සිංහල ඉලක්කම්

විකිපීඩියා, නිදහස් විශ්වකෝෂය වෙතින්
Jump to navigation Jump to search

නවතම අධ්‍යයනයන් තුළින සිංහලයට ආවේණික වූ ඉලක්කම් සොයාගෙන ඇත. ලෝකයටම පවතින්නේ ඉලක්කම් ක්‍රමවේද තුනක් පමනක් යැයි කියවේ. ඒ අතරින් හිංදු අරාබි, රෝම හා සිංහල ඉලක්කම් ඒවාවේ. ඈත අතීතයේ සිට ම මෙම ඉලක්කම් භාවිතා කොට ඇත. සිතුල්පව්ව සෙල්ලිපියේ මෙම පූර්ව බ්‍රාහ්මීය අංකන ක්‍රමවේදය පවතී. මහනුවර යුගය තෙක්ම මෙම ඉලක්කම් භාවිතා කොට ඇති බවට සාක්ෂි ලැබේ. මහානුවර යුගයේ ඉතාම අලංකර රවුම් හැඩැති පත්තිරුවල ලියවිය හැකි ආකාරයට පරිනාමය වී ඇත. මේවා හෙළ කුන්දජ නමින්ද හඳුන්වා ඇත. පසු කාලීනව පෘතුගීසි, ලන්දේසි, ඉංග්‍රීසි බලපෑමෙන් හින්දු-අරාබි ඉලක්කම් හදුන්වා දීමත් සමග සිංහල ඉලක්කම් අභාවයට ගොස් ඇත. නමුත් සිංහල යුනිකොඩ් මගින් නැවත සිංහල ඉලක්කම් කරලියට පැමිණ ඇත.

සිංහල ඉලක්කම් සදහා ශුණය හෙවත් බිංදුවේ අගයක් නැත. සෑම අගයකටම සංකේතයක් ඇත. සිංහල ඉලක්කම් ශාස්ත්‍රෙයන් අනෙකුත් අංක ශාස්ත්‍ර දෙකෙන් කලහැකි සියළුම එකතුකිරීම් අඩුකිරීම් බෙදීම් සිදු කල හැකිය. වර්ගපුර්ණිකාවේ දුනු මඩලා අනුඛණ්ඩයේ, ප්‍රකාරක්ෂීර, ලෝභිතක්ෂීර, වාලම් ගත් ක්ෂිර, චන්ද්‍රකෂීර, චක්‍රධික්ෂීර වගේ ගණිත නි්‍යායන් පැවති බවත් කූම, විපුට වැනි ගණිත මූල ධර්ම පැවති බවත් සදහන් වෙනවා. නමුත් මේ කමන ආකාරයේ ඒවාදැයි අපිට පැහැදිලි කර ගැනීමට මූලාස්‍ර නැහැ. ඒ පවා සියවස් එකහා මාරක් වැනි කෙටි කලක් තුළ යුරෝපිය ආක්‍රමිනිකයා අපේ අංක අපට විමතියක් වන තරමටම භවිතයෙන් ඉවත් කිරීමට සමත්ව තිබෙනවා.

ඕනෑම අයෙකුට ජාතික කෞතුකාගාරයට ගිය කල්හි එහි රාජසභා මණ්ඩපයේ පවතින ශ්‍රී වික්‍රම රාජසිංහ රජුගේ ඔරලෝසුව දැකිය හැකිය. එහි තිබෙන සිංහල පැය තිහ දක්වා ඇත්තේ සිංහල ඉලක්කම් වලිනි.උඩරට ගිවිසුමේ සිංහල ඉලක්කම් දක්වා ඇත. 1783 වසරේ ලංදේසීන් නිකුත්කළ කාසිවල පවා සිංහල ඉලක්කම් දක්නට ඇත. (හෙළයන්ගේ විද්‍යාවන්: ජානක තරංග ආරියරත්න- 57වන පිට ඡායාරුප සමගින් පළකර ඇත. ඇතැම් යන්ත්‍ර හා බලිවලදීද ඉලක්කම් සටහන් තබා ඇත. ලංදේසි යුගයේ ලියවුණ ක්‍රිස්තියානි ඇදහිල්ල නම් පොතේ පිටුවල සිංහල ඉලක්කමද, රෝම ඉලක්කමද දක්වා ඇත. මේ ආශ්‍රිතව සිංහල හෝඩියට ෆ අක්ෂරය එක්කළ මැන්දිස් ගුණසේකර මහතා සිංහලීස් ග්ර්මර නම් කෘතියක් කර ඇත. ඩී. ඇන්. ඩී වැලිකල මහාතා ඈපා ප්‍රකාශනයක්වූ හෙළය ජලය මෙනි කෘතියෙන්ද සිංහල ඉලක්කම් පිළිබඳව විග්‍රහයක් කර ඇත.

හෙළ ගණන් ක්‍රමයේ දැක්වෙන්නේ අති විශාල අගයක් දක්වන්නාවූ සංඛ්‍යාය. මේවා ලිවීමේදී එක් සිංහල ඉලක්කමක් නමුදු සෑහේ. උදාහරණ ලෙස අසංඛය ලිවීමට ඒ අගය හැදින්වීමට දක්වන සංඛේතය පමණක් ප්‍රමාණවත්ය. හිංදු අරාබි ක්‍රමයට ලිවීමේ දී බිංදු රාෂියක් ලිවීමට සිදුවේ.

ආශ්‍රිත[සංස්කරණය]

බාහිර මූලාශ්‍ර[සංස්කරණය]

  • ලංදේසි යුගයේ ලියවුණ ක්‍රිස්තියානි ඇදහිල්ල- ජාතික පුස්තකාලය
  • සිංහලීස් ග්රැමර්- මැන්දිස් ගුණසේකර
  • හෙළය ජලය මෙනි- ඩී. ඇන්. ඩී වැලිකල
  • සිංහල ඉලක්කම් - ජානක තරංග ආරියරත්න
  • හෙළයන්ගේ විද්‍යාවන් - ජානක තරංග ආරියරත්න
  • උඩරට ගිවිසුම- ජාතික පුස්තකාලය
  • ශ්‍රි විකුම සිංහ රජු භාවිතා කළ ඔරලෝසුව- ජාතික කෞතුකාගාරය

https://lankanewsweek.com/news_view.php?news_id=225&cat_id= සිහළ ‘ෆ’අකුරේ නිර්මාතෘ මහා පඬි මැන්දිස් ගුණසේකර වාසල මුදලි..!

"https://si.wikipedia.org/w/index.php?title=සිංහල_ඉලක්කම්&oldid=440882" වෙතින් සම්ප්‍රවේශනය කෙරිණි