අයිෆෝන්

විකිපීඩියා, නිදහස් විශ්වකෝෂය වෙතින්
Jump to navigation Jump to search

ඇපල් අයිෆෝනය යනු ඇපල් සමගම විසින් නිෂ්පාදිත ස්මාර්ට් ෆෝන් විශේෂයකි. මෙය ඇපල් සමගම විසින් නිෂ්පාදිත iOS නම් මෙහෙයුම් පද්ධතියෙන් ක්‍රියාත්මක වේ. 2010 ජුනි මස වනතෙක්ම iOS එක හැඳින්වුයේ iphone OS ලෙසයි. iOS හි 4 වන සංස්කරණයෙන් පණ ලබන ප්‍රථම අයිෆෝනය වෙළඳපොළට නිකුත්කරනු ලැබුවේ 2007 හි ජුනි 27 වන දිනයි. නුතනම අයිෆෝනය වන්නේ හයවන පරම්පරාවේ iPhone 5 නමින් හඳුන්වනු ලබන පස්වන අයිෆොනයයි. මෙය 2012 සැප්තැම්බර් 21 දින වෙළඳපොළට නිකුත් කළේය. මෙහි පරිශීලක අතුරු මුහුණත බහු ස්පර්ශ සංවේදී තිරයකින් හා අතත්‍ය යතුරුපුවරුවකින්ද සමන්විතය. මෙයට wi-fi මෙන්ම 2G, 3G හා 4G සම්බන්ධතාවය ද ඇත.

අයිෆොනයට වීඩියෝ තිරගත කිරීමට ද, ඡායාරූප ගැනීමට ද, විදුලි තැපැල් යැවීමට හා ලබා ගැනීමට ද, අන්තර්ජාලයේ සැරිසැරීමට ද, විවිධ ගීත ධාවනය කිරීමට ද, වීඩියෝ ක්‍රීඩා කිරීමට ද, GPS තාක්ෂණය සමග කටයුතු කිරීමට ද පුළුවන. මෙයට අවශ්‍ය මෘදුකාංග ලබාගැනීමට App Store නමැති ස්ථානයක් ද ඇත. මෙහි අයිෆොනයට සරිලන මෘදුකාංග 775,000 පමණ පවතී.

හයවන පරම්පරාවේ අයිෆෝනය තෙක්ම සියලුම අයිෆෝන නිකුත්වන විට ඊට සමගාමීව iOS හි ප්‍රධාන සංස්කරණයක් ද එළි දැක්විය. පළමු පරම්පරාවේ ප්‍රථම අයිෆෝනය GSM තාක්ෂණයට පමණක් සහයෝගය දක්වන ප්‍රාථමික මට්ටමේ ස්මාර්ට් ෆෝනයක් විය. සයවන පරම්පරාවේ පස්වන අයිෆෝන නිකුත්වන තෙක්ම නිකුත් වූ අනෙක් සියලුම අයිෆෝන එකම පන්නයේ අයිෆෝන විය. ඒවායේ තිර ප්‍රමාණය මෙන්ම බාහිර පෙනුම ද යම් තරමක සමානත්වයක් ගත්තේය. තුන්වන පරම්පරාවේ අයිෆෝනය පැමිණීමත් සමග ඊට 3G තාක්ෂණය සමග මෙන්ම A -GPS තාක්ෂණය සමග ද එක හා සමානව වැඩකටයුතු කරගෙන යාමේ හැකියාව උදා විය. මෙයට පසුව වෙළඳපොළට පැමිණි iPhone 3Gs සතුව වඩා වේගවත් ක්ෂුද්‍ර සකසනයක් හා වඩා උසස් මට්ටමේ වීඩියෝ (480p ) පටිගත කිරීමේ හැකියාවක් තිබිණ. හතරවන (iPhone 4) අයිෆෝන මාදිලියට වඩා තියුණු විභේධන බලයකින් යුක්ත (960p x 640p ) රෙටිනා නම් වූ තාක්ෂණයෙන් යුක්ත වූ තිරයක් ලැබිණ. තවද මෙයට front facing කැමරාවක් ලැබුණු අතර, වීඩියෝ කෝල් ලබාගැනීමේ හැකියාවක් ලැබිණ. මෙයට මෙගාපික්සල් පහකින් යුක්ත වූ පසු පසු කැමරාවක් ලැබුණු අතර, එයට 720p HD වීඩියෝ පටිගත කිරීමේ හැකියාව ලැබුණි. මෙයට පසු පැමිණි ඇපල් අයිෆොන් 4S මාදිලියට මෙගාපික්සල් අටක පසුපස කැමරාවක් ලැබුණු අතර 1080p HD වීඩියෝ පටිගත කිරීමේ හැකියාව ද ලැබුණි. මෙය පණ ලැබුයේ ද්විත්ව-කෝර් ක්ෂුද්‍ර සකසනයකිනි. මෙය සමග පැමිණි සිරි නම් වූ ස්වභාවික ශබ්ධ පරිපාලන පද්ධතිය අයිෆෝනයේ වටිනාකම තවත් වැඩිකරන ලදී. පස්වන අයිෆෝනය ඇපල් A 6 නම් වූ ක්ෂුද්‍ර සකසනයකින් හා වඩා විශාල වූ අඟල් හතරක රෙටිනා තාක්ෂණයෙන් යුත් තිරයකින් පැමිණියේය. මෙතෙක් පැවතී පින් 30 සම්බන්ධකය වෙනුවට ලයිට්නින් සම්බන්ධකය පැමිණියේය.


මෙම ලිපිය සංස්කරණය කළ මම සෙනුර කෙහෙළිය හේරත්. මගේ email ලිපිනය keheliya3@gmail.com. මින්පසු මෙය සංස්කරණය කරන පුද්ගලයින් මීට පහළින් තමාගේ අනන්‍යතාව සඳහන් කරන්න. මෙම ලිපිය සංස්කරණයට යොදාගනු ලැබුවේ Google සමාගමේ සබැදිව Google ආදාන මෙවලම යන මාර්ගගත (online) සිංහල යතුරුලියනය කරන වැඩසටහනයි.

"https://si.wikipedia.org/w/index.php?title=අයිෆෝන්&oldid=444868" වෙතින් සම්ප්‍රවේශනය කෙරිණි