සනම් තේරි කසම් (2016 චිත්‍රපටය)

විකිපීඩියා වෙතින්
Jump to navigation Jump to search
සනම් තේරි කසම්
Sanam Teri Kasam 2016.jpeg
නිකුතු පෝස්ටරයක්
හින්දිसनम तेरी कसम
අධ්‍යක්ෂණයරාධිකා රාඕ
විනයි සප්රු
නිෂ්පාදනයදීපක් මුකුට්
රංගන ශිල්පීන්
සංගීතයහිමේෂ් රේෂම්මියා
සිනෙමාරූපණයචිරන්තන් දාස්
චිත්‍රාගාරය
  • ජූම් ජූම් ප්‍රොඩක්ෂන්ස්
  • සොහාම් රොක්ස්ටාර් ප්‍රොඩක්ෂන්ස්
බෙදා හරින ලද්දේඊරෝස් නව්[1]
නිකුත්වූ දිනය(න්)5 පෙබරවාරි 2016 (2016-02-05) (ඉන්දියාව)
දිවෙන කාලයමිනිත්තු 154[2]
රටඉන්දියාව
භාෂාවහින්දි
ආදායමඇස්ත.INR9 කෝටි (US$1.4 මිලියන)[3]

සනම් තේරි කසම් (සිංහල: ඔබ මත දිව්රමි මා පෙම්බරියේ) යනු හර්ෂ්වර්ධන් රාණේ සහ මාව්රා හොකේන් රඟන 2016 ඉන්දියානු ප්‍රේම වෘත්තාන්ත නාට්‍ය චිත්‍රපටයකි. මෙය අධ්‍යක්ෂණය කරන ලද්දේ රාධිකා රාඕ-විනයි සප්රු යුවළ විසින් වන අතර, නිෂ්පාදනය කරන ලද්දේ දීපක් මුකුට් විසිනි. මෙම චිත්‍රපටය එරික් සේගල්ගේ ලව් ස්ටෝරි නවකථාවේ නූතන අනුවාදයක් සේ සැලකේ. 2016 පෙබරවාරි 5 දින ඊරෝස් නව් නිෂ්පාදන බැනරය යටතේ මෙම චිත්‍රපටය ලොවපුරා මුදාහැරිණි.[4][5][6][7]

කථාපුවත[සංස්කරණය]

චිත්‍රපටය ඇරඹෙන්නේ නීතිඥ ඉන්දර් ලාල් පරිහාර් (හර්ෂ්වර්ධන් රාණේ) නඩුවක් ජයග්‍රහණය කිරීමෙන් පසුව සැමදෙනාම ඔහුට සුබපැතීමත් සමගයි. නිවස බලා යන ඉන්දර් මත්පැන් බෝතලයක් ද රැගෙන සිය පසුපස වත්තේ ඇති සකුරා ගසක් යටට වී සිටගෙන සිටියි. මෙම ගසෙහි ක‍‍ඳෙහි නමක් සහ දිනයක් කොට ඇත. එතැන භූමදාන කොට ඇත්තේ ඇගේ බිරිඳ ය. මේත් සමග අතීතාවර්ජනයක් සිදුවේ.

සරස්වතී "සරූ" පාර්ථසාර්තී (මාව්රා හොකේන්) තරුණ පුස්තකාල නිලධාරිණියක වන අතර, ඇ‍ගේ සම්ප්‍රදායික පෙනුම නිසා සෑමදෙනාම ඇය විරූපී යයි සලකති. මේ නිසා ඇයට ගැළපෙන සැමියකු සොයාගැනීම ද දුෂ්කර වී ඇත. ඇගේ රූමත් නැගණිය වන කාවේරිට විවාහ වීමට අවශ්‍ය වුව ද, සරූගේ විවාහය සිදුවන තෙක් ඇයට විවාහ වීමට පියා ඉඩ නොදේ. මේ නිසා සොයුරියන් දෙදෙනා අතර දබරයක් ඇතිවන්නේ කාවේරිගේ පෙම්වතා ඇයට විවාහ වීමට මාසයක කාලයක් පමණක් ලබාදෙන හෙයිනි. මේ නිසා සරූට ඉක්මණින් මනාලයකු සෙවීමට සිදුවේ. පාර්ථසාර්තී පවුල යනු ගෞරවනීය පුරුෂ මූලික පවුලකි. ඔවුන් ජීවත්වන්නේ 'සොසයිටි' නම් ගොඩනැගිල්ලක වන අතර, සරූගේ පියා ඇතුළු වැඩිහිටියන් විසින් එම ගොඩනැගිල්ලේ සිදුවන අයථා දෑ වළක්වනු ලබයි. දිනක්, සරූගේ පියා සහ සරූ ගමන් කරන විට ඔවුන්ගේ අසල්වැසියා වන ධනවත් නීතිඥයකුගේ පුත්‍රයකු වන ඉන්දර් ඔහුගේ පෙම්වතිය සමග සිටිනු දක්නට ලැබෙයි. දැඩි තැනැත්තකු වන සරූගේ පියා එම දෙදෙනා කිසිදු ලැජ්ජාවකින් තොරව සිපවැළඳ ගන්නා අයුරු දැක කෝපයට පත්වේ. සරූ ඔවුන්ව පසුකොට යන විට, ඉන්දර් ඇයව දැක විස්මයට පත්වන්නේ ඇගේ සරලභාවය සහ රූමත් බව දැකීමෙනි.

රැකියාවෙහි නියුතු සරූ අභිමන්‍යුට ප්‍රිය කරයි. ඔහු ධනවත්, සමාජයේ ඉහළ තනතුරක් හොබවන පුද්ගලයෙකි. තමන්ට සරූ ප්‍රියකරන බව දැනගන්නා අභිමන්‍යු එහි වාසිය ලබාගනිමින් ඇගෙන් සිය වැඩ කටයුතු ඩටු කරගනියි. මේ අතර ඉන්දර් පුස්තකාලයට පැමිණෙන්නේ හිටපු-දෝෂිතයකුට කියවීමට සුදුසු පොත් මොනවාදැයි ඇගෙන් විමසමිනි.

බොහෝ වරක් ප්‍රතික්ෂේප වීම් ලද සරූ මංගල යෝජනා නියෝජිතයකු වෙත යන්නේ සුදුසු මනාලයුක සොයාගැනීමටයි; කෙසේනමුත්, දිගු බලාපොරොත්තු ලේඛනය හේතුවෙන් හැකි ඉක්මණින් ඇය පිළිබඳ රෙකමදාරුවක් ලබා දිය යුතු බව ඇයට පවසනු ලැබෙයි. සිය දෙමාපියන් නගරයෙන් පිටතට ගිය අවස්ථාවක දී, ඇය ඉන්දර්ගෙන් රෙකමදාරුවක් බලාපොරොත්තු වන්නේ ඔහුගේ පෙම්වතිය ප්‍රකට මෝස්තර නිරූපණ ශිල්පිනියක් නිසායි. පෙ.ව. 4:00ට සරූ ඔහුගේ නවාතැනට ගිය විට ඔහුගේ බීමත් පෙම්වතිය ඉන්දර් තමන්ව මුළා කරන බව සිතා සරූ වෙත වීදුරු බෝතලයක් දමා ගසයි. නමුත් ඉන්දර් ඒ ඉදිරියට පැමිණෙන අතර, බෝතලය ඔහුගේ පිටේ වැදී බිඳී යයි. ඔහුගේ පිටෙන් රුධිරය වහනය වේ. ඉන්දර් ඇයට නිවසට යන ලෙස පැවසුව ද, සරූ ඉන්දර්ගේ තුවාලයට සාත්තු කරයි. ඔවුන් අතර කිසිදු නොමනා ක්‍රියාවක් සිදුනොවූව ද, ගොඩනැගිල්ලේ මුරකරු ඔවුන් දෙස නෙත් යොමා සිටියි. සරූගේ දෙමාපියන් විනෝදා චාරිකාවට ගොස් වේලාසනින්ම පැමිණි විට, ඔවුන්ගේ දියණිය ඉන්දර් සමග රාත්‍රිය ගතකොට ඇති බව ගොඩනැගිල්ලේ වැඩිහිටියෝ ඔවුනට දැනුම් දෙති. මුලින් සරූගේ පියා එය විශ්වාස නොකළ ද, සිය දියණිය සහ ඉන්දර් එකට හිඳිනු දැක ඔහු ක්ෂණික තීරණයකට එළඹෙයි. සරූ තත්ත්වය පැහිදිළි කිරීමට උත්සාහ දැරුව ද, ඇගේ පියා ඇයට අවමන් කරන්නේ දැන් ඇය මියගිය තැනැත්තියක බවට ශාප කරමිනි.

සිදුවූ සියල්ල සරූ මවට පවසයි. මව එය විශ්වාස කළ ද, සිය සැමියාට ඇති බිය නිසා ඇය එය සිය සැමියාට පැහැදිළි කරන්නට මැළි වේ. මේ නිසා සරූ සහ ඉන්දර් සමීප වෙති; ඔහු ඇයට නිවසක් ලබාගැනීමට උපකාර කරන අතර, ඇගේ මංගල යෝජනාව පල කිරීමට ද උපකාර කරයි. ඇගේ නව සැකැස්මත් සමග, ඇයට විවාහ යෝජනා රැසක් ලැබේ. තමන් ගෞරවනීය පුද්ගලයකු හා විවාහ වුවහොත්, සිය පවුල නැවත දිනාගත හැකි වේ යැයි සරූ අපේක්ෂා කරයි. මේ අතර ඉන්දර් ඇයට පෙම් කරන අතර, එය රහසක්ව තබාගන්නේ අභිමන්‍යු ඇයට විවාහ ‍යෝජනා කිරීම නිසායි. කෙසේනමුත්, විවාහ දිනයේ අභිමන්‍යු විවාහය අවලංගු කරන්නේ ඔහුගේ පියා අකමැති වීම නිසායි. තම පියාගෙන් අවමන් ලද හෙයින්, තමන්ට සැමියකු සොයාගත නොහැකි යැයි සිතමින් සරූ පසුතැවෙයි. සිය මධුසමයේ වස්ත්‍රය හැඳගන්නා සරූ ඉන්දර්ට තමන්ව සැනසීමට තමන්ට පෙම් කරන ලෙස ඉල්ලා සිටියි. මුල් මඳක් පැකිළුණ ද, ඉන්දර් එයට එකඟ වේ. කෙසේනමුත්, ඊළඟ උදෑසන අභිමන්‍යු ඇයව වැළඳගනු දැක ඔහු පලා යයි.

සිත් තැවුලට පත් ඉන්දර් සරූ සමග සම්බන්ධය අත්හැරියේ අභිමන්‍යු නැවත ඇය හා සමීප වී ඇති බව සිතායි. කෙසේනමුත්, ඇය අභිමන්‍යුගේ ඉල්ලීම ඉවතා ලා ඔහු වෙනුවෙන් පැමිණි බව දැනගැනීමෙන් පසු, ඔහු‍ ඇගේ දුරකථනය මාර්ගයෙන් ඇය සිටින ස්ථානය සොයාගනියි. සරූ බෞද්ධ විහාරයක දී හමුවන අතර, ඔහු ඇයට ඇති ප්‍රේමය එහි දී සපථ කරයි. සරූගේ සිහි විසඥ වන අතර, ඉන්දර් ඇයව රෝහලකට ඇතුළත් කරයි. එහි දී අනාවරණය වන්නේ ඇගේ මොළයේ ගෙඩියක් ඇති බවත්, එය සුවකළ නොහැකි බවත් ය. මේ අතර සරූගේ දෙමාපියන්ගේ නිවසට බලෙන් කඩාවදින ඉන්දර් ඇගේ දෙමාපියන් විසින් සරූ මියගිය බව සංකේතවත් කරමින් ඇගේ ඡායාරූපයට දමා තිබූ මල්මාලය ඉවත විසි කරන්නේ ඇය මියගියා යැයි පැවසීම නතර කරන ලෙස පවසමිනි. ඊළඟ දිනයේ දී, සරූගේ පියා විසින් කළ පැමිණිල්ලක් අනුව ඉන්දර් සිරභාරයට ගැනේ. රෝහලෙන් පිටව යන සරූ නැවත පුස්තකාලය වෙත යයි. එහි දී ඇයට ඉන්දර් ලියූ රහස් ලිපියක් හමුවන අතර, ඒ අනුව ඔහු ඇයට මුල සිටම කැමැත්තෙන් සිට ඇති බව පැහැදිළි වේ. ඔවුන් දෙදෙන යළි එක්වන අතර, සරූ ඔහුට තමන්ව විවාහ කරගන්නා ලෙස පවසයි.

එම රාත්‍රියේ, සරූ පවසන්නේ සිය මරණයෙන් පසුව තමන්ව ගසක් යට වළලන්නේ නම් උචිත බවයි. සිය පියා කළ ශාපය සැබෑවක් බවට පත්ව ඇතැයි ද, තමන් සැබැවින්ම මියයමින් සිටින බව ද ඇය පවසයි. කෙසේනමුත්, දෙවියන් ශාප භාර නොගන්නා බව ඉන්දර් පවසයි. නමුත් දෙවියන් සිය දෙමාපියන්ගේ ඉල්ලීම ඉෂ්ට කරන බව සරූ බවයි. . ඔවුන්ගේ විවාහ දිනයේ දී සරූගේ දෙමාපියන් එතැනට පැමිණෙන්නේ ඉන්දර් ඇයට පෙම්කරන බව වටහා ගැනීමෙනි. ඒ අනුව ඔවුහු එම විවාහයට සිය එකඟත්වය පල කරති. විවාහයෙන් පසුව සරූ ක්ලාන්ත වී ඇද වැටෙයි. රෝහලෙන් සරූගේ දෙමාපියනට පවසන්නේ ඇය මියයමින් සිටින බවයි. මේ අතර ඉන්දර් සිය පියාගෙන් ගස පාමුල ඇති භූමිය තමන්ට ලබාදෙන ලෙස පවසන්නේ සරූගේ භූමදානය සඳහායි. සරූ ඔහුගේ දෑත මත මියයයි.

මේ වනවිට සාර්ථක නීතිඥයකු ව සිටින ඉන්දර් සරූගේ සොහොන ඇති ගස අසල සිටගෙන සිටියි. තමන් මෙසේ සාර්ථක වීම පිළිබඳ ඇය සතුටු වනු ඇතැයි ඔහු විශ්වාස කරයි. තමන්ට ඇය නැති අඩුව දැනෙනා බව ඔහු මුමුණයි.

චරිත නිරූපණය[සංස්කරණය]

මුදාහැරීම[සංස්කරණය]

චිත්‍රපටයේ පළමු දැක්ම පෝස්ටරයක් 2015 දෙසැම්බර් 7 දින ඊරෝස් නව් වෙතින් ට්වීට් කළ අතර, එය 2016 ජනවාරි 8 දින මුදාහැරීමට සැලසුම් කොට තිබිණි.[8][9] චිත්‍රපටයේ ට්‍රේලරය 2015 දෙසැම්බර් 15 දින මුදාහැරුණු අතර, චිත්‍රපටය මුදාහැරීමේ දිනය පෙබරවාරි 5 ලෙස වෙනස් කෙරිණි.[4][5][6][7] 2016 පෙබරවාරි 5 සිට මෙම චිත්‍රපටය ලොව පුරා මුදාහැරුණේ ඊරෝස් නව් නිෂ්පාදන බැනරය යටතේ ය. මුදාහැරීමෙන් පසුව චිත්‍රපටය මිශ්‍ර ප්‍රතිචාර හිමි කරගත්තේ ය.[10][11][12]

ධ්වනිපථය[සංස්කරණය]

සනම් තේරි කසම්
ධ්වනිපථ ඇල්බමය හිමේෂ් රේෂම්මියා විසිනි
නිකුත් වූයේ2016 ජනවාරි 7
පටිගත කලේ2015
ගණයවෘත්තාන්ත චිත්‍රපට ධ්වනිපථය
කාලය44:16
ලේබලයඊරෝස් නව්
නිෂ්පාදකහිමේෂ් රේෂම්මියා
හිමේෂ් රේෂම්මියා කාලානුක්‍රමය
ප්‍රේම් රතන් ධන් පායෝ
(2015)
සනම් තේරි කසම්
(2016)
තෙරා සුරූර්
(2016)

මෙහි ගීතවල පද රචනය සිදුකරන ලද්දේ සමීර් අංජාන්, ෂබ්බීර් අහමඩ්, රේෂම්මියා සහ සුබ්‍රාත් සිංහා විසිනි. තේමා පථය 2015 දෙසැම්බර් 22 දින මුදාහැරිණි.[13] සම්පූර්ණ ඇල්බමය මුදාහැරුණේ 2016 ජනවාරි 7 දින ය.

සියලු සංගීත නිර්මාණ සිදුකරන ලද්දේ හිමේෂ් රේෂම්මියා[14].

අංකය. ගීතයගී පදවැලගායක(යින්) කාලය
1. "සනම් තේරි කසම්"  සමීර් අංජාන්අංකිත් තිවාරි, පලක් මුඡල් 05:14
2. "ඛීච් මේරි ෆොටෝ"  සමීර් අංජාන්නීති මෝහන්, ආකාසා සිං, දර්ශන් රාවල් 04:44
3. "බෙවාජා"  සමීර් අංජාන්හිමේෂ් රේෂම්මියා 05:08
4. "‍තේරා චේහ්රා"  ෂබ්බිර් අහමද්අරිජිත් සිං 04:34
5. "හාල්-ඉ-දිල්" (පිරිමි)සමීර් අංජාන්ශ්‍රීරාම චන්ද්‍ර මයිනම්පති 05:34
6. "හාල්-ඉ-දිල්" (කාන්තා)සමීර් අංජාන්නීති මෝහන් 05:24
7. "ඒක් නම්බර්"  හිමේෂ් රේෂම්මියාහිමේෂ් රේෂ්මමියා, නීති මෝහන් 04:20
8. "මේන් තේරි යාදොන් මේන්"  සුබ්‍රත් සිංහාඅරිජිත් සිං 04:16
9. "සනම් තේරි කසම්" (නැවත වාදනය)සමීර් අංජාන්මොහම්මද් ඉර්ෆාන් අලි, පලාක් මුඡල් 04:56
සම්පූර්ණ දිග:
44:16

බොක්ස් ඔෆීස්[සංස්කරණය]

මෙම චිත්‍රපටය එහි පළමු දිනයේ ආසන්න වශයෙන් INR1.25 කෝටි (US$190,000)ක, සති අන්තයේ INR4.66 කෝටි (US$730,000)ක සහ පළමු සතියේ INR9 කෝටි (US$1.4 මිලියන)ක ආදායමක් උපයා ගත්තේ ය. මෙම චිත්‍රපටය බොක්ස් ඔෆීස් අතින් සාමාන්‍ය වාර්තා තැබී ය.[3][12][15]

ආශ්‍රේයයන්[සංස්කරණය]

  1. "Sanam Teri Kasam". Eros Now. Retrieved 15 December 2015.
  2. "SANAM TERI KASAM (12A)". British Board of Film Classification. 2 February 2016. Retrieved 3 February 2016.
  3. 3.0 3.1 Joginder Tuteja (12 February 2016). "Box Office Report Of Ghayal Once Again, Airlift, Sanam Teri Kasam". koimoi. Retrieved 12 February 2016.
  4. 4.0 4.1 "First look of Sanam Teri Kasam unveiled on Twitter". The Statesman. 7 December 2015. Retrieved 8 December 2015.
  5. 5.0 5.1 "Check Out The First Look Of Upcoming Love Story 'Sanam Teri Kasam'". koimoi.com. 7 December 2015. Retrieved 8 December 2015.
  6. 6.0 6.1 "First look of Mawra Hocane's 'Sanam Teri Kasam' unveiled". The Express Tribune. 7 December 2015. Retrieved 8 December 2015.
  7. 7.0 7.1 "Mawra Hocane's debut Bollywood film 'Sanam Teri Kasam', trailer released". The News Teller. 15 December 2015. Retrieved 15 December 2015.
  8. "Eros releases first look of Mawra's "Sanam Teri Kasam"". Daily Times (Pakistan). 7 December 2015. Retrieved 8 December 2015.
  9. "First Look Revlead: 'Sanam Teri Kasam' Mawra & Harshvardhan Sizzling Romance". The Reveille. 7 December 2015. Retrieved 8 December 2015.
  10. "Sanam Teri Kasam Movie Review". The Times of India.
  11. "Ghayal Once Again, Sanam Teri Kasam to clash at box-office today". The Indian Express. 4 February 2016.
  12. 12.0 12.1 Namrata Joshi. "Sanam Teri Kasam review: Where tears rule the screen". The Hindu.
  13. "Out now: Mawra's 'Sanam Teri Kasam' title track is a tearjerker". The Express Tribune. 22 December 2015. Retrieved 2016-04-12.
  14. "First glimpse of Mawra Hocane's debut film 'Sanam Teri Kasam' out". The News Teller. 7 December 2015. Retrieved 8 December 2015.
  15. "Sanam Teri Kasam box office collections: Harshvardhan, Mawra Hocane starrer earns Rs. 4.66 cr. in its opening weekend". Indian Express. 7 February 2016. Retrieved 8 February 2016.

බාහිර සබැඳි[සංස්කරණය]