නොරො වයිරස්
| නොරෝ වයිරසය | |
|---|---|
| වෙනත් නම් | ශීත කාලයේ වමනය[1] |
 | |
| නෝර්වෝක් වෛරසයේ සම්ප්රේෂණ ඉලෙක්ට්රෝන අන්වීක්ෂ සටහන. සුදු තීරුව = 50 nm | |
| විශේෂතාව | හදිසි ප්රතිකාර, ළමා රෝග |
| රෝග ලක්ෂණ | පාචනය, වමනය, බඩේ වේදනාව, හිසරදය[2] |
| Usual onset | නිරාවරණයෙන් පැය 12 සිට 48 දක්වා[2] |
| කාලපරාසය | දින 1 සිට 3 දක්වා[2] |
| හේතු | නොරෝ වයිරසය[3] |
| රෝග විනිශ්චය ක්රම | රෝග ලක්ෂණ මත පදනම්ව[3] |
| වැළක්වීම | අත්-සේදීම, දූෂිත පෘෂ්ඨයන් විෂබීජහරණය[4] |
| ප්රතිකාර | උපකාරක සත්කාර (අභ්යන්තර තරල හෝ ප්රමාණවත් තරල පානය කිරීම)[5] |
| සංඛ්යාතය | වසරකට සිදුවීම් මිලියන 685 ක්[6] |
| මරණ | වසරකට 200,000 ක්[6][7] |
ශීත ඍතු වමනය දෝෂය ලෙසද හැඳින්වෙන නොරෝ වයිරසය, ආමාශයේ ආන්ත්රයික රෝග සඳහා ප්රධාන හේතුව වේ.[1] [6] ආසාදනය නිසා රුධිරය නොමැති පාචනය, වමනය සහ බඩේ වේදනාව ඇති කරයි. උණ සහ හිසරදය ද ඇති විය හැක.[2] රෝග ලක්ෂණ සාමාන්යයෙන් වෛරසයට නිරාවරණය වී පැය 12 සිට 48 දක්වා කාලය තුළ දිස්වන අතර බොහෝ අය දින 1 සිට 3 දක්වා කාලය තුළ සුවය ලබයි.[2] සංකූලතා දුර්ලභ වන නමුත් විජලනය, විශේෂයෙන්ම කුඩා ළමුන්, වෘධ වැඩිහිටියන් සහ වෙනත් සෞඛ්ය ගැටළු ඇති පුද්ගලයින්ට සෑදිය හැක. [2]
වෛරසය සාමාන්යයෙන් ව්යාප්ත වන්නේ මල-මුඛ මාර්ගයෙනි.[3] මිනිසුන් දූෂිත ආහාර හෝ ජලය පරිභෝජනය කරන විට හෝ ආසාදිත පුද්ගලයෙකු සමඟ සෘජු සම්බන්ධතා පවත්වන විට මෙය සිදු විය හැකිය.[3] ආසාදිත පුද්ගලයෙකුගේ වමනය මගින් දූෂිත පෘෂ්ඨයන් හෝ වාතයේ අංශු හරහා ද එය පැතිර යා හැක.[3] අවදානම් සාධක අතර දුර්වල ආහාර සනීපාරක්ෂාව සහ එකිනෙකාට සමීප ස්ථානවල ජීවත් වීම ඇතුළත් වේ.[3] වෛද්යවරුන් සාමාන්යයෙන් රෝග ලක්ෂණ මත පදනම්ව වෛරසය හඳුනා ගන්නා අතර, තහවුරු කිරීමේ පරීක්ෂණ දුර්ලභ වන අතර, මහජන සෞඛ්ය ආයතන වලින් රෝගය පැතිර යාමකදී ඒවා භාවිතා කරනු ලැබේ.[3]
නොරෝ වයිරසය වැළැක්වීම සඳහා අත් හොඳින් සේදීම සහ දූෂිත පෘෂ්ඨයන් විෂබීජහරණය කිරීම ඇතුළත් වේ.[4] ඇල්කොහොල් මත පදනම් වූ අත් සනීපාරක්ෂක අතිරේක පියවරක් ලෙස භාවිතා කළ හැකි නමුත් අත් සේදීමට වඩා එය අඩු ඵලදායී වේ.[4] වෛරසය සඳහා එන්නතක් හෝ නිශ්චිත ප්රතිකාරයක් නොමැත.[4] [5] කළමනාකරණයට ප්රමාණවත් තරල පානය කිරීම හෝ අභ්යන්තර තරල වැනි ආධාරක සත්කාර ඇතුළත් වේ.[5] කැෆේන් හෝ මධ්යසාර රහිත වෙනත් බීම වර්ග උදව් විය හැකි වුවද, මුඛ ප්රතිජලනය කිරීමේ ද්රාවණයන් හොඳම තේරීම වේ.[5]
වසරකට මිලියන 685කට පමණ නොරෝ වයිරසය වැළඳී ඇති අතර, ලොව පුරා වයිරසය නිසා වසරකට මරණ 200,000ක් සිදුවේ.[6] [7] එය සංවර්ධිත හා සංවර්ධනය වෙමින් පවතින රටවලට දෙකෙහිම පොදු ය.[3][8] වයස අවුරුදු පහට අඩු අය බොහෝ විට පීඩාවට පත් වන අතර, මෙම කණ්ඩායමේ මරණ 50,000 ක් පමණ සංවර්ධනය වෙමින් පවතින රටවල සිදු වේ.[6] නොරො වයිරස් ආසාදන ශීත මාසවලදී බහුලව දක්නට ලැබේ.[6] එය විශේෂයෙන් මිනිසුන් සමීපව ජීවත් වන ස්ථානවල බොහෝ විට පැතිරී යාමට හේතු වේ.[3] එක්සත් ජනපදයේ, සියලුම ආහාර මගින් බෝවන රෝග වලින් අඩකට පමණ වෛරසය වගකිව යුතුය.[3] 1968 දී පැතිරී යාමක් සිදු වූ ඔහියෝ හි නොර්වෝක් නගරය අනුව මෙම වෛරසය නම් කර ඇත.[9]
යොමු කිරීම්
[සංස්කරණය]- ^ a b "Norovirus (vomiting bug)". nhs.uk. 2017-10-19. 2018-06-12 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 8 June 2018.
- ^ a b c d e f "Norovirus Symptoms". CDC (ඇමෙරිකානු ඉංග්රීසි බසින්). 24 June 2016. 6 December 2018 දින මුල් පිටපත වෙතින් සංරක්ෂණය කරන ලදී. සම්ප්රවේශය 29 December 2017.
- ^ a b c d e f g h i j . 2017. p. 269 https://books.google.ca/books?id=np6PDgAAQBAJ&pg=PA269.
{{cite book}}:|archive-date=requires|archive-url=(help); Missing or empty|title=(help) - ^ a b c d "Preventing Norovirus Infection". CDC (ඇමෙරිකානු ඉංග්රීසි බසින්). 5 May 2017. 9 December 2017 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 29 December 2017.
- ^ a b c d "Norovirus - Treatment". CDC. 22 December 2017 දින පැවති මුල් පිටපත වෙතින් සංරක්ෂිත පිටපත. සම්ප්රවේශය 29 December 2017.
- ^ a b c d e f "Norovirus Worldwide". CDC (ඇමෙරිකානු ඉංග්රීසි බසින්). 15 December 2017. 7 December 2018 දින මුල් පිටපත වෙතින් සංරක්ෂණය කරන ලදී. සම්ප්රවේශය 29 December 2017.
- ^ a b "නොරො වයිරසයේ ගෝලීය බර සහ එන්නත් සංවර්ධනය සඳහා අපේක්ෂාවන්" (PDF). CDC. 2015 අගෝස්තු. p. 3. 29 දෙසැම්බර් 2017 දින පැවති මුල් පිටපත වෙතින් සංරක්ෂිත පිටපත (PDF). සම්ප්රවේශය 29 දෙසැම්බර් 2017.
{{cite web}}: Check date values in:|date=(help) - ^ Nguyen GT, Phan K, Teng I, Pu J, Watanabe T (October 2017). "සංවර්ධනය වෙමින් පවතින රටවල ආමාශ ආන්ත්රයිටිස් රෝගීන් තුළ නොරො වයිරසයේ ව්යාප්තිය පිළිබඳ ක්රමානුකූල සමාලෝචනයක් සහ මෙටා විශ්ලේෂණයක් (ඉංග්රීසි)". Medicine. 96 (40) e8139. doi:10.1097/MD.0000000000008139. PMC 5738000. PMID 28984764.
- ^ Damme, ed. (2021). (ඉංග්රීසි බසින්). Switzerland. pp. 289–292.
{{cite book}}:|archive-date=requires|archive-url=(help); Missing or empty|title=(help)CS1 maint: location missing publisher (link)