කාල් යුං

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
කාල් යුං
Jung 1910-crop.jpg
යුං 1910 දී
උපත කාල් ගුස්ටාෆ් යුං
26 ජූලි 1875(1875-07-26)
Kesswil, තුවගවු, ස්විට්සර්ලන්තය
මරණය 6 ජුනි 1961(1961-06-06) (වයස 85)
තූරිච්, තූරිච්, ස්විට්සර්ලන්තය
වාසස්ථානය ස්විට්සර්ලන්තය
පුරවැසිභාවය ස්විස්
ක්ෂේත්‍රයන් Psychiatry, psychology, psychotherapy, analytical psychology
ආයතන Burghölzli, Swiss Army (as a commissioned officer in පළමුවන ලෝක යුද්ධය)
ශාස්ත්‍ර ශාලාව බාස්ල් විශ්වවිද්‍යාලය
ආචාර්ය උපාධි උපදේශක Eugen Bleuler, Sigmund Freud
ප්‍රසිද්ධයට හේතුව විශ්ලේෂණාත්මක මනෝවිද්‍යාව
කලත්‍රයා එමා යුං
අත්සන

1875 ජුලි 26 වන දින උපන් ස්විට්සර්ලන්ත ජාතික මනෝ චිකිත්සකයෙක් වන කාල් යුං විශ්ලේෂණාත්මක මනෝවිද්‍යාවේ පුරෝගාමියෙක් ලෙස සලකයි. මොහු විසින් මනෝවිද්‍යාව අද්විතීය මෙහෙය යුරෝපය, ඇමරිකා එක්සත් ජනපදය සහ අනෙකුත් ප්‍රදේශ අන්තර් සංස්කෘතික බලපෑම් ඇති කිරීමට සමත් විය. ඔහු සිහින, චිත්‍ර, මිත්‍යා විශ්වාස පිළිබඳ අධ්‍යයන, ආගමික දර්ශනය, දර්ශනවාදය වැනි ක්ෂේත්‍ර විශ්ලේෂණ මගින් ආත්මය පිළිබඳ අවබෝධය අවධාරණය කරන ලදී. ඔහු සෛද්ධාන්තික මනෝ විද්‍යාඥයෙක් සහ ප්‍රායෝගික වෛද්‍යවරයෙක් වුව ද ඔහුගේ ජීවිතයේ වැඩි කාලයක් වැය කළේ බටහිර සහ නැගෙනහිර දර්ශනවාදය, තාරකා විද්‍යාව, සාමාජ විද්‍යාව, සාහිත්‍යය, චිත්‍ර කලාව වැනි ක්ෂේත්‍ර අධ්‍යයනය සඳහාය. ඔහුගේ ප්‍රසිද්ධ මත ලෙස මූලාකෘති පිළිබඳ සංකල්පය, සාමූහික අවිඥානය and synchronicity හැඳින්විය හැක. යුං විසින් සමතුලිතතාවයේ සහ සුසංගමයේ වැදගත්කම අවධාරණය කරන ලදී. ඔහු විසින් නූතන මිනිසා විද්‍යාව සහ තර්කනය එල්බ ‍සිටීම ගැන අනතුරු හැඟවූ අතර එයට අධ්‍යාත්මික බව සහ විඥාණක මත එක් කර ගැනීමෙන් වඩා ඵලදායී කර ගත හැකි බව පෙන්වා දුණි.

ළමාවිය හා අධ්‍යාපනය[සංස්කරණය කරන්න]

කාල් ගුස්ටව් යුං 1875 ජූලි 26 දින ස්විස්ටර්ලන්තයේදී උපත ලැබීය යුංගේ පියා දේවගැතිවරයෙකු මෙන්ම ප්‍රකට වාග් විද්‍යඥයෙකුද විය.කාල් යුං ලොව බිහිවූ ශේෂ්ඨතම මනෝවිද්‍යාඥයා වූ සිග්මන්ඩ් ෆ්‍රොයිඩ්ගේ ප්‍රතම අනුගාමිකයාද විය.යුං ගේ දෙමාපියන් උගත් බුද්ධිමත් යුවලක්වූහ.කාල් යුං ගේ ළමා අවධිය විවිධ අසනීප මධ්‍යෙය් දිවිගෙවන්නට සිදුවිය.ඔහුගේ පියා ඉතා කාරුණික ගති ඇති අයකු වූ අතර තම පියා ඇසුරේ සතුටින් දිවිගෙවු බව සදහන්වේ.එහෙත් ඔහුගේ මව තරමක් අසාමාන්‍ය හැසිරීම් රටාවක් දක්වා ඇත.දිවා කාලයේ ඉතා යහපත්ව ගත කලද රාත්‍රී කාලයේදී දී ඇගේ අසාමාන්‍ය හැසිරීම් ඇතිවන බව ඔහු අද්දැක ඇත.කෙසේ වෙතත් මෙම සිදුවීම් පසුව ඔහු අධිමනෝවිද්‍යාව කෙරේ රුචිකත්වයක් දැරීමට හේතු වන්නට ඇත.වරක් යුං තම මවගේ කාබරය දෙසින් ඉතා අද්භුත යමක් දුටුබව පවසයි.ඇගේ කාමරයේ සිට දීප්තිමත් සිරුරකින් හෙබි යමෙක් පිටතට පැමිනි බවත් එම අද්භුත සිරුරේ හිස කදින් වෙන්වී අහසේ පාවෙමින් තිබුන බවත් පවසා ඇත.ඔහු අධිමනෝවිද්‍යාව වැඩි නැඹුරුවක් දැක්වීමට හේතුව තමා කුඩා කල ලැබූ මෙම අද්භූත සිදුවීම් විද්‍යාත්මකව විවරණය කිරීමට සුදුසු එකම විෂය අධිමනෝවිද්‍යාව යන්න තේරුම් ගත්නිසා වියහැක.කෙසේ නමුත් ෆ්‍රොයිඩ් අධිමනෝවිද්‍යා විෂය කෙරේ නැඹුරුවක් නොදැක්වීය.

යුං ගේ පියාගේ අභිප්‍රායවූයේ තම පුතුද තමාමෙන් දේවගැතිවරයකු වනවා දකින්නටය.එහෙත් යුං සම්ප්‍රධායික ආගමික විශ්වාස එකහෙලා ප්‍රතික්ෂේප කරන්නටත් තම පියා සමග මෙහි සත්‍ය අසත්‍යතාවය පිළිබද තර්ක කරන්නටත් පෙළබඹින.එහෙත් කරුණාවන්ත අන් අයගේ මතවාද ඉවසීමේ පුරුද්දකින් හෙබි යුං ගේ පියා තම පුතුගේ තර්ක හමුවේ උරණ නොවීය.ඔහුගේ නිදහස් අදහස් ගරු කළේය.මෙම නිසාම ඔහු දේවගැතිවරයකු කිරීමේ සිහිනය පසෙකතබා තම පුතුගේ නිදහස් මතවාදයන්ට අවනතවිය.යුං වෛද්‍ය විද්‍යාව වෙත යොමු වූ අතර බාසෙල් සුරිචි යන විශ්ව විද්‍යාලවලින් වෛද්‍ය විද්‍යාව හැදෑරීය.වෛද්‍යවරයෙකු වූ යුං ඉ්‍යුජින් නම් වෛද්‍යවරයෙකු සමග එක්වී මොළයේ ආබාධ පිළිබද පර්යේෂණ පැවැත්වීය.ඉ්‍යුජින් නම් වෛද්‍යවරයා ගෙන් ඔහු සිග්මන්ඩ් ෆොයිඩ් ගැන අසා තිබිනි.සුරිචි විශ්ව විද්‍යාලයෙන් මනෝ චිකිත්සනය පිළිබද උගත් යුං එම විශ්ව විද්‍යාලයේම මනෝ චිකිස්සනය පිළිබද කතිකාචාර්‍යවරයකු ලෙස ක්‍රියා කළේය.මේ අතර සිග්මන්ඩ් ෆොයිඩ් ගේ සිහින විශ්ලේෂණය පොත කියවීමත් සමග ඔහු ෆ්‍රොයිඩ් හමුවී මනෝ විශ්ලේෂණය පිළිබද ඉගෙගෙන ෆොයිඩ්ගේ ප්‍රධානතම අනුගාමිකයා බවට පත්වේ.එම නිසාම කාල් යුං ෆොයිඩ්ගේ මනෝ විශ්ලේෂණවාදයේ ඹටුන්න හිමි කුමාරයා ලෙසත් ෆොයිඩ්ගේ ආදරණිය පුත්‍රයා ලෙසත් අන්වර්ත නාමයන් ගෙන් හදුන්වයි.

විශ්ලේෂණවාදී මනෝ විද්‍යාව[සංස්කරණය කරන්න]

සිංග්මන් ෆොයිඩ් විසින් ඉදිරිපත් කල මනෝ විශ්ලේෂණවාදයට සුළු වෙනස්කම් ඇතිකරමින් කාල් යුං විසින් විශ්ලේෂණවාදී මනෝවිද්‍යාව ගොඩනැගුවේය මේ සදහා පදනම සකස්වූයේ 1912 දී ෆොයිඩ් විසින් රචිත the psychology of unconscious නම් ග්‍රන්තයයි මෙහි ෆොයිඩ් විසින් විස්තර කර ඇති ලිංගිකත්වය පිළිබද මතවාදය එවක උග්‍ර විවේචනයට බදුන්විය ඊට සමගාමීව ෆොඩ්හැම් විශ්ව විද්‍යාලයේදී පැවති ආරාධිත දේශනයකදී කාල් යුං විසින් ෆොයිඩියානු ඇතැම් මතවාද දැඩිව චිවේචනය කළේය පසුව සිග්මන් ෆොයිඩ් ගේ හොදම අනුගාමිකයාවූ කාල් යුං 1914 දී වෙන්විය එයින්පසු යුං විසින් මනෝ විශ්ලේෂණවාදයේ ඇතැම් අංග සංශෝධනය කරමින් විශ්ලේෂණවාදී මනෝ විද්‍යාව බිහිකළේය

ලුබ්ධි ශක්තිය[සංස්කරණය කරන්න]

ෆොයිඩ් විසින් හදුන්වාදුන් ලුබ්ධි ශක්තිය නම් සංකල්පයට කාල් යුං විසින් නව අර්ථකතනයක් ගෙනඑන ලදී

පෞරුෂ ව්‍යුහය[සංස්කරණය කරන්න]

ෆොයිඩ්ගේ මනො විශ්ලේෂණවාදී පෞරුෂ සංකල්පය තරමක් සංශෝධන සහිතව යුං ඉදිරිපත් කළේය

"https://si.wikipedia.org/w/index.php?title=කාල්_යුං&oldid=381643" වෙතින් සම්ප්‍රවේශනය කෙරිණි