අලගිය තමිල් මගල්

විකිපීඩියා වෙතින්
අලගිය තමිල් මගල්
ප්‍රභේදයසෝප් ඔපෙරා
ක්‍රීඩා
ප්‍රේම වෘත්තාන්ත
පවුල්
නාට්‍ය
මත පදනම්වමුතියල මුග්ගු
රචනය කලේපී. මාරි මුත්තු
අධ්‍යක්ෂණය කලේකේ. ටී. සුනිල්
රඟපෑම
තේමා සංගීත නිර්මාණකරුවිශාල් චන්ද්‍රසේඛර් (තේමා ගීතය)
ජායි කිෂාන් (පසුබිම් ස්වර මාලා)
ඇරඹුම් තේමාව"කපඩි කපඩි"
සම්භව රටඉන්දියාව
භාෂාව(න්)දෙමළ
නිෂ්පාදනය
සංස්කාරක(යන්)
  • එම්. මුතු ගනේෂ්
  • ඩී. ප්‍රකාශ්
ස්ථානය(න්)ඌටි
සිනෙමාරූපණයවී. කල්‍යාණ්
කැමරා සැලැස්මබහු-කැමරා
ධාවන කාලයආසන්න. මිනිත්තු 22-24
ප්‍රචාරණය
මුල් නාලිකාවසී තමිල්
මුල් ධාවනය28 අගෝස්තු 2017 (2017-08-28) – වර්තමානය
බාහිර සබැඳි
වෙබ් අඩවිය

අලගිය තමිල් මගල් (දෙමළ: அழகிய தமிழ் மகள்; සිංහල: සුන්දර දමිළ දියණිය) යනු 2017 ඉන්දියානු දෙමළ-භාෂා රූපවාහිනී සෝප් ඔපෙරාවකි. මෙහි ප්‍රධාන රචිත නිරූපණය කරන්නේ ශීලා, පූවි, සුබලක්ෂ්මී සහ අංජු අරවින්ද් විසිනි. මෙය 2016 සිට සී තෙලිඟු නාළිකාව ඔස්සේ විකාශය වන මුතියල මුග්ගු නම් තෙලිඟු රූපවාහිනී කතාමාලාවේ ප්‍රතිනිර්මාණයකි. මෙය 2017 අගෝස්තු 28 දින සිට සී තමිල් නාළිකාව ඔස්සේ[1] සඳුදා සිට සිකුරාදා දක්වා දිනවල 19:00ට (IST) විකාශය වේ.[2]

මෙමගින් කියැවෙන්නේ පූංකෝඩි නම් ගම්බද දැරිය කබඩි ක්‍රීඩාව හේතුවෙන් චෙන්නායි වෙත ගොස් වැඩිදුර අධ්‍යාපනයට අවස්ථාව උදා කරගන්නා ආකාරයයි.

සාරාංශය[සංස්කරණය]

පූංකොඩි (ශීලා රාජ් කුමාර්) කබඩි සහ භරතනාට්‍යම් සඳහා දක්ෂතා දක්වන දැරියක වන අතර, ඇය මෙම ක්‍රීඩාවෙන් ඉදිරියට ගොස් වැඩිදුර අධ්‍යාපනය ලැබීමට සිහින මවයි. කෙසේනමුත්, ඇගේ මවගේ අඳුරු අතීතය හේතුවෙන් ඇගේ ගමනට නොයෙකුත් බාධා එල්ල වේ.

පූංකෝඩිගේ ගුරුවරයා සහ ඇගේ මුත්තනුවන් විසින් ඇයව කබඩි තරගයකට සහභාගී කරන අතර, එමගින් ඇයට චෙන්නායි වෙත ගොස් උසස් අධ්‍යාපනය හැදෑරීමට ශීෂ්‍යත්වයක් හිමි වේ. ඇගේ ප්‍රතිවාදිනිය වන දීපිකා (සුබලක්ෂ්මී රංගන්) ඇයව පහත ඇද දැමීමට තැත් කරයි. කෙසේනමුත්, පසුව දැනගන්නට ලැබෙන්නේ දීපිකා යනු පූංකෝඩිගේ අර්ධ-සොයුරිය බවයි. පූංකෝඩි විවිධ බාධකවල මුහුණදෙයි. මේ අතර දීපිකා, ජීවා (පූවි අරසු) සහ පූංකෝඩි තුන්කොන් ප්‍රේමයක පැටලෙති. මෙම සත්‍යය අනාවරණය වීමත් සමග ඇගේ පවුලට සහ දිවි ගමනට වන බලපෑම කථාවේ ඉදිරියට නිරූපණය වනු ඇත.

චරිත නිරූපණය[සංස්කරණය]

නළුවරණය[සංස්කරණය]

මෙම ගම්බද ප්‍රේම කථා පුවත සී තමිල් නාළිකාවෙන් විකාශය වේ. එහි ප්‍රධාන චරිතය වන පූංකෝඩිගේ චරිතය නිරූපණය සඳහා නවක නිළි ශීලා රාජ් කුමාර් තෝරාගැනිණි. ලක්ෂ්මි වන්තාචු සහ ඩාන්සිං ඛිලාඩීස්හි ජයග්‍රාහක පූවි රසු මෙම වැඩසට‍හනේ ජීවා නම් ප්‍රධාන චරිතයක් නිරූපණය කරයි. මෙය පූවි රසුගේ ප්‍රථම ප්‍රධාන චරිත නිරූපණය ද වේ. ගංගා කතාමාලාවෙන් කීර්තියට පත් සුබලක්ෂ්මී රංගන් මෙහි දෙවන ප්‍රධාන චරිතයක් වන දීපිකාගේ රචිතයට තෝරාගැනිණි. අංජු අරවින්ද්, සාක්ෂි සිවා සහ ශාරි (සාධනා) ද මෙහි වැදගත් චරිත නිරූපණය කරයි.

නිෂ්පාදනය[සංස්කරණය]

  • නිර්මාණාත්මක අධ්‍යක්ෂණය: කවිතා භාරතී
  • කලා අධ්‍යක්ෂක: කේ. සුරේෂ්
  • ධ්වනිපථය: මුරුගන්
  • සිනොමරූපණය: වී. කල්‍යාණ්
  • ප්‍රවර්ධන නිෂ්පාදක: එච්. රාජා

තේමා ගීතය[සංස්කරණය]

තේමා ගීතය නිමවන ලද්දේ විශාල් චන්ද්‍ර‍සේඛර් විසින් වන අතර, පසුබිම් ස්වර මාලා ජායි කිෂාන් විසින් නිර්මාණය කරන ලදී.

ධ්වනිපථය[සංස්කරණය]

පථ ලැයිස්තුකරණය
අංකය. ගීතයගී පදවැලගායක(යින්) කාලය
1. "“කපඩි කපඩි”
(கபடி கபடி) තේමා ගීතය"  
 විශාල් චන්ද්‍රසේඛර් 1:50

සටහන්[සංස්කරණය]

  • මෙය ක්‍රීඩා පිළිබඳ ප්‍රථම දෙමළ කතාමාලාවයි.
  • මෙය පූවි රසුගේ ප්‍රථම ප්‍රධාන චරිතය ද වේ.
  • පූංකෝඩි සඳහා වන ප්‍රථම කතාමාලාව ද මෙයයි.
  • වසර 2ක නිහැඬියාවකින් පසු අංජු අරවින්ද් නැවත රූපවාහිනී කතාමාලා වෙත පිවිසෙන්නේ මෙමගිනි.

ආශ්‍රේයයන්[සංස්කරණය]

  1. "Azhagiya Tamil Magal serial". www.ozee.com.
  2. "Azhagiya Tamil Magal new serial on Zee Tamil". cinema.dinamalar.com.

බාහිර සබැඳි[සංස්කරණය]

"https://si.wikipedia.org/w/index.php?title=අලගිය_තමිල්_මගල්&oldid=459361" වෙතින් සම්ප්‍රවේශනය කෙරිණි