එඩී ජයමාන්න

විකිපීඩියා, නිදහස් විශ්වකෝෂය වෙතින්
වෙත පනින්න: සංචලනය, සොයන්න
එඩී ජයමාන්න
Eddi Jayamanna.jpg
උපත පෙබරවාරි 15, 1915(1915-02-15)
මරණය ජූලි 25 1981 (වයස 66)
පල්ලියවත්ත්, හැදල
වෘත්තිය රංගන ශිල්පී
සක්‍රීය වසර 1947-1981
ප්‍රසිද්ධ වන්නේ කඩවුනු පොරොන්දුව
සහකරු(වන්) රුක්මණී දේවී

දොන් එඩ්වඩ් වික්‌ටර් වන්නිආරච්චි ජයමාන්න ‍යනු ශ්‍රී ලාංකීය සිනමාවේ පුරෝගාමියෙකි. ප්‍රථම කතානාද චිත්‍රපටයේ නළුවෙකුද වූයේය. ඔහු සිනමාවට පැමිණියේද අතහැර ගියේද කඩවුනු පොරොන්දුවෙනි.

ජයමාන්නයන් තම පවුලේ බාලයායි. මීගමුව කෲස්‌ මඩමෙන් මූලික අධ්‍යාපනය ද මීගමුව මාරිස්‌ටෙලා විදුහලෙන් සහ ශාන්ත මරියා විදුහලෙන් වැඩිදුර අධ්‍යාපනය ලැබ ගත්තේය. පාසැල් ගමන අතරමග නතර කළ ඔහු දෙමාපියන්ට හොරෙන් උත්සවවලට ගොස්‌ විවිධ විකට රංගනයන් ඉදිරිපත් කර නරඹන්නන් සතුටට පත් කළේය. එඩීගේ වැඩිමහල් සොයුරා බී.ඒ ඩබ්ලිව්. ජයමාන්නයන්ගේ භයානක පොරොන්දුව නාට්‍යයෙහි කාන්තාවක් ලෙස රඟ පෑවේය. මන්ද, පෙර අවධියේදී කාන්තාවන්ට රගපෑම තහනම්ය. එඩී වඩාත් ප්‍රසිද්ධියට පත් වූයේ එම රංගනයයි.[1]

ඔහු එකල එඩී යූ.ඒ.එස්‌. පෙරේරා, සිරිසේන විමලවීර, සිරිල් පී. අබේරත්න වැනි නිෂ්පාදකවරුඋන්ගේ ගුවන් විදුලි නාට්‍යන්ට දායක වූයේය. මැණිකාගේ චරිතයෙන් වේදිකා රංගනයට අවතීර්ණ වූ තම සොයුරාගේ සෑම නාට්‍යයකටම දායක වූයේය. "කඩවුණ පොරොන්දුව" මුල්ම කථානාද චිත්‍රපටයේ සිට "පෙරළෙන ඉරණම", "හදිසි විනිශ්චය", "සැඟවුණ පිළිතුර", "උමතු විශ්වාසය", "කැලෑහඳ", "අයිරාංගනී", "මතභේදය", "පෙරකදෝරු බෑණා", "දොස්‌තර", "සිරියලතා", "සූරසේන" ඇතුළු චිත්‍රපට සියයකට අධික සංඛ්‍යාවක විවිධ චරිත නිරූපණය කළේය. ඔහුට සිනමාවට තිබූ ඇල්ම නිසාම තමන්ගේ "ජයරුක්‌" නිවස උකස්‌කර "සිරියලතා" චිත්‍රපටය නිපදවූවේය.[1]

රුක්මණී දේවීයගේ සැමියා වූ ඔහු රුක්මණි දේවිය සමඟ සැමියා-බිරිඳ ලෙස රඟපෑවේ "අන්දරේ" චිත්‍රයේ පමණි. 1943 පෙබරවාරි 18 දා ඔවුන්ගේ විවාහය වූයේ පැන ගිය ඔවුන් දෙපලට වරප්‍රසාදයක්ද ලබා දෙමිනි. මන්ද රහසින් පැන ගිය කිතුනුවන්ට විවාහය තහනම්ය. රුක්මණී දේවියගේ වියෝව සිදු වූයේ එම විවාහය සිදු වූ පල්ලිය අසලදීමය. ඔවුන් විවිධ උත්සවයන් වැනි දේට එකට සිටියද ඔවුන් ජීවත් වූයේ වෙන් වෙන්ව බවද පැවසෙයි. 1981 ජූලි 25 දා ඔහු මෙලොවින් සමුගත්තේය.[1]

මූලාශ්‍ර[සංස්කරණය කරන්න]

"https://si.wikipedia.org/w/index.php?title=එඩී_ජයමාන්න&oldid=374243" වෙතින් සම්ප්‍රවේශනය කෙරිණි