ශ්‍රී ලංකා යුද්ධ හමුදාව
(ශ්‍රී ලංකාව Army වෙතින් යළි-යොමු කරන ලදි)
| ශ්‍රී ලංකා යුද්ධ හමුදාව | |
|---|---|
 ශ්‍රී ලංකා යුධ හමුදා නිදහස් දින පාගමනේ කොටසක් | |
| Active | අප්‍රේල් 1, 1981 |
| Country | ශ්‍රී ලංකාව |
| Branch | ශ්‍රී ලංකා සන්නද්ධ හමුදා |
| Type | යුද්ධ හමුදා |
| Role | විදේශ සහ අභ්‍යන්තර ආරක්ෂාව |
| Size | 167,000[1] |
| Part of | ආරක්ෂක අමාත්‍යාංශය |
| Military Headquarters | යුද්ධ හමුදා මූලස්ථානය, කොළඹ |
| Motto(s) | සිංහල: රට වෙනුවෙන් ලතින්: Dulce et decorum est pro patria mori(For Country) |
| Anniversaries | ඔක්තෝබර් 9 |
| Engagements | දෙවන ලෝක යුද්ධය, 1971 ජවිපෙ කැරැල්ල, ශ්‍රී ලංකාවේ 1987-89 කැරැල්ල, ශ්‍රී ලංකාවේ ත්‍රස්තවාදය, United Nations Stabilisation Mission in Haiti |
| Website | army.lk |
| Insignia | |
| ජනාධිපති වර්ණ |  |
| සිලෝන් යුධ හමුදා ධජය(1949-1966) | .jpg) |
ශ්‍රී ලංකාවෙහි යුද්ධ හමුදාව යනු ශ්‍රී ලංකාවේ පැරණිම සහ විශාලම සන්නද්ධ හමුදාවයි. 1949 දි ලංකා යුද හමුදාව ලෙස ඇරඹුනු මෙහි නම 1972 වසරේ ශ්‍රි ලංකාව ජනරජයක් බවට වෙනස් විමෙන් අනතුරුව ශ්‍රි ලංකා යුද හමුදාව ලෙසට වෙනස් කෙරුනි.
ශ්‍රී ලංකා යුධ හමුදාවේ විශේෂ බලකායන්(Y.W.B)
[සංස්කරණය]ශ්‍රී ලංකා යුද හමුදා කමාන්ඩෝ රෙජිමේන්තුව-ක.රෙ-Commando Regiment-CR.(Y.W.B)
[සංස්කරණය]- ශ්‍රි ලංකා යුද හමුදාව සතු විශේෂ ක්රියාන්විත ඒකක දෙකෙන‍් එකකි. යුද හමුදා විශේෂ බලකා රෙජිමේන්තුව අනෙක‍් එකකයයි. කමාන්ඩෝ රෙජිමේන්තුව නිර්මානය කොට ඇත‍‍්තෙ එක්සත් රාජධානියේ විශේෂ ක්රියාන්විත ඒකකයක් වන "ස‍්පෙෂල‍් එයාර‍් සර‍්විස‍් (SAS) රෙජිමේන්තුවට" බෙහෙවින් සමානවය. කමාන්ඩෝ රෙජිමේන්තුවෙ පරිපාලන ව්යුහය හා මෙහෙයුමි සිදුකරන ආකාරය "ස‍්පෙෂල‍් එයාර‍් සර‍්විස‍් (SAS)" රෙජිමේන්තුවට බෙහෙවින් සමානවේ.
- මෙම ඒකකය 1980 දී නිර්මානය කරන ලද අතර ගනේමුල්ල ප්රදේශයේ ස්ථාපිත කොට ඇත.
- යමි අවස‍්ථාවකදි ඇතිවන දේශිය හො විදේශිය ත්රස්ත ක්‍රියාවකදි ප්‍රතිචාර දැක‍්විමට ශ්‍රි ලංකාව තුල ක්‍රියාත‍්මකවන ප්‍රධානතම එකකය වන‍‍්නෙ කමාන්ඩෝ රෙජිමේන්තුව සතු ගුවන‍්යානා ප්‍රති පැහැරගැනිමි හා ප්‍රාණ ඇපකරැවන‍් ගලවා ගැනිමෙ එකකයයි. මෙම කුඩා එ‍්කකය පැය විසිහතර පුරාවට සුදානමිව සිටින අතර කටුනායක ජාත්‍යන‍්තර ගුවන‍්තොටුපලෙහි ස‍්තානගතකොට සිටී.
- කමාන්ඩෝ රෙජිමේන්තුව සෙබලුන‍් 4 සහ8 දෙනා බැගින‍් වන කුඩා කණ්ඩායම් ලෙස මෙහෙයුමි සිදුකරයි.ඔවුන් ඇමරිකාව, එක්සත් රාජධානිය ,ඉශ්රායෙලය,ඉන්දියාව හා පාකිස්තානය යන රටවල‍් වලින් පුහුණුව ලබා ඇත.
- ආසන්න වශයෙන් රෙජිමේන්තුවෙ සියයට අනු පහක‍් පැරෂුටි මගින් යුධ බිමට ලගාවිමෙ සුදුසුකම්(AIRBORNE) ලබා ඇත.
- මෙම පුහුනුව පකිස්ථානයේ , ඉන්දියාවේ හෝ ගනේමුල්ල කමාන්ඩෝ පැරෂුට් පුහුණු පාසලේ දී ලබාදේ.
- තුන්වන කමාන්ඩෝ රෙජිමේන්තුව සහ තුන්වන විශේෂ බලකා රෙජිමේන්තුව එ‍්කාබද‍‍්ධව ස්වාධීන විශේෂ විමර්ශන බලසේනාව(දිගු දුර විහිදුමි බලකාය)පිහිටුවා ඇත.
- කමාන්ඩෝ රෙජිමේන්තුවට නිත්‍ය ඒකක හතරක‍් ඇත.
කමාන්ඩෝ රෙජිමේන්තුවෙ කර්තව්යයන් සහ කාර්යභාරයන‍්
[සංස්කරණය]- දිවයිනෙ ප්‍රධානතම ප්‍රභුවරැන‍්ගෙ ආරක්ෂාව සැපයිම හා දැඩි ආරක්ෂක තර‍්ජන එල‍‍්ලවි ඇති ප්‍රභුවරැන‍්ට ආරක්ෂාව සැපයිම.
- විශේෂ විමර්ශන ක්රියාන්විත සිදු කරිම.
- ප්‍රති ත්රස්ත ක්රියාන්විත සිදු කරිම.
- ප්‍රණ ඇපකරුවන් බේරා ගැනීමේ ක්රියාන්විත සිදු කරිම.
- නාගරික යුධ මෙහෙයුමි සිදු කරිම.
- සෘජු ප්‍රහාරක මෙහෙයුම් සිදු කරිම.
- රහසිගත යුධ මෙහෙයුමි සිදු කරිම.
- ගුවන් මගින් ගොස‍‍් සිදු කරනු ලබන (AIRBORNE)ප්‍රති ත්රස්ත මෙහෙයුම් සිදු කරිම.
- ජලය ආශ්‍රිත (WATERBORNE) ප්‍රති ත්රස්ත මෙහෙයුම් සිදු කරිම.
පරම වීර විභූෂණය-(PWV)
[සංස්කරණය]1. මේජර් ජී.එස්.ජයනාත්, දෙවන බළඇණිය, කමාන්ඩෝ රෙජිමේන්තුව((8).N/61736)
2. කෝප්‍රල් එච්.ඒ.නිලන්ත කුමාර, තුන්වන බළඇණිය, කමාන්ඩෝ රෙජිමේන්තුව((17).S/553286)
3. සැරයන් කේ.පී.ඩි.ටී. ගුණසේකර, පළමුවන බළඇණිය කමාන්ඩෝ බලකාය((21).S/552511)
4. කෝප්‍රල් එස්.වී.ඒ.එම්. පුෂ්පමාල්, පළමුවන බලඇණිය, කොමාන්ඩෝ බලකාය((26).S/554572)
5. මාණ්ඩලික සැරයන් කේ.ජී.එන්.එල්.ආර්. පෙරේරා, දෙවන බළඇණිය, කමාන්ඩෝ බලකාය((27).S/552009)
ශ්‍රිලංකා යුද හමුදා විශේෂ බළකාය-වි.බ-SPECIAL FORCE-S.F.(Y.W.B)
[සංස්කරණය]- යුද හමුදා විශේෂ බළකාය එස්.එෆ්. නමින් හඳුන්වනවා.
- යුද හමුදා විශේෂ බළකායක අවශ්‍යතාව එන්නේ සාමාන්‍ය පාබල රෙජිමේන්තුවකට යා නොහැකි ප්‍රදේශ සහ ගැනීමට අපහසු ඉලක්ක හඳුනා ගැනීමට.
- 1985 වසරෙදි ජෙනරල් ගාමිණී හෙට්ටිආරච්චි ගෙ අදහසකට අනුවයි මෙය නිර්මාණය වුණේ. 85ට ඉස්සරවෙලා මෙය ආර්.ඩී.එෆ්. කියලා පොඩි කොට්ඨාසයක් හදාගෙන හිටියා. එහි සාමාජිකයන් 35ක් පමණ සිටියා. එහි මුල්ම සාමාජිකයෝ තමයි මේජර් ගාමිණී හෙට්ටිආරච්චි, ලුතිනන් අස්ලාම් ෆස්ලි ලෆීර්, කැප්ටන් අජිත් පෙරේරා ඇතුළු පිරිස. එය තමයි පසුව විශේෂ බළකාය (SF) බවට පත් වුණේ.
විශේෂ බළකායේ මූලික කාර්ය භාරයන්
[සංස්කරණය]1.ප්‍රහාර දෙන එක.
2.තොරතුරු රැස් කිරීම.
- ප්‍රහාර දෙනවා ලෙස සඳහන් කරන්නේ සතුරන්ගේ ප්‍රධාන නායකයන් ඉලක්ක කිරීම, ඔවුන්ගේ වැදගත් කඳවුරු සොයා පහරදීම, සතුරු කණ්ඩායම් සිටින පළාත් බලා ඒවාට පහර දීම, විශාල කඳවුරු පිළිබඳ සොයා බලා ගුවන් හමුදාවට තොරතුරු සැපයීම ආදිය සිදු කිරීම.
- විමර්ශනය පැත්තෙන් බැලුවොත් විශේෂ බළකායේ සෙබළු සතුරු කඳවුරු පිළිබඳව සොයා බැලීම සිදු කරනවා. ඒ වගේම කාලතුවක්කු වගේ විශාල අවි ආයුධ සඟවලා තිබෙන තැන් ගැන සොයා බලනවා. සතුරන්ගේ චර්යාවන් සොයා බලා ඉහළ මූලස්ථාන වලට දැනුම් දීම සිදු කරනවා. සතුරන්ගේ සන්නිවේදන මධ්‍යස්ථාන පිළිබඳ තොරතුරු සෙවීමත් විශේෂ බළකායේ තවත් කොටසක්.
විශේෂ බළකාය ගොඩනැගීම
[සංස්කරණය]- මේජර් ගාමිණී හෙට්ටිආරච්චිගේ සංකල්පයට අනුව සාමාජිකයන් 38 දෙනකුගෙන් පළමු කණ්ඩායම නිර්මාණය වුණා.
- මුලින්ම විශේෂ කණ්ඩායම් පුහුණුවීම් ලැබුවේ ගණේමුල්ල කමාන්ඩෝ රෙජිමේන්තු කඳවුරේ.
- පසුව විදේශීය උපදේශකයන්ගෙනුත් පුහුණුවීම් ලැබුවා. එසේ පුහුණු වූ පිරිස වව්නියාවේ ජෝශප් කඳවුරේ ස්ථානගත වුණා.
- ඉන් පස්සේ වැලිඔය සහ වව්නියා ක්රියාන්විත වලට අවශ්‍ය දායකත්වය ලබලා දුන්නා.
- ඒ කාලයේ ලුතිනන් කර්නල් විජය විමලරත්නගේ නායකත්වයෙන් යුත් පළමුවැනි ගජබා රෙජිමේන්තුවේ විශේෂ කණ්ඩායම් දෙකක් මේ පිරිසට සහාය ලබලා දුන්නා.
- සතුරන්ගේ තොරතුරු ලබාගනිමින් මර්මස්ථාන වලට පහර දීම සාර්ථකව සිදු කළ විශේෂ බළකාය තව තවත් වර්ධනය කර ගැනීමේ අවශ්‍යතාව තිබුණා.
- ඒ අනුව සෙබළුන් 38කින් ආරම්භ කළ විශේෂ බළකාය 68ක් දක්වා බි්‍රගේඩියර් ඩෙන්සිල් කොබ්බෑකඩුව මහතාගේ මගපෙන්වීම යටතේ වැඩි කළා.
- මෙහෙයුම්වල පහසුව තකා “ඇල්ෆා”, “බ්‍රාවෝ”, “චාලි” කියලා කණ්ඩායම් තුනකට මේ පිරිස වෙන් කළා.
- මේ කණ්ඩායම්වල අණදෙන්නන් ලෙස ක්‍රියා කළේ ලුතිනන් අජිත් පෙරේරා, ලුතිනන් ෆස්ලි ලෆීර්, ලුතිනන් රොහාන් විජේසිංහ යන පිරිස.
- දෙවැනි බඳවාගැනීමෙන් පසු ඒ ආකාරයට වර්ධනය කළ විශේෂ බළකායට තුන්වැනි අවස්ථාවේදී “ඩෙල්ටා” බල ගණයද එකතු කළා.එය භාරවූයේ මේජර් ගාමිණී හෙට්ටිආරච්චිට.
- ඒ ආකාරයට ටික ටික ගොඩ නැගුණු විශේෂ බළකායට රාජ් විජේසිරි සම්බන්ධ වෙන්නේ 1986 වසරේදී.
- ත්රස්ත මර්දනය සඳහා පිහිටවූ කණ්ඩායම් වලට වගකීම් පැවරුවේ තවත් කුඩා කණ්ඩායම් ලෙස කොටස් කරලා.
- ඒ කුඩා කණ්ඩායමක් සාමාජිකයන් 8 දෙනකුගෙන් සමන්විතයි. ඒ කණ්ඩායමේ 8 දෙනාට එක එක වගකීම් පවරලා තිබුණේ.
- උදාහරණයකට කිව්වොත්, කණ්ඩායමෙන් දෙදෙනෙක් පුපුරණ ද්‍රව්‍ය පිළිබඳ වැඩිදුර පුහුණුව ලබපු අය. ඒ අය තමයි බිම් බෝම්බ ඇටවීම වැනි කටයුතු බාරව ක්‍රියා කරන්නේ.ඒ වගේම සතුරා වළදැමූ ආයුධ පිළිබඳ සොයා බැලීමත් ඔවුනට අයිති රාජකාරියක්.
- ඊළඟට තවත් දෙන්නෙක් පුහුණු කරලා තිබුණා වෛද්‍ය සේවාවට.කණ්ඩායමේ කාටහරි තුවල වුණොත් ඒ සඳහා අවශ්‍ය වෛද්‍ය ප්‍රතිකාර ලබලා දෙන්නේ ඒ දෙන්න.
- තවත් දෙන්නෙක් පුහුණු කළා සංඥා පිළිබඳ සොයා බැලීමට. එයාලගෙන් එක් කෙනෙක් තමයි රේඩියෝ සෙට් එක ගෙනියන්නේ.
- ඔය ආකාරයට එක එක්කෙනාගේ දක්ෂතාව අනුවයි අට දෙනාට රාජකාරි පැවරුවේ. මේ එක කණ්ඩායමට නායකයෙක් සහ උපනායකයෙක් හිටියා.
- මේ අට දෙනාගේ කණ්ඩායමත් නැවත කොටස් දෙකකට කැඩුණා.
- මූලික කණ්ඩායමක් ලෙස 8 දෙනකුගෙන් යුත් කණ්ඩායමක් නිර්මාණය කිරීමටත් හේතුවක් තිබුණා.ඒ තමයි කුඩා කණ්ඩායමක් සතුරාට සොයා ගැනීමට අපහසු වීම.
- උතුරේ ත්රස්ත මර්දනය සේම දකුණේ රාජ්‍ය විරෝධී කැරලිකරුවන් මර්දනය කිරීමට සහයදීමත් විශේෂ බළකායේ රාජකාරිය වුණා.
විශේෂ බළකායට ආ අභියෝග
[සංස්කරණය]- ඒ කාලය වන විට පණිවිඩ හුවමාරු ක්‍රම නොදියුණු තත්ත්වයේ තිබුණේ. ඡඍක්‍ - 77 ගුවන් විදුලි යන්ත්‍ර තමයි ඒ සඳහා භාවිත කළේ. එහි රහස්‍යභාවය අවිනිශ්චිතයි. ඒ වගේම කිලෝ මීටර් 15ක උපරිම සීමාවක් සංඥා ලබාදීම සඳහා තිබුණේ. ඒ සීමාවෙන් එහාට ගියාම මූලස්ථානයත් සමග සංඥා නැති වෙනවා. එය ලොකු බාධාවක්. ඒ වගේම අවි ආයුධ සම්බන්ධ ගැටලු තිබුණා. විශේෂයෙන්ම සතුරා විනාශ කරන්න සයිලන්ට් වෙපන් (හඬ නොනැගෙන අවි) තිබුණේ නෑ.
- ඒ වගේම ඒ කාලේ ජී.පී.එස්. තාක්ෂණය තිබුණේ නෑ. සිතියම් පරිහරණය කරමිනුයි කටයුතු කළේ. ඒ සිතියම් 1950 ගණන් වල 60 ගණන් වල හදපු ඒවා. ඒවායේ තිබුණ දත්ත මේ වන විට වෙනස් වෙලා. කැලෑ එළිවෙලා. ගම්මාන, කුඹුරු හැදිලා, ඒ නිසා තිබුණු සිතියම පවා සීයට සීයක් නිවැරදි වුණේ නෑ.
- ඒ වගේම වැසි ජලය කාන්දුවන, දිගු ක්රියාන්විත වලට ඔරොත්තු නොදෙන උරහිස් රිදුම් දෙනකන් දරා සිටින්නට වූ පැක් තමයි භාවිතා කළේ.
- මීළඟට තිබුණු ලොකුම අභියෝගය ආහාර. සාමාන්‍ය යුද හමුදා සෙබළු අරගෙන යන බත් ටින් කෑමයි තිබුණේ. දවස් 10ක්, 12ක් කැලේ ඇතුළේ මෙහෙයුමේ නිරත වෙද්දී කැලරි වැඩි ආහාරයි අවශ්‍ය වෙන්නේ.
- ඒත් විශේෂ බළකා සෙබළු ඒ හැම අභියෝගයකටම සාර්ථකව මුහුණ දුන්නා.
1989 ඇති වූ අර්බුදකාරී තත්ත්වය
[සංස්කරණය]- ඒ කාලයේ වව්නියාව, මාන්කුලම, යාපනය වැනි ප්‍රදේශ වල මෙහෙයුම් සිදුකළා. ඇතැම් අවස්ථාවල ප්ලොට් සංවිධානයේ සහයෝගය ලැබිලා තිබෙනවා.
- 1988 වසර වන විට යුද හමුදාව තුළ විශේෂ ඒකකයක් ලෙස මෙම බළකාය ප්‍රතිපත්ති මගින් පිළිගත්තා.
- ඒ වගේම 1989 දී විශේෂ බලකායේ ධාවන පැදි බලගණය පිහිටවූවා.
- එල්.ටී.ටී.ඊ. පිස්තෝල කල්ලිය මර්දනය කිරීම ඔවුන්ගේ විශේෂ ක්‍රියාන්විතයක් වුණා.
- ඒ වගේ 89 කාලයේ හිස එසවූ කැරලිකරුවෝ නගරයේ තැනින් තැන කලබල ඇති කරන්නට පටන් ගත්තා.මෙම කණ්ඩායම් මර්දනය කිරීමට ධාවන පැදි බළකාය විශේෂ සේවාවක් සිදු කළා.
පළමුවැනි විශේෂ බළකාය
[සංස්කරණය]- විශේෂ බළකායේ සතුටුදායක ජයග්‍රහණයන් නිසා යුද හමුදාවේ විශේෂ පිළිගැනීමක් ලැබුණා. එය තවතවත් වර්ධනය කිරීමේ අවශ්‍යතාව ඇති වුණා.
- ජෙනරාල් වනසිංහ යුද හමුදාපති වුණාට පස්සේ හමුදාවේ ඉන්න දක්ෂ සෙබළුන් විශේෂ බළකායට බඳවාගන්න අවස්ථාව උදා කරලා දුන්නා.
- ඒ කාලයේම විශේෂ බළකා පුහුණු පාසලක් ආරම්භ වුණා.250ක පමණ කණ්ඩායමක් බඳවා ගෙන මින්නේරියේ පුහුණුවක් කළා. ඉන් 135ක් පමණ බඳවා ගත්තා.
- 89 කාලය වන විට විශේෂ බළකාය 150ට අධික සෙබළු සංඛ්‍යාවකගෙන් යුක්ත වුණා. මේ විදියට බඳවාගැනීම් කරලා 500ක් පමණ සෙබළ කණ්ඩායමක් හැදුවා.
- එය පළමුවැනි විශේෂ බළකාය කියලා රෙජිමේන්තුවක් බවට පත් කළා.එහි මූලස්ථානය පිහිටවූයේ නාවුල.
- 1990 වෙනකොට විශේෂ බළකායේ ස්නයිපර් කණ්ඩායම බිහි කළා.
- ඒ වගේම සංග්‍රාමික කිමිදුම් පාඨමාලාවක් හදාරා සිටි ලුතිනන් සුසිත් කන්ගොඩආරච්චිගේ ප්‍රධානත්වයෙන් විශේෂ බළකා කිමිදුම් කණ්ඩායමක් ගොඩනැගුවා.
දෙවැනි විශේෂ බළකාය
[සංස්කරණය]- 1995 වසරේදී දෙවැනි විශේෂ බළකායේ කිමිදුම් කණ්ඩායම පිහිටවූවා.
- දියෙන් සහ ගොඩින් සතුරා සමග සටන් කිරීමට අවශ්‍ය ශක්තිය ලබාගත් විශේෂ බළකාය ගුවණින් හරඹ කිරීම සඳහා පැරෂුට් භටයින් රැසක් ද නිර්මාණය කළා.
- මේ විදියට ශක්තිමත් කළ විශේෂ බළකායේ “එකෝ” බලගණය කපිතාන් උපුල් වීරසිංහගේ නායකත්වයෙන් ගොඩනැගුවා.
- එය විශේෂ නිලධාරින් 28 දෙනෙක් සහ සෙසු නිලයන් 498කින් සමන්විත වුණා. එහි ප්‍රථම අණ දෙන නිලධාරි වුණේ රාජ් විජේසිරි.
- එය ආරම්භ කළේ ත්‍රිකුණාමලයේදී.
3 වැනි විශේෂ බළකාය
[සංස්කරණය]- 1996 වසරේදි රාජ් විජේසිරි දෙවැනි විශේෂ බළකායෙන් කොටසක් අරගෙන දිග දුර විහිදුම් බළකාය ආරම්භ කළා.
- එය කිලිනොච්චියේදී සිදු කළේ.
- 3 වැනි විශේෂ බළකාය හැදුණේ ඒ ආකාරයට.
- කපිතාන් චන්න වඩුගේ ප්‍රධානත්වයෙන් “ෆොක්ස්ට්‍රොට්” බලගණය පිහිටවූවා.
- “හොටෙල්” බලගණය ආරම්භ කිරීමට මුල් වූයේ කපිතාන් චූල දෙල්වල.
විශේෂ බළකාය සඳහා සෙබළුන් තෝරා ගන්න විශේෂ ක්‍රමවේදය
[සංස්කරණය]- විශේෂ බළකායට පැමිණෙන සෙබළෙකුට අමාරු දුෂ්කර පාඨමාලාවකට මුහුණදීමට සිදුවෙනවා. ඔහුගේ කායික සහ මානසික ශක්තිය මැන බලනවා. කායික ශක්තිය බලන්න ලොකු පාගමන් තිබෙනවා. ලොකු බරක් දාගෙන යන්න ඕනෑ. දුවන්න ඕනෑ. බාධක තරණ තිබෙනවා. කිලෝ මීටර් ගණන් ඇවිදින්න ඕනෑ.
- ඒ වගේම ඔවුන්ගේ මානසික ශක්තිය ඒ හැම අවස්ථාවකදීම මැන බලනවා. ඔවුන්ගේ බුද්ධි මට්ටමත් ඒ ඒ ක්‍රියාකාරකම් වලින් මැන බලනවා. මේ හැම දේම කරන්නේ දින 28ක තියෙන මූලික පාඨමාලාවෙන්. මේ සති හතරේ පාඨමාලාවට 100ක් ආවොත් 60ක්ම හැලෙනවා. ඉන් තේරෙන පිරිස තමයි මාස 5ක් විතර පවත්වන උසස් ශිල්ප පාඨමාලාවට තෝරාගන්නේ. ඒ අයට තමයි විශේෂ බළකා සෙබළෙකුට තිබිය යුතු පුහුණුවීම් ලබලා දෙන්නේ.
මෙහෙයුම් වලට දුන් දායකත්වය
[සංස්කරණය]- වඩමාරච්චි මෙහෙයුමේදී විශේෂ බළකාය ට පැවරුණේ ප්‍රභාකරන් පැනලා යන පැත්ත කවර් කරන්න. විශේෂ බළකාය හෙලිකොප්ටර් 9කින් එතනට ගියා. එතන දවස් 6ක් හිටියා. පැය හයකට (6) පසු එල්.ටී.ටී.ඊ. එක විශේෂ බළකාය ට පහර දුන්නා. එහිදී සෙබළු 6ක් 7ක් පමණ මරුණා. 17ක් විතර තුවාල වුණා.
- මීලඟට සම්බන්ධ වුණේ මුලතිව් මෙහෙයුමට.මුලතිව් එල්.ටී.ටී.ඊ. එකෙන් පහර දුන්නට පස්සේ එහි සිටි සෙබළුන්ට උදව් කරන්නට සිදු වුණා.කර්නල් ලෆීර් ඔහුගේ සෙබළුන් සමග එම ස්ථානයට ගියා. එල්.ටී.ටී.ඊ. එකෙන් එයාගෙ කණ්ඩායම වට කරගත්තා.එතනදි තමයි කර්නල් ලෆීර් මැරුණේ.එයාගේ ගොඩක් අය තුවාල වුණා. ඒ පිරිසට උදව් කරන්න කර්නල් රාජ් විජේසිරි දෙවැනි විශේෂ බළකායත් එක්ක ත්‍රිකුණාමලයෙන් මුලතිව් දක්වා පිටත් වුණා. එල්.ටී.ටී.ඊ. එක විශේෂ බළකාය ට වටකරගෙන ගැහුවා.
- එදා සවස 5ට විතර කර්නල් රාජ් විජේසිරි ටත් වෙඩි වැදුණා.5ක් විතර මැරුණා. රෑ නමයට විතර කර්නල් රාජ් විජේසිරි හෙළිකොප්ටරේකින් අරගෙන කොළඹට ගෙනාවා.
- විශේෂ බළකා සෙබළු පහුවෙනි දවස වෙන කොට තවත් බල සේනා ගෙන්වාගෙන ලොකු සංග්‍රාමයක් කරලා සිර වී සිටි සෙබළුන් බේරා ගෙන තිබුණා.
- ඒ වගේම ඊට පෙර තිබූ යාපනය අල්ලා ගැනීමේ ක්‍රියාන්විතයේදී කර්නල් රාජ් විජේසිරි දෙවැනි විශේෂ බළකායේ අණදෙන්නා ලෙස කටයුතු කළේ.
- කර්නල් ලෆීර් පළමුවැනි විශේෂ බළකායේ අණදෙන්නා ලෙස හිටියා.එල්.ටී.ටී.ඊ. එක රාත්‍රියට පැමිණ සෙබළුන්ට පහර දුන්නා. ගොඩක් අය මැරුණා.තුවාල වුණා. ඒත් මෙහෙයුම සාර්ථකව කළා.1995 දී යාපනය කොටුව අල්ලා ගත්තා.
- තවත් විශේෂ එකක් තමයි යාපනය අල්ලාගන්න කළ විශේෂ මෙහෙයුම.
- කර්නල් රාජ් විජේසිරි බල සේනාධිපති ලෙස කටයුතු කළා. ඒ කළ ක්‍රියාන්විතයේදී මාස 5ක් තුළ සෙබළු 100ක් විතර මැරුණා.400ක් විතර තුවාල වුණා.නිලධාරින් 10ක් විතර මැරුණා. ලොකු හානියක් වුණා. සති ගාණක් ඒ යුද්ධය ගියා.
- පාබල හමුදාවන්ට ලොකු සහයෝගයක් විශේෂ බළකා සෙබළු ලබලා දුන්නා.
- වර්ෂ 2009 විශේෂ බළකායේ රෙජිමේන්තු 5ක් නිර්මාණය වෙලා තිබුණා.
- සෙබළු 2000ක් පමණ හිටියා.
- යුද්ධය අවසාන වෙන තුරුම මෙම සෙබළු බුද්ධි තොරතුරු සොයමින් එල්.ටී.ටී.ඊ. නායකයන්ට පහර දෙමින් විශාල කාර්ය භාරයක් ඉටු කළා.
- තීරණාත්මක අවස්ථාවලදී ජෙනරල් ෆොන්සේකාත් විශේෂ බළකායේ සහාය ලබා ගත්තා.
- එහිදී ප්‍රධාන කාර්ය පාබල හමුදාවලින් සිදු කරන විට ඊට අවශ්‍ය සහය තමයි විශේෂ බළකා සෙබළු ලබලා දුන්නේ.
- මේ ආකාරයට සාමාජිකයන් 38 දෙනකුගෙන් ආරම්භ වූ විශේෂ බළකාය ක්‍රම ක්‍රමයෙන් ප්‍රබල කණ්ඩායමක් බවට පත් වූයේය.
- සතුරා පිළිබඳව තොරතුරු සොයා බලමින් යුද හමුදාවන්ට සුවිශාල සහයෝගයක් ලබාදුන් ඔවුන්ට වන්නි මානුෂික මෙහෙයුමත් සමග කළ යුතු වූ කාර්යභාරය පුළුල් වූවේය.
- එනම් වැලිඔය දී පළමුවැනි හා දෙවැනි විශේෂ බලකා දෙක එකතු වී යුද ජයග්‍රහණය තකා සුවිශාල කාර්ය භාරයක් සිදු කළ අතර
- හතරවැනි බලගණය ලෙස “සියරා” ස්ථාපිත වූවේය.
- 2009 වර්ෂය යුද්ධයේ දරුණුතම අවස්ථාවක් විය.
- තවතවත් සෙබළු විශේෂ බළකායට බඳවාගත් අතර
- “විස්කි” නම් තවත් බළඇණියක් කපිතාන් මංජුල හෙට්ටිආරච්චිගේ ප්‍රධානත්වයෙන් පිහිටුවූවේය.
- ඒ අනුව හතරවැනි විශේෂ බළකාය කණ්ඩායම් හතරකින් සමන්විත වූ අතර 59 වැනි සේනාංකය සමග එකතු වී අවසන් සටනට සුවිශාල දායකත්වයක් ලබා දුන්නේය.
- ලාංකීය හමුදාවන් සතුරා සමග සටන් කර යටත් කරගන්නා භූමි ආරක්ෂා කිරීමත්, සතුරාගේ පැමිණීම පිළිබඳ තොරතුරු සෙවීමත් විශේෂ බළකා සෙබළුන්ට බාර වූ රාජකාරිය විය.
- එහිදී “බ්‍රාවෝ” බලගණයේ මේජර් අමිත, “ලීමා” බලගණයේ කපිතාන් නන්දන සෙනවිරත්න, “නොවැම්බර්” බලගණයේ කපිතාන් ලලන්ත රණසිංහ, “වික්ටර්” බලගණයේ කපිතාන් සුරංග යන ප්‍රධානීහු සිය කණ්ඩායම් සමග ත්‍රිකුණාමලය, මඩකලපුව, පුදුකුඩුඉරිප්පු යන ස්ථානවල ක්රියාන්විත සිදු කළහ.
පරම වීර විභූෂණයෙන් පිදුම් ලැබූ විශේෂ බලකායේ පස්දෙනා
[සංස්කරණය]1.(7).*N/50981-කර්නල් ඒ.එෆ් ලෆීර්-විශේෂ සේවා බලකාය.
2.(12).*S/467722-කෝප්‍රල් කේ.චන්දන-තුන්වන බළඇණිය විශේෂ සේවා බලකාය.
3.(16).*N/64314-ලුතිනන් කර්නල් ඒ.ජේ.එල්. ජයසිංහ-3 වන බල ඇණිය, විශේෂ සේවා බලකාය.
4.(20).*S/462696-සැරයන් ඩි.එම්.එස්.චන්ද්‍රසිරි බණ්ඩාර-දෙවන බළඇණිය, විශේෂ සේවා බලකාය.
5.(25).*N/64743-මේජර් කේ.ඒ.ගමගේ-පළමුවන බළඇණිය, විශේෂ සේවා බලකාය.
දිගුදුර විහිදුම් බලකාය ("මහසොහොන් බලකාය")-L.R.R.P Force-LRRP.(Y.W.B)
[සංස්කරණය]- දිගුදුර විහිදුම් බලකාය හෙවත් "මහසෝන් බලකාය" යනු ශ්‍රී ලාංකීය හමුදාව තුල සිටින අති ශුර , සටන්කාමී , විශේෂ බලකායන්ගෙන් හා කොමාන්ඩෝ බළකායන්ගෙන් පමණක් තෝරා ගත් දරුණු මෙහෙයුම සිදු කිරීමෙහි සමත් (black ops) බලකායකි.
- ශ්‍රී ලංකාව පුර දශක දෙකක් රට අගාදයට ගෙනගිය ශාපලත් යුද්දයකට මැදිවී තිබු යුගයක 1996 වර්ෂයේදී අර්බුදය නිමා කරනු වස් විශේෂ හමුදා බලකායක් හෙවත් දිගුදුර විහිදුම් බලකායක් ස්ථාපිත කරන ලදී.
- මෙම අතිශයින් රහසිගත වූ ඒකකය සතුරු ප්‍රදේශ තුලට අභිතව ගමන් කොට සතුරු මර්මස්ථාන විනාශ කරමින් , බුද්ධි තොරතුරු රැස් කරමින් ,වැදගත් ඉලක්ක සපුරා ගනිමින් දැවැන්ත මෙහෙයක් ඉටු කරන ලදී.
- මෙම බලකාය යුද්දයේ අවසානය දක්වාම රහසක් ලෙස තබා ගන්නට කටයුතු කළේය.
- මේ සියල්ලම සති තුනක් පුරා දිවෙනි ඉතා කටුක ශාරීරික හා මානසික වැඩ රාශියකින් අරම්බ වන අතර එමගින් සෙබළුන් ඔවුන්ගේ කායික හා මානසික ශක්තීන්ගේ අත්‍යන්ත සීමාවන් වලට ගෙනා යන අතර අවසානයේ විශිෂ්ටයන් පමණක් ඉතිරි වේ .
දිගුදුර විහිදුම් බලකා පාඨමාලාව
[සංස්කරණය]- LRRP පාඨමාලාව ලොව දැනට පවතින අතිශය කටුකතම යුද හමුදා පාඨමාලාවකි.
- මෙහිදී විශේෂ ලක්ෂණය නම් මෙම සියලුම අයදුම් කරුවන් යුද හමුදාවේ, විශේෂ බලකායේ කොමාන්ඩෝ බළකායේ සේවය කරන සොල්දාදුවන් වීමයි.
- එහිදී මෙම ස්වෙච්චා අයදුම් කරුවන්ට සාමාන්‍ය විශේෂ බලකා භටයෙකුට පවා මුහුණ දිය නොහැකි අතිශය කටුක වධ සහ ක්‍රියාකාරකම් වලින් සමන්විත පරීක්ෂණ වටයකට සති තුනක් මුහුණ දීමට සිදුවේ.
- එම සති තුනක "අපායේ රස" දරාගත හැකි ශාරීරිකව සහ මානසිකව අතිශය ශක්තිමත් විශිෂ්ටයන්ගේනුත් අති විශිෂ්ට දරාගැනීමේ හැකියාව උපරිම වශයෙන් ඇති භටයන් පමණක් සති තුනක පරීක්ෂණ වටය සාර්ථකව නිම කරන අතර එම පිරිස පමණක් සය මසක ඇති විශේෂ පුහුණුවීම් වලට යොමු කර "මහසොහොන්" බලකායට එක්කරගනු ලබනවා.
- සාමාන්‍යයෙන් 60% පමණ මෙම පළමු වටයෙන්ම අසමත් වෙනවා.
- මෙය දිගු දුර මෙහෙයුම් ඒකකයසහ මහසොහොන් බලකාය ලෙසද හැඳින්වේ.
මූලාශ්‍ර
[සංස්කරණය]රණවිරැ උපහාර ගී