ගම්පහ දුම්රිය ස්ථානය

විකිපීඩියා, නිදහස් විශ්වකෝෂය වෙතින්
Jump to navigation Jump to search
ගම්පහ දුම්රිය ස්ථානය
දුම්රියපල සංඛ්‍යාලේඛන
ලිපිනයගම්පහ
ශ්‍රී ලංකාව
මාර්ග(ය)ප්‍රධාන දුම්රිය මාර්ගය
වෙනත් තොරතුරු
විද්‍යුතනයනැත
හිමිකාරත්වයශ්‍රී ලංකා දුම්රිය සේවය

ගම්පහ දුම්රිය ස්ථානය යනු ශ්‍රී ලංකාවේ බස්නාහිර පළාතේ ගම්පහ නගරයේ පිහිටි දුම්රිය ස්ථානය වේ.

පිහිටීම[සංස්කරණය]

ගම්පහ නගර මධ්‍යයේ හෙනරත්ගොඩ උද්භිද උද්‍යානයට ආසන්නයෙන්ම ගම්පහ දුම්රිය ස්ථානය පිහිටා තිබේ. එසේම බණ්ඩාරනායක ජාත්‍යන්තර ගුවන්තොටුපළ සහ කොළඹ කොටුව දුම්රිය ස්ථානයේ සිට පිළිවෙලින් කිලෝමීටර 15 සහ 28 දුරකින් මෙම දුම්රිය ස්ථානය පිහිටයි. ගම්පහ දුම්රිය ස්ථානය, කොළඹ කොටුව දුම්රිය ස්ථානයේ සිට ප්‍රධාන දුම්රිය මාර්ගයේ 15වැනියාට හමුවන දුම්රිය ස්ථානය වන අතර එය මුහුදු මට්ටමේ සිට මීටර 10.97 ක උන්නතාංශයකින් යුතුව පිහිටා තිබේ.[1]

ඉතිහාසය[සංස්කරණය]

හෙනරත්ගොඩ පැරණි දුම්රිය ස්ථානය

රටේ මධ්‍ය කදුකරයේ සිට කොළඹ දක්වා තේ හා කෝපි වැනි භාණ්ඩ ප්‍රවාහනය පහසු කරවීම වෙනුවෙන් 1864 දෙසැම්බර් 27 වන දිනදී බ්‍රිතාන්‍යයන් විසින් හෙනරත්ගොඩ දුම්රිය ස්ථානය නමින් ගම්පහ දුම්රිය ස්ථානය ගොඩනගන ලදී.[2][3] වර්ෂ1926දී දුම්රිය ස්ථානය ද්විත්ව මාර්ග දුම්රිය ස්ථානයක් බවට පත්විය.

පසුකාලීනව පැරණි හෙනරත්ගොඩ දුම්රිය ස්ථාන ගොඩනැගිල්ල අත්හැර දැමුණු අතර, ඒ ආසන්නයේම වත්මන් දුම්රියපල ගොඩනගා තිබේ. ගම්පහ දුම්රිය ස්ථානයේ වේදිකා අන්තයේ සිටම දැකගත හැකි හෙනරත්ගොඩ පැරණි දුම්රිය ස්ථානය වර්ථමානයේ ගම්පහ කලාපීය පුරාවිද්‍යා කාර්යාලය ලෙස භාවිතයට ගැනේ.[4]

මූලාශ්‍ර[සංස්කරණය]

  1. "ගම්පහ රේල්වේ ස්ටේෂන්". පොඩිමැණිකේ. Retrieved 28 මාර්තු 2015.
  2. "ගම්පහ". event.lk. Retrieved 28 මාර්තු 2015.
  3. "කටිං ද ෆස්ට් සොඩ් ඔෆ් එර්ත් ෆෝර් ද රේල් වේ ඉන් 1858". colombofort.com. Retrieved 28 මාර්තු 2015.
  4. "හෙනරත්ගොඩ ඕල්ඩ් රේල්වේ ස්ටේෂන්". ඩේලි නිව්ස්. 5 ජූනි 2009. Retrieved 28 මාර්තු 2015.
"https://si.wikipedia.org/w/index.php?title=ගම්පහ_දුම්රිය_ස්ථානය&oldid=393011" වෙතින් සම්ප්‍රවේශනය කෙරිණි