රෝයි (චිත්‍රපටය)

විකිපීඩියා වෙතින්
Jump to navigation Jump to search
රෝයි
Roy film poster.jpg
සිනමාහල් නිකුතු ‍පෝස්ටරයක්
අධ්‍යක්ෂණයවික්‍රම්ජිත් සිං
නිෂ්පාදනයභූෂන් කුමාර්
දිව්‍යා ඛෝස්ලා කුමාර්
ක්‍රිෂාන් කුමාර්
රචනයවික්‍රම්ජිත් සිං
රංගන ශිල්පීන්
සංගීතයගීත:
අංකිත් තිවාරි
අමාල් මලික්
මීට් බ්‍රොස් අංජාන්
පසුබිම් සංගීතය:
සන්ජෝයි චෞධරි
සිනෙමාරූපණයහිම්මන් ධමීජා
සංස්කරණයදීපිකා කල්රා, රජත් අරෝරා
චිත්‍රාගාරයටී-සීරීස්
බෙදා හරින ලද්දේAA ෆිල්ම්ස්
වයිට් හිල් ප්‍රොඩක්ෂන්ස්
නිකුත්වූ දිනය(න්)13 පෙබරවාරි 2015 (2015-02-13)
දිවෙන කාලයමිනිත්තු 147
රටඉන්දියාව
භාෂාවහින්දි
පිරිවැයINR මිලියන 400[1]
ආදායමඇස්ත. INR මිලියන 560[2]

රෝයි යනු 2015 ඉන්දියානු ප්‍රේම වෘත්තාන්ත නාට්‍ය චිත්‍රපටයකි. මෙය අධ්‍යක්ෂණය කරන ලද්දේ ආධුනික අධ්‍යක්ෂක වික්‍රම්ජිත් සිං විසිනි. මෙය නිෂ්පාදනය කරන ලද්දේ භූෂන් කුමාර්, ක්‍රිෂාන් කුමාර්, දිව්‍යා ඛෝස්ලා කුමාර් සහ අජේ කපූර් විසින් ෆ්‍රීවේ පික්චර්ස් යටතේ ය.[3] චිත්‍රපටයේ ප්‍රධාන චරිත නිරූපණය කරනු ලබන්නේ අර්ජුන් රාම්පාල් සහ ජැකලීන් ෆර්නැන්ඩස් විසිනි. මෙහි තේමා චරිතය රන්බීර් කපූර් විසින් ද, සෙසු සහාය චරිත ෂේර්නාස් පටෙල්, රාජිත් කපූර් සහ ෂිබානි දණ්ඩේකාර් විසින් ද නිරූපණය කරනු පබයි. අනූපම් ඛේර් ද පසුබිම් රංගනයෙන් දායක වෙයි. මෙම චිත්‍රපටයට පාදක වී ඇත්තේ සොරකම් සහ මංකොල්ලකෑම් පිළිබඳ රචනය සහ චිත්‍රපටය අධ්‍යක්ෂණය සිදුකරන චිත්‍රපට නිර්මාණකරුවකු පිළිබඳවයි. චිත්‍රපටයේ මංගල දර්ශනය 2015 පෙබරවාරි 12 දින ඩුබායිහි දී ප්‍රදර්ශනය කෙරුණු අතර, 2015 පෙබරවාරි 13 සිට ලොව පුරා පදර්ශනයට මුදාහැරිණි.[4]

කථාපුවත[සංස්කරණය]

කබීර් ගරේවාල් (අර්ජුන් රාම්පාල්) යනු ප්‍රේම සබඳතා ගණනාවක් හේතුවෙන් ප්‍රසිද්ධියට පත් චිත්‍රපට නිර්මාණකරුවකු සහ තිර රචකයකු වන අතර, ඔහු සොරුන්ගේ දිවිය සහ සොරකම් පාදක කරගනිමින් චිත්‍රපට ගණනාවක් (GUNS තුන් ඈඳුතු චිත්‍රපට) නිර්මාණයෙහි නියැළෙයි. ඔහුගේ සියලුම චිත්‍රපට අතිශයින් සාර්ථකත්වයට පත්වේ. චිත්‍රපට මාලාවේ තෙවන චිත්‍රපටය රූගත කිරීම සඳහා ඔහු මැලේසියාව වෙත යන අතර, එහි දී ඔහුට ලන්ඩන් මූලික කරගත් චිත්‍රපට නිර්මාණකාරිණියක වන අයේෂා (ජැකලීන් ෆර්නැන්ඩස්) මුණගැසෙයි. මිතුරන් බවට පත්වන කබීර් සහ අයේෂා නොබෝ කලකින්ම පෙම්වතුන් බවට පත්වෙති. නමුත් කබීර්ගේ පෙම් සබඳතා පිළිබඳ දැනගන්නා විට අයේෂා ඔහුව අත්හැර ලන්ඩන් වෙත පැමිණෙයි. මෙම ප්‍රතික්ෂේප කිරීමෙන් කම්පනයට පත්වන කබීර් නැවත මුම්බායි වෙත පැමිණෙන්නේ සිය චිත්‍රපටයේ කටයුතු අවසන් නොකරමිනි. ප්‍රයත්න කිහිපයකට පසු, චිත්‍රපටයට උච්චතම දර්ශනයක් සොයාගැනීමට කබීර් අපොහොසත් වේ. ඇගේ සහායිකා මීරාගේ (ෂර්නාස් පටෙල්) යෝජනාවක් අනුව, කබීර් චිත්‍රපට උළෙලකට සහභාගී වන්නේ ජූරි සභිකයකු ලෙසයිත එහි දී අයේෂාගේ චිත්‍රපට තිරගත වේ. කබීර් තමන් පසුපස පැමිණෙන්නේ යැයි සිතන අයේෂා ඔහුට සිය දිවියෙන් ඈත්ව සිටින ලෙස පවසයි. ඔහුගේ පියාගේ (අනූපම් ඛේර්) මරණින් පසු චිත්‍රපටයේ අනග්‍රාහකයින් විදික් ඔහුට නඩු පවරයි. මේ නිසා කබීර් සිය චිත්‍රපටය සම්පූර්ණ කිරීමට තීරණය කරයි.

කබීර්ගේ Guns 3 චිත්‍රපටයේ මනඃකල්පිත චරිත ඇතුළත් විකල්ප කථාපුවතක කුප්‍රකට රෝයි (රන්බීර් කපූර්) නම් අද්භූත ජාත්‍යන්තර කලා කෘති සොරකු ඇතුළත් ය. මෙ තැනැත්තාගෙන් මිදීමට කිසිදු රටක් අසමත් වන අතර, රහස් පරීක්ෂක වාඩියා (රාජිත් කපූර්) ද ඔහුව ඇල්ලා ගැනීමට අපොහොසත් වේ. සිය නව රාජකාරිය ලෙස රෝයි නොදන්නා ස්ථානය්ක වෙත යන්නේ එහි වූ අගනා සිතුවමක් සොරකම් කිරීමටයි. එහි දී ඔහුට එහි හිමිකාරිණිය රූමත් ටියා (මෙම චරිතය නිරූපණය කරන්නේ ද ජැකලීන් ෆර්නැන්ඩස් විසිනි) බව දැනගන්නට ලැබෙයි. ටියා දිවිගෙවන විශාල මන්දිරය තුළ සිතුවම තැන්පත් කොට ඇත. මේ නිසා රෝයි ටියා සමග මිතුරු වීමට සිතා කලා වෙන්දේසියකට සහභාගී වන අතර, එහි දී ඇය විමතියට පත්වෙයි. ඔවුන් දෙදෙනා එක්ව කාලය ගතකරන අතර, රෝයි හට මන්දිරයට පිවිසීමට අවස්ථාව හිමි වේ. නියම අවස්ථාව එළඹෙන තෙක් බලා සිටි රෝයි එක් රාත්‍රියක සිතුවම ද රැගෙන පලා යයි. ටියා ඉමහත් දොම්නසට පත්ව සිටියි. පසුව රෝයි පසුතැවිලි වන්නේ තම්න පැබැවින්ම ටියාට පෙම්කරන බව වටහා ගැනීමෙනි. මේ නිසා සිතුවම ඇයට නැවත භාරදීමට ඔහු තීරණය කරයි. චිත්‍රයේ නව හිමිකරු සමග කුඩා ගැටුමකින් පසුව, රෝයි එය නැවත ලබාගැනීමට සමත් වේ. සිතුවම ලබාගැනීමෙන් පසුව, රෝයි වෙනස් වී ඇති බව වටහා ගන්නා ටියා ඔහුට සමාව ලබා දෙයි.

මේ අතර, කබීර්ගේ චිත්‍රපටය වන Guns 3 මුදාහැරෙන අතර, එය අතිශයින් සාර්ථකත්වයට පත්වේ. අවසානයේ කබීර් අයේෂාට විවාහ යෝජනාවක් ගෙන එන අතර, ඔවුන් දෙදෙනා යළි එක් වන්නේ කබීර්ගේ චිත්‍රපටයේ රෝයි සහ ටියා සේ ය. චිත්‍රපටය අවසන් වන්නේ රෝයි සහ ටියා සොරකම් කෙරුණු සිතුවමට සමාන පාලමක් මත ඇවිද යන දර්ශනයෙනි.

චරිත නිරූපණය[සංස්කරණය]

නිෂ්පාදනය[සංස්කරණය]

චිත්‍රපටය නිෂ්පාදනය කරන ලද්දේ INR40 කෝටි (US$6.2 මිලියන) අයවැයක් සහිතව වන අතර, මෙයට INR30 කෝටි (US$4.7 මිලියන)ක නිෂ්පාදන සහ INR10 කෝටි (US$1.6 මිලියන)ක P&A වියදමක් ඇතුළත් විය. චන්ද්‍රිකා අයිතීන් මගින් චිත්‍රපටය INR25 කෝටි (US$3.9 මිලියන)ක ආදායමක් උපයාගත් අතර, සංගීත අයිතීන් මගින් INR6 කෝටි (US$940,000) සහ විදෙස් ප්‍රදර්ශන අයිතීන් මගින් INR6 කෝටි (US$940,000)කඅආදායමක් ද උපයාගෙන ඇත.[5]

ප්‍රවර්ධනය සහ අලෙවිකරණය[සංස්කරණය]

චිත්‍රපටයේ ට්‍රේලරය 2014 දෙසැම්බර් 17 දින මුදාහැරිණි. මෙය පැය 24ක් ඇතුළත යූටියුබ් ඔස්සේ මිලියන 1කට අධික පිරිසක් විසින් නරඹා තිබිණි. බිග් බොස් සහ කොමඩි නයිට්ස් විත් කපිල් වැනි සුප්‍රකට රියැලිටි වැඩසටහන්වල දී චිත්‍රපටය ප්‍රවර්ධනය කෙරිණි.

විචාරක පිළිගැනීම[සංස්කරණය]

ඉන්ඩියන් එක්ස්ප්‍රස් චිත්‍රපට විචාරකයා විසින් චිත්‍රපටයට ලබාදුන්නේ තරු පහෙන් 0.5ක් පමණක් වන අතර, ඔහු ප්‍රශ්න නැගූයේ "මෙවැනි චිත්‍රපටයක රන්බීර් කපූර් සිදු කරන්නේ කුමක් ද?" යනුවෙනි.[6] ibnliveහි රජීව් මසාන්ද් මෙයට තරු එකක් පමණක් ලබාදෙමින් පැවසූයේ "චිත්‍රපටය අලස අයුරින් කොර ගසමින් යන අතර, අනුමාන කළ හැකි වෙළුණු අවසානයක් සහිතව එය ඇද වැටේ."[7]

ධ්වනිපථය[සංස්කරණය]

රෝයි
ධ්වනිපථ ඇල්බමය විසිනි
නිකුත් වූයේ9 ජනවාරි 2015 (2015-01-09)
ගණයවෘත්තාන්ත චිත්‍රපට ධ්වනිපථය
කාලය34:48
ලේබලයටී-සීරීස්

රෝයිහි ගීත නිර්මාණය සිදුකොට ඇත්තේ අංකිත් තිවාරි, මීට් බ්‍රොස් අංජාන් සහ අමාල් මලික් විසිනි. එහි පද රචනය සිදු කරන ලද්දේ, කුමාර්, සංදීප් නාත් සහ අභේන්ද්‍ර කුමාර් උපධ්‍යායි විසිනි. චිත්‍රපටයේ සංගීත අයිතීන් ටී-සීරීස් විසින් අත් කරගන්නා ලදී. සන්ජෝයි චෞධරි විසින් චිත්‍රපට ස්වර ලිපි නිර්මාණය සිදුකළේ ය.

මුදාහැරීම[සංස්කරණය]

පළමු කේවලය වූ, අරිජිත් සිං, ආදිති සිං ෂර්මා විසින් ගයන සහ අමාල් මලික් විසින් සංගීත නිර්මාණය කළ "සූරජ් දූබා හේන්" ගීතය 2014 දෙසැම්බර් 22 දින මුදාහැරිණි. සම්පූර්ණ ඇල්බමයම ඩිජිටලීකෘත අයුරින් මුදාහරුණේ 2015 ජනවාරි 9 දින ය.[8] මෙහි අමතර Remix EP එකක් 2015 ජනවාරි 27 දින මුදාහැරිණි.[9]

පථ ලැයිස්තුව[සංස්කරණය]

රෝයි (නියම සල රූ ධ්වනිපථය)
අංකය. ගීතයගී පදවැලසංගීතයගායක(යින්) කාලය
1. "සූරජ් දූබා හේන්"  කුමාර්අමාල් මලික්අරිජිත් සිං, ආදිති සිං ෂර්මා 4:24
2. "තු හේ කි නහී"  අභේන්ද්‍ර කුමාර් උපධ්‍යායිඅංකිත් තිවාරිඅංකිත් තිවාරි 5:33
3. "චිටියාන් කලයියාන්"  කුමාර්මීට් බ්‍රොස් අංජාන්කණිකා කපූර්, මීට් බ්‍රොස් අංජාන් 4:05
4. "යාරා රේ"  සංදීප් නාත්අංකිත් තිවාරිකේකේ 4:57
5. "බූන්ඩ් බූන්ඩ්"  අභේන්ද්‍ර කුමාර් උපධ්‍යායිඅංකිත් තිවාරිඅංකිත් තිවාරි 5:21
6. "තු හේ කි නහී (Unplugged)"  අභේන්ද්‍ර කුමාර් උපධ්‍යායිඅංකිත් තිවාරිතුල්සි කුමාර් 5:34
7. "සූරජ් දූබා හේන් (ප්‍රභේදය 2)"  කුමාර්අමාල් මලික්ආදිති සිං ෂර්මා, අරිජිත් සිං 4:24
සම්පූර්ණ දිග:
34:48

පිළිගැනීම[සංස්කරණය]

රෝයිහි ගීත විචාරකයන් වෙතින් යහපත් ප්‍රතිචාර හිමි කරගත්තේ ය. Rediff විසින් මෙහි ඇල්බමයට තරු 5න් 4ක් ලබාදෙමින් පවසා ඇත්තේ එය "හැම අතින්ම ජයග්‍රාහකයකු" බවයි.[10] කොයිමොයි විසින් ප්‍රකාශයට පත්කොට තිබුණේ, "සැබැවින්ම දීර්ඝ කාලයකට පසුව, ඔබගේ දුකථනයෙන් සැනසිල්ලේ ඇසීමට තරම් වටිනා ගීත සහිත ඇල්බමයක් නිකුත් වී ඇත. මෙම ඇල්බමය නිසැකවම ඔබගේ ගීත දර්ශකයට ඇතුළත් වේවි."[11]

බොක්ස් ඔෆීස්[සංස්කරණය]

චිත්‍රපටය ලොව පුරා INR58 කෝටි (US$9.0 මිලියන) ක දළ ආදායමක් උපයා ගැනීමට සමත් විය.[12]

සම්මාන[සංස්කරණය]

සම්මානය උත්සවයේ දිනය[lower-alpha 1] ප්‍රවර්ගය ලාභීන් සහ යෝජිතයින් නිර්දිෂ්ට කෘතිය ප්‍රතිඵලය ආශ්‍රේ.
ෆිල්ම්ෆෙයාර් සම්මාන 15 ජනවාරි 2016 හොඳම සංගීත අධ්‍යක්ෂක අමාල් මලික්, අංකිත් තිවාරි සහ මීට් බ්‍රොස් අංජාන් රෝයි දිනාගති [13]
හොඳම පද රචකයා කුමාර් "සූරජ් දූබා හේන්" නිර්දේශිත
හොඳම පිළිවැයුම් ගායකයා අරිජිත් සිං දිනාගති
අංකිත් තිවාරි "තූ හේ කි නහී" නිර්දේශිත
GiMA සම්මාන 6 අප්‍රේල් 2016 හොඳම චිත්‍රපට ඇල්බමය අමාල් මලික්, අංකිත් තිවාරි සහ මීට් බ්‍රොස් අංජාන් රෝයි නිර්දේශිත [14]
හොඳම චිත්‍රපට ගීතය අමාල් මලික්, කුමාර්, අරිජිත් සිං සහ ආදිති සිං ෂර්මා "සූරජ් දූබා හේන්" නිර්දේශිත
හොඳම සංගීත අධ්‍යක්ෂක අමාල් මලික්, අංකිත් තිවාරි සහ මීට් බ්‍රොස් අංජාන් රෝයි දිනාගති
හොඳම පද රචකයා කුමාර් "සූරජ් දූබා හේන්" නිර්දේශිත
හොඳම පිළිවැයුම් ගායකයා අරිජිත් සිං නිර්දේශිත
හොඳම පිළිවැයුම් ගායිකාව කණිකා කපූර් "චිටියාන් කලයියාන්" නිර්දේශිත
අයිෆා සම්මාන 26 ජූනි 2016 හොඳම සංගීත අධ්‍යක්ෂණය අමාල් මලික්, අංකිත් තිවාරි සහ මීට් බ්‍රොස් අංජාන් රෝයි දිනාගති [15]
හොඳම පිළිවැයුම් ගායිකාව කණිකා කපූර් "චිටියාන් කලයියාන්" නිර්දේශිත
හොඳම පිළිවැයුම් ගායකයා අරිජිත් සිං "සූර්ජ් දූබා හේන්" නිර්දේශිත
මිර්චි සංගීත සම්මාන 29 පෙබරවාරි 2016 වසරේ ගීතය අමාල් මලික්, කුමාර්, අරිජිත් සිං සහ ආදිති සිං ෂර්මා නිර්දේශිත [16][17]
වසරේ ඇල්බමය අමාල් මලික්, අංකිත් තිවාරි සහ මීට් බ්‍රොස් අංජාන් රෝයි නිර්දේශිත
වසරේ ගායකයා අරිජිත් සිං "සූරජ් දූබා හේන්" නිර්දේශිත
වසරේ සංගීත නිර්මාණකරුවා අමාල් මලික් නිර්දේශිත
ශ්‍රාවකයන්ගේ තේරීම වසරේ ඇල්බමය අමාල් මලික්, අංකිත් තිවාරි සහ මීට් බ්‍රොස් අංජාන් රෝයි දිනාගති
වසරේ නැගී එන සංගීත නිර්මාණකරු අමාල් මලික් "සූරජ් දූබා හේන්" දිනාගති
වසරේ නැගී එන පද රචකයා අභේන්ද්‍ර කුමාර් උපධ්‍යායි "බූන්ඩ් බූන්ඩ්" දිනාගති
"තු හේ කි නහී" නිර්දේශිත
ස්ක්‍රීන් සම්මාන 8 ජනවාරි 2016 හොඳම සංගීත අධ්‍යක්ෂක අමාල් මලික්, අංකිත් තිවාරි සහ මීට් බ්‍රොස් අංජාන් රෝයි දිනාගති [18]
ස්ටාර් ගිල්ඩ් සම්මාන 1 ජනවාරි 2016 හොඳම සංගීත අධ්‍යක්ෂක දිනාගති [19]
හොඳම පද රචක කුමාර් "සූරජ් දූබා හේන්" නිර්දේශිත
හොඳම පිළිවැයුම් ගායකයා අරිජිත් සිං නිර්දේශිත
අංකිත් තිවාරි "තු හේ කි නහී" නිර්දේශිත
හොඳම පිළිවැයුම් ගායිකාව කණිකා කපූර් "චිටියාන් කලයියාන්" නිර්දේශිත
සී සිනේ සම්මාන 20 පෙබරවාරි 2016 හොඳම සංගීතය අමාල් මලික් "සූරජ් දූබා හේන්" නිර්දේශිත [20]
හොඳම පිළිවැයුම් ගායකයා අරිජිත් සිං දිනාගති

සටහන්[සංස්කරණය]

  1. සම්මාන උළෙල පිළිබඳ ලිපියක් ඇත්නම් ඒ වෙත සබැඳියක් යොමු කෙරේ.

ආශ්‍රේයයන්[සංස්කරණය]

  1. Roy Six Days (Wednesday) Box Office Collection: Steady. bollymoviereviewz.com (February 2015)
  2. "Roy - Movie - Box Office India". Box Office India. 12 March 2015. Italic or bold markup not allowed in: |publisher= (help)
  3. "'Roy' – Movie review" (Mid-Day.com). Mid Day. Retrieved 13 February 2015.
  4. "Roy crashes on Monday: Numerological review of release date". merinews.com. 18 February 2015
  5. Roy Sees A Decent Jump On Day 2 (1st Saturday) At The Box Office. koimoi.com. 15 February 2015
  6. "Roy Review:What is Ranbir Kapoor doing in a movie like this?". The Indian Express.
  7. "The film limps lethargically and collapse in a predictable twist ending". Ibnlive.
  8. "Roy (Original Motion Picture Soundtrack)". Retrieved 28 July 2016.
  9. "Roy Remix - EP". Retrieved 28 July 2016.
  10. "Review: Roy's music rocks!". Rediff. 18 January 2015.
  11. "Roy Music Review". Koimoi.
  12. "Top Worldwide Grossers 2015". Box Office India. 12 March 2015. Italic or bold markup not allowed in: |publisher= (help)
  13. "Filmfare Awards 2016: Complete List of Winners". NDTV India. 16 January 2016. Retrieved 26 January 2017.
  14. "Film Music Winners 2016". GiMA. Retrieved 26 January 2017.
  15. "The Nominations 2016". IIFA. Retrieved 26 January 2017.
  16. "Nominations". Mirchi Music Awards. Retrieved 26 January 2017.
  17. "Winners". Mirchi Music Awards. Retrieved 26 January 2017.
  18. Ghosh, Raya (9 January 2016). "Screen Awards 2016: Complete List of Winners". NDTV Movies. Retrieved 26 January 2017.
  19. "Nominations for 11th Renault Sony Guild Awards". Bollywood Hungama. 21 December 2015. Retrieved 26 January 2017.
  20. "Zee Cine Awards 2016 Complete Winners List: Who won what?". Daily News and Analysis. 5 March 2016. Retrieved 26 January 2017.

බාහිර සබැඳි[සංස්කරණය]

  • රෝයි ට ඉන්ටර්නෙට් මූවී ඩෙටාබේස් හි ඇති ගිණුම.
"https://si.wikipedia.org/w/index.php?title=රෝයි_(චිත්‍රපටය)&oldid=457925" වෙතින් සම්ප්‍රවේශනය කෙරිණි