ක්ෂණික මෝචනය

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න

ක්ෂණික මෝචනය (PE)  යනු පුරුෂයෙකුට තම ලිංගික සංසර්ගය අතරතුර ඉතා අඩු කාලයකින් ශ්‍රක්‍ර මෝචනයවීමයි.එමගින් නිසියාකාරයෙන් ලිංගික තෘප්තියක් ලැබීමට අපහසුවේ.සාමාන්‍යයෙන් සංසර්ගය ආරම්භවී විනාඩියක් ඇතුලත ශ්‍රක්‍ර මෝචනයක් සිදුවන්නේනම් එය ක්ෂණික මෝචනයක් ලෙස හදුන්වයි.[1] ජාත්‍යන්තර රෝග වර්ගීකරණය (ICD-10) යටතේ තප්පර 15 අතුලත ශුක්‍ර මෝචනයක් වන්නේනම් එය ක්ෂණික මෝචනයක් ලෙස සළකයි.[2] එහෙත් මේ පිළිබදව විවිධ මත පවතී.[3]

බොහෝ පුරුෂයන් ශුක්‍ර මෝචනය හැකිතරම් පමාවනවාට කැමැත්තක් දක්වයි.සාමාන්‍යයෙන් පුරුෂයෙකු ගේ ශුක්‍ර මෝචනය විනාඩි 4-8 අතර කාලය තුල සිදුවේ. ශුක්‍ර මෝචනය ප්‍රමාදවීමේ රෝගයක්ද ඇත.[4]

ක්ෂණික මෝචනය කෙරෙහි ශාරීරික හේතු හැරුනු විට මානසික හේතුද බලපායි.ඇතැම් විට ස්ත්‍රීන් ගේ මානසික පීඩනයන්ද මෙයට බලපෑහැකි බව පැවසේ.[5][6]

හේතුව[සංස්කරණය]

ක්ෂණික මෝචනයට හේතුව අවිනිශ්චිතය.බොහෝ න්‍යායන්ට අනුව නව යොවුන් වියේදී ස්වං වින්දනයට හුරුවන පිරිමි දරුවන් ඉතා වේගයෙන් ස්වං විදනය කිරීමට හුරුවීම නිසා පසුව ඉක්මනින් ශුක්‍ර මෝචනය වීම සිදුවන බවයි.ඉතා ඉක්මනින් ස්වං විදනය කිරීමට හුරුවීම වෙනුවට සෙමෙන් ක්‍රම ක්‍රමයෙන් ස්වං විදනය කිරීම සුදුසුය.එසේ නොවුන හොත් එය ක්ෂණික මෝචනය ඇතිවීමට හේතුවක්වනු ඇතිබව පර්යේෂකයන් පෙන්වාදෙයි.මීට අමතරව ඇතැම් මානසික සංකූලතාද මෙයට හේතුවේ.ආතතිය,කාංසාව හා නොවිසඳුන ඊඩිපස් සංකීර්ණ ගැටළුද මෙයට හේතුවේ.[7]

ඇතැම් කායික වෛද්‍ය පර්යේෂකයින් පවසන්නේ ක්ෂණික මෝචනය හෙරෙහි සෙරටීන් නම් ස්නායු සම්ප්‍රේෂකයේ බලපෑම ඍජුව බලපාන බවයි.එසේම ස්නායු පද්ධතියේ දෝෂ හා ශිශ්නයේ සංවේදී බවද මෙයට හේතුවේ.

ශුක්‍ර මෝචනය පාලනය කරන්නේ මොළයේ විශේෂිත කලාපයක් තුලිනි.ස්නායු පද්ධතිය හරහා මොළය වෙත ලැබෙන පණිවුණ මත එය තීරණයවේ.[8] ශිශ්නය හා මොළය වෙත පණිවුඩ ගෙනයන ස්නායු වල පවතින දෝෂ නිසා ද ක්ෂණික මොචනය ඇතිවේ.මීට අමතරව පුරස්ථි ග්‍රන්තියේ ඇතිවන රෝග තත්වයන් නිසාද ක්ෂණික මෝචනය ඇතිවේ.

ක්‍රියාවලිය[සංස්කරණය]

ශුක්‍ර මෝචනයේදී මුලින්ම ශුක්‍ර තරලය වෘෂණ කෝෂවල සිට ශුක්‍ර නාල හරහා පුරස්ථි ග්‍රන්තිය වෙත ලගා වෙයි.[9] දෙවනුව මුත්‍ර නාල වෙතට වේගයෙන් විදීම සිදුවේ.එක්තරා රිද්මයකට අනුව මංශ පේෂී චලනය වීමෙන් මෙසේ සිදුවේ.මුත්‍ර නාල ඔස්සේ ගමන් කරන ශුක්‍ර තරලය ශිශ්නයේ අගින් පිටතට විහිදේ .[10]

ස්වං සාධක ස්නායු මගින් අවිච්ඡානුගව මෙම ශුක්‍ර මෝචනය පාලනය කරයි.මෙම ස්නායු සුසුම්නාව මගින් මොළයට සම්භන්දවේ.[11][12]

කාලය[සංස්කරණය]

1948 දී කින්සි නම් පර්යේෂකයා චාර්ථා කර ඇත්තේ පුරුෂයන්ගෙන් හතරෙන් තුනක් (3/4) ම පවසා ඇත්තේ ඔව්න් ලිංගික සංසර්ගය ආරම්භකර විනාඩි දෙකක් ඇතුලත ශුක්‍ර මෝචනය සිදුවූ බවයි.[13]

වර්ථමාන පර්යේෂකයන්ට අනුව වයස අවුරුදු 18 ත් 30 අතර වයසේ පසුවන පුරුෂයන්ගේ ශුක්‍ර මෝචනය සදහා ගතවන කාලය මිනිත්තු හයක් බව පැවසේ.[14][15] එබැවින් සංසර්ගය ආරම්භවී මිනිත්තු දෙකකට වඩා අඩු කාලයකින් ශුක්‍ර මෝචනය වන්නේනම් එය ක්ෂණික මෝචන තත්වයක් ලෙස පෙන්වාදිය හැක.[16] ඇතැම් විට පුරුෂයන් ඉතා දීර්ඝ කාලයක් සංසර්ගයේ යෙදීමට දක්වන කැමැත්ත නිසා ශුක්‍ර මෝචනය සාමාන්‍ය තත්වයක තිබුනද මානසිකව ඔහු එයින් සෑහීමනට පත් නොවන නිසා අනියත බියක් ඇතිකරගනී.

රෝග විනිශ්චය[සංස්කරණය]

ක්ෂණික මෝචනය සදහා වෛද්‍ය විද්‍යාත්මක ප්‍රතිකාර ඇත.[17] මීට වසර 20 කට පෙර ක්ෂණික මෝචනය වර්ග දෙකකට බෙදා දක්වනු ලැබීය.එනම් ජීවිත කාලය පුරා පවතින ක්ෂණික මෝචනය හා තාවකාලික ක්ෂණික මෝචනය වශයෙනි.[18] වර්ථමානයේ දී මෙම ක්ෂණික මෝචනය සම්පූර්ණයෙන්ම වෛද්‍ය විද්‍යානුකූල ප්‍රතිකාර මගින් පාලනය කරහැකි බව පෙන්වාදෙයි.එමෙන්ම මානසික හේතු මත ඇතිවන ක්ෂණික මෝචනය මනෝ විද්‍යාත්මක ප්‍රතිකාර මගින් යථාතත්වයට පත්කළහැක.[19][20]

කායික හේතූන්ට අමතරව ලිංගික සංසර්ගය සිදු කරන අවස්ථාවේ පවතින මානසික තත්වය,පාරිසරික බලපෑම් ආදී බාහිර බලපෑම් මෙන්ම ලිංගික සහකාරිගේ ස්වභාවය ක්‍රියාකාරීත්වයද බලපායි.[21]

ප්‍රථිකාර[සංස්කරණය]

ක්ෂණික මෝචනය සදහා සායනික මෙන්ම වෙනත් බාහිර ප්‍රථිකාර පවතී.[22]

ස්වං ප්‍රථිකාර[සංස්කරණය]

ඇතැම් පුරුෂයන් විවිධ ස්වං ප්‍රතිකාර ක්‍රම අනුගමනය කරති.ඇතැම් ඒවා විද්‍යාත්මක වන අතර ඇතැම් ඒවා මිත්‍යාවන්ය.ඇතමුන් ලිංගික සංසර්ගයේදී ශුක්‍ර මෝචනය පමාකරගැනීම සදහා ලිංගික කාර්‍යයට ඇති අවධානය අඩුකර ගනී.මීට අමතරව ලිංගික ක්‍රියාව සෙමෙන් කිරීම,නැවතී නැවතී කිරීම,මොචනය සිදුවීමට ආසන්නවූවිට වහා ශිශ්නය පිටතට ගෙන ටික වේලාවක් සිටීම,උපත් පාලන කොපු භාවිතය,සහකාරිය උඩ සිටින ඉරියවුවෙන් සංසර්ගයේ යෙදීම ආදී සිදු කරයි.ලිංගික සංසර්ගයේදී කය වෙහෙසීමකට ලක්වන නිසා හෘදය ස්පන්දනය,හුස්ම ගැනීමේ වේගය වැඩිවීම ආදී ශාරීරික ක්‍රියාකාරීත්වය ඉහලයාමත් සමග ශ්‍රක්‍ර මෝචනයට ඇති කාලයද ඉක්මන්වේ.එම නිසා පුරුෂයා ලිංගික ක්‍රියාවේදී තරමක් අක්‍රීයව සිටිම්න් ස්ත්‍රිය ඔහු මත සිට සක්‍රීයව සංසර්ගයේ යෙදීම මගින් ද ක්ෂණික මෝචනය පාලනය කළහැක.මෙම ක්‍රියාවන් මගින් යම් ප්‍රගතියක් අත්වන බව බොහෝ පුරුෂයන් පවසා ඇත.

මිත්‍යා විශ්වාස ලෙස ඇතැම් ආලේපන කෙම් ක්‍රම ඇතමුන් භාවිතා කරයි මේවා විද්‍යාත්මක නොවන දේ නිසා බැහැර කිරීම වඩා සුදුසුය.මත්පැන් ආදී භාවිතය මගින් ක්ෂණික මෝචනය පාලනය කිරීමට ඇතමුන් උස්සාහ ගත්තද එය ඉතා අවධානම් සහගතය.මත්පැන් දුම්වැටි මත්ද්‍රව්‍ය ලිංගික අප්‍රාණිකත්වය ඇති කරයි.එහෙත් අයුර්වේද වෛද්‍ය ක්‍රම වැනි පිළිගත් වෛද්‍යක්‍රම භාවිතය ප්‍රතික්ෂේප කළ නොහැකිය.

මනෝවිශ්ලෙෂණවාදය[සංස්කරණය]

මනෝවිශ්ෂෙණවාදීන්ට අනුව ක්ෂණික මෝචනය යනු නියුරෝසීය ආබාධයකි.පුරුෂයා තුල පවතිව අවිඥානික ස්ත්‍රී විරෝධී හැඟීම්වල පිළිඹිබුවන් ලෙස ක්ෂණික මෝචනය දැක්වියහැකි බවයි.මෙමගින් පුරුෂයා ඉක්මනින් සුරාන්තයට පත්වන අතර ස්ත්‍රියට සුරාන්තයට පත්වීමට නොහැකිවේ.මෙය නොවිඳුන ඊඩිපස් සංකීර්ණ ගැටළුවක් ලෙස මනෝවිශ්ලේෂකයන් දකී.මෙම තත්වය මනෝවිශ්ලේෂණවාදී ප්‍රතිකාර මගින් සුවකල හැකිය.[23]

ස්ත්‍රීන් කෙරෙහි විශ්වාසය තබන පුද්ගලයන් තුල මෙම මනෝ මූලික ක්ෂණික මෝචනය ඇති නොවේ.[24]

ලිංගික ප්‍රථිකාර[සංස්කරණය]

ක්ෂණික මෝචනයට ඉතා නිවැරදි ප්‍රතිකර්මයක් ලෙස ලිංගික ක්‍රියාව එක දිගට සිදුකරනවා වෙනුවට විටින් විට නවත්වමින් සිදු කිරීම දැකිවිය හැක.තවද ශුක්‍ර මොචනයට පෙර ශිශ්නය ඉවතට ගැනීමද සිදුකලහැක. [25] පුරුෂයා විසින් තමාගේ ලිංගික උත්තේජන ක්‍රියාවලියේ රටාව හඳුනාගෙන එය තම සහකාරියට දැනුම් දියයුතුය.මෝචනය සිදුවීමට ආසන්න බව දැනෙනවිට ලිංගික කාර්‍ය තාවකාලිකව නවතා තම සහකාරියට පුරුෂයාගේ ශිශ්නයේ අග කොටස ඇගේ මහපට අැඟිල්ලෙන් හා දබරැගින්ලෙන් තදකොට අල්ලා ගෙන ටික වේලාවක් සිටිය යුතුය.පසුව නැවත සංසර්ගයේ යෙදිය හැක.මෙම ක්‍රියාව නැවත නැවත සිදුකර හැක එමගින් ශුක්‍ර මෝචනය පමාකරගත හැක.[26][27][28] මෙම ශිශ්වය මිරිකීමේ ක්‍රමය ඇතැම් යුවලවල් වලට සාර්ථක ප්‍රථිපල අත්කරදී නැති බව පසුව ඇතමුන් පැමිනිළිකර ඇත..එබැවින් ලිංගික විද්‍යාඥයන් තවත් ක්‍රමයක් ලෙස ලිංගික කියාව නැති නැවතී සිදු කිරීමේ ක්‍රමය දියුණු කළේය.ඒ අනුව පුරුෂයා සුරාන්තයට ආසන්න වනවිට එය තම සහකාරියට දැනුම්දී දෙදෙනාම තාවකාලිකව නිශ්වලව ටික වේලාවක් සිටිය යුතුය.පසුව නැවත සංසර්ගය ඇරඹිය හැක.[29][30][31][32][33]

මෙම ප්‍රථිකාරයන්ට අමතරව ශුක්‍ර මෝචන පාලන අභ්‍යාස,විත්ත එකාග්‍රතා ක්‍රියාකාරකම්,ස්වං වින්දන අභ්‍යාස,හුස්ම ගැනීමේ අභ්‍යාස,සම්භාහනය ආදී අභාස සිදු කෙරේ.

ඖෂධ[සංස්කරණය]

ඖෂධ මගින් සෙරටීන් නම් ස්නායු සංප්‍රේශකය උත්තේජනය කිරීම මගින් මොළය වෙත ශ්‍රක්‍ර මෝචනය පමාකිරීමට පණිවිඩ යවයි.සෙරටීන් හෝමෝනය වර්ධන කිරීම සදහා පැරසෙක්ටයින්(paroxetine) හෝ ඩැපොසෙක්ටයින්(dapoxetine) නම් ෂෙධ භාවිත කරයි.මෙම ඖෂධ මගින් ක්ෂණික මෝචනය පාලනය කළ හැකිය.එහෙත් මෙම ඖෂධ වෛද්‍ය උපදෙස් මත ලබා ගත යුතුය.මෙම ඖෂද විවිධ වෙළඳ නාම යටතේ වෙළඳපොලෙන් මිලදීගත හැකිය.මීට අමතරව ක්ලොමිප්‍රමයින්(clomipramine) ඖෂදයද ක්ෂණික මෝචනයට ප්‍රතිකාර ලෙස යොදාගනී.මෙම ඖෂධයද නිසි වෛද්‍ය උපදෙස් මත පමණක් ලබාගත යුතුය. මෙම ඖෂධ මගින් ශුක්‍ර මෝචනය වමිනිත්තු හය සිට විස්ස දක්වා කාලයකට ප්‍රමාදකලහැක.මෙම ඖෂධ දිගටම ගැනීම නිසා ලිංගික අප්‍රාණිකත්වය, හා නෂ්කාමය ඇතිවිය හැකිය.

පර්යේෂණ[සංස්කරණය]

ක්ෂණික මෝචනය යනු පුරුෂයන් අතර සුලභව දක්නට ලැබෙන රෝගයකි.[34] 1999 හා 2008 අතර කාලයතුල අමරිකාවේ සිදුකළ සමීක්ෂණයකට අනුව අවම වශයෙන් 30% පමණ පුරුෂයින් සංඛාවක් තමාට ක්ෂණික මෝචනය ඇතිබව පවසා ඇත.මේ අතර ඇතැම් පුරුෂයන් 10% පමණ තමාට ලිංගික අප්‍රාණිකත්වය ඇතිපව පවසා ඇත.[35] ලිංගික අප්‍රාණිකත්වයද වයස අවුරුදු 60 වැඩි පුරුෂයන් අතර බහුලව දක්නට ඇති රෝගී තත්වයකි.නිකොටින් අඩංගු මත්ද්‍රව්‍ය දුම්වැටි භාවිත කරන පුදුගලයන් ඉක්මනින් ලිංගික අප්‍රාණිකත්වයට ගොදුරුවේ.ලොව පුරාම බහුලවම දක්නට ලැබෙන රෝගය වන්නේ ක්ෂණික මෝචනයයි.[36][37][38][39][40][41]තරුණයන් අතර පවා බහුලවම දක්නට ලැබෙන රෝගයක් ලෙස ක්ෂණික මෝචනය දැක්විය හැක.

ඉතිහාසය[සංස්කරණය]

සත්ව ලෝකය තුල බොහෝ ඛ්රපායි පිරිමි සතුන් තුල ශුක්‍ර මෝචනය ඉතා ඉක්මනින් සිදුවේ.එයට හේතුව ලෙස සත්ව විද්‍යාඥයන් පෙන්වා දෙන්නේ සංසර්ගය බොහෝ වේලාවක් පැවතුනහොත් පහසුවෙන් විලෝපිකයන්ගේ ගොදුරක් බවට ඔවුන් පත්වීමේ අවදානමයි.

ක්ෂණික මෝචනය පිළිබද ලියැවී ඇති පැරණිතම ග්‍රන්තය ලෙස කාම සූත්‍ර ග්‍රන්තය දැක්විය හැක.මේ සම්බන්දව ලියැවුන පැරණිතම ලේඛන වසර 1,500 දත්වා ඈතට දිවයයි.අතීතයේදී ස්ත්‍රීන් වැඩි කාලයක් පුරා සංසර්ගයේ යෙදියහැති පුරුෂයන්ට කැමැත්ත දැක්වූබව ලියැවී ඇත.ස්ත්‍රිය සුරාන්තයට පත්වීමට පෙර පුරුෂයා ගේ ශුක්‍ර මෝචනය සිදුවුව හොත් ඔහු දුර්වල අයකු ලෙ සැලකීය[42]

මේවාත් බලන්න[සංස්කරණය]

  • ශීශ්නය
  • ලිංගික අප්‍රාණිකත්වය

යොමුව[සංස්කරණය]

  1. Sharlip, I. D., Hellstrom, W. J., & Broderick, G. A. (2008). The ISSM definition of premature ejaculation: A contemporary, evidence-based definition. Journal of Urology, 179(suppl), 340, abstract 988.
  2. Althof, S. E. (2007). Treatment of rapid ejaculation: Psychotherapy, pharmacotherapy, and combined therapy (pp. 212–240). In S. R. Leiblum (Ed.), Principles and practice of sex therapy (4th ed.). NY: Guilford.
  3. Hong, Lawrence K. (2010). "Survival of the fastest: On the origin of premature ejaculation". The Journal of Sex Research 20 (2): 109–122. doi:10.1080/00224498409551212. ISSN 0022-4499. 
  4. Jern Patrick et al. (2007). "Premature and delayed ejaculation: Genetic and environmental effects in a population‐based sample of Finnish twins". The journal of sexual medicine 4 (6): 1739–1749. doi:10.1111/j.1743-6109.2007.00599.x. 
  5. Limoncin, E. (2013). "Premature Ejaculation Results in Female Sexual Distress: Standardization and Validation of a New Diagnostic Tool for Sexual Distress". Journal of Urology 189 (5): 1830–5. doi:10.1016/j.juro.2012.11.007. PMID 23142691. 
  6. Graziottin, A.; S. Althof (2011). "What Does Premature Ejaculation Mean to the Man, the Woman, and the Couple?". Journal of Sexual Medicine 8: 304–9. doi:10.1111/j.1743-6109.2011.02426.x. PMID 21967392. 
  7. Strassberg, D. S., & Perelman, M. A. (2009). Sexual dysfunctions. In P. H. Blaney & T. Millon (Eds.), Oxford textbook of psychopathology (2nd ed.), (pp. 399–430). NY: Oxford University Press.
  8. "Demonstration of ejaculation-induced neural activity in the male rat brain using 5-HT1A agonist 8-OH-DPAT". Physiol. Behav. 62 (4): 881–91. 1997. doi:10.1016/S0031-9384(97)00258-8. PMID 9284512. 
  9. "Five meters of H(2)O: the pressure at the urinary bladder neck during human ejaculation". Prostate 44 (4): 339–41. 2000. doi:10.1002/1097-0045(20000901)44:4<339::AID-PROS12>3.0.CO;2-Z. PMID 10951500. 
  10. "Ejaculatory physiology and dysfunction". Urol. Clin. North Am. 28 (2): 363–75, x. 2001. doi:10.1016/S0094-0143(05)70145-2. PMID 11402588. 
  11. "Physiology of male sexual function". Ann. Intern. Med. 92 (2 Pt 2): 329–31. 1980. doi:10.7326/0003-4819-92-2-329. PMID 7356224. 
  12. "Identification of a potential ejaculation generator in the spinal cord". Science 297 (5586): 1566–9. 2002. doi:10.1126/science.1073885. PMID 12202834. 
  13. Kinsey, Alfred (1948), Sexual Behavior in the Human Male, Philadelphia: W. B. Saunders Co 
  14. Empty citation (help) 
  15. "A multinational population survey of intravaginal ejaculation latency time". The journal of sexual medicine 2 (4): 492–7. 2005. doi:10.1111/j.1743-6109.2005.00070.x. PMID 16422843. 
  16. "Proposal for a definition of lifelong premature ejaculation based on epidemiological stopwatch data". The journal of sexual medicine 2 (4): 498–507. 2005. doi:10.1111/j.1743-6109.2005.00069.x. PMID 16422844. 
  17. Empty citation (help) 
  18. Godpodinoff, ML (1989). "Premature ejaculation: clinical subgroups and etiology". J Sex Marital Ther. 15 (2): 130–4. doi:10.1080/00926238908403817. PMID 2769774. 
  19. Empty citation (help) 
  20. Serefoglu, ECප්‍රකාශන දෝෂය: හඳුනානොගත් වදන "etal" (2011). "Prevalence of the complaint of ejaculating prematurely and the four premature ejaculation syndromes". J Sex Med 8 (2): 540–8. doi:10.1111/j.1743-6109.2010.02095.x. PMID 21054799. 
  21. Godpodinoff M.L. Premature Ejaculation: Clinical Subgroups and Etiology Journal of Sex and Marital Therapy 1989; 15(2):130-134
  22. LeVay, S., & Baldwin, J. (2009). Human sexuality (3rd. ed.) (pp. 532–534). Sunderland, MA: Sinauer.
  23. Kaplan, Helen S. (1989), PE: How to Overcome Premature Ejaculation, Brunner Mazel/New York Times, p. 28 
  24. Kaplan, Helen S. (1974), The New Sex Therapy, Brunner Mazel/New York Times, p. 295 
  25. Kaplan, Helen S. (1974), The New Sex Therapy, Brunner Mazel, pp. 298-299 
  26. Castleman, M. (2004), Great Sex, Rodale, Inc., pp. 137–138 
  27. Masters, W.; V. Johnson (1970), Human Sexual Inadequacy, Little Brown & Company 
  28. Belliveau, F.; L. Richter (1970), Understanding Human Sexual Inadequacy, Hodder and Stoughton 
  29. Castleman, M. (2004), Great Sex, Rodale, Inc., pp. 136–137 
  30. Kaplan, Helen S. (1989), PE: How to Overcome Premature Ejaculation, Brunner Mazel/New York Times, pp. 48–58 
  31. Metz, M.; B. McCarthy (2003), Coping With Premature Ejaculation, New Harbinger Publications, pp. 123–128 
  32. Silverberg, S. (2010) [1978], Lasting Longer: The Treatment Program for Premature Ejaculation, Physicians Medical Press, pp. 44–57 
  33. Birch. R.W. (2007), A Short Book About Lasting Longer, PEC Publishing, pp. 27–38 
  34. Empty citation (help) 
  35. Laumann, E.O. (1999). "Sexual Dysfunction in the United States: Prevalence and Predictors". Journal of the American Medical Association 281 (6): 537–44. doi:10.1001/jama.281.6.537. PMID 10022110. 
  36. Althof, S.E. (2010). "International Society for Sexual Medicine's Guidelines for the Diagnosis and Treatment of Premature Ejaculation". Journal of Sexual Medicine 7 (9): 2947–69. doi:10.1111/j.1743-6109.2010.01975.x. PMID 21050394. 
  37. Mathers, M.J. (2013). "Premature Ejaculation in Urological Routine Practice". Aktuelle Urology (German) 44 (1): 33–9. doi:10.1055/s-0032-1331727. PMID 23381878. 
  38. Serefoglu E.C.; T.R. Saitz (2012). "New Insights on Premature Ejaculation: A Review of Definition, Classification Prevalence, and Treatment". Asian Journal of Andrology 14 (6): 822–9. doi:10.1038/aja.2012.108. PMID 23064688. 
  39. Tang, W.S.; E.M. Khoo (2011). "Prevalence and Correlates of Premature Ejaculation in a Primary Care Setting: A Preliminary Cross-Sectional Study". Journal of Sexual Medicine 8 (7): 2071–8. doi:10.1111/j.1743-6109.2011.02280.x. PMID 21492404. 
  40. Porst, H. (2007). "The Premature Ejaculation Prevalence and Attitudes (PEPA) Survey: Prevalence, Co-morbidities, and Professional Help-Seeking". European Urology 51 (3): 816–824. doi:10.1016/j.eururo.2006.07.004. PMID 16934919. 
  41. Rowland, D. (204). "Self-Reported Premature Ejaculation and Aspects of Sexual Functioning and Satisfaction". Journal of Sexual Medicine 1 (2): 225–32. doi:10.1111/j.1743-6109.2004.04033.x. PMID 16429622. 
  42. Vatsyayana, M. (translators) Doniger, W. and Kakar, S. (2009), Kamasutra, Oxford University Press 

වැඩිදුර කියවීම්[සංස්කරණය]

බාහිර යොමු[සංස්කරණය]

  • premature ejaculation සඳහා අදාළ මාධ්‍ය විකිපීඩියා කොමන්ස්හි ඇත
"https://si.wikipedia.org/w/index.php?title=ක්ෂණික_මෝචනය&oldid=413123" වෙතින් සම්ප්‍රවේශනය කෙරිණි