Jump to content

කාංචනා 2

විකිපීඩියා වෙතින්
කාංචනා 2
පෝස්ටරයක්
අධ්‍යක්‍ෂණයරාඝවා ලෝරන්ස්
රචනයරාඝවා ලෝරන්ස්
නිශ්පාදනයරාඝවා ලෝරන්ස්
රංගන ශිල්පීන්රාඝවා ලෝරන්ස්
තාප්සී පන්නු
නිත්‍යා මෙනන්
කෝවෛ සරලා
සිනෙමාරූපණයරාජවේල් ඔලිවීරන්
ආර්. බී. ගුරුදේව්
සංස්කරණයකිෂෝර් ටෙ.
සංගීතයමුල් ගීත:
ලියෝන් ජේම්ස්
එස්. තාමන්
සී. සත්‍යා
අශ්වමිත්‍රා
පසුබිම් ස්වරමාලා:
එස්. තාමන්
නිෂ්පාදන
company
බෙදාහැරීමදෙමළ:
සන් පික්චර්ස්
ශ්‍රී තේනන්ඩල් ෆිල්ම්ස්
(තෙලිඟු:
ශ්‍රී ලක්ෂ්මී නරසිංහ ප්‍රොඩක්ෂන්ස්)
නිකුත්වූ දිනය
2015 අප්‍රේල් 17[1]
තිර කාලය
මිනිත්තු 168
රටඉන්දියාව
භාෂාවදෙමළ
පිරිවැයINR17 කෝටි (US$2.7 මිලියන)[2]
ආදායමINR120 කෝටි (US$19 මිලියන)[3]

කාංචනා 2 (අලෙවිකරණය වූයේ මූනි 3: කාංචනා 2 ලෙසිනි) යනු රාඝවා ලෝරන්ස් විසින් රදනය, නිෂ්පාදනය සහ අධ්‍යක්ෂණය කරන ලද 2015 දෙමළ සංත්‍රාස ප්‍රහසන චිත්‍රපටයකි. මෙහි ඔහු ද්විත්ව චරිත නිරූපණයක් ද සිදු කරයි.[4] මුනි චිත්‍රපට මාලාවේ තෙවන චිත්‍රපටය වන මෙය මුනි 2: කාංචනා චිත්‍රපටයට පසුව පැමිණි චිත්‍රපටයයි.[5] තාප්සී පන්නු, නිත්‍යා මෙනන් සහ කෝවෛ සරලා ද ප්‍රධාන චරිත නිරූපණයෙන් දායක වන මෙම චිත්‍රපටය 2015 අප්‍රේල් 17 දින ලොව පුරා මුදාහැරිණි. මෙහි තෙලිඟු ප්‍රභේදය වූ ගංගා 2015 මැයි 1 දින මුදාහැරිණි.[6] මෙම චිත්‍රපටය කන්නඩ බසින් කල්පනා 2 ලෙස ප්‍රතිනිර්මාණය වූ අතර 2016 ජූනි මස එය මුදාහැරීමට නියමිතව තිබිණි.

කථාපුවත

[සංස්කරණය]

චිත්‍රපටය ඇරඹෙන්නේ යුවළක් රාත්‍රී ආහාරය සඳහා මිතුරකුගේ නිවසක් වෙත යාමත් සමගයි. ඔවුන් පුදුමයට පත් කරමින් නිවසෙහි කිසිවකු දක්නට නොලැබේ. වර්තමානයේ රාඝවා (රාඝවා ලෝරන්ස්) ග්‍රීන් ටීවී නාළිකාව සඳහා කැමරාකරුවකු ලෙස සේවය කරයි. ඔහුගේ පෙම්වතිය වන නන්දිනී (තාප්සී පන්නු) ද සේවය කරන්නේ එහි ය. ග්‍රීන් ටීවී නාළිකාව ජනප්‍රියතාව අතින් දෙවන ස්ථානයට පත්වීමත් සමග සිය නාළිකාව පළමු ස්ථානයට ගෙනඒමට සංත්‍රාස වැඩසටහනක් රූගත කරන මෙන් නන්දිනී පවසයි. කමිටු සාමාජිකයින් මෙයට එකඟතාව පලකළ විට, නන්දිනී අද්භූත පෙනුමක් සහිත නිවසක් පසුතලය ලෙස යොදාගැනීමට තීරණය කරයි. එම නිවස සැබැවින්ම ‍හොල්මන් ගැවසෙන ස්ථානයක් බව ඇය නොදනියි. ඇය රාඝවා, ඇගේ මුරකරු මයිල් (මයිල්සාමි), ආචාර්ය ප්‍රසාද් (ශ්‍රීමන්) සහ පූජා (පූජා රාමචන්ද්‍රන්) සමග එම කටයුත්ත ඉටු කිරීමට පිටව යයි.

ආසන්න වෙරළ තීරයේ රූගත කිරීම් අතරතුර නන්දිනීට මංගල තැල්ලක් හමුවන අතර, එය සොයාගැනීමෙන් පසුව නොයෙකුත් අද්භූත දෑ සිදුවන්නට පටන් ගනියි. මේ නිසා නන්දිනී පූජකයකු හමුවීමට තීරණය කරයි. මෙම තැල්ල සැබැවින්ම භූතාවේශයකට ලක්ව ඇති බව වටහාගන්නා පූජකයා නන්දිනීට කාමරයෙන් පිටත් වන ලෙස පවසා තැල්ල නැවත භූතාත්මය වෙත ලබා දෙයි. නමුත් නන්දිනී එය විශ්වාස නොකරන අතර, පූජකයා ඇයට අභියෝග කරමින් එය හමුවූ ස්ථානය පරීක්ෂා කර බලන ලෙස පවසයි. දෙවන වරටත් නන්දිනී සහ පූජා තැල්ලට බාධා කිරීම නිසා එය ඔවුන් හැර නොයයි. ඇය පූජකයා වෙත දිවයන අතර, පූජකයා ඇයට උදව් කරයි. ඔහුගේ උපදෙස් පරිදි ඇය මිනී පෙට්ටියක් තනා තැල්ල සහිත විවාහක කාන්තා මළසිරුරක් ද තැන්පත් කරති. ඈතකට යන ඔවුහු එම මිනී පෙට්ටියට සිදුවන්නේ කුමක්දැයි රූගත කරති. මිනී පෙට්ටිය විවෘත වන අතර, භූතාත්මය විසින් ස්ත්‍රී මළසිරුර ඉවතට අදිනු ලබයි. සියලු දෙනාම බියවී දිවයන අතර, රාඝවා ඇද වැටෙයි. නන්දිනීට උපකාර කළ පූජකයාව භූතාත්මය විසින් මරා දමයි. නන්දිනී රාඝවාව අවදි කිරීමට උත්සාහ දැරුව ද ඇය ප්‍රමාද වන අතර, ගංගා නම් භූතාත්මය ඇයට ආවේශ වෙයි.

රාඝවා සහ නන්දිනී වෙනත් නිවසක් වෙත පිටත්වන අතර, ආවේශ වූ නන්දිනී රාඝවාගේ මව සහ නන්දිනීගේ නෑනණ්ඩිය මවිත කිරීමට සැලසුම් කරයි. නන්දිනී තුළ වෙනස්කම් ගණනාවක් සිදුවන අතර, එය පළමු වැටහෙන්නේ රාඝවාටයි. රාත්‍රියේ දුම්පානය කරන්නට පෙළඹෙන ඇය රාඝවාට පහර දෙයි. ඇයට භූතයකු අවේශ වී ඇති බව සියලුදෙනා වටහාගනිති. නන්දිනී (දැන් ගංගා ආවේශ වූ), ශිවාගේ ආත්මය රාඝවා තුළට ඇතුළු කිරීමට උත්සාහ කරයි. රාඝවාගේ මව සහ නන්දිනීගේ නෑනණ්ඩිය පැමිණිවිට ඔවුන් ද පහර කෑමට ලක්වේ. ඔවුහු පල්ලියක් තුළට දිවයකි. එහි දී ඔවුහු ශිවා (රාඝවා ලෝරන්ස්ම) සහ ගංගා (නිත්‍යා මෙනන්) පිළිබඳ දැනගනිති. ගංගාට ශිවා දැඩිව පෙම් කරයි. නමුත් ගංගා සිය උමතු පුත්‍රයා වූ ශංකර් සමග විවාහ වීම ප්‍රතික්ෂේප කිරීම හේතුවෙන් මරුදු (ජයප්‍රකාශ්) ඔවුන් දෙදෙනාව මරාදමා වැළලී ය. නමුත් මියයාමට පෙර කෙසේ හෝ ශිවා ශංකර්ව මරා දමා ඇත. රාඝවා (ශිවාගේ ග්‍රහණයට පත්) මරුදුගේ ගෝලයකු මරාදැමීමත් සමග, ආත්මයක් තමන්ව මරාදැමූ බව ඔහු වටහා ගනියි. කෝප වූ ඔහු සිය මියගිය පුත්‍රයාව නැවත ගෙන්වා ශිවා සහ ගංගාව මරාදැමීමට තැත් කරයි. ශංකර් සමග සටන් කරන ශිවා ඔහුව පරාජය කරයි. මරුදුව මරාදමා ගංගා ද සිය පළිය ගනියි. රාඝවාව නැවත ආරක්ෂිතව පවුල වෙත පිටත් කරන ශිවා, ඔහුට කරදරයක් වූ විගස උපකාරයට පැමිණෙන බවට පොරොන්දු වේ. ශිවා සහ ගංගාගේ කථාපුවත ග්‍රීන් ටීවී නැවත පළමු ස්ථානය වෙත රැගෙන ඒමට සමත් වේ.

චරිත නිරූපණය

[සංස්කරණය]

නිෂ්පාදනය

[සංස්කරණය]

මුනි චිත්‍රපට මාලාවේ තෙවන චිත්‍රපටය සඳහා රාඝවා ලෝරන්ස් වැඩ කටයුතු ආරම්භ කළේ 2012දී ය. අනතුරුව මුනි 3: ගංගා ලෙස එය නම්කළේ ය. මෙම චිත්‍රපටය සඳහා වෙනස් කථාපුවත් දෙකක් ඇතුළත් වේ යැයි ඔහු පැවසී ය.[7] මෙහි ප්‍රධාන කාන්තා චරිතය සඳහා තාප්සී පන්නු තෝරාගැනිණි.[7] ගංගාගේ චරිතය සඳහා අංජලී අත්සන් තැබූ බැව් වාර්තා විය.[8] නමුත් පසුව ඒ සඳහා නිත්‍යා මෙනන් දායක කරගන්නා ලදී.[9] මෙහි සංගීත වීඩියෝවක නර්තනයේ යෙදුණු සිය සහෝදරයා වන එල්වින්ව ලෝරන්ස් විසින් හඳුන්වා දෙන ලදී.[10] මෙම චිත්‍රපටයේ එකිනෙකට වෙනස් පෙනුමවල් හයක් ලෝරන්ස් නිරූපණය කරනු ඇතැයි පැවසිණි.[11] පූජා රාමචන්ද්‍රන් ද මෙයට සම්බන්ධ කරගැනිණි.[12] 2013 ඔක්තෝබරයේ දී, රූගත කිරීම් අතරතුර ලෝරන්ස්ට තුවාල සිදුවූ අතර, මාස තුනකට අධික කාලයක් රූගත කිරීම් නවතා දැමිණි.[13] මෙම චිත්‍රපටය වසර දෙකකට අධික කාලයක් නිෂ්පාදනයේ පැවතිණි.[14]

ධ්වනිපථය

[සංස්කරණය]

මෙහි ධ්වනිපථය ගීත පහකින් සමන්විත අතර ඒවා නිර්මාණය කරන ලද්දේ සී. සත්‍යා, එස්. තාමන්, අශ්වමිත්‍රා සහ නවක ලියෝන් ජේම්ස් විසිනි. ලියෝන් මෙහි ගීත දෙකක් සඳහා සිය දායකත්වය ලබා දී ඇත.[15]

අංකය. ගීතයගී පදවැලසංගීතයගායකයින් කාලය
1. "සණ්ඩිමුනි"  විවේකාලියෝන් ජේම්ස්හරිචරන්, ලියෝන් ජේම්ස්  
2. "වාය වීරා"  කෝ සේෂාලියෝන් ජේම්ස්ශක්තිශ්‍රී ගෝපාලන්  
3. "සිලට්ට පිලට්ට"  ලෝගන්සී. සත්‍යාජගදීශ් කුමාර්, සී. සත්‍යා  
4. "මොට්ට පයියා"  විවේකාඑස්. තාමන්කේ. එස්. චින්ත්‍රා, සූරාජ් සන්තෝෂ්  
5. "මෝඩා මෝඩා"  විවේකාඅශ්වමිත්‍රාමාස්ටර් ශ්‍රීමන් රෝෂන්  

මුදාහැරීම

[සංස්කරණය]

2015 අප්‍රේල් 17 දින ලොවපුරා තිර 750ක පමණ මෙම චිත්‍රපටය මුදාහැරුණේ මණි රත්නම්ගේ ඕ නාදල් කණ්මණි චිත්‍රපටය සමගිනි.[16] තෙලිඟු ප්‍රභේදය පසුව 2015 මැයි 1 දින සිනමාහල් 220ක පමණ මුදාහැරිණි.[17]

විචාරක පිළිගැනීම

[සංස්කරණය]

කාංචනා 2 යහපත් ප්‍රේක්ෂක ප්‍රතිචාර හිමි කරගත්තේ ය.

ද ටයිම්ස් ඔෆ් ඉන්ඩියා මෙයට තරු 5න් 3ක් ලබාදෙමින් රචනා කොට තිබුණේ, "ප්‍රහසන පුළුල් අතර, සෙල්ලක්කාර සංත්‍රාසයක්ද ඒ සමග යෙදී ඇත්තේ භූතයා හේතුවෙන් චරිත බියට පත්වන අයුරුත් සමගයි. මෙය ඇතැම් විට ‍බොළඳ වැඩි වන නමුත්, ඉන් ඔබව සිනහගස්වනු ඇත...චිත්‍රපටය එය පොරොන්දු වන දෑ ඉටු කරයි— අපි ඇතැම් විටෙක සිනහසෙමු, බියපත් වෙමු, හඬමු".[18] මෙයට තරු 5න් 2.75ක් ලබාදෙන බිහයින්ඩ්වුඩ්ස් පවසා ඇත්තේ, "‍ලෝරන්ස් මෙම ප්‍රභේදයෙහි ප්‍රවීණයකු වී ඇති බැව් පෙනේ. ඔහු ප්‍රේක්ෂකයා ඔවුන්ගේ ආසනයේ කෙළවර හිඳ සිටීමට සලස්වන අයුරු හොඳින් දනියි. ඔහුගේ නිර්මාණශීලී පරිකල්පනය හේතුවෙන් මෙය සාමාන්‍ය සංත්‍රාස ප්‍රහසන චිත්‍රපටවලින් වෙනස් වී ඇත".[19] රෙඩිෆ් මෙයට 5න් 2.5ක් ලබාදෙමින් පැවසූයේ එය "විනෝදාත්මක චිත්‍රපටයක්" බවත්, "කථාපුවත අද කාලයට නොගැලපුණ ද, ප්‍රහසන මූග්ධ ය. නමුත් හුරුපුරුදු චරිතවල ප්‍රහසන රංගනය ඔබව සිනහගැස්වීමට සමත්ව ඇත".[20] Sify රචනා කොට ඇත්තේ, "කාංචනා 2 සහ ලෝරන්ස් පෙර ප්‍රහසන සංත්‍රාස චිත්‍රපට අතර වෙනසක් නොමැති බවයි...සූත්‍රය එකම ය– භීතිය සහ මුසු වූ ප්‍රහසනය, මියගිය අයකුගේ ආත්මය වීරයා-වීරවරියගේ සිරුර තුළට ඇතුළු වීම, විනෝදජනක භාවය, වශීකරණය, උදවේගකරභාවය, කාන්තා හැඟීම්, සටන් ජවනිකා...ගීත පහක් ඇතුළත් කිරීම, අද්භූත නිවස, විලාප සහ අඳෝනා හඬවල් මෙහි දී කාර්යක්ෂම වී ඇත".[21]

ඉන්දු-ආසියානු පුවත් සේවාව මෙයටතරු 5න් 2.5ක් ලබාදෙමින් රචනා කොට තිබුණේ, "හනමිටි සහ නිතර දකින සංත්‍රාස ආකෘතියක් රැගත් මෙම චිත්‍රපටයට හොඳ කථා වස්තුවක් නොමැති වීම අභාග්‍යයකි" එසේම එය "අවිවාදයෙන්ම චිත්‍රපට මාලාවේ දුර්වල චිත්‍රපටයක්" බව පවසා ඇත.[22]ද හින්දු පුවත්පත රචනාකොට ඇත්තේ, "මෙහි ගැටලුව රංගනය නොවේ. අනුමාන කළ හැකි කථාපුවතයි...කාංචනා-3, අවසානය පිළිබඳ ආරම්භයේදී ම ඉඟියක් ලැබේ. චිත්‍රපට මාලාව පත්වා ගෙනයාමට මෙය මීට වඩා සාර්ථකව කළ යුතු ය".[23]

බොක්ස් ඔෆීස්

[සංස්කරණය]

කාංචනා 2 ලොව පුරා ආසන්න වශයෙන් INR120 කෝටි (US$19 මිලියන)ක ආදායමක් ලබාගැනීමට සමත් විය.[3]

එහි පළමු දිනයේම, චිත්‍රපටය තමිල් නාඩුව තුළ පමණක් INR5.77 කෝටි (US$900,000)ක[24] සහ ලොවපුරා INR10 කෝටි (US$1.6 මිලියන)ක ශුද්ධ ආදායමක් ලැබීමට සමත් විය.[16] චිත්‍රපටය "දැවැන්ත" ආරම්භයක් ලැබුවේ දින දෙකක් ඇතුළත තමිල් නාඩුව තුළ INR10.83 කෝටි (US$1.7 මිලියන)ක ශුද්ධ ආදායමක් උපයා ගනිමිනි.[25] කාංචනා 2 ආරම්භක සති අන්තයේ දී තමිල් නාඩුවෙන් INR17.5 කෝටි (US$2.7 මිලියන)ක ශුද්ධ ආදායමක් උපයා ග්තතේ ය. එය කර්ණාටකවලින් INR1.55 කෝටි (US$240,000) ද, කේරළයේ INR88 ලක්ෂ (US$140,000) සහ ඉන්දියානේ සෙසු ප්‍රදේශවලින් INR22 ලක්ෂ (US$34,000)ක හුද්ධ ආදායමක් ලබාගැනීමට සමත් විය.[26] චෙන්නායි නගරයෙන් පමණක් දින තුන්ක ඇතුළත මෙම චිත්‍රපටය INR1.31 කෝටි (US$200,000)ක ආදායමක් උපයාගත්තේ ය.[27]

දින දහයක් ඇතුළත තමිල් නාඩුවෙන් INR40 කෝටි (US$6.2 මිලියන)ක ආදායමක් මෙය උපයාගත්තේ ය.[28] දින දාහතරක් ඇතුළත තමිල් නාඩු, කේරළ සහ කර්ණාටක ‍ප්‍රදේශවලින් INR51.5 කෝටි (US$8.0 මිලියන)ක ආදායමක් ඉපැයී ය.[29]

ගංගා නම් වූ මෙහි තෙලිඟු ප්‍රභේදය පළමු සතියේ දී INR12.2 කෝටි (US$1.9 මිලියන)ක ශුද්ධ ආදායමක් පද අතර, දළ ආදායම INR19.3 කෝටි (US$3.0 මිලියන)කි.[17] මෙහි අවසන් ශුද්ධ ආදායම ලෙස INR18.65 කෝටි (US$2.9 මිලියන) වාර්තා වූයේ ඓ සහ එන්තිරන් චිත්‍රපටවලට පසුව ආන්ධ්‍රා ප්‍රදේශ් සහ තෙලංගානාවලින් හඬකැවූ චිත්‍රපටයක් ලද තෙවන ඉහළම ආදායම ලබමිනි.[30]

සීමිත මුදාහැරීම යටතේ එක්සත් ජනපදය තුළ INR7 ලක්ෂ (US$11,000)ක ආරම්භක ආදායමක් ලැබීමට මෙය සමත් විය. එක්සත් රාජධානිය සහ අයර්ලන්තය තුළ මෙම චිත්‍රපටය ආරම්භක සතිඅන්තයේ INR24 ලක්ෂ (US$37,000)ක ආදායමක් ඉපැයී ය. මලයාසියාව තුළ සාර්ථක ආරම්භයක් ලද මෙය පළමු දින තුන ඇතුළත INR1.36 කෝටි (US$210,000)ක ආදායමක් වාර්තා කළේ ය.[31]

2016 ජූනි 3 ඒර්නකුලම් සරිතා තියටරයේ දී මෙම චිත්‍රපටය නැවත මුදාහරිණි.[32]

ආශ්‍රේයයන්

[සංස්කරණය]
  1. ^ Nicy V.P (8 April 2015). "Kollywood Awaits Back-to-Back Release of 'OK Kanmani', 'Kanchana 2', 'Vai Raja Vai', 'Uttama Villain'". International B usiness Times. 14 April 2015 දින මුල් පිටපත වෙතින් සංරක්ෂණය කරන ලදී. සම්ප්‍රවේශය 15 April 2015.
  2. ^ "'Kanchana 2′ a blockbuster, collects over Rs.100 crore". The New Indian Express. 9 June 2015. {{cite web}}: Italic or bold markup not allowed in: |publisher= (help)
  3. ^ a b Upadhyaya, Prakash (December 15, 2015). "SS Rajamouli's Baahubali to Ajith's Vedalam: The Top 10 Highest grossing Tamil movies in 2015". International Business Times, India Edition. සම්ප්‍රවේශය 15 December 2015.
  4. ^ "Raghava Larencce and Tapsee in Muni 3 – Tamil Movie News". Indiaglitz.com. 3 December 2012. සම්ප්‍රවේශය 3 October 2013.
  5. ^ "'Ganga' Rechristened 'Kanchana 2'". Indo-Asian News Service. සම්ප්‍රවේශය 5 March 2015.
  6. ^ "WILL KANCHANA 2 MAKE IT AT LEAST THIS TIME?". Behindwoods. 26 April 2015. {{cite web}}: Italic or bold markup not allowed in: |publisher= (help)
  7. ^ a b V Lakshmi, TNN 30 November 2012, 12.00AM IST (30 November 2012). "Taapsee is part of Ganga – Times Of India". Articles.timesofindia.indiatimes.com. සම්ප්‍රවේශය 3 October 2013.{{cite web}}: CS1 maint: multiple names: authors list (link) CS1 maint: numeric names: authors list (link)
  8. ^ "Anjali to play a cameo in Muni 3 – Times Of India". Articles.timesofindia.indiatimes.com. 27 July 2013. සම්ප්‍රවේශය 3 October 2013.
  9. ^ Nithya Menon in 'Muni 3' – Tamil Movie News සංරක්ෂණය කළ පිටපත 2013-12-10 at the Wayback Machine. Indiaglitz.com (7 December 2013). Retrieved on 2015-05-29.
  10. ^ Muni 3 takes six forms, Raghava Lawrence, Muni 3. Behindwoods.com (8 May 2013). Retrieved on 2015-05-29.
  11. ^ "Lawrence to be seen in multiple shades in Muni 3 – Times Of India". Articles.timesofindia.indiatimes.com. 16 May 2013. සම්ප්‍රවේශය 3 October 2013.
  12. ^ "No more glamour roles for me : Pooja Ramachandran – Times Of India". Timesofindia.indiatimes.com. 23 September 2013. සම්ප්‍රවේශය 3 October 2013.
  13. ^ "Raghava Lawrence injured during the making of Muni 3". Behindwoods. 1 October 2013. {{cite web}}: Italic or bold markup not allowed in: |publisher= (help)
  14. ^ "Taapsee: I was not keen on doing Kanchana 2". Rediff. 16 April 2015. {{cite web}}: Italic or bold markup not allowed in: |publisher= (help)
  15. ^ "Kanchana-2 to hit screens tomorrow". The Times of India. 16 April 2015. {{cite web}}: Italic or bold markup not allowed in: |publisher= (help)
  16. ^ a b "'Ok Kanmani', 'Kanchana 2' First Day Box Office Collection: Films of Mani Ratnam, Raghava Get Fantastic Openings Worldwide". IB Times. 18 April 2015. {{cite web}}: Italic or bold markup not allowed in: |publisher= (help)
  17. ^ a b 'Ganga' First Week Collection at AP/T Box Office: Lawrence Starrer Grosses ₹19.3 Crore in 7 Days. Ibtimes.co.in (8 May 2015). Retrieved on 2015-05-29.
  18. ^ "Kanchana-2 Movie Review". The Times of India. 17 April 2015. {{cite web}}: Italic or bold markup not allowed in: |publisher= (help)
  19. ^ "KANCHANA 2 MOVIE REVIEW". Behindwoods. 17 April 2015. {{cite web}}: Italic or bold markup not allowed in: |publisher= (help)
  20. ^ "Review: Kanchana 2 is an enjoyable film". Rediff. 20 April 2015. {{cite web}}: Italic or bold markup not allowed in: |publisher= (help)
  21. ^ "Review: Kanchana 2". Sify. 18 April 2015. {{cite web}}: Italic or bold markup not allowed in: |publisher= (help)
  22. ^ "Kanchana 2: The ghosts in this franchise just don't scare". Hindustan Times. 18 April 2015. {{cite web}}: Italic or bold markup not allowed in: |publisher= (help)
  23. ^ "Kanchana-2: Humour in a dated horror template". The Hindu. 18 April 2015. {{cite web}}: Italic or bold markup not allowed in: |publisher= (help)
  24. ^ "'Kanchana 2' ( 'Muni 3' ) Opening Day Box Office Collection: Raghava Lawrence Starrer Grosses ₹5.77 Crore". IB Times. 18 April 2015. {{cite web}}: Italic or bold markup not allowed in: |publisher= (help)
  25. ^ "'Kanchana 2′ strikes gold at box office". The New Indian Express. 19 April 2015. {{cite web}}: Italic or bold markup not allowed in: |publisher= (help)
  26. ^ "'Kanchana 2' and 'OK Kanmani' are super hits!". Sify. 21 April 2015. 5 October 2015 දින මුල් පිටපත වෙතින් සංරක්ෂණය කරන ලදී. {{cite web}}: Italic or bold markup not allowed in: |publisher= (help)
  27. ^ "'Ok Kanmani'-'Kanchana 2' Opening Weekend Box Office Collection: Both Films Rock in First Weekend". IB Times. 20 April 2015. {{cite web}}: Italic or bold markup not allowed in: |publisher= (help)
  28. ^ "Kanchana 2 Box Office: Raghava Lawrence Starrer Earns ₹40 Crore In Ten Days". International Business Times. 29 April 2015.
  29. ^ "'Kanchana 2' Box Office Collection: Raghava Lawrence's Film Crosses ₹50 Crore Mark". International Business Times. 6 May 2015.
  30. ^ "Ganga Final Total Collections". Andhra Box Office. 9 June 2015. {{cite web}}: Italic or bold markup not allowed in: |publisher= (help)
  31. ^ "'Nanak Shah Fakir' pips 'Mr. X' in key markets". Bollywood Hungama. 20 April 2015. {{cite web}}: Italic or bold markup not allowed in: |publisher= (help)
  32. ^ "Kanchana 2". bookmyshow. 9 June 2016.

බාහිර සබැඳි

[සංස්කරණය]
"https://si.wikipedia.org/w/index.php?title=කාංචනා_2&oldid=722663" වෙතින් සම්ප්‍රවේශනය කෙරිණි