ගාමිණී සිල්වා
මංගමුනි ගාමිණී සිල්වා (උපත 1960 දෙසැම්බර් 19) යනු ශ්‍රී ලාංකික පළමු පෙළ ක්‍රිකට් ක්‍රීඩකයෙක් සහ ටෙස්ට් ක්‍රිකට් විනිසුරුවෙකි.
සිල්වා කොළඹ ඉපදිලා පොලිස් නිළධාරියකු විය.[1] ඔහු 1995/96 සරවනමුත්තු කුසලානයේදී පොලිස් ක්‍රීඩා සමාජය වෙනුවෙන් පළමු පෙළ ක්‍රිකට් තරග 12ක් ක්‍රීඩා කළේය. තුන් ඉරියව් ක්‍රීඩකයෙකු වන ඔහු දකුණත් පිතිකරුවෙකු ලෙස ඉනිම් 17කදී ලකුණු 341ක් ලබා ගත් අතර අර්ධ ශතක 2ක් ඇතුළුව සාමාන්‍ය 22.73ක් වන අතර 1996 ජනවාරි මාසයේදී නොන්ඩිස්ක්‍රිප්ට්ස් ක්‍රිකට් සමාජය ට එරෙහිව ලකුණු 73ක ඉහළම ලකුණු සංඛ්‍යාවට ලඟා විය [2] දකුණත් මධ්‍යම වේග පන්දු යවන්නෙකු වන ඔහු, 1995 දෙසැම්බර් මාසයේදී සෙබස්තියන් ක්‍රිකට් සහ මලල ක්‍රීඩා සමාජයට එරෙහිව හොඳම පන්දු යැවීම සමඟින් 30.25 සාමාන්‍යයකින් කඩුලු 8ක් දවා ගත්තේය.[3]
ඔහු ශ්‍රී ලංකා දේශීය 1998/99 වාරයේ පළමු පෙළ ක්‍රිකට් ක්‍රීඩාවේ නිත්‍ය විනිසුරුවරයෙකු බවට පත් වූ අතර, ශ්‍රී ලංකාව සහ දකුණු අප්‍රිකාව අතර 2000 වසරේ මහනුවරදී පැවති 2 වැනි ටෙස්ට් තරගයේ දී ප්‍රථම වරට ටෙස්ට් තරගයක විනිසුරුවරයෙකු ලෙස පෙනී සිටියේය.[4] ඔහු පෙනී සිට ඇත්තේ තවත් ටෙස්ට් තරග දෙකකට පමණි - ශ්‍රී ලංකාව සහ බටහිර ඉන්දීය කොදෙව් අතර 2001 මහනුවරදී පැවති 2 වැනි ටෙස්ට් තරගය,[5] සහ 2005 දී බංග්ලාදේශය සහ සිම්බාබ්වේ අතර ඩකා හි පැවති 2 වැනි ටෙස්ට් තරගය.[6]
ඔහු විශේෂඥ තෙවැනි විනිසුරුවරයෙකු ලෙස 2002 දී ICC හි ජාත්‍යන්තර විනිසුරුවරුන්ගේ සහ විනිසුරු මඩුල්ලට සම්බන්ධ වූ අතර,[7] 2000 සහ 2009 අතර තවත් ටෙස්ට් තරග 8ක තෙවැනි විනිසුරුවරයා ලෙසද කටයුතු කර ඇත. ඔහු 1999 සහ 2009 අතර එක්දින ජාත්‍යන්තර තරඟ 21 ක් සහ විස්සයි 20 ජාත්‍යන්තර තරඟ 2 ක් ද විනිශ්චය කළේය, ඒවායින් බොහොමයක් ශ්‍රී ලංකාවේ ක්‍රීඩා කරන ලදී.
යොමු කිරීම්[සංස්කරණය]
- ↑ Jaideep, Marar. "India vs SL, Tendulkar vs umpire!". The Times of India. 11 August 2011 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 19 August 2012.
- ↑ "Police Sports Club v Nondescripts Cricket Club". Cricket Archive. The Cricketer. සම්ප්‍රවේශය 19 August 2012.
- ↑ "Police Sports Club v Sebastianites Cricket and Athletic Club". Cricket Archive. The Cricketer. සම්ප්‍රවේශය 19 August 2012.
- ↑ "South Africa tour of Sri Lanka, 2000 / Scorecard". Cric info. ESPN. සම්ප්‍රවේශය 19 August 2012.
- ↑ "West Indies tour of Sri Lanka, 2001/02 / Scorecard". Cric info. ESPN. සම්ප්‍රවේශය 19 August 2012.
- ↑ "Zimbabwe tour of Bangladesh, 2004/05 / Scorecard". Cric info. ESPN. සම්ප්‍රවේශය 19 August 2012.
- ↑ "Gamini Silva Appointed as Specialist Third Umpire". Cric info. ESPN. සම්ප්‍රවේශය 19 August 2012.