ටුන්ගුස්කා සිද්ධිය

විකිපීඩියා, නිදහස් විශ්වකෝෂය වෙතින්
Jump to navigation Jump to search

එය අති දැවැන්ත පිපුරුමකි.භූමි කම්පාවකදී මෙන් පොලෝතලය කම්පනය වන අතර ඉහල ආකශය දීප්තිමත් ආලෝකයකින් පිරී බැබලෙන්නට විය.ඒත් සමගම පැන නැගුනු ප්‍රබල ශබ්ද තරන්ග පහතින් වූ තායිගා වනාන්තරයේ නැගී සිටි මහා වෘක්ශ සියල්ලම පොලොවට සමතලා කර දැමූහ.තවත් සුලු මොහොතකින් ගුවනේ පැතිරුණු දීප්තිමත් ආලෝකය මැකී ගොස් මහා කලු දුම් වලාවකින් හාත්පස අවකාශය වසා ගන්න ලදී.

වර්ග සැතපුම් 2150ක් පුරා සරුවට වැඩුණු තායිගා වෘක්ශයන් මිලියන 80ක් බිම හෙලමින් වර්ශ 1908 ජූනි මස 30 වැනි දින සොවියට් දේශයේ තුන්ගුස්කා ගන්ගා ප්‍රදේශයට කිලෝමීටර් 5ත් 10ත් අතර ඉහල අහසේ ඇතිවූ අභිරහස් පිපුරුම පිලිබද වාර්තවකුයි ඒ....
වහා වහා මෙම පිපුරුම පිලිබද තර්ක විතර්ක දුසිම් ගණනින් ඉදිරිපත් විය.වාද විවාද රැසක් හුවමාරු විය.සොවියට් දේශයේ පමණක් නොව එකල්හි මුලුමහත් ලෝකයේම සිටි විද්වත්හු බොහෝදෙනෙකු මෙම සිද්ධිය පැහැදිලි කිරීම පිණිස සිය කාලය වැය කරන ලදී.මෙම සිද්ධිය අරබයා දශක කීපයක් තිස්සේ නිගමන 80කට වැඩි සන්ඛයාවක් ඉදිරිපත් වූ අතර බොහෝ නිගමන ඉදිරිපත් වූ විගස ප්‍රතික්ශේප විය.....ඉන් ප්‍රතික්ශේප නොවූයේ දෑතේ ඇගිලි සන්ඛයාවට සමාන නිගමනයන් ප්‍රමාණයක් පමණි.
1. පොලොව දෙසට එමින් තිබුනු මීටර් කිහිපයක විශ්කම්භයෙන් යුතු උල්කාශ්ම කැබැල්ලක් පෘථිවි පෘශ්ඨයේ ගැටීමට පෙර ඉහල ගුවනේදී පුපුරා ගිය බව.
2. පොලොව දෙසට එමින් තිබුණු ධූමකේතුවක් පෘථිවි වායුගෝලය හරහා විත් ඉහල ආකශයේ දී පුපුරා ගිය බව.
3.කිලෝග්‍රෑම් මිලියන 100ත් මිලියන දහසත් අතර ස්කන්ධයකින් යුතු කළුකුහරයක් ආකාශයේ පුපුරාගිය බව.(මෙවන් ස්කන්දයකින් යුතු කළුකුහරයක පරිමාව ඉතා කුඩා වේ )
4. පෘථිවියට පිටතින් පැමිණි ප්‍රථිපදාර්ථමය වස්තුවක් හා ඇතිවූ ගැටුමක් බව.(පදාර්ථ-ප්‍රථිපදාර්ථ ගැටුමකින් සම්පූර්ණ ලෙසම පදාර්ථය හා ප්‍රථිපදාර්ථය "අතුරුදහන්ව" ශක්තිය නිදහස්වේ)
5.පිටසක්වල ජීවින් (මෙම අදහස එකල්හි එතරම් ප්‍රබලව බල නොපෑ නමුදු ප්‍රතික්ශේප නොවීය )
මේ එම ප්‍රතික්ශේප නොවූ නිගමනයන් ය.කෙසේ වෙතත් අදාල නිගමනයන් ඔස්සේ පර්යේශණයන් සියගණනින් සිදුකලද කිසිදු පර්යේශකයින් කණ්ඩායමක් අවසන් නිගමනයකට එලඹිමට අපොහොසත් විය.අවසානයේ වෙහෙසට පත් පර්යේශකයින් විසින් මෙම මහා පිපුරුම පැහැදිලි නොකල සිදුවීම් ගණයට ඇතුලත් කොට අත්හැර දැමූහ.....
දශක කිහිපයක කාලය නිහඩව ගෙවී ගියේය...ස්වකීය මුතුන්මිත්තන්ගේ අඩු දඩු වලින් පොහොර වූ භූමිය මත යලිත් තරුණ වෘක්ශයන් ගෙන් සමන්විත වූ තායිගා වනයක් නිහඩව රෝපණය විය.50 දශකයේ මෙම ප්‍රදේශයට ගවේශකයින් පිරිසක් පැමිනෙන තුරු කිසිවෙකුත් මෙමම් නව තායිගා වනය පිලිබද අවධානය යොමු කර තිබුනේ නැත.
දශක ගණනාවක් පුරා ලෝකයාගේ දෑස් වලින් වසන්ව තිබූ මෙම නව වනාන්තරයේ සැරිසරමින් එය අධ්‍යනය කල මෙම ගවේශකයින් පිරිස විශ්මයෙන් විශ්මයට පත්වූයේ පිපුරුමෙන් පසු එම වනාන්තරයේ අලුතින් රෝපණය වූ ශාකයන් ගේ හා සත්වයන්ගේ දක්නට ලැබුනු අසාමාන්‍ය ලක්ශනයන් නිසාය.
ලොව ඕනෑම තැනක ඇති "ලාව්" නම් ශාකයේ පත්‍රයකට ඇත්තේ පෙති 2කි.(ද්වි බීජ පත්‍රී ශාකයකී).එහෙත් මහා පිපුරුමෙන් පසුව තුන්ගුස්කා වනාන්තරයේ රෝපණය වූ ලාව් ශාකයේ පත්‍රයක් ඔබ දෑතට ගෙන බැලුවහොත් එහි පෙති 3ක් ඇති බව ඔබට දැකගත හැකිය.
එසේම එම ප්‍රදේශයේ රෝපණය වූ තාල වර්ගයේ ශාකවල පැහැදිලිවම අතු බෙදීමක් දක්නට ලැබේ.එමෙන්ම මෙම වනාන්තරයේ ශාකවල පත්‍රවල ඝනකම,පැහැය,නාරටි විහිදීම හා ශාක ලාටු වල රසායනික සන්යුතියේ ප්‍රබල වෙනස්කම් දකින්නට ඇත.
සත්වයින්ගේ අසාමාන්‍යතා ද ශාකයන් ට කිසිසේත් නොදෙවෙනිය.එහි කෘමි සතුන් ලොව වෙනත් ස්ථාන වල ජීවත් වන කෘමි සත්වයන්ට වඩා ශරීර ප්‍රමාණයන්ගෙන් විශාල වේ.එමෙන්ම කෘමීන් නොවන අනෙකුත් සත්වයින්ගේ බර,ශරීර වර්ණය,ආයු කාලය හා පක්ශීන්ගේ නම් පිහාටු වල හැඩයේ විශාල අසාමාන්‍යතා දකින්නට ඇත.
කෙසේ වෙතත් කිසිවෙකුටත් මෙම අසාමාන්‍යතාවන් පැහැදිලි කල නොහැකි වූ අතර පිපුරුම මෙන්ම මෙම නිරීක්ශනයන් ද පැහැදිලි කල නොහැකි ගණයට ඇතුලත් කොට නිහඩ වීමට විද්‍යාඥ්ඥයන්ට සිදුවිය.
සන්සිද්ධීන් ගැන ඉදිරිපත් වූ පූර්ව මතයන්ට හාත්පසින්ම වෙනස්වූ ප්‍රථිපලයන් අවසානයේදී පර්යේශකයින්ගේ දෑතට පත් වීම සාමාන්‍ය සිදුවීමකි.එයට හේතුවක් ලෙස දැක්විය හැක්කේ අතරමගදී හමුවන ප්‍රබල සාක්ශීන් විසින් පර්යේශකයින්ට යා යුතු නිවැරදි මග පෙන්වා දෙනු ලැබීමයි..තුන්ගුස්කා වනයේ අබිරහස පිලිබද සිදුකරන ලද පර්යේශනයන්ද ඊට වෙනස් වූයේ නැත.


1966 වසර තුන්ගුස්කා සිදුවීම සම්බන්දයෙන් පරීක්ශණ සිදුකරන විද්‍යඥ්ඥයින් හට අමතක නොවන වසරකි.මක් නිසාද යත් එම වසර තුලදී මෙතෙක් යටපත්ව තිබුණු එහෙත් ප්‍රතික්ශේප නොවුනු එක් මතයක් අනෙක් සියලු මතයන් පරයා දීප්තිමත්ව බැබලෙන්නට වූ නිසාය.
1966 වසරේ එක්තරා පුද්ගලයින් කිහිප දෙනෙකු විසින් සයිබීරියාවේ තුන්ගුස්කා ගන්ගාවට ආසන්න "වශ්කා" නම් ගන්ගාවක ඉවුරක තිබී ලෝහ කැබැල්ලක් සොයා ගනු ලැබිනි.කිලෝග්‍රෑම් 2ක් පමණ වූ මෙම ලෝහ කැබැල්ල බාහිර පෙනුමින් තරමක් සුවිසේශී වූ නිසා අදාල පුද්ගලයින් විසින් එය රැගෙන සිය ගමන පිටත් විය.එක් අවස්ථාවකදී එය රැගෙන සිටි තැනැත්තා අතින් එම ලෝහ කැබැල්ල ගිලිහී අසල වූ ගල් පතුරක වැදිනි.ඒ සමගම සිදුවූයේ ඇස් අදහාගත නොහැකි සිදුවීමකි...
ලෝහ කැබැල්ලෙන් ගිනි පිටවන්නට විය..!!!!!!!!!
වහ වහා අදාල ලෝහ කැබැල්ල මොස්කව් හි පිහිටි සොවියෙට් පර්යේශණාගාරයකට යැවිනි.පසුව කැබැලි 3කට වෙන් කරන ලද මෙම ලෝහ කැබැල්ලෙන් එක් කොටසක් අදාල පර්යේශනාගාරයේම තබා ගනිමින් අනෙකුත් කොටස් 2ක අමෙරිකා එක්සත් ජනපදයේ ජාතික පර්යේශණාගාරයටත්,සොවියෙට් දේශයේ පිහිටි අධි ආරක්ශිත පර්යේශණාගාරයකටත් යවන ලදී.
අදාල පර්යේශණාගාරයන් තුල මෙම ලෝහ කොටස් ඉතා සූක්ශම රසායනික හා භෞතිකමය විශ්ලේශණයන්ට භාජනය කිරීමෙන් පසු සොවියෙට් හා ඇමෙරිකානු විද්‍යාඥ්ඥයින් විසින් සිය ප්‍රථිපල ප්‍රකාශයට පත් කරන ලදහ.
ඔවුන් ගේ රසායනික විශ්ලේශනයන්ට අනුව මෙම ද්‍රව්‍ය සෑදී ඇත්තේ ලෝහ වර්ග කීපයකිනි.ඉන් 10% ලැන්තනම් ද 67%ක් සීරියම් ද 8%ක් නියෝබියම් ද අඩන්ගු වූ අතර ඔක්සයිඩ වලින් තොර වූ ඉතා සුපිරිසිදු යකඩ 0.4%ක් ද අඩන්ගු විය.
රසායන විද්‍යාඥ්ඥයින්ට අනුව මෙවන් ලෝහ මිශ්‍රණයක් එකල පැවති තාක්ශණය භාවිතයෙන් නිර්මාණය කල නොහැක.අවම වශයෙන් නූතන තාක්ශනයද එවන් ද්‍රව්‍යක් සැකසීමට අපොහොසත්ය.
භෞතිකමය විශ්ලේශනයන් හි ප්‍රථිපලයන්ද පුදුම එලවන සුලුය.තමන් වෙතට එල්ල කරන ලද අධි බලැති ලේසර් කිරණයන් පෘශ්ඨයට පැමිණි කෝණයට සමාන කෝණයක් සාදමින් පරාවර්තනය කිරීමට මෙම ලෝහ කැබැල්ල සමත්ය...එමෙන්ම වෙඩි උණ්ඩයකටද ලෝහ කැබැල්ල සිදුරු කිරීමට නොහැකි විය.භෞතික විද්යාඥ්ඥයන් ද පැවසූයේ මෙවන් හැසිරීමක් පෘථිවිය මත කිසිදු ද්‍රව්‍යක් නොදක්වන බව්යි.
මෙම පිපුරුම සිදුවූ මුල් කාලයේදී මෙම පිපුරුම සිදුවූ ප්‍රදේශය වෙත ගමන් කල සෝවියෙට් පර්යේශකයින් ගේ උපකරණ මගින් ග්‍රහණය කර ගනු ලැබුවේ ඉතා ප්‍රබල විකිරණශීලී තාවයක් එම අවට පැතිරී පවතින බවයි.එමෙනම් ඔවුන් වාර්ථා කරනු ලැබුයේ ප්‍රබල චුම්භක ක්ශේත්‍රයක් ද ඒ අවට ක්‍රියාත්මක වෙමින් පවතින බවයි.එහෙත් වැදගත්ම දෙය එය නොවේ...
පසු කාලීනව විද්‍යාඥ්ඥයින් විසින් අනාවරණය කරගනු ලැබුවේ අදාල චුම්භක ක්ශේත්‍රය "බර්මියුඩා ත්‍රිකෝණයේ" අවට ක්‍රියාත්මක වන චුම්භක ක්ශේත්‍රයට ආසන්න වශයෙන් සමාන බවයි.මෙම ස්ථාන 2ම ක්‍රියාත්මක වන අසාමාන්‍ය චුම්භක බලය පෘථිවිය මත වෙනත් තැනකදී ඔබට අත් දැකීමට දකින්නට නොලැබේනු ඇත.
කෙසේ වෙතත් 1970න් පසු පිපුරුම සම්භන්ධ පරීක්ශණ රහසිගත ස්වාභාවයක් ගන්නා ලදී.ඉන්පසු එම සිද්ධිය පිලිබද කිසිදු පර්යේශණ වාර්ථාවක් බාහිර සමාජය වෙත පර්යේශණ වල නියැලී සිටි විද්‍යාඥ්ඥයින් විසින් ඉදිරිපත් නොකරන ලදී.
කොතරම් රහසිගත ලෙස සියල්ල සිදුකලද එක් අවස්ථාවකදී ඔවුන්ගේ රහසිගත භාවය බිද වැටුනි.ඒ සෝවියෙට් පුවත්පතක් වූ "කායා ඉන්සුන්ට්‍රියා" නම් පුවත් පතක 1985 ජනවාරි කලාපයට මෙවන් රහසිගත පර්යේශණයන්ට සහභාගී වූ "සර්ගි බොශිව්" නම් සොවියෙට් විද්‍යාඥ්ඥයෙකු විසින් ලබා දුන් ප්‍රකාශයක් හේතුවෙනි.එම ප්‍රකාශයේ ඇති වැදගත්කම කොතරම් දැයි තෙරුම් ගැනීමට ඔබට හැකි වේයයි මම සිතමි......
"අපගේ අවසාන නිගමනය නම් 1908 වර්ශයේදී කිසියම් අජටාකාශ යානයක් සයිබීරියාවට ඉහලින් පෘථිවි ආසන්න කක්ශයේදී පුපුරා ගිය බවයි."


මේ ඔහුගේ ප්‍රකාශයයි.
කුමකින් කුමක් සිදු වුවද පිපුරුම සිදුවී වසර 104ක් ඉක්ම ගියද මෙම පිපුරුම සම්බන්ධයෙන් අදටද අවසන් නිල නිගමනයක් නැත.සත්‍ය වශයෙන්ම එය කුමක් විය හැකිද? ටි.එන්.ටි මෙගාටොන් 15ක ප්‍රබල තාවයකින් යුතු මෙම මහා පිපුරුමට වග කිව යුත්තේ කුමක්ද? උල්කාශ්මයක් ද? පිටසක්වල යානාවක් ද? නැතහොත් වෙනත් යමක් ද?
මා නම් දන්නේ එක් දෙයක් පමණි 
නොවිසදුණු අභිරහසක්ද සමගින් තුන්ගුස්කා ගන්ගාව අද මෙන් හෙටත් නිහඩව ගලා බසිනු ඇත.
තෙරුවණ් සරණයි.
රචනය - පමුදිත බන්ඩාර එරබදුපිටිය.
"https://si.wikipedia.org/w/index.php?title=ටුන්ගුස්කා_සිද්ධිය&oldid=423979" වෙතින් සම්ප්‍රවේශනය කෙරිණි