අ ගේම් ඔෆ් ත්‍රෝන්ස්

විකිපීඩියා, නිදහස් විශ්වකෝෂය වෙතින්
(අ(ර්) ගේම් ඔෆ් ත්‍රෝන්ස් වෙතින් යළි-යොමු කරන ලදි)
වෙත පනින්න: සංචලනය, සොයන්න

මෙම ලිපය නවකතාව පිලිබඳ වේ. රුපවාහිනී අනුවර්තනය සඳහා ගේම් ඔෆ් ත්‍රෝන්ස් බලන්න.

A Game of Thrones
ගොනුව:AGameOfThrones.jpg
US hardcover (first edition)
කර්තෘ George R. R. Martin
කවර චිත්‍ර ශිල්පී Steve Youll
රට United States
මාලාව A Song of Ice and Fire
ප්‍රභේදය Fantasy, political strategy, epic fantasy
ප්‍රකාශිත 1996 (Bantam Spectra/US & Voyager Books/UK)
මාධ්‍ය වර්ගය Print (hardback & paperback)
පිටු 672 (UK Hardback)
694 (US Hardback)
804 (UK Paperback)
835 (US Paperback)
අයිඑස්බීඑන් ISBN 0-553-10354-7
(US hardback)
ISBN 0-00-224584-1
(UK hardback)
ISBN 0-553-57340-3
(US paperback)
අනුගත වන්නේ A Clash of Kings

කතාව[සංස්කරණය කරන්න]

නෙඩ් ස්ටාර්ක්, වින්ටර්ෆෙල් හි අධිපතීත්වය දරන අතර උත්තර දේශයේ ආරක්ෂකයා ද වෙයි. ඔහුගේ බිරිඳ කැටෙලින් ආර්යාවයි. ඔවුන් දෙපළට රොබ්, සන්සා, අර්යා, බ්‍රැන්ඩන් සහ රිකන් යනුවෙන් දරුවන් පස් දෙනෙක් වෙති. නෙඩ් ස්ටාර්ක්ට ජොන් ස්නෝව් නමින් අවජාතක පුත්‍රයෙක් ද වෙයි. වයස අවුරුදු 7ක් වන බ්‍රැන්ඩන්ව ඔහුගේ ජිවිතයේ පළමු වතාවට, සිය පියා විසින් වරදකරුවෙකුට හිසගසා දැමීමේ දඬුවම ලබා දෙන අයුරු දක්නට කැඳවාගෙන යනු ලබයි. එසේ ගොස් ආපසු එන ගමනේදී ඔවුන්ට ඝෝර වෘක පැටවුන් හය දෙනෙක් හමුවන අතර උන්ව සුරතලයට ඇතිකරනු පිණිස රැගෙන යනු ලබයි. රොබ්, සන්සා, අර්යා, බ්‍රැන්ඩන් සහ රිකන් විසින් පිලිවෙලින් උන්ව ග්‍රේ වින්ඩ්, ලේඩි, ***, සමර් සහ *** ලෙස නම් කරන අතර ජොන් ලබා ගන්නා ඇලි වෘකයා ගෝස්ට් යනුවෙන් නම් කරයි.

මේ අතර සප්ත රාජධානින් හි රජු වන රොබර්ට් බැරතියන්, තම බිසව සර්සී සහ තවත් විශාල පිරිසක් සමඟ වින්ටර්ෆෙල් වලට පැමිණෙයි. තමාට සේවය කරණු පිණිස Kingslanding වෙත යාමට තමා සමඟ එන්නැයි රජු, තම පැරණි මිතුරා වන නෙඩ්ගෙන් ඉල්ලා සිටී. මක්නිසාද යත් Hand of the King වූ ජොන් ඇරින් මියගිය බැවිනි. නමුත් ජොන් ඇරින් මියගියේ රජ බිසවගේ සැලැස්මකට අනුව බව ජොන් ඇරින්ගේ බිරිය වූ ලයිසා ආර්යාව රහස් භාෂාවකින් තම සොහොයුරිය වන කැටෙලින් ආර්යාවට ලියා දන්වයි.

මේ අතරතුර දිනකදී, බිත්ති දිගේ ඉහළ නැගීමට රුචියක් දක්වන බ්‍රැන් (බ්‍රැන්ඩන්), එක් බිත්තියක් දිගේ ඉහළ නගිමින් සිටියදී සර්සී රැජින සහ ඇගේ සොහොයුරා වන ජේයිමි ලැනිස්ටර් අතර සිදුවන රහස් කතාබහක් අසන්නට ලැබේ. තවද ඔවුන් දෙදෙනා අතර සිදුවන ව්‍යාභිචාරයක් ද ඔහුගේ නෙත ගැටෙයි. බ්‍රැන්ඩන් ඔවුන්ව දුටු බව දැකීම නිසා ජේයිමි විසින් ඔහුව කවුළුවෙන් පහළට තල්ලු කර දමනු ලබයි.

ඉතා දැඩි අකැමැත්තකින් වුවද නෙඩ් ස්ටාර්ක්ට වින්ටර්ෆෙල් අත්හැර යාමට සිදුවෙයි. ඔහු සන්සා සහ අර්යා යන තම දියණියන් දෙදෙනාද තමා සමඟ කැටුව යයි. ජොන් ස්නොව් වින්ටර්ෆෙල් වලට උතුරින් පිහිටි ප්‍රාකාරයේ සේවය පිණිස පිටත්ව යයි. කැටෙලින් ආර්යාව සහ රොබ් පමණක් වින්ටර්ෆෙල්හි ඉතිරි වෙයි.

ඇද වැටුණු බ්‍රැන් දින ගණනාවක් සිහි නොමැතිව සිටින අතර කැටෙලින් ආර්යාව මොහොතකටවත් ඔහුගේ යහන අසලින් ඉවත්ව නොයයි. එක් රැයක වින්ටර්ෆෙල්හි ස්ටාර්ක් නිවහනේ පුස්තකාලයෙහි ගින්නක් හටගන්නා අතර සියල්ලෝ එදෙසට දිවයමින් ගින්න නිවන්නට වෙහෙසෙද්දී බ්‍රැන්ගේ කුටියට ඇතුළු වන කිණිස්සක් රැගත් පුද්ගලයෙක් බ්‍රැන්ව මරා දැමීමට සැරසෙයි. නමුත් එහි සිටි කැටෙලින් ආර්යාව නිසා ඔහුට එක්වරම ඉලක්කය වෙත ලඟා වීමට අපහසු වෙයි. දින ගණනාවක් හරිහැටි නින්ද සහ ආහාර නොගෙන සිටි නිසා කැටෙලින් ආර්යාව සිටින්නේ අවසිහියෙන් හා දුර්වල වූ ශරීරයකිනි. එබැවින් අපරාධකරු බ්‍රැන් කරා ලඟා වීම වැළක්වීම ඇයට කළ හැකි නොවේ. නමුත් බ්‍රැන්ගේ ඝෝර වෘකයා අපරාධකරුගේ උගුරු දණ්ඩට පැන ඔහු මරා දමයි.

එම සිදුවීම නිසා බ්‍රැන්ගේ කුටියට විශේෂ ආරක්ෂාවක් යොදවනු ලබන අතර දින කිහිපයක නින්දක් ලබාගෙන නැවත ශක්තිමත් වන කැටෙලින් ආර්යාව බ්‍රැන්ගේ සිදුවීම පසුපස සිටින්නේ Kingslanding හි පුද්ගලයෙකු බව සැක කරයි. ඒ කවරෙක්දැයි සොයාගනු පිණිස ඇය, Ser Rodrik Cassel සමඟ Kingslanding කරා යාමට තීරණය කරයි.

"https://si.wikipedia.org/w/index.php?title=අ_ගේම්_ඔෆ්_ත්‍රෝන්ස්&oldid=347342" වෙතින් සම්ප්‍රවේශනය කෙරිණි