එච්. ඒ. සිල්වා
වයිස් අද්මිරාල් හික්කඩුවගේ ආනන්ද සිල්වා, VSV (1936 ජනවාරි 4 - 1999 නොවැම්බර් 24) යනු ශ්‍රී ලංකා නාවික හමුදාවේ 11 වන නාවික හමුදාපතිවරයා වූ ශ්‍රී ලංකා ජ්‍යෙෂ්ඨ නාවික නිලධාරියෙකි.
අධ්‍යාපනය
[සංස්කරණය]ගල්කිස්ස එස්. තෝමස් විද්‍යාලයෙන් අධ්‍යාපනය ලැබූ සිල්වා ක්‍රීඩාවට හා අධ්‍යාපනයට දස්කම් පෑවේය. ඔහු ත්‍යාග කිහිපයක් දිනාගත් අතර ක්‍රිකට්, මලල ක්‍රීඩා, බොක්සිං සඳහා වර්ණ දිනාගත් අතර විද්‍යාලීය බොක්සිං කණ්ඩායමේ උප නායකයාද විය.[1] ඔහුගේ සහෝදරයා මේජර් ජෙනරාල් ග්‍රේෂන් සිල්වා විය.
නාවික වෘත්තිය
[සංස්කරණය]සිල්වා 1953 ඔක්තෝබර් 12 වැනි දින වයස අවුරුදු 17 දී කැඩෙට් නිලධාරියෙකු ලෙස එවකට රාජකීය ලංකා නාවික හමුදාවට බැඳුණි. ඔහු Dartmouth හි Britannia Royal Naval College හි නිලධාරි පුහුණුව සඳහා තේරී පත් වූ අතර 1956 දී ඔහුගේ කණ්ඩායමේ ඉහළින්ම උපාධිය ලබා ගත්තේය. පසුව වැඩබලන උප ලුතිනන්වරයෙකු ලෙස, ඔහු ග්‍රීන්විච්හි රාජකීය නාවික විද්‍යාලයේ කනිෂ්ඨ නාවික නිලධාරීන් (ලුතිනන්) පාඨමාලාව සම්පූර්ණ කළ අතර විශේෂඥ පුහුණුව සඳහා HMS Mercury සහ රාජකීය නාවික ඉංජිනේරු විද්‍යාලයට ඇතුළත් විය. ඔහු මධ්‍යධරණී මුහුදේ සහ උතුරු මුහුදේ රාජකීය නාවික හමුදාවට අයත් HMS Triumph (R16) ගුවන් යානා වාහක නෞකාවේ සිය මුහුදු පුහුණුව ලබා ගත්තේය.[1]
ඔහු ලංකාවට පැමිණි පසු, ඔහු ලුතිනන් තනතුරට උසස් කර මුහුදේ සහ වෙරළේ කාර්ය මණ්ඩල පත්වීම් කිහිපයකම සේවය කළේය. ලුතිනන් කමාන්ඩර් ලෙස ඔහු 1972 දී වෙලින්ටන්හි ආරක්ෂක සේවා මාණ්ඩලික විද්‍යාලයට ඇතුළත් විය. 1975 සිට 1980 දක්වා කාලය තුළ ඔහු ශ්‍රී ලංකා නාවික නෞකා ගජබාහු, ශ්‍රී ලංකා නාවික නෞකා සනුද්‍ර දේවි සහ ශ්‍රී ලංකා නාවික නෞකා තිස්ස, ශ්‍රී ලංකා නාවික නෞකා එළාර සහ ශ්‍රී ලංකා නාවික නෞකා ගැමුණු යන වෙරළාශ්‍රිත ආයතනවල අණදෙන නිළධාරී ලෙස කටයුතු කර ඇත. කපිතාන් ලෙස උසස්වීම් ලද ඔහු ත්‍රිකුණාමලය භාර නාවික නිලධාරියා ලෙස පත් කරන ලදී. ඔහු ලංකා නැව් සංස්ථාවේ MV ලංකා කාන්ති නෞකාවේ මාස්ටර් ලෙසද පත්වීම් ලබා ඇත. 1981 දී ඔහු නවදිල්ලියේ ජාතික ආරක්ෂක විද්‍යාලයෙන් උපාධිය ලබා ගත්තේය. [1]
සිල්වා 1983 ජුනි 1 වන දින කොමදෝරු නිලය සහිත නාවික මාණ්ඩලික ප්‍රධානී ලෙස පත් කරන ලදී. 1986 අගෝස්තු 1 වන දින රියර් අද්මිරාල් නිලයට උසස් කරන ලද ඔහු 1986 නොවැම්බර් 1 වන දින ශ්‍රී ලංකා නාවික හමුදාවේ ආඥාපති ලෙස පත් කරන ලදී. ශ්‍රී ලංකා සිවිල් යුද්ධය උත්සන්න වීම හේතුවෙන් ඔහුගේ ධූර කාලය නාවික ක්‍රියාකාරකම්වල වැඩි වීමක් දක්නට ලැබුණි. 1987 මැයි - ජූනි මාසවලදී ශ්‍රී ලංකා සන්නද්ධ හමුදාව යාපනයේදී එල්.ටී.ටී.ඊ.ය පරාජය කිරීමට වඩමාරච්චි මෙහෙයුම දියත් කරන ලදී. මෙහෙයුමේ උච්චතම අවස්ථාව වන විට, ප්‍රහාරය නැවැත්වීමට ශ්‍රී ලංකා රජයට බලපෑම් කිරීමට ඉන්දියාව මැදිහත් විය. සහන ද්‍රව්‍ය රැගෙන එන බව පවසමින් තමිල්නාඩුවේ සිට යාත්‍රා කළ බෝට්ටු තොගයකට ඉන්දීය රජය සහය දුන් අතර, ශ්‍රී ලංකා නාවික හමුදාවට එය ආපසු හැරවීමට සිදු විය. පූමාලෙයි මෙහෙයුම මගින් ශ්‍රී ලංකා ස්වෛරී ගුවන් සීමාව උල්ලංඝණය කරමින් මානුෂීය සහන සැපයුම් ටොන් 22 ක ගුවන් පහත හෙලීමට ඉන්දියාව ප්‍රතිචාර දැක්වීය. ඉන්දු - ශ්‍රී ලංකා ගිවිසුම අත්සන් කිරීමත් සමඟ ඉන්දීය හමුදා ශ්‍රී ලංකාවට ගොඩ බැස්සේ ජූලි 29 වැනිදාය. සිල්වා 1991 ඔක්තෝම්බර් 31 දින විශ්‍රාම ගත් අතර වයිස් අද්මිරාල් නිලයට උසස් කරන ලදී. ඔහුගෙන් පසුව ක්ලැන්සි ප්‍රනාන්දු පත් විය. [2] [1]
නාවික හමුදාවේ දීර්ඝ සේවා කාලය තුළ ඔහු විශ්ෂ්ඨ සේවා විභූෂණ, ලංකා සන්නද්ධ සේවා දිගු සේවා පදක්කම, ශ්‍රී ලංකා සන්නද්ධ සේවා දිගු සේවා පදක්කම, ශ්‍රී ලංකා සන්නද්ධ සේවා පදක්කම, ලංකා සන්නද්ධ සේවා සමාරම්භක පදක්කම, ජනාධිපති පදවි ප්‍රාප්ති පදක්කම සහ වඩමාරච්චි යන සම්මාන දිනා ගත්තේය. [1]
යොමු කිරීම්
[සංස්කරණය]- ^ a b c d e Attanayake, Ivan. "Admiral H. A. Silva VSV". Island. සම්ප්‍රවේශය 17 April 2020. උපුටාදැක්වීම් දෝෂය: Invalid
<ref>tag; name "I1" defined multiple times with different content - ^ "Past Commanders". navy.lk. 2 September 2014 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 17 September 2014.
| හමුදා කාර්යාල | ||
|---|---|---|
| පූර්වප්‍රාප්තිකයා අශෝක ද සිල්වා |
ශ්‍රී ලංකා නාවික හමුදාපති 1986-1991 |
අනුප්‍රාප්තික ක්ලැන්සි ප්‍රනාන්දු |