කමල් අද්දරාරච්චි

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
කමල් අද්දරාරච්චි
උපත පෙබරවාරි 5, 1962 (1962-02-05) (අවුරුදු 55)
ශ්‍රී ලංකාව
ජාතිකත්වය  ශ්‍රී ලංකාව
සක්‍රීය වසර 1977– වර්ථමානය තෙක්
කලත්‍රයා(යන්)

අනුරානි අද්දරාරච්චි

වීඩියෝ පට සදහා IMDb හි ඇති ගිණුම
තිළිණයන් සරසවිය හොඳම නළුවා සම්මානය (2002)

කමල් අද්දරාරච්චි 1962 පෙබරවාරි 5වන දින අද්දරාරච්චිගේ ගුනේන්ද්‍ර කමල් ලෙස උපත ලැබුවේය. ඔහු සම්මානලාභී ශ්‍රි ලාංකික සිනමා සහ ටෙලිනාට්‍ය නළුවෙකු, ගායකයකු සහ වැඩසටහන් ඉදිරිපත් කරන්නකු ද වන්නේය. ඔහු ගේ ප්‍රථම රංගනය එළිදැක්වූයේ 1981 වර්ෂයේ දී නිපද වූ ගාමිණි ෆොන්සේකා මහතාගේ “සාගරයක් මැද” චිත්‍රපටයෙනි. එවිට ඔහු පාසැල් ශිෂ්‍යයෙකි. 1970 අග භාගයේ සිට ඔහු චිත්‍රපට හා ටෙලි නාට්‍ය බොහොමයක විවිධාකාර චරිතයන් ඔස්සේ පෙනී සිටියේය. වර්තමානය වන විට චිත්‍රපට 40 කට ,ටෙලිනාටය 20කට හා වේදිකා නාට්‍ය 6 කට වැඩි ප්‍රමාණයක සිය රංගනයෙන් දායක වී ඇත. 2002 වර්ෂයේ දී “අග්නිදාහය” චිත්‍රපටයේ ඉදිරිපත් කළ සොබනාගේ චරිතය වෙනුවෙන් හොඳම නළුවා සඳහා වූ සරසවි සම්මානය දිනා ගත්තේය. 1993 වර්ෂයේදී “සප්ත කන්‍යා” චිත්‍රපටය සඳහා දමයන්ති ජයසූරිය සමග ගැයූ “උන්මාදවූ “ නම් යුග ගීතයත් සමග කමල් අද්දරාරච්චි ගායකයකු ලෙස සිය නම සනිටුහන් කළේය. එමෙන්ම ඔහු “රියැලිටි” වැඩසටහනක් වන “සිරස සුපර්ස්ටාර්” තරඟයේ වැඩසටහන් ඉදිරිපත් කරන්නා ලෙසද කටයුතු කළේය.


පසු බිම[සංස්කරණය]

අද්දරාරච්චිගේ ගුනේන්ද්‍ර කමල් ,මැණික් ව්‍යාපාරයේ නියුතු පවුලක උපත ලද අතර ඔහු කොළඹ වෙස්ලි විද්‍යාලයේ ඉගැනුම ලැබුවේය. ඔහු මූලික වශයෙන් කලා කටයුතුවලට උනන්දුවක් දැක්වීය. මේ තත්ත්වය ඔහුව සංගීතය, සිංහල සාහිත්‍යය, උඩරට නර්තනය සහ විවාද යන අංශ වෙත එකවර යොමු වීමට පොළඹවන ලදී. ඔහු පාසලේ “සිංහල සාහිත්‍ය සමිතියේ” ලේකම් වශයෙන්ද කටයුතු කර ඇත. අනුරානි අද්දරාරච්චි සමග වී සිටින ඔහුට එක් පුතෙක් සිටී.

මතභේදයන්ට ලක්වීම[සංස්කරණය]

කාන්තා දූෂණය කිරීම් සහ ඝාතනය කිරීම් සම්බන්ධ චෝදනා කිහිපයක්, මීට පෙර කමල් අද්දරාරච්චි මහතා වෙත එල්ල වී තිබෙයි.

  • 1997 වසරේදී තරුණ ගැහැණු ළමයෙකු රදවාගෙන දූෂණය කිරීම සම්බන්ධ චෝදනාව.[1] - සිදුවීම සම්බන්ධයෙන් කමල් කෙටි කාලයකට සිරගතවූවද, පසුව ඇප මත නිදහස් විය . තරුණ ගැහැණු ළමයා රදවාගෙන දූෂණය කල බවට එල්ල වූ චෝදනාවට වරදකරු වූ කමල් මහතාට, 1997 දෙසැම්බරයේදී මහාධිකරණ විනිසුරු ශිරාණි තිලකවර්ධන මහත්මිය විසින් දඬුවම් නියම කොට තිබුනද; 2002 වසරේදී එම තීරණය අභියාචනාධීකරණ විනිසුරු හෙක්ටර් යාපා (Hector Yapa) සහ කුලතිලක (P. H. K. Kulatilleka) යන මහත්වරු විසින් නිෂ්ප්‍රභ කල බව පැවසේ.[2]
  • රමණී බර්තෝලමියුස් ඝාතනය/අනතුර සම්බන්ධ චෝදනාව. - 1985 වසරේ ශ්‍රී ලංකා රූ රැජින වූ[3], රමණී එලිසබෙත් බර්තෝලමියුස් මෙනෙවිය, 1987 ජුනි 30 වන දින කමල් අද්දරාරච්චි පදවාගෙන යමින් සිටි රථයට හසුවීමෙන් ලත් බරපතල තුවාල නිසා මිය (අවුරුදු 21) ගියාය. එකල රමණී, කමල් අද්දරාරච්චි සමග සම්බන්ධතාවයක් පවත්වා ගෙන ගිය බව සඳහන්ය. කෙසේ නමුදු රමණී සැබෑවටම වාහනයට අත්වැරැද්දකින් හසුවූවාද, යන්න එකල කා අතරත් කුකුසක් ඇති කිරීමට සමත් විය. ඇයව ඝාතනය කිරීමේ අපරාධය සම්බන්ධව කමල් මහතාට චෝදනා එල්ල වූවද, එම සියළු චෝදනා වලින් ඔහු නිදහස් විය.[4][5]
  • 2012 ජුලි ගණිකා මඩම සිද්ධිය - 2012 ජුලි මසදී, පොලිස් රහස් ඒකකය විසින්, නාරාහේන්පිට ගණිකා මඩමක් වටලා එහි සිටි තායි කාන්තාවන් කීප දෙනෙක් අත්අඩංගුවට ගන්නා ලදී. එහි වූ වාර්ථාවන්ට අනූව, වැටලීම සිදු වූ අවස්ථාවේ කමල් අද්දරාරච්චි වැනි පුද්ගලයෙක් එම භූමියෙහි රැඳී සිට තිබෙන අතර, එම වැටලීම සිදුවූ අවස්ථාවේදී පළාගිය නළුවෙකු සොයා විමර්ෂණ සිදුකරන බවට, පසුව මෙම සිදුවීම සම්බන්ධව විස්තර කල පොලීසිය ප්‍රකාශ කරන ලදී.[6] තමන්ට මඩගැසීමේ අරමුණින් මෙවැනි ප්‍රචාර සිදුවන බවට, පසුව මේ සම්බන්ධව අදහස් දක්වමින් කමල් මහතා කියා සිටින ලදී.[7][8]

ආශ්‍රිත[සංස්කරණය]

"https://si.wikipedia.org/w/index.php?title=කමල්_අද්දරාරච්චි&oldid=292306" වෙතින් සම්ප්‍රවේශනය කෙරිණි