මේරි දුර්ගා
| මේරි දුර්ගා | |
|---|---|
 මේරි දුර්ගා තේමා පාඨය | |
| ප්‍රභේදය | සෝප් ඔපෙරා නාට්‍ය |
| තැනුවේ | පේපර්බැක් ෆිල්ම්ස් |
| රචනය කලේ | පංඛූරි ජයින් ලක්ෂ්මී ජයකුමාර් රඝුවීර් ශෙඛාවත් |
| අධ්‍යක්ෂණය කලේ | රවීන්ද්‍ර ගෞතම් භූපේෂ් කුමාර් |
| රඟපෑම | විකී අහූජා ශ්‍රීෂ්ති ජයින් අනන්‍යා අගර්වාල් |
| සම්භව රට | ඉන්දියාව |
| භාෂාව(න්) | හින්දි |
| කථාවාර සංඛ්‍යාව | 1 |
| කථාංග ගණන | 203 |
| නිෂ්පාදනය | |
| නිෂ්පාදක(යෝ) | |
| ස්ථානය(න්) | හර්යානා මුම්බායි |
| නිෂ්පාදන සමාගම | පේපර්බැක් ෆිල්ම්ස් |
| ප්‍රචාරණය | |
| මුල් නාලිකාව | ස්ටාර් ප්ලස් |
| මුල් ධාවනය | 26 ජනවාරි 2017 – වර්තමානය |
| බාහිර සබැඳි | |
| [1] | |
මේරි දුර්ගා යනු ස්ටාර් ප්ලස් නාළිකාව ඔස්සේ විකාශය වන නිෂ්පාදකවරයකු බවට පත් අධ්‍යක්ෂක රවීන්ද්‍ර ගෞතම් සහ නිෂ්පාදක ප්‍රදීප් කුමාර් විසින් සිය “පේපර්බැක් ෆිල්ම්ස්” සන්නාමය යටතේ නිර්මාණය කරන ලද ඉන්දියානු රූපවාහිනී කතාමාලාවකි. මෙම කතාමාලාව විකාශය ඇරඹූයේ 2017 ජනවාරි 26 දින ය.[1][2][3]
කථාපුවත
[සංස්කරණය]මෙම කථාව ගලායන්නේ ධාවන ශිල්පිනියක වීමට සිහින මවන දැරියකගේ (දුර්ගා) අත්දැකීම් ඔස්සේ ය. මෙමගින් පියකු සහ දියණියකගේ අලංකාර සහ සංවේදී සම්බන්ධතාව නිරූපණය වේ. ජීවිතයේ සැබෑ අත්දැකීම් ඉස්මතු කරමින් යෂ්පාල් චෞධරි (පියා) හර්යානාහි පාසලක ලිපිකරුවකු ලෙස සේවය කරයි. ඔහුගේ එකම සිහිනය වන්නේ සිය දියණිය වන දුර්ගාගේ අනාගතය උදෙසා ඇයට අධ්‍යාපනය ලබා දීමයි. කැපවී ඉගෙනුම ලැබුව ද, දුර්ගාට යෂ්පාල්ගේ අරමුණු වෙත ළඟා විය නොහැකි වේ. සිය අනෙකුත් ඥාතීන් මෙන් නොව පාසල් ලිපිකරුවකු වන යෂ්පාල් පිරිමි දරුවකු වුව ද, ගැහැනු දරුවකු වුව ද අධ්‍යාපනයෙන් ඉදිරියට යා යුතු බවට ප්‍රගතීශීලී මත දරන්නෙකි. අනෙක් අතින්, 12 වියැති ක්‍රියාශීලී දැරියක වන දුර්ගා හර්යානාවේ සැමතැනම සැරිසරයි. සරුංගල් පසුපස දිවීම, අඹ ගස් මතට නැගීම සහ ගංගාවේ පිහිනීමට ඇය ප්‍රිය කරයි. ළමාවියේ සොඳුරු බව අත්වින්ද ද, දුර්ගාට සිය පියාගේ අපේක්ෂා සැබෑ කළ නොහැකි වේ. ඇයට ගණනය කිරීම් නොවැටහෙන අතර, අකුරු සහ ඉලක්කම් අතර ඇය අතරමං වේ. අනතුරුව කථාව වසර කිහිපයක් ඉදිරියට දිව යයි.
වසර 5ක ඉදිරිය
[සංස්කරණය]වසර 5කට පසු, දුර්ගා වැඩී සිටින අතර, සිය පවුල රැක බලාගැනීම මෙන්ම සිය සිහින ඉටු කරගැනීමේ ද වගකීම ඇයට පැවරී ඇත. ඇයට සිය සිහින ඉටු කරගැනීමට අවැසි ය. පසුව ඇයට සංජේ ප්‍රින්ස් හෙවත් එස්පී නම් ඇගේ පාසල් වියේ මිතුරාව හමුවේ.
චරිත නිරූපණය
[සංස්කරණය]ප්‍රධාන
[සංස්කරණය]- විකී අහූජා, යෂ්පාල් චෞධරි ලෙස
- ශ්‍රීෂ්ති ජයින්, දුර්ගා ලෙස
- පරස් කල්නවත්, නංජේ ප්‍රින්ස් හෙවත් එස්පී ලෙස
- සත්‍යා තිවාරි, විද්‍යාල සභාපති සෑම් ලෙස
ප්‍රතිවර්තී චරිත
[සංස්කරණය]- අමර්දීප් ජා, දාදි ලෙස
- රජීව් කුමාර්, බ්‍රීජ්පාල් ලෙස
- උර්ෆි ජාවෙද්, ආර්තී ලෙස
- රශ්මි ෂාව්, අන්නපූර්ණා ලෙස
- ජ්‍යෝතිකා කුක්‍රේටි, ශීලා චාචි ලෙස
- ඓශ්වර්යා ෂර්මා / සොනාල් පරිහාර්, අම්රිතා ලෙස
- රාජේශ් ශ්‍රීන්ගර්පූරේ / අංකුර් නයියර්, රාජ්වීර් රාණා පුහුණුකරු ලෙස
- රාජ් ශ්‍රනාගත්, මනෝහර් ලෙස
- ප්‍රින්ස් සිං, 2/2 භග්වත් ලෙස
- ආශ්නා කිෂෝර්, ශිල්පා ලෙස
- රකීබ් අර්ෂද්, SRK ලෙස
- මොහම්මද් සවුද්, බන්සි ලෙස
- රාමංශ් බුන්දේලා, බන්ටු ලෙස
- ඩොලී සෝහි, එස්පීගේ මව ලෙස
- පරස් ෂර්මා, එස්පීගේ සොහොයුරා ලෙස
- අභිලාෂා ජඛාර්, එස්පීගේ සොයුරිය ලෙස
හිටපු චරිත
[සංස්කරණය]- අනන්‍යා අගර්වාල්, ලාබාල දුර්ගා ලෙස
- අර්ෂිෆා ඛාන්, ලාබාල ආර්තී ලෙස
- යෂ් මිස්ත්‍රි, ලාබාල සංජේ ප්‍රින්ස් ලෙස
- අධ්වික් මහාජාන්, මාධව් ලෙස
- සෝහම් ජාධව්, ලාබාල මනෝහර් ලෙස
- සංජේ කෞෂික්, රිෂි ලෙස
- රාඛී ටන්ඩන්, සුභද්‍රා ලෙස
- නන්දනී මාස්ටර්, ශ්‍රීජිතා ලෙස
- මෝසින්, ලාබාල භග්වත් ලෙස
අන්තර්ජාතික විකාශය
[සංස්කරණය]
ශ්‍රී ලංකාව තුළ සිංහලෙන් හඬකවන ලද මෙම කතාමාලාව ටීවී දෙරණ නාළිකාව ඔස්සේ දුවන ළමයා යන තේමාව යටතේ විකාශය වේ.
ආශ්‍රේයයන්
[සංස්කරණය]- ^ http://timesofindia.indiatimes.com/tv/news/hindi/ravindra-gauta-meri-durga-is-a-tale-of-a-fathers-mind-and-heart/articleshow/56624104.cms
- ^ http://www.tellychakkar.com/tv/tv-news/star-plus-meri-durga-launch-26-january-170107
- ^ සංරක්ෂිත පිටපත, http://tc02.tellychakkar.com/tv/tv-news/vicky-ahuja-spends-time-real-life-school-peons-170109, ප්‍රතිෂ්ඨාපනය 2017-09-01
බාහිර සබැඳි
[සංස්කරණය]- මේරි දුර්ගා සංරක්ෂණය කළ පිටපත 2017-08-30 at the Wayback Machine සඳහා හොට්ස්ටාර්හි ඇති ගිණුම