ් කින්ග්" නම් ඉංග්‍රීසි නැටහොත් බටහිර චිත්‍රපටියක රඟපා ඇත. එසේම "නන්ගුරාන්" නැමැති දමිල චිත්‍රපටියකද දස්කම් පා ඇත. ඔහු විසින් නිෂ්පාදනය කරණු ලැබූ ප්‍රථම චිත්‍රපටිය "වරදට දඬුවම්"(1989) තිරගත වූයේ ඔහුගේ මරණයෙන් පසුවය. අවසන් චිත්‍රපටිය "ඇය ඔබට බාරයි" එළිදැක්වූයේ 1997 වර්ෂයේදීයි.

VKColour.jpg

දේශපාලන ක්‍රියාන්විතය[සංස්කරණය]

විජය සමසමාජ පක්ෂයෙන් තම දේශපාලන දිවිය ආරම්භ කරන ලදි. 1977 මහ මැතිවරණයේ දී කටාන ආසනයෙන් ශ්‍රී.ල.නි.ප. යෙන් තරඟ වැදී මනාප 19738ක් ලබා ගැනීය. ඔහු ක්‍රියාකාරී ලෙස 1982දී හෙක්ටර් කොබ්බෑකඩුව දිනවීම සඳහා සටන් වැදින. මැතිවරණයයෙන් පසුව ඔහුව නැක්සලයිට් චෝදනා මත 1982 නොවැම්බර් 19 දා හිර ගෙදරට නියම වූවා. 1983 ජනවාරි 18 දින ඔහුව නිදහස් කරන ලදි. * ක්‍රියාකාරී දේශපාලනයට එක්වීම - 1977 ශ්‍රීලනිප ට එක්වීමෙන් මහ මැතිවරණයට ඉදිරිපත් වීම. 1983 අතුරු මැතිවරණය මහර ආසනයෙන් මනප 24899ක් ලබා ගැනීය. 1984 අතුරු මැතිවරණය මින්නේරිය ආසනයෙන් ශ්‍රී ලංකා මහජන පක්ෂයෙන් තරඟ වැදී මනාප 10568 ක් ලබා ගැනීය.

1986දී යාපනයට යාම[සංස්කරණය]

1986දී විජය කුමාරණතුංග 'එල්.ටී.ටී කඳවුරු ප්‍රදේශයට ගොස් නල්ලූර් මුරුගන් කෝවිල වැඳ, දමිල ජනයන් හමුවීමෙන් පසු එල්.ටී.ටීය තරුණ නායකයින් හමු විය. පසුව ඔවුන් විසින් ආපිට ශ්‍රී ලංකා හමුදා කඳවුරු වෙත එවන ලදි.

මැරුම් කෑම[සංස්කරණය]

තම දරු දෙදෙනා සමඟ විනෝද වෙමින් සිටි කුමාරතුංග මහතාට වෙඩි තබා හිසටද ටී 56 වර්ගයේ ගිනි අවියකින් වෙඩිතබා 1988 පෙබරවාරි 16 දින මධ්‍යහන 12.20ට පමණ ලයනල් රණසිංහ නොහොත් ගාමිණී විසින් ඝාතනය කරන ලදි. තමන්ට වෙඩි තබන්නට පෙරාතුව ළමුන් දෙදෙනා ඉවතට ඇද දමා වෙඩිල්ලට ඔහු පපුව දුන්නේය.[19] සී.අයි.ඩී (CID:- Criminal Investigation Department) මගින් කල ප්‍රශ්න කිරීම් අනුව ඔහු පැවසූයේ මෙම ඝාතනය කිරීමට හේතුව ඉහලින් ආ නියෝගයක් එනම් ඔහු එකල බැදී සිටි දේශප්‍රේමී ජනතා ව්‍යාපාරය(DJV:- Patriotic People's Movement) මඟින් ආ නියෝගයක් බවයි. මේ ඝාතනය කිරීමට ජනතා විමුක්ති පෙරමුණ (People's Liberation Front) හිද සහය ලැබී ඇත. විජය කුමාරතුංගව ඝාතනය කිරීමට 1980 පමණ සිට වෑයම් කර ඇති බව ගාමිණී දුන් කට උත්තර මගින් සනාථ විය මම කොච්චර කාළයක් විජයව මරන්න හැදුවද කියල මතකනෑ. පසුව රණසිංහ ප්‍රේමදාස ජනාධිපති වරයාගේ වාර්ථා අනුව ගාමිණී ලොකුගේ සහ එකල ආරක්ෂක අමාත්‍ය රන්ජන් විජේරත්න (එක්සත් ජාතික පක්ෂයේ) යන අය විජයගේ ඝාතනයහි පසුපස සිටි බව සොයාගැනීය.[20] විජයගේ අවමංගල්‍යයෝත්සවය මිනිසුන්ගේ තදබදය මැද පැවැත් විය. විජයගේ මිනී පෙට්ටියෙහි (Coffin) හිස කොටස වසා දැමුණි. ඔහුගේ හිසට එල්ලවූ පහරින් හිස කුඩුවී මුහුණ විරූපී වී තිබුණි. අවසන් කටයුතු සිදුවූයේ 1988 පෙබරවාරි 21 දින කොළඹ "නිදගස් චතුරස්‍රය" හීදියි, එක්සත් ජාතික පක්ෂයේ සංවිධානයෙන් මෙම අවමංගල්‍යය කටයුතු සිදුවූවා. ඔහුගේ අවසන් කටයුතු සජිවීව රූපවාහිණිය (Sri Lanka Rupavahini Corporation) සම්පාදනය කරනු ලැබූවා. ඔහුගේ මරණය දැනගත් මිනිසුන් බොහෝ පිරිසක් දිවිනසා ගනු ලැබුවා. ඔහුගේ මරණය සිදුවූ අඟහරුවාදාව (16 February 1988) "භයානක අඟහරුවාදා" නැතහොත් "අඳුරු අඟහරුවාදා" යනුවෙන් ශ්‍රී ලාංකිකයන් නම් කරයි.[21]

සම්මාන[සංස්කරණය]

විජය කුමාරතුංග සම්මාන හා නිර්දේශ

සම්මාන සහ නිර්දේශයන්
සම්මානය ලබා ගැනීම් නිර්දේශිත
සරසවිය
11 11
ස්වර්ණ සංඛ
1 1
ජනාධිපති සම්මාන
1 1
OCIC
1 0
විචාරක සම්මාන
0 1
එකතුව
ලබා ගැනීම් 15
නිර්දේයන් 15

සරසවිය සම්මාන[සංස්කරණය]

වසර සම්මානය චිත්‍රපටිය වෙනත්
1983 ජනප්‍රියතම නළුවා -
රංග කුසලතා මහ ගෙදර
1984 ජනප්‍රියතම නළුවා -
1985 ජනප්‍රියතම නළුවා -
1986 ජනප්‍රියතම නළුවා -
1987 ජනප්‍රියතම නළුවා -
1988 ජනප්‍රියතම නළුවා -
රණ තිසර සම්මානය -
1989 හොඳම නළුවා කැඩපතක චායා මෙම සම්මාන හිමි වූයේ ඔහුගේ වියෝවෙන් පසුවයි
1990 හොඳම පසුබිම් ගායකයා සහරාවේ සිහිනය
1992 හොඳම පසුබිම් ගායකයා දොළොස් මහේ පහන

වෙනත් සම්මාන[සංස්කරණය]

1975 හත්වැනි විචාරක සම්මාන උලෙළ කුසලතා සහතික (‘අහස් ගව්ව’)
‍හොඳම සහාය නළුවා 1987 - ජනාධිපති සම්මාන (‍'දෙව්දුව’)
නිර්මාණශීලී රංග කුසලතා 1990 (‘කැඩපතක ඡායා’) - OCIC සම්මාන
‍හොඳම නළුවා (‘කැඩපතක ඡායා’) ස්වර්ණ සංඛ සම්මාන -1990

වෙනත්[සංස්කරණය]

  • ගීත ගැයූ මුල්ම චිත්‍රපටය - ‘පාරදිගේ’ (‘පාවෙලා යන පාර වටේ’ ගීතය)
  • නිෂ්පාදනය කළ චිත්‍රපට - ‘වරදට දඬුවම’ සහ ‘සමාව'
  • අවසන් වරට රඟපෑ චිත්‍රපටය - ‘මිහිදුම් සිහින’ - අංක 2 මිය යාමට දින දෙකට කලින් මස්කෙළියේ මෙම චිත්‍රපටයේ රූපගත කිරීම් සඳහා සහභාගි විය
  • දැරූ නිලතල - ශ්‍රී ලංකා මහජන පක්ෂයේ නායක
  • පාවිච්චි කළ වාහනය - ඩබල් කැබ්
  • සංචාරය කළ රටවල් - එංගලන්තය, නෝර්වේ, ස්වීඩන්, ඩෙන්මාර්ක්, ප්‍රංශය, ජර්මනිය, ඉන්දියාව, සිංගප්පූරුව, රුසියාව, ස්විට්සර්ලන්තය, පකිස්ථානය, ඉතාලිය, ක්වේට්, ඕලන්දය, බෙල්ජියම.
  • විජයගේ අවසාන පුවත්පත් සාකච්ඡාව - ප්‍රේම් දිසානායක සංස්කරණය කළ ‘කලා’ 1988 (සුනිල් මිහිකුල සමඟ)
  • විජය පුවත්පතකට ලියූ අවසාන ලිපිය - 1988 පෙබරවාරි 14 වැනිදා ‘සිළුමිණ’ පත්‍රයේ පළ විය. (ශීර්ෂ පාඨය - “අර්බුදය විසඳන්න ගිවිසුම පමණක් මදි”)

Vijayalogo.jpg

මේවාද බලන්න[සංස්කරණය]

විජය කුමාරතුංග ගැයූ ගීත
විජය කුමාරතුංග සිනමාගමනය
සිංහල සිනමාව
සරසවිය සම්මාන

මූලාශ්‍ර[සංස්කරණය]

  1. http://cinema.lk/%E0%B7%80%E0%B7%92%E0%B6%A2%E0%B7%9A%E0%B6%9C%E0%B7%9A-%E0%B6%A2%E0%B6%B1%E0%B7%8A%E0%B6%B8-%E0%B6%AF%E0%B7%92%E0%B6%B1%E0%B6%BA-%E0%B6%85%E0%B6%AF%E0%B6%BA%E0%B7%92/
  2. http://mawbima.lk/1-79330-news-detail.html
  3. http://archives.dailynews.lk/2013/02/19/news34.asp
  4. http://www.sundaytimes.lk/080928/TV/sundaytvtimes_09.html
  5. විජයට වෙඩි තැබූවේ. 
  6. ලංකාවේ දුප්පත්ම නළුවා විජය. 
  7. http://www.mawbima.lk/145-99091-news-detail.html
  8. http://mawbima.lk/1-98673-news-detail.html
  9. http://www.silumina.lk/2015/02/15/_art.asp?fn=ss1502155
  10. http://www.asiantribune.com/node/88556
  11. http://newsfirst.lk/english/2016/02/fmr-president-cbk-speaks-on-late-vijaya-kumaratunga/128615
  12. http://newsfirst.lk/english/2016/02/chandrika-kumaratunga-attends-memorial-event-held-for-late-vijaya-kumaratunga/128455
  13. http://thewire.in/53007/understanding-resilience-covering-devastation/
  14. http://www.dailynews.lk/?q=2016/04/30/features/80279
  15. http://tamilweek.com/news-features/archives/597
  16. http://newsfirst.lk/english/2015/02/vijaya-kumaratunga-remembered-today-marks-27th-death-anniversary/78450
  17. http://www.sarasaviya.lk/2015/01/29/?fn=sa1501296
  18. http://www.silumina.lk/2015/02/15/_art.asp?fn=ss1502155&p=1
  19. http://www.silumina.lk/2015/02/15/_art.asp?fn=ss1502155
  20. Vijaya Kumaratunga assassination was a UNP conspiracy: Gamini Lokuge's gun alleged death weapon (Sunday Observer, 21 March 2004)
  21. "Devolution only solution - CBK (Vijaya's 20th Death Anniversary)". BBC News. 19 February 2008. 
"https://si.wikipedia.org/w/index.php?title=විජය_කුමාරණතුංග&oldid=378193" වෙතින් සම්ප්‍රවේශනය කෙරිණි