පියංගල ආරණ්‍ය සේනාසනය

විකිපීඩියා, නිදහස් විශ්වකෝෂය වෙතින්
Jump to navigation Jump to search
පියංගල රජ මහා විහාරය
Piyangala Rajamaha Vihara 5.jpg
විහාරයේ වූ නව ස්ථූපය
විස්තර
පිහිටුම් තොරතුරු
රටශ්‍රී ලංකාව ශ්‍රී ලංකාව
Dharmachakra.png ද්වාරය:බුද්ධාගම

පියංගල ආරණ්‍යය සේනාසනය ශ්‍රී ලංකාවේ අම්පාර දිස්ත්‍රික්කයේ රජගලතැන්න ප්‍රදේශයේ පිහිටි පුරාණ ආරණ්‍ය සේනාසනයක් වේ. එය අම්පාර-මහියංගනය මාර්ගයේ, අම්පාර සිට කිලෝ මීටර 27ක් පමණ දුරින් පිහිටා ඇත. විහාරය ක්‍රි. පූ. පළමු සියවසේ ඉදිකරන ලද්දක් සේ සැළකේ.[1]

ඔලුවිල් වරාය ඉදිකිරීම වෙනුවෙන් මෙම ආරණ්‍ය සේනාසනය ආශ්‍රිත ප්‍රදේශයේ සිදුකල නොසැළකිලිමත් ගල් කැඩීම් හේතුවෙන් ඇතිවූ හානිදායක ප්‍රථිපල කරණකොට ගෙන මෙම විහාරය හා ඒ ආශ්‍රිතව පිහිටි පියංගල චිත්‍ර ලෙන 2009 වසරේදී ජනයාගේ විශේෂ අවධානයට ලක්විය.

ඉතිහාසමය සාධක[සංස්කරණය]

ලෙන් ලිපි සහිත ගුහාවක්

පියංගල ආරණ්‍යය සේනාසන පරිශ්‍රය තුල ගල්ලෙන් 50කට වඩා වැඩි ප්‍රමාණයක් දැකගත හැකි අතර ඉන් කිහිපයක හෙළිදරවු කරගත් බ්‍රාහ්මීය අක්ෂරයෙන් නිර්මිත ලෙන් ලිපි කිහිපයක් දැකගත හැකිවේ.

මහාචාර්ය සෙනරත් පරණවිතාන මහතාට අනූව පියංගල වූ ලිපි ද්විත්වයක් ඉතිහාසමය වශයෙන් වඩා වැඩි වටිනාකමක් දක්වයි. ඉන් එක් ලිපියක දුටුගැමුණු රජතුමාගේ දේවියක වූ රාජිතා නම් බිසවක් සම්බන්ධයෙනුත්, අනෙක් ලිපියෙහි පරුමකදුට විවාහකර ගත් දුටුගැමුණු රජුගේ දියණියක සම්බන්ධයෙනුත් තොරතුරු හෙලි කරයි. දුටුගැමුණු රජු වෙනුවෙන් පැහැදිලි ඉඩකඩක් වෙන්කොට ඇති මහාවං‍ශයේ පවා දුටුගැමුණු රජුගේ බිසව් සහ දරුවන් (සාලිය කුමරු හැරුණු විට) සම්බන්ධව පැහැදිලි සටහනක් නොතිබීම මීට හේතුව වී තිබේ.[2]

ගැලරිය[සංස්කරණය]

විහාර ලෙන්

මූලාශ්‍ර[සංස්කරණය]

  1. "පියන්ගල ආරන්‍ය සේනාසනය". සම්ප්‍රවේශය 2015 අගෝස්තු 7.  Check date values in: |access-date= (help)
  2. "අම්පාර පුරාණ පියන්ගල ආරන්‍ය සේනාසනය". අමේසිං ලංකා. සම්ප්‍රවේශය 2015 අගෝස්තු 7.  Check date values in: |access-date= (help)
"https://si.wikipedia.org/w/index.php?title=පියංගල_ආරණ්‍ය_සේනාසනය&oldid=399776" වෙතින් සම්ප්‍රවේශනය කෙරිණි