අනර්කලී ආකර්ෂා
අනර්කලී ආකර්ෂා ජයතිලක | |
|---|---|
 | |
| උපත | 12 ජූලි 1987 |
| වෘත්තියs | නිලියක, නිරූපිකාවක |
| සක්රීය වසර | 1995 සිට |
| වෙබ් අඩවිය | www.anarkalli.com |
අනර්කලී ආකර්ෂා ජයතිලක (1987 ජූලි 12) ශ්රී ලංකාවේ ජනප්රිය නිලියක්, නිරූපිකාවක්, රූපවාහිනී වැඩසටහන් ඉදිරිපත් කරන්නියක් සහ දේශපාලන කටයුතු කරන්නියක් වෙයි. 2004 වසරේ ලෝක රූ රැජින තරඟය සඳහා ඉදිරිපත් වුනු ශ්රී ලංකා රූ රැජින වූවේද ඇයයි. මීට අමතරව සන්නාම තානාපතිනියක ලෙසද ඇය කටයුතු කරයි.[1]
රංගන දිවිය
[සංස්කරණය]ඇගේ රංගන දිවිය මුලින්ම ආරම්භ වන්නේ 1995 වසරේදී සෝමරත්න මහතා සහ රේණුකා බාලසූරිය මහත්මිය විසින් නිපදවූ, ඉටි පහන් ටෙලි නාට්යයත් සමගයි. එහි ඇය සුසෑන් නමින් ලමා චරිතයක් රඟපෑවාය.[2]
ඉනික්බිති වසර 7 කට පසුව, 2003 වසරේදී ඇය පිස්සු ට්රිබල් චිත්රපටයේ පෙනී සිටිමින් රංගන ක්ෂේත්රයට නැවතත් පිවිසියාය.[3]
ශ්රී ලංකා සිනමා ක්ෂේත්රය තුල ජනප්රියම නිලිය සම්මානය ලබාගත් ලාබාලම නිලිය වන්නේද ආකර්ෂා මෙනෙවියයි.[4]
මීට අමතරව සංගීත විඩියෝ කීපයකටම අනර්කලී සිය රංගන දායකත්වය ලබාදී තිබෙයි. (භාතිය සංතුෂ්ගේ "මීදුම් සේලෙන්", දුෂ්යන්තගේ "ජේත්තු නෝනේ" සහ යෂාන්ගේ "සිත්තමක් වගේ").
දේශපාලන කටයුතු
[සංස්කරණය]2009 ඔක්තෝම්බර් 29 දින අනර්කලී මෙනෙවිය දකුණු පලාත් සභාවට ඡන්දයෙන් තේරී පත්වූ අතර ඇය පාලන සන්ධානය වූ එක්සත් ජනතා නිදහස් සන්ධානය වෙත සහය දක්වයි.[5]
2014 මාර්තු 29 වැනිදා පැවැත්වූ දකුණු පලාත් සභා මැතිවරණයටද ඇය එක්සත් ජනතා නිදහස් සන්ධානය යටතේ තරඟ වැදුනද, ඉන් පළාත් සභාව වෙත පිවිසීමට අනර්කලී අපොහොසත් වූවාය.[6]
වැඩසටහන් ඉදිරිපත් කරන්නියක ලෙස
[සංස්කරණය]ටීවී දෙරණ නාලිකාවේ 'Anarkali Live' වැඩසටහන[7] සහ 2010 දෙරණ මියුසික් විඩියෝ අවෝර්ඩ්ස් හී නිවේදිකාව ලෙස කටයුතු කරනු ලැබුවේ අනර්කලී විසිනි. මීට අමතරව ස්වර්ණවාහිනී නාලිකාවේ 'Live Sunday with Anarkalli' වැඩසටහන මෙහෙයවන්නේද ඇයයි.
රඟපෑ චිත්රපට
[සංස්කරණය]| වසර | චිත්රපටය | චරිතය | කරුණු |
|---|---|---|---|
| 2003 | පිස්සු ට්රිබල් | ||
| 2003 | එක මලක පෙති | ||
| 2003 | වන් ෂොට් වන් | ඇමති දුව | |
| 2004 | ධන රින | ||
| 2005 | හිරි පොද වැස්ස | වීනා | |
| 2005 | සොඳුරු වසන්තය | ||
| 2006 | අංජලිකා | කාව්යා | |
| 2007 | සිකුරු හතේ | ||
| 2008 | තාරුකා මල් | ||
| 2009 | සර් ලාස්ට් චාන්ස් | ||
| 2011 | කිං හන්තර් | බිසව | |
| 2011 | It's a Matter of Love | නතාෂා | |
ටෙලි නාට්ය
[සංස්කරණය]| වසර | ටෙලි නාට්යය | චරිතය | කරුණු |
|---|---|---|---|
| 1995 | ඉටි පහන් | සුසෑන් | |
| 2004 | සිහිනයක් පාට පාටින් | ඉනෝකා | |
| Sapphire and Silk | තාන්යා | ||
| ඉසි දසුන | |||
| 2005 | අරුණෝදය කලාපය | ||
| 2006 | සාන්තුවරණය | ටාන්යා | |
| 2009 | සඳ සාක්කි | ||
| 2010 | රන් තලිය වලව්ව | දොස්තර |
ඇගයීම්
[සංස්කරණය]2004 ශ්රී ලංකා රූ රැජින.
2004 දී සරසවිය ජනප්රියම නිලිය සම්මානය.
2012 ලක්ස් ෆිල්ම් අවෝර්ඩ්ස් ජනප්රියම නිලිය.
මූලාශ්ර
[සංස්කරණය]- ↑ සංරක්ෂිත පිටපත, http://lkgirls.weebly.com/1/post/2008/12/anarkali-washing-a-car-car-wash.html, ප්රතිෂ්ඨාපනය 2008-12-23
- ↑ "Anarkalli in 'Iti Pahan'". Lankalibrary.com. සම්ප්රවේශය 2010-09-08.
- ↑ "Anarkalli Aakarsha in 'Sihinayak Pata Patin'". Sundayobserver.lk. 2004-01-25. සම්ප්රවේශය 2010-09-08.
- ↑ සංරක්ෂිත පිටපත, http://www.anarkalli.com/bio.html, ප්රතිෂ්ඨාපනය 2013-12-19
- ↑ "අනර්කලී ෆෝර් සදර්න් ප්රොවින්ෂියල් කවුන්සිල් ඉලෙක්ෂන්ස්". Srilankan-stars.blogspot.com. 2009-08-25. 2009-09-18 දින මුල් පිටපත වෙතින් සංරක්ෂණය කරන ලදී. සම්ප්රවේශය 2010-09-08.
- ↑ http://sinhala.adaderana.lk/news.php?nid=42177
- ↑ සංරක්ෂිත පිටපත, http://www.derana.lk/show.php?prid=14, ප්රතිෂ්ඨාපනය 2013-12-19