රාමඤ්ඤ නිකාය

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න

රාමඤ්ඤ නිකාය ශ්‍රි ලංකාවේ පවතින ප්‍රධාන බෞද්ධ නිකායකි. රාමඤ්ඤ නිකාය තායිලන්තයේ පවතින තම්මයුක්ත නිකායට සමරූපී වේ. වර්තමනය වනවිට රාමඤ්ඤ නිකාය තායිලන්තය, බුරුමය හා ශ්‍රී ලංකාවේ පවතී.

ආරම්භය[සංස්කරණය]

මෙම නිකාය ආරම්භ වුයේ වර්‍ෂ 1863 ජුනි මස 13 වැනිදා ගාල්ලේ නදී උපෝසථාගාරයේ දී (උදකුක්ඛේප සීමාවෙහි) උපසම්පදා කර්මය සිදුකිරීමෙන් පසුවය[1].ඒ අඹගහවත්තේ සරණංකර සාමණේරයන් වහන්සේ බුරුමයට ගොස් බුරුමයේ රාමඤ්ඤ නගරයේ රත්නපුණ්ණ මහා විහාර වාසී ඥෙයධර්‍ම සංඝරාජ ස්වාමින් වහන්සේගෙන් උපසම්පදාව ලබා ශ්‍රී ලංකාවට පැමිණීමෙන් අනතුරුවය.මෙම නිකායේ පළමු මහා නායක ස්වාමීන් වහන්සේ වන්නේ ද අතිපූජ්‍ය අඹගහවත්තේ ඉන්ද්‍රාසභවරඤාණ ගණනායක මහා ස්වාමීන් වහන්සේය. මූලස්ථානය කළුතර,පයාගල රාමඤ්ඤ මහා නිකායික මූල මහා විහාරය යි. අතිපූජ්‍ය අග්ග මහා පණ්ඩිත නාපානේ පේමසිරි මහා ස්වාමීන් වහන්සේ නව මහා නායක ස්වාමීන් වහන්සේ ලෙස කටයුතු කරයි.

එක් කුලයක භික්‍ෂූන් මෙම නිකායේ බහුල වීම[සංස්කරණය]

අඹගහවත්තේ සරණංකර හිමියන් උපතින් සලාගම කුලයට අයත් බැවින් සහ සලාගම, කරාව වැනි කුල වල (එනම් ගොවි කුලයෙහි නොවන) පුද්ගලයන් සියම් නිකායෙහි සසුන්ගත ‍කරගන්නේ නොමැති බැවින්, සලාගම කුලයේ දරුවන් සසුන්ගත කරවීමේදී රාමඤ්ඤ නිකාය තෝරාගැනීම බොහෝවිට සිදුවිය. එහෙත් මෙම නිකාය තුළ සියළුම කුලයන් හි කුල දරුවන්ට පැවිදි වීමේ අවකාශය ඇත.

උප නිකාය / පාර්ශව[සංස්කරණය]

මෙම මහා නිකාය කිසිදු උප බෙදීමකට ලක්ව නැත.

ආශ්‍රිත ලිපි[සංස්කරණය]

  1. http://www.divaina.com/2014/01/20/news04.html
"https://si.wikipedia.org/w/index.php?title=රාමඤ්ඤ_නිකාය&oldid=382733" වෙතින් සම්ප්‍රවේශනය කෙරිණි