ව්ලැඩිමියර් ලෙනින්

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න

ව්ලැඩ්මියර් ඉල්යීච් ලෙනින් (Vladimir Ilyich Lenin, Владимир Ильич Ленин) (22 අප්‍රේල් 1870 - 21 ජනවාරි 1924)රුසියානු කොමියුනිස්ට් විප්ලවවාදියෙකු, දේශපාලකයෙකු සහ දේශපාලන න්‍යායාචාර්ය වරයෙකු විය. 1917 සිට ඔහු රුසියානු සෝවියට් සමාජවාදී ජනරජයේ (http://en.wikipedia.org/wiki/Russian_SFSR Russian SFSR) රාජ්‍ය නායකයා ලෙස කටයුතු කල අතර, 1922 සිට මියයන තෙක්ම සෝවියට් දේශයේ අගමැති වරයා ලෙසද කටයුතු කලේය. වෘත්තියෙන් නීතීඥයෙකු වූ ලෙනින් බොල්ෂෙවික් පක්ෂයේ නායකයා විය. තවද ඔහු ඔක්තෝබර් විප්ලවයේ පුරෝගාමී නායකයෙකුද විය.ලෙනින් දේශපාලනමය වශයෙන් මාක්ස් වාදියෙකු වූ අතර, ඔහු ඉදිරිපත් කල සමහර න්‍යායන් "ලෙනින් වාදය" ලෙස ව්‍යවහාරයේදී හදුන්වා ඇත. මාක්සියානු ආර්ථික මූලධර්ම සමග ලෙනින් වාදය එක්ව ගත් කල "මාක්ස්-ලෙනින්" වාදය ලෙස දැක්වේ.

විලැඩිමීර් ලෙනින්


මුල් සමය[සංස්කරණය]

1870 අප්‍රේල් 22 දින රුසියානු අධිරාජ්‍යයේ "සිම්බිර්ස්ක්" නගරයේ(දැන් "යූලියානොව්ස්ක්",http://en.wikipedia.org/wiki/Simbirsk) ධනවත් මධ්‍යම පාන්තික පවුලක ලෙනින් උපත ලැබීය.ඔහුගේ මව ගුරුවරියක් වූ අතර පියා රජයේ අධ්‍යාපන නිලධරයෙකු විය.(ලෙනින්ගේ පියාගේ රැකියාව නිසා ඔවුන්ට සමාජයේ ඉහල පිලිගැනීමක් ලැබුනි.) ලෙනින් දේශපාලනය පිලිබඳව හැදෑරීම ඇරඹුවේ ද්විතියික පාසලේදීය. ඔහු ඉගෙනුමට දක්ශ වූ අතර ග්‍රීක සහ ලතින් භාශා මනාව උගත්තේය. එවකට රුසියානු අධිරාජ්‍යයේ පාලකයා වූ සාර් වරයාට එරෙහිව විරෝධතා පැවැත්වීම හේතුවෙන් 1887 වසරේදී ඔහුව කාසාන් සරසවියෙන් නෙරපා හැරිණි. එහෙත් සිය අධ්‍යාපණ කටයුතු අත් නොහල ලෙනින්, තනිව පොත් පත් කියවමින් නීතිය පිලිබන්ඳව හැදෑරීය. 1891 වසරේදී නීතීඥ බලපත්‍රය ලබාගැනීමටද ඔහු සමත් විය.

ලෙනින් සරසවියෙන් නෙරපා දැමූ වසරේදීම ඔහුගේ සොයුරා වන ඇලෙක්සැන්ඩර්, සාර් රජය විසින් එල්ලා මරා දැමිනි. එයට හේතුව ඔහු තුන්වන ඇලෙක්සැන්ඩෙර් සාර් වරයා මරා දැමීමේ කුමන්ත්‍රණයට හවුල් වීමයි. එමෙන්ම ඔවුන්ගේ සොයුරිය වූ ඇනා ද ටාටර් දේශය වෙත පිටුවහල් කෙරුනි. මේ සිදුවීම් වලින් දැඩි කෝපයට හා කනස්සල්ලට පත්වූ ලෙනින්, සිය සොයුරා වෙනුවෙන් සාර් වරුන්ගෙන් පලි ගැනීමට අදිටන් කරගත්තේය.

"https://si.wikipedia.org/w/index.php?title=ව්ලැඩිමියර්_ලෙනින්&oldid=412626" වෙතින් සම්ප්‍රවේශනය කෙරිණි