කුණකටුවා

කුණකටුවා
විද්‍යාත්මක වර්ගීකරණය
රාජධානිය:	Animalia
Phylum:	Chordata
Subphylum:	Vertebrata
වර්ගය:	Reptilia
ගෝත්‍රය:	Squamata
උපගෝත්‍රය:	Serpentes
කුලය:	Viperidae
උපකුලය:	Crotalinae
ගණය:	'Hypnale'
විශේෂය:	''H. hypnale''
ද්වීපද නාමය
Hypnale hypnale (Merrem, 1820)
පර්යාය නාම
[Cophias] Hypnale Merrem, 1820 Trigonoc[ephalus]. hypnale – Schlegel, 1837 Trimeresurus ? Ceylonensis Gray, 1842 Trigonocephalus Zara Gray, 1849 Trigonocephalus hypnalis – Blyth In Kelaart, 1852 Hypnale affinis Anderson, 1871 Trimaculatus (?) Ceylonensis – Higgins, 1873 Ancistrodon hypnale – Boulenger, 1890 Ancistrodon millardi Wall, 1908 [Agkistrodon] hypnale – Pope, 1935 [Agkistrodon] millardi – Pope, 1935 Agcistrodon hypnale – Deraniyagala, 1949 Hypnale hypnale – Gloyd, 1977

පොළොං තෙලිස්සා හෙවත් කුණකටුවා නිශාචර භෞමික වාසී සර්ප විශේෂයකි. සිලින්ඩරාකාර ශරීරයක් දරන මේ සර්පයාගේ ගෙල පැහැදිලිව ගෙලෙන් වෙන් වී පවතී. ත්‍රිකෝණාකාර මහත හිසක් ඇත. පෘෂ්ඨයක් මතුපිට සිටින විට හිස අංශක 45කින් පමණ ඔසවාගෙන සිටී. කුඩා නාස් පුඩු දරන මේ සර්පයාට මදක් ඉදිරියට නෙරූ දුඹුරු පාට ඇස් පිහිටා ඇත. ශරීරයේ කලු පාට පැල්ලම් දැකිය හැක. 35 cm පමණ දිගකට වැඩෙන කුණකටුවා කුඩා සර්ප බිත්තර, කුඩා ක්ෂීරපායින්, සිකනලුන්, ගෙම්බන් ආහාරයට ගනී.වැඩුනු ගැහැනු සත්තු මාර්තු ජුලි අතර කාලයේ පැටවුන් දැමීම සිදු කරති. වරකට පැටවුන් 7ත් 14ත් අතර සංඛ්‍යාවක් උපත ලබන අතර උපතේ දී මේ සර්පයෝ 15 cm දිගකින් යුක්ත වෙති.

උප විශේෂ

පොළොං තෙලිස්සා සහ කුණකටුවා වෙනස් විෂ සහිත සර්ප වර්ග දෙකක් ලෙස සිංහල වෛද්‍යවරු සලකති. එ නමුත් සතත්‍ව විද්‍යත්මකව තවමත් උප විශේෂ නම්කිරීමක් සිදුවී නැත. එ නමුත් විවිධ වර්ණ වලින් යුක්ත සතුන් හමුවෙන අතර මොවුහු වර්ණ වෙනස්කම් රාශියක් පෙන්වති. බොහෝ විට අදුරු දුඹුරු පාටයි. ඇතැම් විට තද දුඹුරු පාටින් යුක්ත වෙති.

දෂ්ඨකිරීම

දෂ්ඨණ මාරාන්තික විය හැකි සර්පයෙකි. සර්පයා දෂ්ඨ කළ පසු තුවාලය අවට දැඩි වේදනාවක් ඇතිවේ. රාත්‍රී කාලයට ක්‍රියාශීලි වන මේ සර්පයා දිවා කාලයේ දිරාගිය කොළ රොඩු, ගල් කොටන් යට සැඟවී සිටී. රාත්‍රී කාලයේ දී සිදුවූ පහරදීම් වාර්තා වේ. කුපිත වූ විට වලිගය තදින් සෙලවීමක් මේ සර්පයාගෙන් දැක ගත හැක.

ආශ්‍රිත ලිපි

• පාතරට තෙලිස්සා