ආජ් ජානේ කී සිද් නා කරෝ

විකිපීඩියා වෙතින්
"ආජ් ජානේ කී සිද් නා කරෝ"
ගීතය ගයන්නේ හබීබ් වාලි මොහම්මද්
ගණයඝසල් (යමන් කල්‍යාණ් රාගය)
දිග7:11
සංගීත අධ්‍යක්ෂ(යන්)සොහේල් ‍රාණා
පද රචක(යන්)ෆයාස් හාශ්මි

ආජ් ජානේ කී සිද් නා කරෝ (උර්දු: පරිවර්. අද යන්න කියා බල නොකරන්න) යනුවෙන් හැඳින්වෙන්නේ පාකිස්තානී කවි ෆයාස් හාශ්මි විසින් රචිත ගීතයකි.[1] සොහේල් රාණා නම් ප්‍රකට පාකිස්තානී සංගීතඥයා විසින් මෙහි තනු නිර්මාණය කරන ලදී.[2] ශාස්ත්‍රීය ගායකයන් අතර මෙම ගීතය ජනප්‍රිය වූ අතර, හබීබ් වාලි මොහම්මද් විසින් එය බාදල් ඕර් බිජ්ලී (1973) නම් පාකිස්තානී චිත්‍රපටයේ ගීතයක් ලෙස ගායනා කොට තිබේ. සුප්‍රකට ඝසල් ගායිකා ෆරීදා ඛානුම් විසින් පීටීවී (පාකිස්තාන් ටෙලිවිෂන්) වෙනුවෙන් මෙය ගායනා කොට ඇති අතර, ඇගේ බොහෝ මහජන ප්‍රසංගයන් හි මෙය නිතර ගායනා වූවකි.[3] මෙම ගීතය යමන් කල්‍යාණ් රාගයෙන් ගායනා කෙරේ.[4]

මෙම ගීතයෙහි වූ අලංකාර තනුව සහ එහි වූ රෝමාන්තික පද මාලාව හේතුවෙන්, වෙනත් ගායක ගායිකාවන් විසින් ද මෙය විවිධ අවස්ථාවන් හි ගායනා කොට තිබේ. ඒ අතර සුප්‍රකට භාරතීය ගායිකා ආශා භෝස්ලේ (ආශා භෝස්ලේ: ලව් සුප්‍රීම්, 2006)[5] ද වේ. මෙම ගීතය මීරා නායර්ගේ ගෝල්ඩන් ලයන් සම්මානලාභී මොන්සූන් වෙඩිං (2001) චිත්‍රපටයෙහි ජවනිකාවක පසුබිම් සංගීතය ලෙස යොදාගෙන ඇත.[6] හබීබ් වාලී මොහම්මද්ගේ මුල් ගායනය ද තවමත් ප්‍රචලිත ය. එසේම මෙම ගීතය ශංකර් ටකර්ගේ 'ද ශ්‍රැති බොක්ස්' නම් මාර්ගගත සංගීතමය වැඩසටහන් මාලාවෙහි ද යොදාගැනුණු අතර, එය ගායනා කළ්සෙ රෝහිනී රාවඩා විසිනි. ඒ.ආර්. ‍රහ්මාන් විසින් ද මෙම ගීතය එම්ටීවී අන්ප්ලග්ඩ් සීසන් 2 හි දී ගායනා කොට තිබේ.[7]

මෙම ගීතය 2016 පෙබරවාරි 9 දින විකාශය වූ සෝනි ටීවී හි ක්‍රයිම් පැට්‍රල් හි කථාංගයක ද භාවිතා විය.

මහේෂ් භට් විසින් ද මෙම ගීතය නාම්කරණ් නම් රූපවාහිනී කතාමාලාව සඳහා ප්‍රතිනිර්මාණය කොට ඇත්තේ තබ්ලා භාවිතයෙන් යශ් ව්‍යාස් කණ්ඩායම සමඟයි. මෙය ගායනා කරනු ලබන්නේ අරිජිත් සිං විසින් වන අතර, එය 2016 අගෝස්තුවේ ස්ටාර් ප්ලස් නාලිකාව තුළින් විකාශය විය.

ප්‍රීතම් විසින් ද මෙය ප්‍රතිනිර්මාණය කොට, 2016 දී ඒ දිල් හේ මුෂ්කිල් චිත්‍රපටය සඳහා යොදාගන්නා ලද්දේ ශිල්පා රාව්ගේ හඬිනි.[8]

මෙම ගීතයෙහි තවත් ප්‍රභේදයක් පපොන් විසින් එම්ටීවී අන්ප්ලග්ඩ් සීසන් 7 සඳහා ගායනා කොට තිබේ.[9]

බොලිවුඩ් ගායිකාවක සහ ඉන්ඩියන් අයිඩල් 2018 හි විනිසුරුවරියක වූ නේහා කක්කර් විසින් ද මෙම ගීතය සුපිරි නළු ජීතේන්ද්‍රගේ ඉල්ලීම මත 36වන කොටසේ දී ගායනා කොට ඇත.

ආශ්‍රේයයන්[සංස්කරණය]

  1. "When mood and melody merged". The Hindu. Chennai, India. 2006-11-13. 2013-12-03 දින මුල් පිටපත වෙතින් සංරක්ෂණය කරන ලදී., Retrieved 31 October 2016
  2. සංරක්ෂිත පිටපත, http://www.sohailrana.com/biography.html, ප්‍රතිෂ්ඨාපනය 2022-02-03 
  3. "New Delhi News : Bollywood tales of stardom and the big bad world Cinema". The Hindu. Chennai, India. 2008-01-13. 2008-01-16 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 31 October 2016.
  4. Ramnarayan, Gowri (2010-11-16). "The romance of the verse". The Hindu. Chennai, India., Retrieved 31 October 2016
  5. Love Supreme- Asha Bhosle- View More by This Artist 2006 iTunes, Retrieved 31 October 2016
  6. "Soundtracks for Monsoon Wedding (2001)". IMDb. සම්ප්‍රවේශය 31 October 2016.
  7. [1] Retrieved 31 October 2016
  8. Archived at Ghostarchive and the Wayback Machine: Aaj Jaane Ki Zid Na Karo - Lyric Video | Ae Dil Hai Mushkil | Ranbir | Aishwarya | Pritam | Shilpa. YouTube.
  9. Archived at Ghostarchive and the Wayback Machine: Aaj Jaane Ki Zidd Na Karo - Papon | MTV Unplugged. YouTube.


සැකිල්ල:Song-stub

"https://si.wikipedia.org/w/index.php?title=ආජ්_ජානේ_කී_සිද්_නා_කරෝ&oldid=591349" වෙතින් සම්ප්‍රවේශනය කෙරිණි